Four X Four (Moved) New Location

咁多年來呢想飲杯好飲嘅咖啡都係唯有自己沖再唔係最近都要去到新城市以前Starbucks未藍嘅時候都祈求希望名城開咗之後會有一間點知最後都係冇終於自己屋企樓下就有一間嘢食又好味咖啡又好飲嘅cafe🤣開咗咁耐食咗咁多次啲水準都係好好食基本上無論你點咩都覺得好食（就算係我個人喜好唔係太鍾意嘅All day breakfast 🍳🤣）同埋佢哋個餐單成日轉好有驚喜唯獨是覺得有兩個地方可以稍稍調校第一就係有時候室內音樂太大聲第二就係凍咖啡爭啲，可以再濃郁啲

去完顯徑睇牙醫，search到呢間黃店就喺隔離！同仔仔去試下！！！Order咗1個蟹肉意粉+檸檬茶~侍應姐姐送上嘅竟然係錫蘭檸檬茶，正喎~ 好似Upgrade咗我杯檸茶咁😍😍重點係蟹肉意粉，賣出都已經好吸引，竟然有我鍾意嘅火箭菜鋪晒喺面😍😍😍食第一啖感覺淡淡的，但再咬多幾啖，神奇嘅事就發生了！！！d蟹肉鮮味滲晒出黎，廚師落咗好少鹽，令到全碟意粉味道好清好清，但反而令蟹肉鮮味走晒出黎，真係第一啖已經好有驚喜，夾埋火箭菜一齊食，原來味道係好夾！！最後當然全碟食晒啦！！！我唔係住附近，但呢間一定會再幫襯，真係好好食！！！廚師&職員仲好nice，見佢地都會同客人傾偈，感覺好舒服，好親切！！！仲有餐廳播嘅流行曲都好啱聽！！！

附近係住宅區，手作咖啡店真係少之又少。今日經過開呢頭，專登search左附近有咩賣咖啡嘅地方，就見到呢間！中午時間，裡面幾枱都坐滿人，外面有bar枱，都有人坐緊，都幾多人幫襯喎。我只叫左杯Rose Latte外賣（$36）都幾快沖到出黎，外賣嘅賣相都幾好，飲落有豆香，有淡淡玫瑰味，但咖啡味會出啲，整體唔錯，價錢都唔算貴。不過呢度無豆奶或燕麥奶，純素或對牛奶敏感人士sorry🙈。見平日中午都有好多人食，網評亦話食物唔錯，希望有機會再黎試下！

2020年6月6日，當天第二次來到沙田區大圍著名黃店和你Lunch😂。當天室內座位非常爆滿，店員回復有室外仍然有座位，安排在室外的座位用膳。當天的餐湯同其他黃店一樣都是每個月或每個星期更新一次，當天的粟米湯非常濃郁，而且粟米粒，在製作的過程中沒有刻意使用猛火😊👍，令粟米粒不會容易成為粟米蓉。第二次來到，飲品再選了南非國寶茶🍵。👍👍當天再次品嘗蟹肉意大利麵系列，檸檬橄欖油蟹肉意大利麵，蟹肉非常足夠，而且檸檬中和了蟹肉的腥味，再加上橄欖油非常多汁😊😊。最後，遇著立法會選舉，體育演藝文化及出版界這個暱稱「怪獸」的功能組別，出現了一位重量級候選人，前香港足球⚽代表隊隊隊長及香港超級聯賽球會香港飛馬💛💛🦄隊長陳偉豪，而且有意參選。以及是一位勇於發言的選手，球衣號碼15號正是小店的地址。我在結帳前向店員拿取Memo紙表達所教練及選手的訴求貼上連儂牆。

好耐無去幫襯咖啡小店，呢間cafe一直都係list，見疫情暖和小小，放工後，決定去cafe飲杯咖啡，hea一hea平日下午茶時段，人唔多，可以放心慢慢坐。一入門口，就即刻探熱兼遞份餐牌比你。唔太餓，所以叫左一杯熱既rose latte。$34都幾大杯，有朵好靚既玫瑰拉花，未飲已經心情愉快咖啡味夠濃夠香，奶都打得好滑。唔錯有四個後生仔女打理，走既時候，個個都會友善地講拜拜，服務真係幾好。一路坐，一路聽歌，好似自家屋企甘好放鬆。店舖細細但好舒服知道係幾個年輕人開既，好有心，好有理想，食物質素也不錯，決定繼續支持

第二次幫襯！但限聚令所以等候時間比較長，但值得等！咖啡好香好飲，野食都唔錯，而且價錢都算抵！同埋我覺得佢地好用心去製作食物&飲品，Keep 到水準，第二次幫襯都仲覺得好味！

顯徑最佳黃店😍💛 每樣菜式都好特別好好食 係我食過最好食嘅黃店之一 非常驚喜😍 裝飾亦好有心思👍🏻❣️秘制沙爹醬芝士牛肉三文治及薯角 $85🥪🥔薯角好新鮮好香脆😍 配上醬汁完全無違和感💛 我本來唔太鍾意食Kale 但配上酸甜嘅沙拉醬掩蓋左我唔鍾意嘅苦味 秘制沙爹醬有花生醬味 超級香 成個toast好juicy 非常開胃🤤 完全無左平時食麵包覺得好乾嘅感覺 第一次發現原來沙爹醬配麵包可以咁好食❣️🥰 ❣️微辣車厘茄蟹肉意粉 $88 (加溫泉蛋 +$10)🍝我地加左溫泉蛋 🥚 未撈埋一次嗰陣食左一啖 覺得有啲乾 不過撈埋左之後覺得好食好多 所以推薦大家食呢個意粉的話一定要加蛋啊！ 😻蟹肉好香 有一絲絲嘅都有一粒粒嘅蟹肉 融入左落意粉度 意粉嘅辣味感覺係XO醬黎嘅 同海鮮好襯 唔會掩蓋左蟹肉嘅鮮味🤤是日餐湯-番茄湯🥣番茄味好濃🍅 感覺有啲似金寶牌嘅意粉醬🤣南非國寶茶 ☕️南非國寶茶真係第一次聽🤣 覺得佢好特別決定要試下 我覺得似薄荷味幾特別 朋友就覺得似羅漢果味😋

作為仔女一定要努力感染屋企人變黃今次帶埋媽媽一齊去食黃店💛💛💛———❤️ All Day Breakfast $78係豐富既all day breakfast 有我最愛既茄汁豆 炒蛋 菇 同香草腸🤤唔洗諗 即刻叫😎❤️黑醋汁野菌炒意粉 $88 （温泉蛋+$10）個人黎講都幾鍾意黑醋汁 配意粉好惹味 唔怕腻 🖤🌟Lunch set免費加配飲品————Cafe黎講都好抵食位置偏僻左小小個日仲要落大雨不過睇左佢地既報道好想支持下所以見順路就plan埋小店要加油💛💛

五.一黃金周當然就要懲罰黃店，之前一日千挑萬選，揀了呢間食早餐，果然冇揀錯，不狂我專登撘車去食。去到等左幾個字先入得，兩個人叫了一個all day breakfast, 一個三文魚旦沙津三文治，兩個美式咖啡。All day breakfast 入面所有食物都非常美味，個蛋好滑，但一啲都唔「溜」，個腸仔好味之終一啲都唔咸，試吓個三文魚旦沙津，非常之夾，食完仲係好餓唔夠喉。個咖啡唔洗講都係好香。一個非常之滿足嘅早餐，一定會再去😊

久聞four x four是黃店中的黃店，今日一去真的名不虛傳，由於平日經常都大排長龍，所以特意預早了時間去幫襯。在門口已看到黃色的蹤影，內裡更加不得了！再講食物，午餐中包飲品和餐湯，性價比算不錯，南瓜湯味道很足但略嫌不夠細滑，意粉的醋味很重但恰到好處，味道很特別。別小看他的多士餐，份量可能是三個餐中最豐富的呢！食物都具有一定質素，店員的態度也很親切，唯一美中不足的是食物的份量不太大，食量大的朋友便要考慮下午茶時間才來光顧了！

2020年3月14日星期六中午當天在屯馬綫顯徑站🚄下車，一路顯徑邨方向往前行在對面的村屋上徑口村就會尋找到小店的位置。由於小店是村屋的格局等候坐位需要十五分鐘，當天量度體溫及雙隔1.5M的措施是未生效的。南非🇿🇦除了國寶足球⚽及欖球🏉外，還有餐飲😂，當天選了南非國寶茶🍵，茶味甘香，而且不苦澀，而且口感接近廣東涼茶，拍得到臺灣🌸的阿里山茶🍵的名氣。同樣地，身為足球⚽教練的你，被小店的名稱的Four X Four深深吸引，容易產生錯覺為足球陣式之一的Four x Four x Two 4-4-2😂。當天的餐湯，甘筍湯，甘筍味道濃郁，而且還很清爽，感覺和馬鞍山💛良心小店Puzzle Dining及牛頭角💛良心小店MeowBox一樣用心製作。🙌👊主菜，車喱茄蟹肉意大利麵，意大利麵是扁身的意大利麵，而且蟹肉非常多，而且車喱茄的酸甜可口中和了辣味。😊

其實個人覺得喺大圍住顯徑附近，餐廳嘅選擇係有嘅，但適合坐下cozy啲同朋友傾偈、飲杯咖啡嘅真係唔多。FourXFour 去過一次之後就好中意啦😄 首先係個人好中意聽佢哋80後的playlist 🙈 太啱聽啦！食物方面亦都好有水準👍🏼 最常食係All Day Breakfast。沙律菜🥗次次都好新鮮，而且有少少汁，剛剛好，唔會太乾或太濕😊 一定要讚嘅係個炒蛋 🍳，scrambled egg 唔會太熟，面頭有汁，顏色好靚，味道都好好。其他蕃茄🍅、菇、火腿都好正常。腸仔係徳國白色粗粗哋嗰隻，有質素唔hea你嘅。仲有個包🍞係有toast度，要牛油🧈就自己問佢就會畀你。我好ok，因為我唔要嘅。加左$10要smoked salmon令個早餐更圓滿，我就食得更滿足。你見baked beans 另上係咁啱漏咗，佢哋自己發現所以後補畀我，好誠實，其實我自己都唔發現😄杯咖啡☕️通常我都會加$10轉Latte，因為我好奶多過啡😛 雖然唔係咖啡控，我都好中意佢哋杯啡，小店做到次次都保持水準，好飲過岀面連鎖店好多，連鎖店賣幾十蚊杯，但仲要睇你好唔好彩遇著個真係識沖嘅。去咗好多次，所以先可以咁講。最後係4個80後年

今朝我就去左呢間顯徑小店💛💛💛Lunch Set : All day breakfast ， 包湯+飲品 $82 個甘荀湯，夠熱夠香，好好飲！All day breakfast 材料都很多，雞蛋都煮得幾滑。 杯Latte 飲落有驚喜，幾好味😋服務態度非常好👍🏻💛💛💛

一直鍾意幫襯小店，今次下午茶時間黎左呢間一路bookmark左既four x four 👇🏻芝士菠菜蘑菇多士👇🏻（唔肯定全名係咩😅）依個上枱個陣我同友人都嘩一聲，因為估唔到下午茶既賣相都絕不馬虎！事實係味道都好好食而且十分足料! 簡直想Encore!!Tea set每個都係$60左右包埋嘢飲，真係太抵

雖然目前疫情仍然嚴重，但留喺屋企時間太長都總會想出去鬆一鬆，呢個時候最好就係幫襯黃店。Four X Four係大圍出晒名嘅黃店，店鋪裏裏外外貼滿文宣，亦設有連儂牆，最重要係味道出色。Lunch set選擇有五款，有all day breakfast、三文治、意粉、沙律等等，間唔中都會轉下menu，包你唔會食厭。是日餐湯係番茄湯，每一啖都係滿滿嘅蕃茄蓉，酸酸甜甜又濃郁，係一個好醒胃嘅湯。🍽【All day breakfast全日早餐$78】食材同出面餐廳提供嘅都係大同小異，有滑蛋、煙肉、香草腸、厚多士、沙律菜⋯同行朋友食得好滋味，味道應該唔錯。🍝【Wild Mushroom Linguine in Cream Sauce牛肝菌野菌忌廉汁扁意粉$88】每一條意粉都包裹住忌廉汁，超級creamy，雖然成碟意粉都係素但係味道一啲都唔寡，面頭嘅lemon grass亦都令成碟意粉唔會咁單調之餘，亦可以中和忌廉嘅膩口。大家切記要戴口罩，勤洗手，亦建議大家帶定多幾個口罩傍身，可以即時派比有需要嘅人，一解燃眉之急。