四季芬芳

Open Now

Now Closed

呢間餐廳裝修融合中式古風同現代霓虹燈 配色大膽 好引人注意⚠️終於有機會一試😇估唔到 雖然選擇唔多 但係款式好豐富 好廣泛 味道仲唔錯🤣🤣🥢蟹粉豆苗滿滿的蟹粉 味濃足料 豆苗清甜又唔老 兩者夾埋可以中和個味道👍🥢煙燻龍井炸雞（半隻）來到打開蓋仲有煙🤣🤣 有煙燻龍井味😆😆 茶葉炸完之後脆脆的 食落甜甜地好似紫菜咁😋😋 雞肉好嫩滑 沒有過多調味 食到好清香嘅茶味 而雞皮一定要食 焗得香脆而且吸收最香濃嘅茶香 呢道菜好特別 仲要係限量供應🤓🤓🥢蝦球海味蔥油撈面好香蔥油味 麵煮得軟硬適中 份量都頗多 有啲魷魚仔配埋食豐富口感😋 蝦球好新鮮彈牙😝 大大件 超正 呢個配搭冇得輸🥢香辣半筋半肉湯麵呢個一上菜 真係香味撲鼻 牛肉味湧埋來😍😍 牛筋超級腍 好似食花膠咁😂 牛肉份量都好多 都係超腍 爆濃牛肉味 處理得好好🥹 高質 可惜我地掛著食其他野 遲左食麵 就浸腍左啲面 冇咁爽口 🙈湯底味道都唔錯 加埋芫荽食更可以調到啲鮮味👍不過就唔係好食到辣味🤣🤣估唔到啲嘢食咁有驚喜😍😍環境又舒適 下次要再來試下蛇羹同埋點心🤪🤪

有充滿歷史及非常馳名”蛇王芬”加持新開嘅副線四季芬芳，位於沙田新城市廣場三期，因為要去沙田嘅文化歷史博物館參觀，所以前一日已經搜尋左呢一間人氣榜排名都幾高嘅餐廳用餐。去到餐廳附近嘅位置見到附近幾間餐廳都排晒長龍，好多人等候，唯獨是四季芬芳，不只冇人等候，入邊更加出現好多吉枱，當時心諗係咪因為價格太貴，所以相對小人幫襯，所以仍然入店去食。1. 酥餅尚算可以，同出邊連鎖茶樓味道差唔多2. 蟹粉蝦仁出晒事嘅菜式，蝦仁唔大隻但尚算爽口，有問題嘅係蟹粉，出現好強烈腥味，基本上食咗幾舊蝦已經放低冇再食3. 紅燒牛筋麵湯底同牛筋都冇問題，但係個面林patpat ，完全冇咬口4. 蛇羹始終蛇王芬係蛇羹最出名，所以希望都係專心做返自己專長

雖然依家一年四季都可以食蛇 但始終比較補 咁就不如打鐵趁熱 趁住夏天黎之前補一補身😎😎咁啱 又俾我揾到間新派蛇羹店~~💡花膠太史蛇羹($99)🥇蛇羹不愧係該店既招牌菜式 一碗蛇羹入面包含咗豐富既蛇肉 花膠 雞絲 同木耳 入口順滑 每一啖都好有滿足感 而且仲有淡淡既果皮香味 味道不錯 想補身既朋友必試! 💡蛇王芬臘味生炒糯米飯($49)🏮有蛇羹又點少得糯米飯呢 粒粒分明既糯米飯一d都唔黏口 加上適量既臘腸 潤腸 同花生 食落十分惹味而又唔覺油膩 💡招牌雙色蟹膏撈麵($139)🦀🍜極邪惡既香濃雙色蟹膏撈麵 配搭住蟹子 溫泉蛋 青蔥 撈勻後食落一d腥味都無 可見蟹膏用料新鮮 要注意既係 👩🏻‍🤝‍👩🏼兩人食既話份量會比較多 食完會比較膩~ 💡灌雞湯百花丸($69)🍡🍢外形獨特既百花丸唔好睇佢奇奇怪怪 其實內含超多蝦膠 咬落十分彈牙 紅醋針筒設計十分有心思 “擳”入百花丸入面既雞湯令味道更上一層樓⬆️ 💡原味小籠包($29)🥢同樣有紅醋針筒方便客人將醋加入小籠包湯汁入面 但小籠包皮比較厚身 都可以話做到包住小籠包湯汁(?)

難得嚟到沙田市中心，係咁多選擇之中，梗係要搵啲特別嘢食！見到呢間餐廳好多花款，又有蛇羹，又有新加坡菜，又有上海菜，於是就試吓去！餐廳裝修既新潮，又有懷舊feel!入到去安排咗坐兩人座位，座位夠闊落！餐牌已經放咗喺枱面，落單係用QR code落，不過職員好貼心話，如果唔方便，亦都可以用人手落單！呢度既菜式真係好多，可惜今日得兩個人，兩個胃！叫唔到太多！經過一輪篩選之後，叫咗一份招牌蛇羹，招牌古法肉骨查湯麵，一份醉雞，一份小籠包，加多一份蟹黃豆苗！以為份量好細，點知一嚟到，所有份量都好大！好夠食！蛇羹真係有一堆花膠，好多蛇肉，招牌果然招牌！好好食！呢個小籠包夠晒特別，有支針筒，入邊載着陳醋，比你自己吱入去雖然醉雞唔係招牌菜，但係個人認為真係必食！醉雞超入味，夠凍，夠嫩口！碗肉骨茶湯麵真係大過個頭🤪好多料，份量多到食唔晒！蟹黃菜苗好抵食，蟹肉好多，以百零蚊和黎講講真係抵食！整體嚟講，真係抵食夾大件！兩個人食到好飽！最尾埋單，一睇原來仲有八折！三百零蚊食到五樣嘢真係抵到爛！

最近孖住老友來到了位於新城市廣場主打蛇🐍羹的店，門店有卡通漫畫，環境亦很闊落。店員領我們進場之後，我們就查看餐牌，發現菜式款式都有不少，有添加了蛇的菜式、點心🥧、丼飯、麵類、甜品🍮、茶飲🥤等等，選擇性很高！之後，我們就以QR Code下單了!🥢黑松露小籠包 $39累漆漆的黑松露小籠包，插住了一條充滿醋的小管，將醋注入了小籠包之內，與內裡的肉汁混合在一起。而外皮亦充滿着黑松露的味道，令人一試難忘🤩！🥬家鄉雜菜煲 $89如果不想太過膩滯，叫「家鄉雜菜煲」也是很不錯的。煲內有娃娃菜、小棠菜、粉絲、菇以及蝦米，而湯底亦充斥着菜的鮮味，值得推薦。🐟酸菜石斑魚湯麵 $89一來到的時候，已經被個大湯碗吸引，因為份量有很多。湯底有辣勁，石斑魚很滑，酸菜再配合米線，令到整滿米線都很美味、很開胃呢！🐓流心蛋海南雞扒煲仔丼 $79很豐富的海南雞扒煲仔丼，雞扒外層很香脆，而流心蛋的蛋漿🥚流出來的時候，與飯撈在一起，加上蔥花和其他配料，份外滋味。🥬牛油花甲菠菜 $89中間是菠菜，外圍是排好了的花甲，兩者很爽！菠菜充滿鐵質，亦滲透着牛油🧈香，而花甲亦清潔得很乾淨，至少沒有吃到沙，對於喜歡吃海鮮和菜的朋友，是必點之

今日喺沙田收工同朋友一齊開餐，就搵咗呢一間環境唔錯，坐得幾舒服嘅呢一間嚟試！前菜海蜇頭十分爽口，帶有麻香同埋微粒，越食越開胃！牛油花甲菠菜，佢花甲嘅份量一啲都唔少，而且菠菜吸收晒花甲嘅香氣同埋牛油味好重，啲菠菜識落又唔覺得太油，味道都好夾。主食有流心蛋雞扒煲仔拌麵，呢個拌麵十分之出色，又唔算太鹹，份量都好足，雞排都煎得幾香！另一個主食：蟹粉蟹膏撈麵做好鮮，好有蟹香，份量爆多超抵食！安格斯牛柳粒都好入味，啲薯仔朔晒啲肉汁香。

四季真芬芳 中菜夠新潮 環境夠氣派 招牌蟹粉蟹膏撈麵 $139⭐️⭐️⭐️⭐️⭐️果然係招牌菜！蟹粉蟹膏鮮味十足，撈埋隻水波蛋、蟹子同葱絲，味道更豐富，麵質軟硬適中，有口感，而且好掛汁！推薦！潤腸魚蓉煎蛋角 $89⭐️⭐️⭐️⭐️⭐️蛋角相當厚身，香口又足料，潤腸夾雜着蛋香，味道頂呱呱，記得趁熱食！麻醬咕嚕雞 $89⭐️⭐️⭐️⭐️咕嚕肉點麻醬，配搭幾新穎，而且仲好邪惡，就咁食都夠味，酸酸美味好開胃，不過點埋醬就更惹味。紫薯蠟腸餅/2件 $39⭐️⭐️⭐️⭐️味道出乎意料地夾，個人覺得口感略乾。咸柑桔生煎包 $39⭐️⭐️⭐️造型非常igable，味道就不過不失，外皮偏厚。原味小籠包/2件 $29⭐️⭐️⭐️正常發揮，多汁啲會更開心。椰奶炸龜苓膏 $49⭐️⭐️⭐️⭐️新穎創意料理，口感有啲似年糕，味道唔錯，點埋椰奶美味又可口！回頭率🤡🤡🤡🤡性價比🤰🏻🤰🏻🤰🏻🤰🏻

四季芬芳 沙田招牌蟹粉蟹膏撈麵 $139賣相非常吸引，有好多蟹膏，打卡一流酸菜魚$99酸菜魚望落細細兜，但其實份量都幾多，魚肉切到好厚，肉汁滑嫩灌烏雞湯百花丸$69好有特色嘅一道餸嚟到之後要自己擠返雞湯落個丸度，一咬落去雞湯會爆出黎，口感都幾新奇，值得一試鹹柑桔生煎包$39生煎包煎得好脆，又唔會太油，賣相非常吸引 超推薦！黑松露小籠包$39小籠包嘅皮有啲厚，黑松露味唔算好濃梅菜和牛酥餅$49酥餅偏乾，唔係好食到和牛味飛雪小白兔$39$39嚟講呢個賣相真係冇得輸，味道就係一般牛奶布甸，呢個價錢嚟講都好抵食，打卡一流總結來講餐廳食物嘅賣相都非常吸引，味道唔錯，價錢亦都合理，推薦大家嚟試吓

今日同媽咪去試吓沙田呢間特色餐廳，座位係單邊卡，都算幾舒服，今次嚟到先知佢原來有咁多選擇😯揀咗幾樣特別嘢😋首先係香辣半筋半肉湯麵 ($89)～一嚟到嚇親，超級大碗，以為自己叫錯咗酸菜魚🤣啲麵好滑，個湯底有淡淡藥膳味，牛筋牛肉非常出色，非常腍滑，又好香牛味，好味😌嚟到梗係要食下啲招牌嘢，蛇王芬特色套餐 ($139)😋有花膠太史蛇羹同蛇王芬臘味生炒糯米飯，蛇羹好足料，啖啖都有蛇肉同雞肉😆仲有好香陳皮味，估唔到喺新城市都有得食蛇羹🤣糯米飯都係出色之作，好多臘味🤗唔會好油，好好味😋我心水想叫花雕醉雞 ($89)🐔份量絕對唔少，雞都算嫩滑，酒味好好好濃，食到有少少醉😂見到蟹粉蝦仁 ($129)都忍唔住叫咗🤣蝦仁都幾爽彈，配埋蟹粉係鮮上加鮮😋另外叫咗個蛇王芬潤腸鹹水角 ($39)🤗呢個真係好新潮，唔單止入面有潤腸，底下都有一塊潤腸，品質好好，味道比普通鹹水角甘香😗另外亦想讚讚呢度嘅茶，用咗伯爵茶，非常濃郁好飲😆呢度食物選擇多，亦都好有特色，有唔少驚喜😋

🦀蟹粉蝦仁🐍花膠太史蛇羹 配 🍚生炒臘味糯米飯雖然秋冬已經過咗，不過蛇羹同埋糯米飯仍然係perfect match🤣作為餐廳嘅主打菜，蛇羹同埋糯米飯都好足料😍一啲都唔令人失望🫶🏻🥟川味紅油抄手紅油抄手嘅醬汁裏面加入咗子薑，相比一般嘅紅油抄手，味道比較甜😗唔食得辣嘅人食都絕對無問題👍🏻✨香脆蘿蔔絲酥餅✨黑松露小籠包本身想試三色小籠包，可惜冇晒麻辣味😣每一個小籠包都有一支醋可以加入埋一齊食😗而黑松露嘅味道會隨着湯汁會慢慢滲出嚟，無論味道定擺盤都好有新意😝🍜五香半筋半肉湯麵牛筋同埋牛腩嘅比例啱啱好，配搭埋清澈嘅牛肉湯🥰味道唔錯整體味道都唔錯，如果食物溫度可以熱返啲，相信整體體驗會更加好😆餐牌：環境：

作為蛇王芬嘅副線，四季芬芳都已經有一定嘅質素保證，而且聽唔少人食過對佢嘅評價都不錯，今次就同係沙田放工嘅朋友嚟一試白菜膽燉鮮陳腎 ($69)首先叫左壺湯兩人share, 據講呢款湯有清熱潤肺嘅功效，味道較清淡，餐前飲非常適合花雕醉雞 ($89)雖然唔係主打上海菜，但好鍾意食醉雞嘅關係就諗住照叫嚟試試，估唔到呢度嘅醉雞做得相當出色，花雕味滲透每件雞件，肉質嫩滑，甚至做得比唔少上海食店好蟹粉豆苗 ($109)滿滿嘅金黃色蟹粉見到都頓時心花怒放，蟹粉嘅份量足夠沾滿每條菜苗送入口，蟹粉鮮香味濃郁，菜苗亦煮得唔老麻醬咕嚕雞 ($89)咕嚕肉x麻醬呢個組合創新得來味道亦十分不錯，雞件炸得鬆脆再被酸甜嘅醬汁封住，點上麻醬嘅麻香味令到味道更加豐富酸菜石斑魚湯麵 ($89)湯麵嘅份量適合二人以上，魚件多又厚肉，仲有大量雜菌同埋酸菜，味道十分惹味，酸得嚟又食到魚嘅鮮甜味，亦唔會好辣桃膠菊花桂花雪梨茶飲品方面有好多餐廳自家出嘅健康飲品，味道清甜，仲夠滋潤養生！

沙田👣 – 四季芬芳🐍呢排天氣凍凍地朋友話想去食蛇羹補補佢，揀左呢間蛇王芬既副線「四季芬芳」食小菜同蛇羹，餐廳位於沙田新城市廣場，裝修以懷舊中國風為主，食物款式亦多元化❣️花雕醉雞 $89頭盤揀左個花雕醉雞，冷盤黎講份量都幾多，帶有微微酒香而底部嘅酒味相對地較重，雞肉嫩滑又入味❣️黑松露小籠包 $39/2件配搭左一支黑醋可以自己唧😆，皮薄餡靚既小籠包，一咬開已經爆汁，仲要勁香黑松露味，超正❣️蟹粉豆腐 $109推介大家試下呢個蟹粉豆腐，豆腐粒好嫩滑，豆味又夠香濃，鋪滿左大量蟹粉同蟹肉，送飯一流！👍🏼❣️古法肉骨茶湯麵 $79好欣賞佢地既肉骨茶超足料，大大舊排骨好腍，裏面仲有腐竹同豬肚😋藥材味剛剛好，飲完個人暖笠笠❣️花膠太史蛇羹 $99花膠太史蛇羹材料豐富，有花膠、木耳、雞絲、蛇肉等配料，蛇羹濃稠度恰到好處，推介！❣️竹蔗茅根馬蹄薏米水 $26❣️桃膠菊花桂花雪梨水 $26最後叫呢兩款涼茶降火，透心涼~📍沙田沙田正街2-8號新城市廣場三期3樓363A號舖#香港美食 #平民美食 #沙田 #沙田美食 #香港 #美食 #hkfood #hkfoodie #openrice #hkfoodblogger #

今日入沙田探朋友, 佢帶我去附近食晚餐, 四季芬芳, 個名好有意義, 全年都香味濃郁. 間餐廳唔算大, 感覺舒適. 老友鍾意嘆茶灌鳥雞湯百花丸, 色澤紅潤似灌鳥.食落彈牙, 有口感紫薯臘腸餅, 望去似芋泥顏色吸引, 餅皮由好多層酥皮制成, 裏面有臘腸, 比酒樓嘅臘腸卷更美味.麻辣小籠包, 顏色吸睛, 平時食係原味, 麻辣小籠包第一次食, 又係另一番味道.潤腸魚蓉蛋角, 蛋角煎到金黃色, 非常香口, 加有潤腸&魚蓉, 令味道提升.招牌日本元貝撈麵, 份量好大. 將流心蛋撈均, 令 d 麵更加滑.鮮甜大蝦及元貝, 果然係招牌貨椰奶炸龜苓膏又一特別之作.款式新穎, 用心制作

📍沙田新城市廣場第三期 四季芬芳 蛇王芬📍👍🏻蛇王芬特色套餐 $139花膠太史蛇羹 + 臘味生炒糯米飯筆一次食蛇羹，本身有啲擔心唔知個味啱唔啱食，但食落感覺同想像中唔同，有啲似碗仔翅。蛇羹好足料，唔會太重藥材味。糯米飯都好食，好多蠟腸粒，口感同味道都高質！兩碗睇落細碗，但其實好夠飽！$139呢個價錢幾抵！👍🏻招牌雙色蟹膏撈麵 $139大愛呢個撈麵，蟹味好濃，係鮮味而唔係好假嘅香料味，係真材實料！👍🏻清爽海蜇頭 $79香又辣的海蜇頭，好爽口！👍🏻原味小籠包 $29每粒都有條小試管🧪，擠啲醋入去，再連湯汁咁食，一流！👍🏻黑松露小籠包 $39一樣有小試管，好精緻！黑松露味都夾小籠包，幾有新意🤤。👍🏻潤腸糯米燒賣 $39第一次食，夠香口，口感都特別。👍🏻特色飲品 $26@環境好靚，係Modern的中式裝修，坐得舒服。服務都好好！

Wait time: we got there 7pm, waited a little in line and got a table in 10 minsEnvironment: clean venue in an open space at a top-notch shopping mall. Food: I ordered xiaolong baos which were good. The noodles dishes were super well-prepared. Lots of fresh ingredients, and good portion size. Not salty and no msg. The beef tenderloin was astonishing and star of the night. So tender and juice. And vegetables were decent especially with the crab sauce. The soup was up to par. Overall a great meal.