Forever 友緣西餐 (Closed)

下雨天總掛念從前，幾個月前食過唔錯， 今日遇著落大雨，又要帶埋家姐仔同細佬仔出黎， 好在隔離就係停車場， perfect。嚟到一見到我帶埋BB車, 侍應姐姐好幫手，移開枱櫈比我擺架BB車入去。餐廳入面幾闊落，沙發櫈舒服，最重要佢唔使我收BB車。👍🏻我哋叫咗兩個lunch set ＋1個小食， 分量唔算話好大，但係原來食落非常飽。首先跟餐有熱騰騰既忌廉薯仔湯配蒜蓉包，雖然話叫左兩個套餐，但佢都俾咗三塊好鬆化既蒜蓉包，連家姐都有份，好細心體貼。之後呢個芝士焗薯皮＄35，脆卜卜既薯皮鋪滿拉絲既芝士， 配埋酸忌廉， 完美👍🏻 日本風情薄餅＄72餅底夠脆薄，餡料放左蟹柳粟米同埋蟹籽。對於熱愛蟹籽既我如果成個Pizza都鋪滿就一流啦。美國安格斯肉眼扒＄128肉質好林，一切就開，雖然配左燒汁， 但我覺得原汁原味仲正，七成熟做得剛剛好唔會話太生。最後餐飲叫左柸飲凍朱古力，將午餐畫上完美嘅句號。

是日餐湯為黑松露忌廉湯，雖則湯底的濃稠度稍遜，但黑松露味竟然意想不到地豐富，伴隨著餐包的蒜蓉牛油香味，還是有夠滿足的。沙律是胡麻醬煙鴨胸沙律，煙鴨胸微微的鹹味帶出沙律的清新，胡麻醬跟鴨胸也是出奇地配，沙律菜夠新鮮基本上只是點上少許醬汁，已很美味。龍蝦汁花蝦手作麵，手作麵被龍蝦汁沾得均勻，每一口也充滿著龍蝦味，把卷曲的花蝦作出延伸，少說也有五吋的長度，手作麵的口感軟腍，糯質不重。花蝦除了一隻大的，還有數隻小的，我們在坐四人也能嘗試到龍蝦汁的花蝦，算是不枉。烤澳洲羊鞍配香草燒汁，羊鞍肉厚多汁，選擇了七成的熟度，使羊肉的口感處於最佳狀態，面頭的燒汁輕輕帶出了羊的鮮味，並未有太騷的感覺，愛騷的我總是跟邊皮的脂肪在周旋，以求獲取更多的騷味。由於有羊肉的關係，遂點了一支紅酒來配，揀選了澳洲的Shiraz，酒體豐滿，風味強烈，香氣中帶有豐富的葡萄氣味，也帶有濃郁的單寧口感，餘韻夾雜一點辛辣的氣息， 與羊肉配對口感更有層次，氣味更加複雜，實屬絕配。

今日同朋友去元朗食飯， 真係要讚下呢間餐廳， 感覺到老闆好有心去做好餐飲！坐低已經有一杯 welcome drink， 餐包係蒜蓉多士成隻手掌咁大塊， 仲係暖同埋脆㗎！ 餐湯係煙肉 忌廉薯蓉湯， 飲到係有薯蓉㗎！唔係啲餐廳就咁麵粉開忌廉水囉。我自己叫咗個羊扒七成熟，啲肉係粉紅色好嫩 有一d d羊騷味。 配菜炸薯條上面係有香草㗎！ 好好味！最後一定要讚下杯熱咖啡! 啲奶上枱嘅時候係暖㗎! 今時今日真係好少好少餐廳咁有心思, 咁用心做好一餐囉！餐廳兩邊係玻璃窗嚟，我同朋友坐喺玻璃窗旁邊傾下計就已經兩個半鐘， 完全冇人騷擾我哋。 呢個地方好適合同朋友嚟聚一聚傾下計！

與朋友經過元朗，看到這間餐廳名字很有意思，所以決定來這裡試試。我們點了燒加拿大黑毛豬鞍排配芥子蜜糖汁。黑毛豬肉質十分爽口，加上芥子蜜糖汁，甜中帶少少辣，十分入口我們又點了卡邦尼煙肉手作麵。carbonara的汁很濃郁，而且很多汁，最後我把汁也吃光了麵的質感也很彈牙。我和朋友也搶住吃呢我們又點了水牛城雞翼。水牛城雞翼很香脆可口，4隻真的不夠吃我們又點了香蒜包糠焗扇貝。整隻扇貝也鋪上了香蒜後和麵包糠，十分足料我們加$1加了安格斯牛柳串。牛柳串的肉質不會太韌，燒得非常香口

我已經係第2次來這間西餐廳了。。今次再一次來是因為上次覺得食物品質和味道都很好。。而且我十分喜歡這餐廳的環境。。。給人很舒服。。而且座位間不會太迫。。很有空間感。。。燈光都很有情調。。所以真是很多食客會來慶生。。。今天我跟我的好朋友。。一同來食晚餐。。。我們點選了兩份晚餐welcome drink..是乳酸飲品。。。酸酸甜甜的。。十分開胃。。。蕃茄湯十分濃郁。。。蒜蓉包很大片。。我所點選的黑毛豬。。。豬肉很厚切。。。而且切下時肉質相當腍身。。 咬時都很腍身。。每咬一口。。都相當有豬味。。因為豬較為厚切。。。所以肉汁都能夠封鎖在扒內。。。所以食的時候是會覺得十分juicy....仲配上了薯蓉。。。薯蓉十分綿。。。而且入面仲有少少粒粒薯仔。。。口感相當不錯仲配上了特製燒汁。。十分滋味。。我仲會沾上少少芥末來食。。。有另一種不同的味道。。。真是沒想到這件厚厚的豬鞍可以做到這麼多汁肉厚彈牙。。真是回味無窮朋友所點的安格斯牛扒。。。size十分巨大。。。牛肉味很重。。所以很腍身。。沒有筋。。而且醬汁配上牛扒。。更能夠帶出牛扒的肉味朋友都對這牛扒大讚。。。這個餐則配上了一個小型焗薯。。。十分滋味餐

好耐冇据扒，記得呢間餐廳的質素幾好，所以返叮今晚叫咗個二人餐，餐湯有意大利菜湯，材料豐富，配香脆蒜蓉包另加一個法式酥盒焗田螺做前菜; Wow, 酥皮香脆，田螺又大大隻，加埋D牛油香，真係回味無窮主菜揀咗黑毛豬鞍扒配溫室蘋果蓉肉身不太厚但多汁，而且香嫩；配上青蘋果一齊食，有種醒胃嘅感覺，再加上少許蘋果蓉，味道更覺清新菠菜汁三文魚意大利飯，厚厚的三文魚煎得香脆，又唔會過熟；意大利飯如果乾身少少會好啲。甜品有兩款不同的cheese cake（焦糖芝士cake/石板街cheesecake）, 兩者味道香濃,不過略甜。

難得放假同朋友去元朗行下，諗起有間西餐幾好，就諗住去食多次😍Set Dinner好似無加價，仲有升級優惠，多咗個每日+$1嘅優惠，好吸引！啱啱坐底，就送上一杯welcome drink，每次係橙汁，微酸幾開胃。兩個女仔眼闊肚窄，決定叫一個二人餐大家一齊食。$488加一，跟餐湯，頭盤/沙律，甜品，咖啡/茶。主菜方面我地揀咗美國頂級1855安格斯肉眼扒同鮮菠菜汁三文魚意大利飯。是日餐湯係意大利菜湯，好足料，而且放咗好多香料，味道複雜得嚟又能夠融和到。蒜蓉包感覺無咩烤過，味道一般。另外我地揀咗一份頭盤同沙律，頭盤係黑毛豬串，肉質超嫩😋沙律配上芝士，感覺有啲"漏"牛扒叫咗五成熟，好大件😋煎得啱啱好，嫩得嚟唔會仲有好多血水或者好生嘅感覺👍🏻肉質好嫩，沿著紋路切開，半紅半啡嘅顏色。味道方面，唔需要特別點汁已經好夠味，不過點芥辣醬真會更好食💖扒邊有啲脂肪位，雖然有啲油膩，但係個邊煎得脆脆地，入口好香，忍唔住食咗啲！除左成件扒都好大好靚之外，配菜都唔求其，全部都大大粒，再加上焗薯，份量超級多👍🏻近期三文魚又出事，一開始叫嘅時候無留意到，但原來呢個Risotto嘅三文魚係熟架👏🏻三文魚個賣相好靚，仲好厚

元朗區内近年多了此有特式的餐廳、位於西菁街的友缘西餐、從直落玻璃透視入内所見地方不太大、感覺舒服由裝修以致佈置格調都見優雅、中央掛着精緻的一盞水晶燈與暗灰色的玻璃牆身互相辉映更顯得華麗、相信在這裡享受晚餐會更有浪漫氣氛…… 我坐在卡位的一角、悠閒的望着街上人来人往的、呷着我的㗎啡很亨受呢~ 点了自己喜愛的口味……一)海鲜薄餅 $82二)BBQ豬肋骨拌鐵板薯 $168 以上配以餐湯、蒜茸包、飲品三) 篮梅芝士餅 $35薯蓉青瓜忌亷湯濃稠適中、蒜茸包稍嫌未夠脆……海鲜中的尤鱼新鮮、味道清淡、餅底再脆一點.會更香、很有睇頭的豬肋骨、十足的份量、醬计惹味、肉質不粗糙、烧得也不太乾、有肉味、棄刀叉用手吃很滋味！啜指難忘！底層薯条香脆、絲瓜和車厘茄清甜甜品選了篮莓芝士餅、賣相不錯、稍微甜了些、餐後有這美感十足的甜品、為這頓午餐添上了完美！這杯㗎啡也不错、香濃……在這小餐廳吃着、談着、消磨了幾小時、是一個愉快的下午……用餐、談天的好選擇！

今日再次出走元朗搵食，平時大多數人都會去又新街一帶覓食，不過元朗又點止咁少地方有好嘢食，是晚路過西菁街，呢邊比較多西餐廳，而且見到有一間環境舒適又有落地玻璃嘅西餐廳，於是決定入去試下。入到餐廳中間有一盞好大嘅水晶燈，感覺又Grand 又有情調。我地先order 咗2個set dinner 再升級加$45有一客'香蒜包糠焗扇貝' - 包糠焗得比較乾身，而且扇貝偏細，味道不過不失。餐湯是蘑菇湯-味道濃郁，整碗湯用上不同種類的蘑菇混合而成，香甜美味。主菜有'烤美國頂級肉眼扒配黑椒汁'牛扒medium rate ,生熟程度剛剛好，牛味濃郁，肉質鮮嫩。另一款主菜'燒加拿大黑毛豬鞍配芥末子蜜糖汁'豬鞍非常厚身而且份量十足，肉質粉嫩，味道鮮美，配上軟滑薯泥，相當滋味。最後叫咗一客法式焦糖燉蛋做結尾-燉蛋質地creamy , 蛋味唔太濃，香甜可口，而面層焦糖亦十分脆口。估唔到元朗都可以有咁好環境嘅西餐廳，下次要再試試其他菜式先。

元朗美食可其多，想找一間靜靜的，又有點環境的餐廳吃一個舒服的晚飯，又或是談談心的地方，卻不容易，今天吃的這一間友緣西餐正好乎合了我想要的條件。裝飾用上了大水晶燈，很漂亮舒適的環境，配上燭光，氣氛一流。set dinner 的選擇不算多，但勝在貴精不貴多。看起來都好像很好味道。還沒開始叫野飲，餐廳卻先送上一杯小小的橙汁，讓你開開胃，十分貼心。主菜方面，我點了一客豬鞍扒。非常厚切的一塊豬排，生熟程度剛剛好，因而肉汁依在，配上上面的青蘋果而吃，帶點點的酸味，更是開胃惹味。甜品叫了雪糕，賣相很美，為晚餐作完美的結束。

元朗就是美食多，最近有朋友推介我去這間位於元朗西菁街的西餐廳，說有$1優惠。凡惠顧任何晚市套餐，即可以$1享用美食一份。我當然不會錯過這個好機會，便決定跟朋友來走一趟。果然店面就有一大面牌寫著每天的優惠。店內的裝橫別俱歐陸風，樓底好高，好有空間感的呢，店的中間還有一棧大掛燈。當我們坐下後，店員便端上了一杯橙汁，非常貼心的服務。有晚市套餐，款式都算合我心水，每一款都想試。這裡有一些晚市套餐，但二人的話食這個二人套餐會比較好。這個二人餐包是日頭盤 沙律、是日餐湯、兩個主菜、精選甜品和餐飲，盛惠$488 。我們是衝著這個$1優惠而來的，星期三是蜜桃意大利火腿沙律，就看它有多吸引，以$1來說真化算。火腿鹹香和蜜桃就是夾。隨餐有這個南瓜湯和蒜蓉包。這個南瓜湯好creamy，南瓜味香濃，甜度適中。法式黑松露野菌忌廉湯。非常了得，黑松露的味道在口腔迴蕩，甘香無比，菌味又突出，我個人十分喜愛這個湯，比南瓜湯更甚。前菜法式鴨胸酥餅，好香酥的酥餅，入口鬆化，份量得宜，不會太飽。我們另叫了這個芝士煙肉焗薯皮做小食。薯仔焗得十分香口，加上芝士，兩加吸引，芝士和薯仔永遠都是絕配。可以加上淡cream來吃，不會搶

元朗千色後面比我發現呢間咁隱蔽嘅西餐廳。見佢好似坐得幾舒服咁，就入去試一試。餐廳氣氛做得幾足，一坐底就有人幫你點燭光，仲有welcome drink。落完order，waiter 話今日有優惠，加一蚊有隻焗芝士大啡菇，見佢咁抵，當然叫番隻試下。芝士竟然用左兩款，一種就做拉絲效果，一種就有少少酸味，令到食落去有兩種感覺。特別推薦安格斯牛扒，而且有濃濃嘅牛肉味，叫左五成熟，絕對唔會over cook，值得一讚有埋芥末醬，感覺膩膩地嘅時候可以點一點。友人叫左黑毛豬鞍扒，好厚，煎到入面岩岩好粉嫩色，好考廚師嘅功力，所以食落去唔un。最後叫番個甜品就完滿，菠蘿雪芭幫你清清成個口嘅肉味，好清新。因為雪芭係唔會落奶，用新鮮嘅生果整成冰沙咁，所以絕對唔係色素加糖水嘅混合體。

今日一家大細同埋表姐一行5人喺元朗搵野食，黎到富達附近，見到呢間友緣餐廳裝修都幾舒服喎，又見到有位，一於入去試下啦 ~因為我地有BB，佢安排咗中間果三張枱畀我哋坐~午市套餐由$68~$128枱上仲放左另一個餐牌“叫晚市套餐就可以加一蚊送一份” ，下次要夜晚黎試下先得~我哋叫咗加勒比海薈海鮮薄餅， 香煎石斑魚柳配芥末籽忌廉汁同埋美國頂級安格斯肉眼扒(8安士)。首先黎嘅係蒜蓉包，雖然我哋只係嗌咗三份套餐，但我估佢見我哋有五個人(兩個小朋友)，佢上咗五塊蒜蓉包比我哋， 值得一讚！ 好體貼 ！ 我個bb全程食得好開心！就係呢啲細微位睇得出餐廳既細心~餐湯係磨菇湯，飲落去有一粒粒既蘑菇粒，表姐話覺得好有口感同好濃既蘑菇味~海鮮薄餅個餅皮都焗得幾脆，如果落多啲芝士嘅話就更好喇~魚柳煎得幾好味，一啲都唔腥，都幾juicy，唔會好乾~安格斯牛扒就最正，佢塊扒都算幾大塊，我哋share咗嚟，我話要七成熟，出嚟又真係啱啱好~另外加$10加咗個白飯，係比BB食嘅~套餐係包一杯餐飲，而餐飲黎到好驚喜！我哋叫咗兩杯凍朱古力，一杯熱咖啡~凍朱非常驚喜，個杯身好高，仲有cream添！阿女見到嘩嘩聲！ 另外熱咖啡表姐

話說是日預祝親愛的生日，專誠跑到新界一家大細吃飯相聚，店子正好和家人的店子蠻近，一收工就答巴士衝入去食喇。。。今日送左杯青蘋果乳酪，顏色嚇人但都唔錯。餐湯是蕃茄湯，看上去得簡單，並沒有驚爲天人的賣相卻帶少少驚喜，落足料又唔稀，喝完肚子飽了不少。樣子平凡的餐包，在這裡，搖身一變竟是蒜蓉包，本來不算好岀奇，無奇望反而有驚喜，細細塊但好正蒜香，包身一d都無淋，夠脆，正斗。烤美國安格斯肉眼扒228配上了黑松露燒汁的牛扒，味道不俗，牛味亦濃，煎得也是五成熟，外脆內軟帶嫩紅，厚薄恰當，一起分享不飽濟。紅酒羊膝208什菜薯蓉軟綿綿，肉質細糯煮到夠入味，一細細把淋肉，軟得不用輕嚼已能ko加1有法式酥盒焗田螺芝士螺肉幾惹味，酥皮仲好脆，有點牛油香，平靚正必叫。友緣自尊薄餅138 餐涵料好多，芝士味正呀，什麼食材都有些，薄餅底好推介。焦糖燉旦賣相幾好，燒得面頭脆，入面也ok凍奶茶x2夠冰凍得黎冰塊唔重手，滑溜順喉。凍檸水凍飲每杯加三元，正常。凍檬茶檸檬片無揸劉灘，茶味加賣亦唔錯，wa飲啖勁解渴呀。食後感：整體不俗，環境清靜，食物水準以上。

餐廳地方看上去幾高級，坐位舒適。而價位則是西餐茶記做到的位置，感覺幾經濟。威尼斯精選薄餅係辣肉腸菠蘿白菌組成，材料清新，像是夏威夷薄餅的朋友。薄餅底脆卜卜，雖然係餅干底炸，但薄餅就梗係要又薄又脆咁食嫁，個面涵料都唔錯，滿滿色彩好丰富，唔得喇，忍唔住喇，我唔客氣喇，食先。比目魚配香草忌廉牛油汁個魚柳大大條，做得幾香嫩，外脆內軟，汁又好creamy，做得唔錯。叫左枝紅酒歌連圖，唔澀易入口，幾啱女仔飲。蘋果雪芭係朋友叫，好香蘋果味，清清的甜品結尾。