freshtea by happylemon (創紀之城五期(apm)) (Closed)

APM 近年引入左好多特色台式飲品店，令到呢區人流突然多得好緊要，無他，年輕一代每每都想嘗試新產品，而apm正正迎合到呢股年輕風☺️☺️是日於apm吃完拉麵後，轉角見到呢間fresh tea by happylemon , 吃得飽飽濟濟當然要喝杯酸酸甜甜飲品啦😽😽😽1. 手檸苿香綠茶🍋🍋🍵🍵見到職員將整個青檸放入冰凍綠茶中攪拌，就知道呢杯飲品絕對落足料😍😍事實亦是如此，苿香綠茶不會太甜，青檸汁同綠茶非常夾，入口甘香醒胃😋😋2. 芝士黑烏龍茶🧀🧀☕️☕️芝士奶蓋味加係甘甘地既黑烏龍非常夾，黑烏龍較一般烏龍茶苦，齋飲會似普洱茶，反而加左芝士奶蓋後苦味無左，感覺更似奶茶☕️☕️ 友人覺得呢杯超好飲，絕對推薦😎😎Happylemon 近期推出既飲品款式非常帶創意，對比其他台式飲品店更花多點心思，值得再試😜😜😜

其實happy lemon真係一間性價比好高既飲品店。佢地價格吾貴但用料係用心既，例如飲佢地一啲用茶做底既飲品，正程係成個茶包係埋入面但最深深吸引我既都係orea奶茶，用少少奶油配襯，加埋好香濃既奶味，真係好飲到一個點我次次都買大杯仲要加珍珠，都係$29，叫開微糖，但我覺得即使微糖黎講，佢既甜份都偏高，啲珍珠食落食得出用大量糖漿浸煮，但醒在奶香塔夠，又有無敵百搭oreo我次次都可以飲哂一杯，吾會話漏到頂吾順

happy lemon我由細飲到大😂最近比隔離d黑糖珍珠鮮奶蓋過咗風頭，咁啱今日咁啱喺apm行街見到佢，原來佢都出咗黑糖珍珠系列😲😲😲仲配咗仙草凍添!!梗係要支持下。我叫咗一杯黑糖仙草鮮牛奶，同埋一杯oreo曲奇奶茶🥛🍵平時飲慣咗黑糖珍珠，慣咗有嘢咬，轉飲仙草凍感覺light好多!!! 唔會又飽又濟，食完飯飲都唔會覺得過分，罪惡感大減😂😂😂雖然冇得揀甜度(因為係鮮奶)唔到但係亦都唔會太甜， like👍oreo曲奇奶茶 🍪佢將大量嘅曲奇打碎咗，飲落口有口感得黎 又幾creamy，感覺好特別而且味道好夾😍😍同樣叫咗微甜啱啱好!!🤗 飲厭咗周街都賣緊嘅珍珠奶茶覺得太普通想轉下口味，可以轉飲呢杯都唔錯 👍

星期日臨時要去apm圍訪韓星簽名會，早左到現場，同同事想飲珍珠奶茶，想黎個有效率既，最後決定飲fresh tea by happylemon☕️ 成個過程10分鐘唔使，快靚正！黑糖珍珠鮮奶$25甜度一樣係set死左唔可以改，冰度可以，鮮奶奶味濃，唔係劣質奶粉feel👍🏻珍珠唔係好散個種粉狀質，同事覺得飲得過，仲要唔使等好耐🤩特濃益力多綠茶$23叫左半糖少冰岩岩好，半開放式沖製，睇住職員開益力多黎用，而且飲落好fresh,睇真d原來加左舊青檸🥰

Fresh tea 係我其中一間最愛既飲品店😆😆因呢間同平時台式飲品店唔同，多左唔同系列既茶😋😋我最愛係手榨檸檬茶🍋系列手榨檸檬蜜香紅茶☕️😋😋檸檬好fresh 好清新🥰又開胃感覺好健康，補充Vit C 🥰🥰🥰

約咗朋友到apm唱卡拉OK， 路過見到Happylemon，忍唔住手買返杯來飲下。 點了一杯經典岩鹽系列～ 岩鹽芝士蜜香紅茶（熱）$21 和黑糖珍珠鮮奶 （中）少冰$25。 先講講黑糖珍珠鮮奶， 黑糖的顏色 令到整杯飲品好像藝術品一樣漂亮，鮮奶味道極濃滑， 珍珠微甜咬口煙韌。 岩鹽芝士蜜香紅茶的岩鹽味道突出，但沒有蓋過芝士的香濃，配合埋蜜香紅茶令到口感豐富。我還見到有新推出的仙草系列， 啱曬夏天 解渴消暑。 不過我最喜歡都是happylemon的岩鹽系列。

食完飯，最鍾意買杯野飲返公司嘆下。之前飲過這間檸檬仔的珍珠奶茶都不錯，所以今日再返來。檸檬仔推出愈來愈多不同的系列，今日選了近來新興的岩鹽芝士鮮茶系列，當中都有很多配撘，我就選了岩鹽芝士經典綠茶。一般的奶蓋已經不再特別了，現在是奶蓋加上鹹香的芝士，一鹹一甜的，未飲過會覺得奇怪，但飲落又幾特別。員工還提供溫馨提示，先不要拌勻，先飲一啖，便會一同嘗到厚厚的芝士奶泡及清香的茶底，奶泡幼滑，奶蓋的厚度目測有2cm厚，不杰身，芝士味頗濃，淡淡綠茶香味，要了3分糖，甜道對我來說剛剛好。$21 杯對比其他飲品店較平。

細細個成日都飲happy lemon，宜家出咗好多新嘅台式飲品舖之後都好少去飲。今日咁啱同朋友經過就諗住再試下，睇吓佢係咪同以前一樣咁好飲！叫咗一杯手檸茉莉綠茶同埋芝士黑烏龍茶。綠茶果杯好清新，飲落都有淡淡花香味，加埋鮮青檸，酸酸地，好開胃。另外芝士烏龍茶嘅芝士奶蓋好香濃好滑，同埋份量都幾多佔咗成杯大概三份一。烏龍茶茶味好濃，同芝士味都好夾！呢間飲品舖都追得上潮流，都有買黑糖鮮奶嘅飲品，下次黎一定要試下！😋

最近成日都口痕想飲嘢 (明明我要開始減肥)，喺apm入面揀咗間少人排嘅，同友人叫咗一人一杯。岩鹽芝士黑烏龍茶 (中杯) $21 芝士奶蓋好濃郁，配上清澈嘅黑烏龍茶，兩者配合得恰到好處，奶蓋配茶真係超正，大大減低我嘅罪惡感～黑糖珍珠鮮牛奶 (中杯) $25 喺無叫少甜嘅情況之下，甜度適中，黑糖同鮮奶嘅比例唔錯喔，但就略嫌珍珠有點硬，唔太好咬，煮淋啲會更加正！唔駛加一，埋單2人約$50。如果你鍾意睇我嘅食評，不妨關注我，支持吓我，謝謝你☺️💕

Happy lemon 今天在觀塘APM 睇戲前想喝杯珍珠奶茶解解喝！ 記得1樓有《Happy Lemon》 ，很久之前於旺角中心已極愛這家，還要多加岩鹽芝士！ 今日朋友推介了「仙草來襲」的黑糖仙草奶茶！ 聽說都是台灣直送還會拼鮮牛奶！ 好吧，就轉轉新口味啦！ 在等候期間，那邊廂的餐牌推出了可自製個人口味的飲料 —— 檸檬 茉香綠茶 、oreo 朱古力加布丁等等......eeeeeee... 又幾吸引播～～ 職員很快手，大啖的先渴一口，味道適中，奶跟茶比重剛好，易入口。 仙草份量很多，又滑嘟嘟的滑進喉嚨！ 價錢由 HKD 25起另加幾蚊附 加紅豆/仙草 / 珍珠！ 還有半小時之多，於是我們慢慢步行到戲院了樓層了。

在APM吃完lunch，心思思想買杯飲料。雖然附近選擇很多，但賣得越來越貴，真不捨得經常買。經過happy lemon見到價錢相宜，立刻買一杯一解心癮。好多年前happy lemon在APM也有店舖，但有一陣子品牌像是消失了。重開之後想不到有很多飲品種類，這天選了最簡單也是我最喜愛的岩鹽芝士經典綠茶，才$21真的令人不能抗拒！當然，便宜不一定好，過去幾次我喝奶蓋也有試過中伏，所以即管一探虛實。第一口喝下去，芝士濃稠度適中，而最欣賞的是喝得出岩鹽的那點鹹味。喜愛芝士奶蓋的人應該明白那一點鹹味的重要性，稍為吊起芝士的肥膩，在味道上提升了它的層次！最讓人感動的是奶蓋超級厚，應是我喝過的比例最多的一杯！茶底雖是不知名的綠茶，不像其他品牌那樣花巧，但是茶味甚出，第一口學下去想得出那種甘味，以這樣的價錢算是性價比爆燈！以後有budget再喝多一杯啦！

食完芝士撻想飲下野，就行過黎買左1杯oreo曲奇奶茶小甜小冰，1杯手榨檸檬蜜香紅茶小冰小甜。等緊期間見到唔少人買野飲，不論年輕男女，仲見到有婆婆都買，可見lee 類飲品店已經好普及。等左一陣都幾快有得攞，Oreo曲奇奶茶小甜小冰茶底都幾滑幾香，味道都ok。 手榨檸檬蜜香紅茶茶底唔澀幾香濃用左青皮檸檬好清新，有果香味。飲品種類都幾多款式，有手榨檸檬茶，水果茶，抹茶系列，野薑系列，仲見到有近年流行既岩鹽芝士同黑糖，下次要黎試下。

今日食完晏，行左陣街，見到呢層幾大既台式飲品掙生意 🤣🤣 搵左間唔太多人既 👍🏻之前都飲開佢既茶唔錯，見呢排黑糖珍奶咁 hit，試一試佢！隻佬叫 Oero 奶茶，呢個都好特別 😅等左一陣就可以拎喇，果然唔駛等太耐 👍🏻👍🏻 店員話要搖勻黎飲，我好唔乖，因為我想知佢奶味夠唔夠，奶味都幾夠，唔錯！個黑糖份量都幾好，唔會太甜，珍珠好有咬口，一路咬都有甜味慢慢滲出黎！用吸管攪拌均勻後飲，覺得好順喉！不錯！黑糖同牛奶真係朋友黎！呢個好驚艷呀！隻佬叫左 Oero 奶茶微甜，茶味好突出！Oero 亦好夾！我地估痴住杯既係芝士，仲有勁多餅碎！杯茶唔甜，好正！估唔到會咁夾 👍🏻

好耐冇飲過Happy Lemon，應該都係好多人學生時期既回憶，皆因係香港茶飲界都係元祖級，開左好耐。飲品店環境位於Open-area位置。飲品選擇以茶飲做主打，有手榨檸檬茶、 岩鹽芝士鮮茶、醇香奶茶、鮮泡茶、水果梳打、抹茶系列、醇品鮮茶、檸檬雪冰斯、奶茶雪冰斯及鮮薑系列。價錢最平$14就有交易，係一間價錢好親民既大型連鎖店，所以學生時期真係成日飲。岩鹽芝士經典綠茶 $21(M)可以話係Happy Lemon經典中既經典之作，岩鹽芝士係佢最basic既招牌系列，簡單地配上綠茶，唔玩花款，係一杯還原基本步既茶飲。芝士奶蓋有好厚一層，佔整杯三分之一，一呷，岩鹽芝士果然咸香味十足，岩鹽比例恰當，咸道濃烈，而又唔會蓋過芝士味，以45℃角飲，飲埋綠茶，岩鹽芝士同綠茶兩者即刻平衡返，咸味被綠茶中和，茶香味亦夠，簡簡單單係最好飲，檸檬以外既好選擇。

與友人係apm食完晚飯，唔夠喉，再去Freshtea Happylemon買左2杯飲品，轉移陣地，再傾過~這裏只有外賣，沒有堂食~其實好多飲品，都唔知飲咩好，但我地都鐘意綠茶味，咁店員就推介我地試下芝士經典綠同益力多綠~飲品size分左大、中、細杯，仲可以揀甜度，我地就揀左中杯，2杯都少甜少冰~岩鹽芝士經典綠朋友話呢個味道咸咸地，帶輕微芝士味綠茶味較重飲落去都幾清新~特濃益力多綠我覺得呢杯飲品唔會話邊個味道特別出d，因為益力多同綠茶味都一樣咁出~味道酸酸甜甜，都幾開胃好飲服務員態度有善，同埋當客人唔知飲咩既時候，都會比意見客人，thx