福元湯圓

Open Now

Now Closed

一盒有10粒湯圓🍡包裝寫上口味🥜個盒好好保護到粒粒湯圓，表面印有福元湯圓logo🏵️睇得出個包裝好認真製作💪🏻🌀煮法好簡單，水滾後落湯圓，等湯圓浮起就食得喔～加片糖一齊煮有少少湯水～🍡圓碌碌芝麻湯圓超流心🍡未食聞落去之後有好香芝麻味🤪咬落去芝麻餡喺裡面湧出嚟💯餡料好足🤩餡料又唔會太甜！ 🥜花生湯圓🥜咬開一半時餡料啖啖都有花生粒粒😳香濃嘅花生味😋原來食湯圓都可以咁有驚喜🤪堂食嘅話都只喺$26 5粒 福元湯圓嘅湯圓好高質✨糯米皮薄餡靚之餘，帶點煙韌重要唔會黏牙！

超過30年歷史嘅老字號糖水舖，店舖鋪位比較細，堂食唔算坐得舒服，主力都係做外賣👍🏻 知道佢哋榮獲米芝蓮街頭小食之後更加係經常出現人龍，今日到訪後糖水質素果然唔錯，湯圓亦都做到皮薄餡靚，不過如果要排隊食就未必會啦🤔 但勝在始終人手製造，食到嘅係一份心機同堅持✊《 棗香合桃露併湯圓 》$35 4 / 5合桃露有淡淡清香，口感順滑，今次叫咗凍食都無減合桃露嘅甜味😋 湯圓有三大粒，本身以為會係隨機芝麻花生湯圓，原來最後三粒都係芝麻味🙈 軟熟嘅湯圓一啖咬落去係澎湃嘅流心餡，令人回味！👍🏻《 芝麻糊拼湯圓 》 $32 4 / 5芝麻糊拼芝麻湯圓當然夾，但可能本身芝麻湯圓嘅餡比較甜同突出，顯得芝麻糊相對平淡😌 不過口感同樣滑溜👍🏻 質地亦唔會太稀😋 另外要讚芝麻餡入面啖啖都有芝麻渣，真材實料👍🏻

平時如果一到元宵佳節，呢間位於北角嘅福元湯圓就會大排長龍，趁而家淡季就過嚟試吓食佢聞名嘅湯圓❗️❗️今次一共叫咗兩碗，芝麻糊同合桃露加湯圓一碗有四粒湯圓，分別可以選擇要芝麻定花生餡，芝麻糊就梗係配芝麻湯圓，芝麻糊芝麻味好重，又唔會太希或者傑，湯圓又大大粒，好煙銀，芝麻餡又多又香，好食❗️❗️❗️至於令一碗合桃露，合桃味都好重，整體好高質，花生湯圓花生味好香，外皮煙銀配合花生嘅香脆，層次感豐富整體來講質素好高，鍾意食湯圓嘅朋友一定要來

去天后吃飯 近近哋 坐一站巴士 到炮台山 吃個 今年度才登上 米芝蓮 街頭小食推介 福元湯圓 🥣🥣老闆梳平頭裝 身型高大 臉帶笑容 我對他說 好勁喎！小小食店 得到米芝蓮 加冕 他嗯…笑了笑 港人就是本事 且低調 但絕不傲慢 今天這小店 就是好例子 掂呀！沒有事可難倒 香港人的 💪💪鴛鴦湯圓＋糖薑水 🥣🥣糖不甩 🥜🥜杏仁茶＋湯圓 😍😍餡料足 有爆漿感 芝麻及花生 濃郁而香甜 味道極好 外皮軟糯 軟韌恰到好處 🥜🥜糖不甩讓人驚喜 灑在面上的配料 花生芝麻糖 分開小包 隨你喜好 加多或少 我全包倒下 小糯團 沾滿滿的 超級好吃 也沒有太甜 🍡🍡杏仁茶厚身的 配上湯圓 正是我的最愛 😋😋

呢間黃店真係童年回憶嚟，由細食到大都咁好食😋佢啲招牌湯圓真係勁勁勁勁勁爆漿‼️好開心佢係黃店可以大大力支持💛，仲入選咗米芝蓮2021推介😍 最近教主AL嘅MV都喺嗰度取景㗎，大家快啲去試吓🤓▪️雞蛋腐竹糖水+3粒湯圓 $20+$9▪️腐竹煮到好溶，食落好綿滑好香，同埋佢係用原隻雞蛋，好足料～重點來了！！必定要加佢手工自家製嘅湯圓，超大粒超好食😱😍，湯圓望落已經係好飽滿，細細啖咬芝麻真係湧出嚟🤭，湯圓皮好厚薄適中，好有炒到好香個種芝麻味，呢個湯圓真係世界級，仲可以買生湯圓返屋企自己煮👍🏻 其實花生湯圓都好好食，不過今次冇叫🤪▪️芒果西米露 +丸子 $28+$7▪️呢個配搭簡直係嘴刁仔最愛嘅糖水😍，西米粒粒分明，唔會好似有啲糖水鋪咁煮唔散一舊舊咁～撈落西米露嘅芒果汁都唔會太甜，配埋新鮮嘅芒果肉超好食🤤，丸子煙煙韌韌份量仲要唔少，加埋黎食都好夾🥰

北角爆餡芝麻湯圓！🥰🥰終於試到大名鼎鼎嘅福元～ 湯圓好好味，一咬就知同平時嗰啲唔一樣，外皮非常之軟滑，一定落咗好多油去搓，輕輕咬開少少，啲芝麻餡「把把」聲咁流出嚟，好似火山爆發咁，haha 😚 芝麻湯圓勁流心，芝麻餡好香好滑溜 一咬就湧出嚟😍另外花生湯圓都好香，wingwing.foodfood建議嗌鴛鴦湯圓，咁就可以一次過試晒兩款喇！🤗.福元湯圓地址：北角炮台山福元街7號利都樓地下I-1舖。

💛💚🧡💜🍡 芝麻湯丸小小的店面，只有十個坐位，三位嬸嬸努力地煮糖水中。一年都吃不到一次的「福元湯丸」。一碗有5粒，圓圓的，很飽滿。外皮薄及煙韌（Q彈），內裏是香甜的芝麻流心。薑湯有薑味，不太甜。用的糖應該是比較好，吃完咀巴沒有酸味。要給一個like! Sesame Rice DumplingVery famous rice dumpling in Hong Kong, you may choose “sesame” favour or “peanut” favour. 5 rice dumplings are served with ginger sweet soup. The thin and chewy thin is the signature of these rice dumpling. The sesame is fired and emits strong favour. The sweetness of ginger sweet soup is just right and fit Hong Kong People.

呢間位於炮台山既米芝蓮中式甜品舖相信都唔少人聽過😋係20幾年既老店 主打大大粒湯圓！😍用平民價已經可以食到米蓮連食物啦🤩－ 鴛鴦湯圓 $26湯圓有黑芝麻🌚同花生🥜兩種口味！黑芝麻起晒沙濃濃厚實 花生味濃仲有啲花生碎💡湯圓超大粒係平常嘅兩倍😳湯圓嗰個皮好薄好滑煙煙韌韌🤤做到晶凝通透 會隱隱約約睇到裏邊係咩餡料☺️薑水好好飲 唔會太辣🌶－ 杏仁茶 $25好濃郁杏仁味😋好滑 唔會有渣🤗甜度又啱啱好 健康養顏之選👍🏻呢間良心老店啱曬我哋呢啲窮人😥冇錢又想食米芝蓮🤪大家真係可以一戰啊！

自上年食完福元湯圓，一直都念念不忘！今次咁岩路經附近，緊係要整返碗！人龍唔算長，老闆娘無停手咁應付，比咗錢買完唔洗十分鐘就有得食！今次食薑湯底雙拼，熱辣辣，大大粒好好食～！再買多個外賣比屋企人👍🏻

每次嚟福元我都一定會叫凍木瓜雪耳加湯圓🍡佢地既凍木瓜雪耳加左啱啱碌起左既湯圓之後 其實就係室溫 唔係冰凍🥶所以怕食生冷野又驚夏天食熱野既朋友可以試下哩個配搭😚 木瓜雪耳感覺係燉左好耐咁 啲湯水好濃稠 有啲似飲梗樽裝燕窩嗰種感覺 木耳煲到淋哂 木瓜又係入口即溶既感覺 好好味 好滋潤😙😙😙 仲有啲南北杏咬下 增添口感！湯圓就一如既往咁正😛一咬開啲餡就傾「圓」而出 㩒都㩒唔住呀真係！🍡 湯圓外皮煙韌有糯米香 內餡既黑芝麻香到不得了 係有炒過既味道 亦有黑芝麻本身迷人既香氣！一個字！絕呀！另外朋友叫既椰汁西米露就係正常水準 有湯圓做配料 食咩都零舍好食！-仲額外叫多左個鴛鴦湯圓，可以試多啲味！就係黑芝麻併花生🥜，於我而言，花生湯圓係稍遜於黑芝麻湯圓，偏甜，有花生粒，但做唔到好似黑芝麻咁香🤪🤪不過都係好食既！-嚟到咁繁忙既小店，都唔奢望有好好既服務態度啦😆 但希望店主係環境衛生方面，可能都係要多加留意一啲！

福源湯圓係間米芝蓮嘅舊式糖水店，舖面個外觀完全唔起眼，就咁望落去好似冇做堂食咁😂😂但係野食就好有驚喜入去搵位自己坐低就可以落單，唔好期待坐得好舒服，始終係好舊式嘅舖頭，但勝在有味道搭救入面啲糖水唔貴，20至到$30就有一碗。呢碗合桃露就好特別唔會好甜，落咗紅棗有陣香味，啲材料全部打到溶哂，食落又香又滑！湯圓係芝麻餡，如果你想要其他味道都可以同佢講。但個湯圓真係幾好食，有流沙綠豆涼粉就同出邊嘅唔同，綠豆沙又係打到溶晒，唔會有豆同海帶。但加埋落啲涼粉度又係好滑，同樣唔會太甜，味道剛好👍🏻👍🏻夏天食一流！

呢間福元湯圓老字號一直都想試，特別係當佢得到米芝蓮光環之後，哈哈。今日懶得行，就叫UBER外賣叫左兩碗糖水做下午茶。叫左大概40分鐘之後就送到。杏仁茶配湯圓 $46兩碗糖水送到黎仲係辣手架，正！杏仁茶非常香滑，完全無個d假假地既杏霜味。入面有三粒大大既芝麻湯丸，真係流心架，一咬開粒湯丸，入面既黑芝麻餡就多到流出黎，好正！杏仁茶本身甜度適中，只係芝麻湯丸就甜左少少，不過都好味！棗香合桃露配湯圓 $50呢碗棗香合桃露配湯圓更加驚爲天人，因爲我真係無食過d咁杰撻撻既合桃露，合桃露又滑又香，只係無個名所講既棗香。入面都係有三粒大大既流心芝麻湯丸。合桃露甜度都好適中。呢個真心推介。今次經Uber買，價錢就貴左d，所以打分就無考慮價錢，相信堂食會更抵食。

有次係港島搵食 朋友就推薦福元湯圓食糖水！ 店舖其實好唔起眼 店面只能坐2-3枱～ 不過好好彩唔洗等位同埋都有好多外賣單！桂花酒釀湯圓 $30有5粒湯圓 不過全部都係芝麻味～ 有機會下次食要鴛鴦！ 湯圓個皮好煙韌又夠薄！ 大大粒！皮薄餡靚！ 芝麻味勁濃郁～勁香口～楊枝甘露加湯圓(3粒) $40凍既楊枝甘露 配 熱辣辣嘅芝麻湯圓 🤣 兩樣配撘真係扯唔上關係 楊枝甘露就正正常常～ 芝麻糊加湯圓(3粒) $32食完芝麻湯圓再食芝麻糊 明顯對比下 芝麻糊就無乜芝麻味 而且都好稀～ 不過朋友加左花生湯圓 花生餡好有咬口 好香～見到佢有得買生嘅湯圓 下次有機會買返屋企 隨時都可以食到！

2021年米芝蓮最近公布，當中更有第一次上榜的甜品店。三十年老店之福元湯圓，湯圓以人手搓製，日賣4000粒～除了堂食，今次小編就買了生湯圓回家自煮一試😋🥣 #芝麻味手工湯圓 $42/10粒 (生賣)▸ 設芝麻味及花生兩款口味▸ 招牌芝麻味是自家生磨再加入豬油炒成，芝麻香極濃▸ 湯圓內餡非常足料，輕輕咬開薄皮，芝麻如泉湧出▸ 薄皮煙韌，略帶糯米香▸ 湯圓手工製作，餡料依然分佈平均⭐另外亦提供數十種中式糖水任君選擇

每次係北角一帶食完飯，都想去福元食湯圓一到飯後時間呢度幾乎都要排隊，但好在佢地流轉得好快，無論外賣或者堂食都好快就有，唔洗點等呢度最正就係❤️必試薑湯鴛鴦湯圓(5粒），有3粒皮薄漲爆流心芝麻超正，2粒味濃花生味湯圓，兩款大大粒皮薄餡靚，回味無窮😋另外仲有其他中式糖水都好出色架，腐竹雞蛋糖水豆漿味濃，好滑，可以一試仲有番薯糖水，如果想疆味濃d可以同老細講要疆d,如果唔係疆味唔太濃，番薯都算甜冇渣，冬天食就啱晒，可暖胃