Francesca & Giovanni (Moved) New Location

豬扒之家的咖喱飯下肚了，也是時候「買手信」。專誠找找看的這家店子，裝修有風格，在舊區大角咀中更顯其特別。走進去店員沒有催迫，我自己隨意看看的感覺很好。$20一袋曲奇絕不便宜，但包裝精美，是有保鮮封條的自家袋，如此包裝，$20也當是豪了幾元給這份細心。煩惱著該選甚麼味道，店員就適時的出來逐一介紹，有耐心，對出品也夠認識。最後選了榛子朱古力曲奇，一包大約有10塊，果真如店員所說像是吃金莎一樣的味道，很好吃很滿足。$20給自己買一份漂亮的幸福。

好開心!!我記得有一間HANDMADE餅店, 我今年就送呢樣俾人做聖誕禮物啦>.<佢今年加咗價... $20一袋, $60一罐我買咗朱古力, 黃占原味, 果仁咖啡 各一包, 無用密實袋, 用咗透明膠餏加絲帶可惜, 無影相, 好靚架!!!!!佢地收到好開心, 一打開仲好香好鬆, 大家都話味香濃但不漏... ...食到停唔到... ...

剛巧在在奧海城附近, 一場來到大角咀, 無理由不順便到訪這間雜誌介紹過的曲奇餅店。 店子地方不大, 蛋糕櫃放了些芝士蛋糕, 另一邊放了不同味道的曲奇餅, 如榛子、oreo腰果、花生醬、朱古力杏仁等, 已包成小袋, 全部不超過廿元。如果想一次過試勻多種口味, 也可選購罐裝$50。 今次只買了少許試味。 特濃朱古力曲奇$12: 用印著店名的紫色絲帶捆著, 增添一份典雅感覺。看見特濃二字不用多想便買下, 心心形的曲奇賣相很可愛, 有一定的厚度。聞落已覺得很香, 食落夠鬆化, 牛油味相對地輕, 反而著重朱古力味, 帶點甘苦, 相信會幾受黑朱古力愛好者歡迎, 只嫌中間心有點濕。面頭的砂糖既收點綴之效, 又可中和當中甘苦。 Brownie $4: 只簡單地用保鮮紙包好, 賣相平凡但卻予人驚喜。我待隔日才吃, 但仍然很濕潤, 一點也不乾, 實中帶軟, 朱古力味同樣濃, 甜度低。 如此平日近人的價錢竟能帶給我極高的享受, 一粒真的不夠呢! 眼見店員雖然忙著焗餅, 但仍親切地招呼我們, 還主動奉上新產品試食, 如此殷勤有禮的服務態度確是難得。等付款時發現這裡可訂造大塊曲奇, 有人形、熊仔等形狀, 更

0華，看番第一個食評，發覺原來2007年一包曲奇只賣8蚊。我剛才買那包果仁曲奇要$18。果仁曲奇：比牛油曲奇，我還是愛吃果仁曲奇。味道非常好，下次要試埋他們的brownie.Halloween將至，買了2件公仔曲奇給朋友。pumpkin公仔的要等3日，現貨有鬼，稻草人同蝙蝠。鬼曲奇賣$25，稻草人曲奇要成$45。一心走來買曲奇卑快要離港的朋友，所以無理價錢，付了錢即走。但回想起45蚊塊曲奇，超貴! 文華酒店的cheesecakes同美麗華酒店的cupcakes都0吾使呢個價錢。希望老板0吾好再加價了。

同朋友特登入大角咀買曲奇..我地去到先知佢地就收工...不過店員一樣好熱情咁招呼我地...比左好多唔同味既曲奇我地試試左幾款...覺得唔錯wor!!! 買!!!罐野打開就見到中間大大個既心...so sweet!! 好鐘意呀!!唧花o個幾款都好鬆化..好驚大力小小整爛佢牛油曲奇: 餅中間有小小果jam(!?)...唔太甜膩又食到好香既牛油味...正朱古力牛油曲奇: 朱古力味好濃..岩哂我 得呢款有6件..太好啦..唔駛就住食咖啡牛油曲奇: 好香咖啡同牛油味...不錯!!心型曲奇: 對我黎講係蛋卷版鬆化曲奇...面有小小細沙糖...幾好味Oreo腰果曲奇: 香脆...但Oreo同腰果加埋兩個味都唔突出...差花生醬曲奇: 呢個食落又係得意wor...脆脆地既...一邊食一邊會有花生味湧出黎朱古力杏仁片曲奇:濃濃既朱古力味加勁多杏仁片係中間d杏仁咬落去好似咬到脆糖咁..正下次要單買朱古力牛油曲奇, 朱古力杏仁片曲奇呢兩個味真係好正....推介

跟好友們在尖沙咀分手後,意外地在北京道發現去大角咀的小巴路線,反正時間尚早不如到大角咀逛逛,坐小巴可以走少點路又可快點涼冷氣!! 上~~ 在匯豐中心下車就走到對面這小小甜品店, 除了必買的brownie外,還買了包裝靚靚的特濃朱古力曲奇餅。brownie($4/粒), 依舊有著濃香朱古力味,軟糯質感拍得住剛才的CPK同類型產品,好味!很喜歡那條有店名的紫色絲帶蝴蝶結,要是用來包裝餅盒一定很漂亮! 造成心型的曲奇餅質感很鬆化,牛油味不濃, 朱古力味道頗濃郁並有點兒苦味,曲奇餅本身甜度不太高, 加上餅面零星砂糖就剛好, 喜歡濃香朱古力如我的會頗對胃口。門前那些包裝精美的罐裝曲奇實在吸引,下次應要買一盒跟好友們分享一下才成!

放工去奧海城睇戲..一心諗住黎呢到買brownie..點知去到無哂啦..佢仲差唔到關門..一問之下..先知..佢關七點的..下次黎買要早d啦...黎佐無可能唔買野走..所以最後買佐..朱古力曲奇一試..正呀..真係好出色...好鬆化..好香朱古力味..好有驚喜呀...18蚊...唔貴..值得買個袋都好有意思..Homemade the Best!!!!

自從在雜誌上看過這曲奇店後, 我一直心郁郁要試, 畢竟曲奇這甜點是很多女孩子的恩物, 閒時吃一塊多寫意~但我卻很少到這地方, 雖離家不算太遠, 但感覺上pull factor不夠強烈, 反而在附近工作的MP卻一直跟這店擦身而過... 幸好快將離開的MP自動自覺地買了一盒給我~太好以為平凡的銀盒, 卻原來浮雕了此店的名字, 很有心意的包裝~ 而一打開盒蓋, 發現曲奇凌亂地散佈在盒內... 到OR查看才發現本來是排列整齊的, 原來曲奇經過數次搭車八後,舟車勞頓了~ 看到有三個大心心曲奇, 而一數之下除了心形餅以外, 還有六款味道~曲奇不如珍妮's般香味飄逸, 不過香味也不代表甚麼, 味道才是關鍵一個下午便可以把七款味全部試勻~ :::朱古力::: 這款朱古力一聞有淡淡的香味, 但一吃就不得了, 朱古力味很香濃呢~ 而且texture是鬆化的!! "jit"花形的曲奇一口一塊, 香鬆無比~ 非常滿意~:::牛油+黃梅::: 這款該是最普通的牛油味, 但卻有一點的黃梅醬在中間, 是為平凡中的不平凡~鬆化程度跟朱古力味的相似~::eanut butter:::是我最喜歡的味道~ 這款就比較脆口,

　很喜歡F&G的包裝，低調得黎夠簡單。本來並非曲奇粉絲的我，一而再，再而三打開那銀色鐵罐，不停吃、吃、吃。因為甜度適中，而且不是一般街外吃到「甜到漏」的製品，所以吃了很多也不覺膩。曲奇夠鬆軟，最欣賞它沒有太油膩的感覺，很light，很可口，好像吃極不胖似的。另外，送了兩包給朋友，她本來不太嗜甜，但也大讚好味，說那個甜度真的很容易入口。個人認為絕對不是一般街貨，而價錢相對它的手工和質素而言，也很公道。絕對會再幫襯﹗

《飲食男女》真係比左我好多搵新野食既資訊。呢間也不例外。強調「手造」曲奇,有果醬、咖啡、牛油、朱古力杏仁、榛子等等….。能夠吸引我專程來的,當然係無咁常見既Oreo榛子曲奇($18)喇！一啖一塊,牛油味輕輕,很脆口,雖然見到好多Oreo餅o係度,但Oreo既味,俾曲奇本身混埋左,同食普通曲奇無異,完全無home made感覺!失望!另買了榛子原味曲奇請人食,我諗都係得個「脆」字。另有窩夫、三文治、咖啡、cake(今日有黑森林、mousse cheese cake,望去賣相好「現成貨」,一定唔係自家製)。Oops!除左曲奇,今日我仲諗住買Brownie架!不過成間店望過,都唔見,攪到連問都唔記得問。我諗如果再黎呢區先至試咯,否則都唔突登黎。

一直係食家梁家權先生的fan 屎, 佢每次"捐"窿"捐"罅而搵到既推介都唔會令我失望.今次都唔例外,各位如果鍾意homemade果仁曲奇, 其實唔一定要食個啲勁排長龍又要2個星期前預訂既舖頭..呢間係奧海城附近小街既餅舖, 雖然比較隔 sip, 但係勝在食到師傅既誠意, 用料一流, 入到去迎舖頭見到一個透明玻璃門小雪櫃擺滿新鮮材料, 杏仁片啦, 果仁啦, 朱古力啦...食開曲奇既都知道,有果仁既曲奇一定貴好多, 但係呢個老板一啲都唔吝嗇, 榛子果仁曲奇 $20 一包, 夠精緻, 唔會好甜, 唔肥膩, 啱啱好, 最緊要好多榛子鋪滿曲奇面...一罐曲奇$50, 個size 好似細咗啲, 不過對於一眾為食, 但係食多兩塊朱古力又話要減肥既OL就啱哂啦... 仲有非常值得一提既, 就係佢地既包裝絕不馬虎...尤其個鑄有Francesca & Giovanni 名個鐵罐, 簡單得嚟又好 high, 所以新年送禮最fit...我忍唔住一次買四盒, 姑姐都問我嚮邊 "樹" 買.. 話我有 taste ..haha

同傻婆大角咀搵野食中發現一間簡潔小店見到係賣cookies,sandwich,仲有d cake 八卦入去睇下 結果買左盒cookies 決定左買果時仲比左2塊我地食 有誠意食後感:鬆脆---唔似supermarket買果d硬"掘掘" 味道適中---唔似Mrs fields果d甜到漏一罐廿零塊 唔驚食唔晒$50罐 可以接受一罐太多都仲有細袋裝 十零蚊送禮自奉都係好選擇

今天路過試了牛油果三文治, 其實想試試choco brownie怕太多了, 下次再試$20 全份三文治, 牛油果+ 淡味cheese 的配搭好好食完想食多次下次去一定會試出名的chocolate

差不多每朝都會經過 Francesca & Giovanni 買碎蛋三文治做早餐~入面有蕃茄片同碎蛋, 而碎蛋和沙津醬的比例適當, 唔會太多太少… 因為我好鐘意食火腿, 試過多口問可唔可以加火腿, 三文治妹妹都話其實好 flexible o既, 同埋即叫即做, 火腿另加 $2.相比美x西餅, 便利店買的三文治... 這裡的三文治真係落足料又新鮮, 加埋火腿都係$14, 抵食! 有時如果返晏, 仲會買佢地的 Honey /Blueberry Muffin!軟硬適中, 口感好好, 而且唔會太甜! 間中食都唔怕肥~Honey 感覺好Sweet, 而Blueberry 的味道就比較清新~有時遇到剛剛出爐的 muffins, 暖烘烘的, 好好味!

今天行過 Francesca & Giovanni , 又忍唔住買左3 件 brownie 超正!! 細細件,份量剛剛 又唔太甜, 加上朱古力味香濃, 3 件 brownie 很怏已被我消化了.最鍾意係佢濕濕地ga, 口感一流. 食過番尋味~~~~~