福元湯圓

Open Now

Now Closed

福元湯圓距離炮台山地鐵站好近，不過就唔係大街大巷，而係藏身炮台山天橋下，未見到招牌都見到人龍，堂食只有幾張檯，所以不少人都會買外賣，大部分都係叫佢地最出名既手工製湯圓😋棗香合桃露+湯圓｜$37一碗糖水滿足兩個願望，試到合桃露同時又食到湯丸，合桃露同出面食既有分別，棗味好突出，甚至有點搶過合桃味🙈我就比較鍾意純合桃味多一點不過整體質感好滑溜，食完一啖接一啖，而湯圓粒粒都係人手搓，皮薄芝麻流沙餡湧出🤤外皮煙韌，芝麻香氣濃郁，的確不錯

寒冷的天氣吃一碗熱騰騰的糖水，即時人都變暖和了‼️🔥 ▫️❥$𝟮𝟴 黑芝麻湯圓🥣 比起花生湯圓更愛小店的黑芝麻湯圓‼️ 輕輕一咬融化的芝麻餡料便一湧而出，要小心不要燙到嘴巴🤤 簡單的配上糖薑水，已令人滿足‼️❤️▫️❥$𝟯𝟯 楊枝甘露🥣 真材實料👍🏻 朋友很喜歡，每次必點‼️😉

招牌湯圓，唔係唔試呀麻個個去炮台山都試呢間糖水，今日行開呢邊就黎潮下勝，打個卡......小店一間，有5枱人，好多人排隊，又勁多人買生湯圓外賣 $42/10粒好彩都排得唔太耐，10分鐘入得老闆都ok nice叫左2碗芝麻湯圓，薑水底之前吹左海風，呢個moment 食湯圓，好正，好暖咬左一啖，d 芝麻流沙出黎，再配薑水好match都幾值得一試，唔會好甜，剛剛好如果怕等得耐可外賣食完出黎暖左成晚，驅寒之選 yummy

夜晚八點幾左右黎到 門口已經有一大條長龍 見咗我哋即刻去排隊🙈🙈可惜門口只是不太清楚 所有人都處於混亂中 剛好有一職員出黎收拾 我哋就有樣學樣 同佢講堂食兩位 成功入座 但千祈唔好放棄排隊 因為堂食都係同一條隊落單😅叫咗芝麻糊拼花生湯圓 以及合桃糊拼芝麻湯圓 先講糖水方面 芝麻糊同合桃糊都好香 味道濃郁 質地濃稠👍🏻👍🏻所以會超級飽 我哋推介芝麻糊多啲💕兩款湯圓 一舀起嘅時候 感覺好軟好糯 輕輕咬落去 等湯圓皮慢慢綻開 內裏嘅芝麻及花生餡 便會慢慢流出來 好療癒嘅一幕💁🏻‍♀️💁🏻‍♀️糖水及湯圓都唔會太甜 配合得唔錯 不過如果入座點餐等有較清晰嘅指示 糖色座位能夠寬闊一點 整體用餐感覺會更好🙌🏻🙌🏻

夜麻麻ot完，慕名而來，試一試此店既黑芝麻湯圓！店舖唔大，只有3、4張枱。外賣客較多，我地進食期間，源源不絕有客人買外賣。鴛鴦湯圓 $28/5粒，有3粒黑芝麻，2粒花生🥜湯圓。價格尼講唔算貴。又可以一次試哂2款口味！黑芝麻湯圓，wow估唔到會爆餡加有流心效果！係有驚喜既🤩好香濃黑芝麻味，唔太甜，皮唔太厚！唯一不足係覺得有啲油味係餡入面😮‍💨麻麻陣味推介大家食花生湯圓，好濃花生香味，有花生碎粒，好足料！中意食花生既朋友一定要食😍😍😍一啲都唔遜色於黑芝麻👍而湯圓配搭糖薑水，我自己本身唔太鍾意薑味，驚太辣。試過後覺得唔錯，飲第一啖雖然好辣，但食完湯圓再飲又覺得好夾喎，仲可以消濟😬

成日都見有YouTuber推介北角呢間老字號糖水鋪「福元湯圓」，去親北角一定要試！ 湯圓周圍都食到，超市又容易買到，究竟呢間老字號湯圓有咩咁特別呢？好奇之下我哋去咗試~ 🧡黑芝麻湯圓（糖薑水五粒）（$28）唔試唔知，一試先知原來真係同平時食開嘅湯圓好唔同！完美演繹咗「皮薄餡靚」呢四個字！外皮超級滑，一啖咬落超爆漿，芝麻味勁香！ 就算我咁形容畀你聽，你可能都未必真係Get到，真係要親身去試先知有咩咁特別~咁多年嚟食過嘅湯圓，呢間絕對係NO.1！ 糖薑水都好好飲，唔會好甜，飲落喉嚨辣辣地好舒服！ 🧡西瓜涼粉（$29）西瓜涼粉都做得幾好，超解熱，一啖食落去即刻透心涼！

📍福元湯圓Michelin Guide Recommended RestaurantTo me, it’s the best 芝麻湯圓 in Hong Kong. I am sure that there is lard in the sesame paste but it’s definitely a guilty pleasure. Price: HK$42 (for a box of 10 frozen) Revisit: 10/10 (just for 芝麻湯圓)

終於食到呢間湯圓啦😍😍😍雖然呢日好多人但係無阻我要食湯圓嘅決心❗️裏面座位得好少同埋都係自己見位就坐唔使拎飛，所以見外賣嘅人比較多♥ 棗香合桃露➕花生湯圓 $34♥ 芝麻糊➕芝麻湯圓 $34既然主角係湯圓，咁我就唔多講個糖水啦😆 湯圓比起平時食嗰啲真係好大粒😍 雖然皮唔算話好薄但係煙煙銀銀又夠滑好好味😋 花生湯圓超好味❗️仲要係流心咖，咬一啖餡料已經湧出黎🤤芝麻湯圓比起花生更加流心，但係食落覺得有小小炒芝麻嘅燶香味，所以都係鍾意食花生多啲😋 湯圓比起平時超市買嘅真係唔同又大粒又好食 另外仲有得買生湯圓$42有10粒（合桃露好食唔會好甜，但係芝麻糊都係有少少燶香味？）

如果唔係去開附近既酒店staycation~我唸我都未必有機會黎試去哩間咁好食既湯圓呀!😋😋😋😋😋▶️黑芝麻湯圓▶️花生湯圓(糖薑水五粒$28)哩度既湯圓~真係可以用✅"皮薄餡靚"黎形容輕輕一咬~餡料就已經爆哂出黎啦~🤩🤩🤩黑芝麻極度流心~芝麻味極香~🤤🤤花生口味相比起黑芝麻雖然冇咁流心~不過極度濃郁~好似食梗花生醬咁~😋湯圓皮薄得黎仲好煙靭添架~👍👍👍雖則話主角係粒湯圓~不過我覺得佢個糖薑水都唔錯~唔會太甜得黎又夠薑味~

難得出到咁遠，揾到呢間出名嘅老字號食甜品。店内座位唔算太多，見唔少人都揀外賣自取。湯圓係最出名，所以都唔試其他住了。薑湯唔會太甜，薑味出但唔會太霸道，有種家常嘅感覺。要左雙併($26)，有芝麻花生兩種味。湯圓大大粒，好似魚蛋咁。個皮好滑兼軟糯，輕輕一口就咬得開。餡好足料，幾乎係爆出黎咁濟。芝麻味好香，一咬開非常流心，見到芝麻饀好有油分先會做到岩漿嘅效果。雖然花生冇芝麻咁流心，但就有花生微粒，增加左口感。手作湯圓的確係好食啲嘅，入得北角嘅不妨試下。

傳統老字號手工湯圓 食完晚餐經過見到好多人排隊 就決定買走試下 買左10粒芝麻湯圓 5粒花生湯圓 湯圓勁大粒 好似魚蛋咁大粒 仲要粒粒都好足料😍😍食落勁滿足 薑湯夠味夠香 奶啖湯圓一啖薑湯 jeng

第一次食福元湯圓係買生的回家煮，但由於路途遙遠，天氣又熱，攪到部分湯圓也融咗，影響了質素，今次出開炮台山，決定堂食，剛好有人走，立即有枱，叫了鴛鴦湯圓$28及芝麻糊配芝麻湯圓$34，食物好快上枱，鴛鴦湯圓芝麻香濃流沙，一咬好似岩漿咁湧出來，湯圓皮夠滑，不黐牙，果然係招牌湯圓，花生味也不錯，有微粒花生有口感，至於個薑水真係好夠薑，冬天食嘅話，食完成個人暖笠笠，另外個芝麻糊不是好甜，配埋相對比較甜的芝麻湯圓甜度剛剛好.

早輪去港島海逸君綽酒店staycation, 夜晚想食宵夜，打算一試好出名既老字號｛福元湯丸｝橫店咁近，行大約10鐘就到。一去到門口已有人等外賣同等位，店內亦坐滿，所以我地都係買外賣返酒店食，返去慢慢細心品嚐叫左碗黑芝麻湯丸（$26）湯圓大大粒，每粒都差唔多大細，皮薄餡料好足，個流心餡真係好澎湃糯米皮又不黐牙👍🏻👍🏻個薑湯底都好正😲味道又夠香都幾夠辣，睇顏色都覺得濃濃✨真心唔錯🙌🏻值得推介

在太古城Staycation，朋友沒嘗過福元湯圓，因此我們坐叮叮到炮台山買外賣。我們買了鴛鴦湯圓和雜果涼粉回酒店慢慢品嘗。鴛鴦湯圓有芝蔴和花生，兩種都好吃，我只吃了芝蔴，吃得出芝蔴餡油感豐富，好香滑。朋友十分欣賞花生湯圓，說花生餡有花生微粒，好有口感。至於雜果涼粉，因朋友負責付款而進到店內，她說水果是即場取肉，十分新鮮。涼粉口感彈口有份量，加上花奶，令雜果與涼粉恰度融合。下次有機會一定再去和嘗試其他糖水

食福圓的湯圓已超過十年，到目前為止仍未找到比她更好食的。湯圓皮薄，咬開後是湧出來的澎拜黑芝麻，還有微辣的薑湯，全部加埋就是明知吃一碗等於食咗兩碗飯也要冒死吃掉全部5粒。今次有朋友叫了湯圓糖不甩，所以寫下食評。湯圓仍然是湯圓，無嘢挑剔，不過糖不甩的花生椰絲糖粉就麻麻地。糖粉大部份是糖，少許椰絲，花生只得極少量。雖然我會更喜歡粗粒花生，但磨得幼細的花生我也不抗拒，問題是它太少量，於是整個糖粉無香味只有甜味，配合湯圓就更甜。結論是：湯圓和薑糖水才是最佳拍擋。