春夏秋冬火鍋 (Closed)

疫情 每枱4人到10點 大家明白全晚全場得4枱 我地坐窗邊 都明白9:30 last order 2支啤酒埋單 已經無食野 我地亦明白 唔好令鋪頭難做到10:00 有個亞姐沖埋嚟執枱 我地ok但隔離格繼續打邊爐 叫啤酒我都算亞姐既面口係趕我地走 成個場得反3張枱 另一張枱喺房 佢地都無清場既動作 我當你地人手不足我地合作換嚟既係黑面 個態度好似係我地欠左你咁 我地連最後杯啤酒都唔想飲 火都哂嚟呢個亞姐 第一次見 5:30上到現場 唔帶位 唔理我地 粗聲粗氣 都算態度完全唔似做服務行業我地班大男人 一個月幫襯幾次純粹有地方聚下 開心下 唔計較一班男人 好簡單 估唔到 埋單時竟然咁受氣講到明 有呢個亞姐 絕對唔會再去 呢個亞姐喺度 我地成班朋友絕對唔會再幫襯佢50幾歲 頭髮唔到搏頭 瘦身材

春夏秋冬 疫情關係已經斷斷續續咁成日冇開門 而我亦都唔記得咗已經有幾耐冇喺街度打邊爐 見本港疫情下降到得返10 零鐘 實在忍唔住好想打邊爐食魚生～～老闆話得一條活魚 因為佢哋都唔敢叫太多貨縱使得三條友 我哋都叫左條鱆紅魚三斤幾重$680做咗兩食 先食新鮮活魚一片片sashimi等師傅片出嚟等咗差不多20-25分鐘非常之咁期待 果然賣相冇失望上面嗰層厚啲下邊嗰層就薄片啲個人認為鱆紅係幾爽口嘅魚亦吾腥不過三個人食實在太多今晚呢條三斤幾 其實六個人食都夠晒始終少食多滋味 食咗條魚之後都有六成飽了之後啲魚骨就拎去椒鹽炸 再叫多碟椒鹽豆腐（呢個好好味喎）掛住食唔記得影相了兩支大青島啤啤佢是常識吧埋單大概 $900 每人$300 都ok 不過就淨係食到條魚加碟豆腐加兩支啤酒已經冇晒位最後冇實現到打邊爐嘅願望😂今晚包左枱禁全晚得我哋呢枱希望嚟緊多啲人幫襯番佢始終春夏秋冬係銅鑼灣鵝頸橋打邊爐地標希望大家多多支持 佢先可以屹立不倒咁地道咁陪伴香港人成長

📍#春夏秋冬火鍋📍Four Seasons Hot Pot .🇭🇰香港銅鑼灣軒尼斯道418-430號友光中心2樓🇭🇰2/F, Yau Kwong Building, 418-430 Hennessy Road, Causeway Bay, HK.Tasty: 👅👅👅👅👅Appearance: 👀👀👀👀Price: 💰💰💰Environment: 🌹🌹Service: 👨🏻👨🏻👨🏻.以前未無太多牛肉火鍋時，春夏秋冬真心是我最愛！牛肉真心靚！環境的確無新派火鍋店的美，但勝在質量好！.💯#特級加拿大牛頸脊(中) :HKD188火鍋吃牛頸脊必定是首選！厚度適中，脂肪均勻，牛香口感十足！秒殺.⭐️#美國特級肥牛肉 (大) :HKD208肥牛相比當然無牛頸脊靚，但脂肪多，油香比較重，但都出色！.💯#安格斯牛肉粒 :HKD98其實火鍋吃牛肉粒都勁正！口感煙韌，比起切片牛肉更有牛香，入口真心齒頰留香！.⭐️#芥辣鮮牛丸: HKD85芥辣路牛肉味其實幾匹配！芥辣味濃但絕對無蓋過牛肉味！牛丸口感不錯，一人兩粒剛剛好！.⭐️#蟹籽墨魚滑: HKD83墨魚滑夠鮮味，墨魚味夠濃，口感爽！.Ⓜ️ #鮮滑牛肉: HKD73

尾牙個日，亦即小妹既舊曆生日，咁岩個日約左個好耐無見，好錫我既老朋友. 雖然我地唔係成日見或講野，但以前... 講緊icq年代... 就已經好似個阿哥咁睇住我呢個阿妹~ 可能因為咁就算咁耐無見仍然係可以無所不談(其實我每次同佢傾計，都有野落袋XD)我地都無特別諗過食咩，總之可以坐得耐，可吹水既地方... 阿哥俾左兩個選擇我，其中一個係食生蠔，但因為我唔飲酒，佢飲唔到咁多拖唔得耐，於是就帶左我黎食 “four seasons”打邊爐係我最愛，但有時好怕出去食， 因為我唔好肉，成日食埋尐cheap野，個晚我食左好多肉架啦！不過又咁講, 個手切牛都真係幾有牛味幾好食，仲有個好特別既黑松露丸同芥末牛肉丸! 個黑松露丸都比我想像中濃，而個芥末就... 其實我食個時唔記得，一野咬左落去... 嘩... 喊左XD 但其實係幾好食架!

今次去咗春夏秋冬打邊爐 叫咗麻辣湯底，好香夠曬滋味 叫咗碟牛肉，夠牛肉味，又有咬口田雞上到枱，啲肉都彈彈下好新鮮叫咗兩個蝦滑墨魚滑，呢個就差少少， 麵粉多咗少少叫咗爽魚片，好鮮甜大大塊 仲有碟雞子雞子真係個人喜好 ，又甜又多汁，口感好特別 我自己就幾鍾意 每碟大大份，好抵食 成個環境氣氛 ，夠曬豪爽 食都食得盡興啲， 一人一支大啤，真係濕濕碎有時食嘢就係要講心情 雖然春夏秋冬唔係食咩特色，冇重慶湯底， 冇台式風味 …最重嘅係，香港大排檔式豪飲豪食嘅態度 唔使理儀態，盡情開心食到飽 呢一餐真係，食得好開心！

好耐無見啲舊同事，約咗佢哋去以前OT放工之後成日去飲酒吹水嘅老地方聚下。沙嗲湯底好淡，另一邊香茜皮蛋更加淡而無味，都係點鼓油食啦。肉質鮮嫩，牛肉味濃蝦滑味道鮮甜，墨魚滑好滑又彈牙咬落爽口彈牙，中間加咗芥辣醬辣辣地幾特別咬落清脆爽滑口感唔錯腐皮味幾香成舊脆卜卜新鮮魚肉嫩得嚟又有口感普普通通 無特別都係普通嘢無乜特別味道清香，打邊爐必點價錢親民又無唔會限時趕人走，幾啱一班人嚟烚下烚下。望見個啤酒妹已經變做阿嬸，霎時覺得自己都老咗...

今日打算去打邊爐，上到去見到客人唔多，就問問佢樓下嘅特價餸係邊張紙，但無人職員理我，我再叫多次，點知個職員好悔氣咁同我講自己唔識睇咩。都唔緊要，咁之後我就點咗個湯底同幾個餸，諗住食完唔夠再叫，點知等咗超過半個鐘，接近45分鐘，所有野都未尼，連湯底都冇，連隔離果幾枱遲過我地尼嘅都尼齊晒野，仲食緊添，我地一樣野都未尼，職員見到我地坐咗咁耐都冇野食都唔識主動尼睇睇，都唔緊要，我去問職員，我不斷揮手，職員都唔理我，我行出去同佢講，佢話同我睇睇，點知又係冇回應我，都唔知有冇同我睇，等咗陣我再去問職員，佢話將我張單放埋咗一邊，冇入過單，果刻我火都尼，我地等咗成45分鐘，竟然冇落單，我地即刻話唔食了，走人，成肚火，咁樣邊係做生意㗎，唔想做就唔好做！！！尼間火鍋今次我都係第一次尼，但亦都會係最後一次，我以後都唔會再尼，我亦都會同我d親戚朋友講，叫佢地唔好去幫襯，服務態度差，唔理客人，本來開開心心嘅年三十晚餐，就咁比佢搞到變咗一次唔開心嘅經歷！！！春夏秋冬火鍋，我會記住的！！！

最近同朋友去CWB 春夏秋冬火鍋打邊爐, 個地址係灣仔, 但其實近CWB 多D.  環境方面比起其他酒樓唔算華麗，但職員服務很好!!同朋友揀左蕃茄薯仔豬骨湯底, 湯底十分鮮甜~ 食物要左澳洲雪紡肥牛，脂肪分佈平均, 好食,食得出牛肉既鮮味!  另外, 點左個蟶子，新鮮軟滑 ~ 正！

舊時通常淨係得冬天食個熱辣嘅邊爐保暖 ，雖然而家差唔多夏天 ，不過有時都想過下口癮 ，打下邊爐。 例牌平日唔洗book位上到去都有位， 叫咗個沙嗲湯底， 湯底比出面貴要成50蚊 必食就一定係特級手切肥牛同餃餃震(咩餃都有) ， 牛肉嘅油花比例非常平均, 而且牛肉味道濃， 但係肉質比較硬，可能而家牛肉唔當做，本身仲諗緊叫唔叫特價三文魚好， 定係食下生蠔， 不過食緊熟嘢就唔想食返生嘢 所以都係叫咗個桶蠔算， 但係朋友想食吓生冷嘢，都係要多個刺身盤算

跟朋友在舂坎角行完山，終點只有巴士出中環/赤柱/北角，最後我們就選了出去銅鑼灣晚飯，多餐廳選擇之餘，之後大家回家也方便。＊＊＊＊＊＊＊＊＊＊＊＊＊＊六點不到就到了春夏秋冬火鍋，吃火鍋主要是人多可以坐大圓桌方便傾偈，而且價錢又不貴。由於時間太早，所以甫到時只有一兩枱客，冷氣亦特別感覺強勁，連我行到慶恰恰的身體都很快冷卻下來。沙嗲拼芫荽皮蛋湯底($73)有人吃辣有人不吃辣，最好是點個鴛鴦鍋，沙嗲湯底夠香，芫荽皮蛋湯底清熱，啱晒。炸魚皮($42)魚皮夠香脆，不過本身味道較淡，個人會建議蘸湯吃味道更佳。玫瑰脆響鈴($40)響鈴鬆脆得來不易散，浸湯後吸滿湯汁，但仍帶點脆口，味道一流。新鮮手切肥牛($218)手切肥牛都幾大塊，比較薄身，肉質尚算軟嫩。花雕肥牛($72)花雕肥牛每件牛肉都比較厚身，上枱時很香花雕味，即使煮熟後仍有花雕香味，口感極之嫩滑，所以我們吃完一碟又再encore。四寶丸($80)四寶丸有豬肉丸、蝦丸、鯪魚丸和牛肉丸，粒粒大小均勻，個人最喜歡蝦丸，因為非常爽彈，而且蝦味十足，而牛肉丸牛味濃郁，味道也不差。芋絲($32)芋絲是吸味之物，食到咁上下就最啱。芋絲非常爽口，放在沙嗲等濃味

上一次來「春夏秋冬」，最少也是六年前的事情了，還記得那一年是大年初一，銅鑼灣有不少餐廳都休息，唔打唔撞找到這一間火鍋，食客又非常稀少（可能很多香港人去了外遊，或者揀了正式的中式酒家吃飯吧！），當時的心態是人棄我取，反正只有兩個人，冇所謂啦！印象最深刻的就是很地道舊式火鍋店的格局、夥計全部上了年紀、服務一般，整體來講是一間幾街坊的火鍋店，於銅鑼灣黃金地段有點格格不入；還有還有不可不提的，就是比起其他新派高級火鍋店的價錢便宜一截。今次重臨，原因也很簡單。正值星期五、又沒有預先訂位食飯，只不過忽然間腦海內靈光一閃，想起這裏很大機會有位。搭𨋢上到2樓，雖然已經是晚上六點幾，但是只有小貓三四隻，有幸獲安排一張靠窗的細枱。看一看餐牌才知道原來「春夏秋冬火鍋」全香港共有四間分店，全部都是街坊格局；就以銅鑼灣這間分店為例，即使位處黃金地段，但不是在人流暢旺的商場內，而是門面毫不光鮮的舊式商住兩用大廈樓上。裝修街坊，與上次光顧一模一樣；仍然是那一班服務態度殷勤得來、又有一點粗魯的老夥計；從廚房運送火鍋料出來的仍然是一台外觀很差勁的手推車 ⋯⋯ 還有一個重點維持不變，就是抵食；雖然已經加了價，但比起其他主

雖然店仔細細，但有驚喜、點解：地點適中、上到舖頭裝修望落比較舊式、以為乜人食；但一出𨋢人氣旺盛超爆場、人流源源不絕，眼見食客多中年人士，環境氣氛夠地道、食物份量適中、一睇就知呢D先係識食堂；心諗今次應該無搵錯地方。見到打邊爐湯底同火鍋料已經覺得呢間舖無選擇錯誤；驚喜無限，啱晒一大班 Friend 嚟慶祝同聯誼都唔錯吖

開支啤酒，豬骨鍋加多碟肥牛及直播足球真是睇波人生大樂趣，而且周邊的人好投入氣氛好正！男男女女大聲講、大聲笑！食食食！好像把平時的壓力放唒出來！其實只要有 feel 的環境，食物的質素及服務已經不重要！補充：只因平常的食肆地方太窄，而且講説話好像比人歧視一樣

跟朋友又再一次 有大食大了.我們2位今次算了春夏秋冬, 朋友說非常抵食就盡管去1試試.先點了 腐竹鯇魚湯底 (鯇魚同湯是分開上的)鯇魚佢先煎左,再比係放入湯,但係都幾油,我地放左1件就冇放喇.個魚唔係太好味.再點了: - 滾3分鐘見到佢淋左就OK, 唔好睇去咁醜 個湯拼在一起是好夾的,記得係放落湯前就要"吉"穿喇,如果唔係D湯彈到周圍都係。- 滾大約30秒-1分鐘OK咖喇, 好易咬 一點都不會難咬,不要放太耐因為會韌-滾幾耐都得, 當然越耐越入味吧, 彈牙, 幾有咬口-滾1-2分鐘,唔好太耐又唔好太快,係呢個場合食蠔當然熟D好啦-滾耐D都冇問題,豆卜係要來吸湯味的呢-冬菇其實7-8分鐘都可以咖喇,見到佢林哂就已經好香冬菇味咖喇,如果聞唔到,即係唔靚-冬瓜都是吸湯味之選同白羅白一樣最後食就正,但要好小心,因為冬瓜係會散哂,再耐D就會"1padpad",見到佢要散開,透明哂就好食喇.變冬瓜溶就會搞到個湯"1padpad"-我地兩個都唔係太好牛肉,所以只點了2碟牛,普普通通做緊優惠$15碟-栗米最後先食

以前吃火鍋只有冬天才會吃,近年來開始有1年4季有火鍋的食店 ，吃火鍋最好約一班朋友出來一起吃才是人生樂趣，早前約了朋友去灣仔吃火鍋，火鍋店的店名幾有趣叫春夏秋冬火鍋，地點不難找，就在時代廣場後面馬路,這間要book位,友人上星期就book了7:30 ,我們入座後立即點食物，服務就一般,環境都OK,只是稍為嘈咗些小，食物上得好快手,肥牛覺得好似太深色,我覺肥牛口感有些小鞋,其他就幾好,芝土豆腐好好味,生菜好新鮮，我覺得整體都OK。味道:湯底幾好，徐了肥牛麻麻地外,其他火鍋配料就唔錯,我最愛是生菜/芝士豆腐/芝土腸/魚皮餃，火鍋配料好多選擇，我們揀了豬骨湯，湯底好清甜環境:我覺得有些小嘈，地方不算大服務:我覺得一般價錢:坦單564元,平均188元一個，我同朋友覺得十分抵食番吃:下次會考慮再來灣仔是美食好地方，今次來春夏秋冬火鍋店亦是幾好地方，適合一班朋友在這裡暢飲一番