Four X Four (Moved) New Location

weekend想去冇咁旺得嚟又易去嘅地方散下步，就搭下條屯馬線去顯徑。指定動作要搵下coffee shop. Openrice seaech到呢間好似係唯一一間coffee shop@顯徑。都幾易搵路，隔離間舖頭有個易拉架擺響舖頭對出條大街，寫埋呢間嘅名。結論：呢間應該係食嘢嘅cafe. ☕啡評：latte. 失望到一個點完全冇香氣兼係難入口，唔知係啲豆係太舊定係咩原因，得種油臭+咖啡渣味，我勁努力飲咗4, 5啖都頂唔順先掉

一個星期前朋友帶我嚟呢度食因為有性價比高嘅ADB(我本身好鍾意食ADB)環境舒服，店員友善🥰今日咁岩男朋友放假所以到我帶佢去食我地特登搭車由九龍入黎大圍食我覺得很值得因為食物好俾心機煮即使係一個醬汁，都能食得出心機之作👏🏻👍🏻店內本身位唔算多但出奇地每次(其實我都只係食過兩次😄)都不需排隊能夠在這個情況下吃好東西實在覺得好chill🥰🥰飲品也不錯有些種類的熱咖啡可以拉花而且價錢不算貴質素也很好今日我又如常點了adb 男朋友因為想食雞扒所以叫咗個雞扒包嘅餐個包好特別類似中東包d friend味道不錯剛剛出爐溫度很熱又有少少脆口過咗很chill的一個中午🥰❤️

今次係第二次惠顧，都是叫蟹肉意粉和熱美式咖啡。第一次惠顧時的湯係忌廉湯，今次係番茄湯。個湯食到少少番茄肉茸，濃淡適中。至於蟹肉意粉，印象中第一次同今次個汁醬(?) 有分別，但都好好食，啲蟹肉夠鮮甜，份量都唔少。至於美式咖啡，唔知係咪啲咖啡豆唔同咗，咖啡味好似無之前咁好飲。

同朋友都係第一次嚟到顯徑 地鐵站行大概8分鐘終於搵到嘅小店 位置啲啲偏 係村屋群入面 要跟住google map先搵到每個set都好吸引 個人覺得蟹肉意粉最有特色同最好食 蟹肉係有鮮味有質感的～ All day breakfast 有水準但就唔太出眾店員有禮。唔會催落單，朋友未到時店員見到會主動問食物上得味，亦幫我地上左飲品先。食完哂飯繼續傾左陣計亦冇趕人。整體感覺好好，係同朋友見面一聚的好地方有機會會再嚟的

!!!!!雖然位置偏遠 但必定會再度到訪！ 😍 全因一個意粉😚😚 就係忌廉墨西哥豬肉意粉😍😍 每啖都好creamy 好濃郁 軟硬度都好完美 仲要豬肉真係好有豬味 唔係講笑😂😂 食開豬既人會明 🤪 真係打住字都好想食呀 omg !!! 真係好掛住😢😢另外仲點左個雞扒包配薯條 呢個就正正常常 薯條新鮮炸 好好食😚😚😚 雖然個意粉好出色 但呢到既飲品就真係好一般😂😂😅😅😅 叫左杯americano 同 cappuccino 都好一般🥶小小美中不足係當日得返室外有位 個日仲要好熱 所以係出住汗咁食🤗 入面位置都好似得5-6張台一定一定會為左個意粉再返黎 雖然偏遠 哈哈 🥰

前一日先食完意粉，今日約咗朋友一齊喺顯徑呢度試吓佢嘅早餐，聽落好似好瘋狂，但係其實真係咁啱朋友住喺顯徑😛😛成日都覺得all day breakfast 唔係考廚師嘅工藝，而係入貨嘅要求，因為好多都係整返熱就得，除咗炒蛋😂😂呢度嘅炒蛋我就覺得一般啦，唔係滑身嗰種，但正常☺️腸都唔錯，唔會極度油膩，充滿油嗰種，有啲係食到好膩，另外配有好少餐廳會選擇嘅燈籠腸，健康啲❤️值得一讚嘅係沙律菜，呢度嘅沙律菜好新鮮，佢配嘅沙律汁，好清新，我本人就好鍾意，出面嘅沙律菜有時都係霉霉，所以有陣時都唔敢食，但係佢呢度我都食晒😝

今次係住香港島嘅我再一次遠征大圍顯徑食呢一間four x four，原因唔差，係因為佢性價比高，而且味道真係非常好！所以要再嚟食，好掛住呀！😝😝😝入到黎就發現佢哋轉左Menu，冇咗上一次食嘅腩肉忌廉汁炒意粉，不過唔緊要，新嘅柚子胡椒醬油忌廉汁雞肉炒意粉聽落都好吸引，所以一於嗌！上枱嘅時候，繼續覺得好吸引哈哈，尤其是上面嘅香蔥粒，真係賠返柚子胡椒醬油嘅係日式style！❤️😆柚子胡椒醬油忌廉汁我真係要讚下，我開頭以為係會好creamy嘅忌廉汁，原來唔係，食落嘅油膩感一啲都唔重，重大有一點點嘅清新！除咗香蔥粒同雞肉，有four x four好正嘅香蒜片，就係因為有佢哋嘅香蒜片，佢哋嘅炒意粉先至咁香咁美味！雞肉應該就係雞脾肉，雖然有皮，但係佢哋煎得好香，所以我都食埋😂😂原本今日諗住試佢哋嘅咖啡，但係因為有乳糖不耐症，呢度又冇得轉Oat/ soy milk，所以都係放棄，飲番上次好好飲嘅西柚冰茶🥰🥰🥰決定咗下次我要試檸檬橄欖油蟹肉炒意粉！聽講係做得好好！下次我又要為左 four x four遠征啦❤️❤️

舖面好細，位置不多，但富格調。客人不多，侍應好有禮貌，好似走左入去高級餐廳的感覺，但價錢又相當平民。點了個全日早餐，水準絕不失禮，焗豆及煙三文魚保持一貫水準，炒蛋好滑，多士香脆軟熟，薯餅溫度剛剛好，軟硬適中，就連餐湯及凍飲都好好飲。最讚係個炒磨菇，係我食過最好食既炒磨菇。食物份量都剛剛好，只係實在好味到想叫多一份，但其實已經八分飽。美中不足的是店主對選曲的品味差左少少，如果可以播返啲高質啲既廣東歌就完美了。

特意造訪，咖啡香濃，食物製作認真，態度誠懇，裝修擺設人間有情，無嘢好挑剔，除左店員沈迷於monhunt，點解一定要人打夠80個字，少一個都唔得，其實有質量，8個字都夠。

👍🏻👍🏻👍🏻👍🏻👍🏻/5分💛Four X Four大圍上徑口村15號地下-All day breakfast-加煙三文魚&香草法包🥖呢個all day 都幾令我意外😍個滑蛋真係炒得香同好滑☺️個法包超級鬆脆同埋香🤭另外d 沙律菜🥗都超fresh😆仲有淡淡既柚子香😊整體都算大份😄比得包配雞扒🐔乳酪醬+薯條🍟個pita包真係第一次食好重麵包香😄同個雞扒同乳酪醬超級match😀個雞扒好香香草🌿同埋又juice 又滑🥰重點係d薯條🍟好重薯仔味同埋脆卜卜😇無茄汁都有個乳酪醬點😍所以都好正-🚽(5🌟滿分)超細間店得10張臺唔多覺有🚽

知道有呢間鋪好耐架喇之前都有睇啲雜誌介紹過但一路都未的起心肝😂因為個位置實在有啲偏遠今日趁假期當順便去顯徑行下果然無令我失望呀！！首先叫左呢個雞扒配pita bread(*^o^*)雞扒夠嫩滑而個yogurt cream 配薯條都好好味呢仲叫左個all day breakfast雖然算係易整的菜式但整體都絕對唔會令人失望呀其實係大圍顯徑呢便一路都唔多好味既cafe希望可以多多加油以後想食cafe 又多個選擇喇

位於顯徑的隱世咖啡店，平時行過唔會留意到佢，要專登搵先會見到。店舖唔係好大，但係好有格調。廚房只有一道一米高嘅門作阻隔，所以係見到職員喺度煮嘢食架！舖頭由4個年輕人創辦，食材新鮮，但係份量就較為少。叫咗個碎蛋沙津煙三文魚多士，份量只有一細舊法包片，只能作為短暫醫肚仔。不過碎蛋凍凍地，煙三文魚唔係好鹹。食落都可唔可以既！咖啡無拉花，令人比較失望，而且咖啡底偏苦澀，麻麻地～但作為需要被懲罰嘅餐廳，如果咁岩經過附近都可以一試。

好用心嘅小點  帶住兩隻狗仔 去沙田打針 想食野就要搵間可以坐門口嘅 上網搵到呢間dog friendly cafe 所以就揸車去咗試一試  Lunch set 只有四至五款嘅選擇 選擇都算吸引 而且價錢都係一百蚊樓下 加十蚊仲可以轉cappuccino 講番食物質素 叫咗個蟹肉意粉 同一個沙律 薄燒豬肉加麵包 配 乳酪醬 兩個份量都好多 而且好好味 感覺到廚師係有誠意 而且有廚藝 另外咖啡都係出色嘅

本身未食晏好肚餓，已經四點，諗住搵間cafe靜靜地休息吓，食吓野，特登出到顯徑，到左cafe叫左個下午茶既墨西哥卷，味道正常。沙律菜用柚子汁算有特色。見黃店特登已經黎，不過整體真係好一般，可能下午茶掛，野食就算，正常都過。但最大問題係當無乜客時，店員加朋友x5就係度打手遊（槍game）開到勁大聲，講野又勁嘈，旁若無人，想舒舒服服咁hea下都唔得☹️背景音樂已經好大聲，再加上佢地打機聲，真係大聲到同朋友完全傾唔到計

自從上次食完，都差唔多幾個月，一直好想再去試。今日又係專登搭車入去食，食完又撘返車走，但最後都係冇令我失望。所有野食都好味。兩人叫左一個all day breakfast,一個自家製羅蔌醬煙肉意粉。all day breakfast 一如以往又係咁出色，個包又軟又脆，食物好新鮮，但食完之後唔覺得好漏，可能因為落得少油？至於個意粉，個醬好好食，有花生碎，所有醬汁都輔滿每一條意粉之上，煙肉又好香。非常期待下次再去。