青蛙仔香港地美食

Open Now

Now Closed

自小喜歡吃滷味小食, 但不會隨街購買, 會選有質素, 有口碑的。所以路經旺角, 會光顧肥姐小食店, 路經尖沙咀, 會光顧第三代肥仔小食店, 現在觀塘廣場和荃新天地開了青蛙仔香港地美食, 感覺隨時都可吃到美味的滷味小吃。剛才提到的店舖, 老闆雖與肥姐有關聯, 但不要誤會是肥姐開了分店, 而是肥姐家人承傳了手藝, 自立門戶, 開了自己的店。食物的款式和味道, 或多或少會有不同, 但食物有一定的質素。是日路經觀塘, 忍不住光顧了。觀塘店位於商場內, 店舖內可容納2-3人立食, 舖前方是行人通道, 遇上顧客較多時, 需移玉步到商場較少人的位置進食, 免阻塞通道。1) 皇牌 (墨魚+細生腸+火雞腎) $352) 鮑魚仔 $233) 豬頭肉 $10皇牌的墨魚, 細生腸和火雞腎均很爽口, 鮑魚仔和豬頭肉均彈牙有嚼勁, 加上適量的豉油, 甜醬和芥辣, 吃得舒爽暢快。

本身做完運動，想食啲小食，咁啱記得啲人話呢一間係肥姐小食姊妹店，喺觀塘又唔多呢一類串燒，於是就行咗過去。見到餐牌其實同表姐小食差唔多，於是叫咗大王牌，有大生腸雞腎同大墨魚，三樣都好好食

應該冇咩人唔識油麻地嘅肥姐小食🤣，而且長時間都大排長龍，想食都唔係咁容易🤤，呢日經過觀塘廣場，竟然發現一間同佢一模一樣嘅店舖，細問之下原來係肥姐個新抱開嘅🤩，而且都唔使點排隊就食到，一定要食啦😆❣️墨魚 $15 @2串❣️大生腸 $15 @1串❣️細生腸 $10 @2串❣️火雞腎 $10 @1串味道基本上同肥姐小食一模一樣😂，墨魚🐙夠厚肉，爽口彈牙，火雞腎容易咬開，大生腸今次竟然爽過細生腸，好味好多🤣，滷味夠凍，食落更加爽🤣，買得多醬汁仲可以另上，滷味本身就冇咩味，加左豉油、甜醬同芥辣就豐富好多😋😋🏦是次消費總額 $75 👅好味度：9（10分滿分）觀塘都有得食肥姐小食，唔使下下都出旺角食👍🏻，不過感覺上觀塘嘅滷味份量就少過旺角🤣，如果再多少少會開心啲🤩

地址：青蛙仔香港地美食 (觀塘)觀塘開源道68號觀塘廣場M樓M14號舖美味指數：9/10環境指數：5/10抵食指數：9/10終於唔洗排旺角肥姐了，以前成日想食，一見到旺角嗰條隊，即刻唔想排，前排觀塘廣場開左間，而且食物質素同旺角嗰間一樣！叫左個皇牌先係$35，有墨魚，細生腸，火雞腎，樣樣食材都新鮮同爽口，好滿足！老闆娘好好人，間唔中會請你食燒賣。

【旺角肥姐開到觀塘了😍】 旺角肥姐長期大排長龍，現在觀塘廣場也可以吃了！必吃大、細生腸、火雞腎、墨魚，配上他們獨家醬汁，惹味極致，偶爾就想吃😋老闆娘還很健談，又送了幾粒燒賣給我們嘗嘗，不錯！ 青蛙仔香港地美食 (觀塘)觀塘開源道68號觀塘廣場M樓M14號舖

號外! 號外! 天大嘅喜訊，話說早前上網見到有篇報到係講旺角肥姐個大仔喺觀塘廣場落腳亦都係賣滷味，質素味道都係一樣。由於我成日都要去觀塘，所以對我嚟講真係個好消息，而佢哋兩夫婦開呢間叫做青蛙仔，果然名都一樣有Gimmick。今日中秋節可以一早放工，而且今晚要喺觀塘做節，所以收工即刻揸車去觀塘試下新店。觀塘廣場細細個已經成日去但咁多年無咩點變，行咗一陣間已經發現間舖， 鋪面唔大但係人流就非常之多。門面已經擺放咗好多滷味，就咁睇個樣就知道好新鮮，點解? 因為所有滷味流量相當快，咁當然新鮮啦~喺排緊隊呢段時間，見到餐牌除咗滷味之外都仲有好多小食， 燒賣、陳皮魚蛋嗰啲就基本，仲有啲馬鮫魚肉丸同埋烏冬， 款式比肥姐多叫人花多眼亂。等咗一陣終於到我啦，第一時間叫個EVA店長推介嘅Red Card，入邊有墨魚、紅腸、生腸，另外再要多一串鮑魚仔同埋生腸花，正當點得興高采烈嘅時候，老闆娘建議我可以試埋個馬鮫魚肉丸，因為係自家手打好彈牙爽口，咁我當然來者不拒。等咗一陣終於都可以上枱啦~ 上枱啦~ 雖然店舖唔算大但佢亦可以立食，既然架車泊到老蓮咁遠，咁都係食埋先至去做節。就咁睇佢嘅賣相已經知實好味，第一時間

👨🏻‍🍳青蛙仔香港地美食 (觀塘)📍觀塘開源道68號觀塘廣場M樓M14號舖 「終於吾使系旺角排肥姐排到傻🥹🫶🏻」 肥姐都系觀塘開左分店拉😝🎉世一大小腸、火雞腎同墨魚😘份量大、超爽口彈牙！！👍🏻🍽️大紅牌墨魚、大生腸、紅腸👍🏻🍽️皇牌墨魚、細生腸、火雞腎👍🏻🍽️鮑魚仔 Total都系$80😝Eva知我地拎返屋企食，幫我地入盒再分開醬汁🥹🫶🏻勁親民😝佢話佢老公叫青蛙，仔仔叫青蛙仔，仔仔話叫青蛙仔，D哥哥姐姐會鍾意🤣Super like😝👍🏻👍🏻👍🏻👍🏻岩岩新開，一開鋪又排哂隊🙈真心癲‼️不過真心好食‼️😝 秘製滷汁、甜醬、芥末醬，超夾🤤完全食到停吾到口，一盒吾夠😩😩 暫時no1生腸 : 肥姐/青蛙仔 #肥姐小食店 #青蛙仔香港地美食 #香港生腸關注組

觀塘廣場最近開咗間小食店，原來係旺角肥姐新抱開嘅。下午一點就開始有各式鹵味，又有港式小食。仲可以WhatsApp提早落單，咁就唔使等咁耐。大紅牌 $40墨魚 + 大生腸 + 紅腸最鐘意墨魚同埋生腸。佢哋嘅生腸處理得好好，食落去唔會有異味，墨魚好彈牙。撈埋芥辣同甜醬更好食。鮑魚仔 $23/串鮑魚仔一串有四粒，每粒都彈牙有嚼勁，唔錯。雙拼燒賣 + 魚蛋 $20 呢個雙拼好抵食，有9粒魚蛋加7粒燒賣，仲可以加麻辣汁同咖哩汁。

觀廣最近開咗間小食店，原來係旺角肥姐大仔開嘅。主打各式鹵味，又有啲港式小食。仲可以WhatsApp提早落單，咁就可以唔使等。樣樣有 $1352串墨魚✨1串大生腸2串火雞腎✨2串細生腸1串雞翼尖✨3片紅腸2片豬頭肉✨12片豬耳2片豬肚✨2片豬潤2片豬心✨2片豬脷1片豬頸肉咩都想試就揀「樣樣有」，但係我哋嚟得遲，有啲款式已經賣晒🥹。👩🏻最鐘意彈牙嘅墨魚同埋生腸。同埋佢哋將啲豬雜處理得好，食落去唔會有異味，撈埋個醬汁更加好食。同埋唔止係小食，仲可以做餸。

Tea Time時間到，人唔算多唔駛排隊，呢度比起旺角店食物種類多左如香港人最鍾意食既陳皮魚蛋同埋魚肉燒賣。老闆娘Eva知道未食野，推介左馬駮魚肉丸加稻庭烏冬，湯底仲係昆布鰹魚湯，鐘意食辣可以加麻辣汁或咖哩汁，攪到聞到已經流晒口水。因為仲要接女放學，就即埸買燒賣魚蛋頂下肚，見老闆娘D燒賣分開左，先發現原來燒賣佢地都有分大地魚香同蔥油燒賣。最後樣樣都想食，老闆娘話原來只要over $80就可以揾佢地幫你執一份乜都有，岩晒我呢D選擇困難戶，拿拿聲order左份$100（走左幾樣阿女唔食既）馬駮魚肉丸烏冬 --肉丸彈牙👍🏻燒賣--大地魚香＋蔥油 又香又好食，唔係普通成口粉燒賣👍🏻陳皮魚蛋--麻辣度岩岩好👍🏻滷味--一如以往正，入味彈牙👍🏻仲加埋保温袋加冰種，獨立包裝醬汁，真係升級晒😘

位於觀塘的小食店主打的就是香港地道小食。生腸具有濃郁滷味的小食，以新鮮的生腸為主要食材，經過滷汁的浸泡和悶煮，使生腸更入味。每一口都能感受到滷汁的豐富香氣和濃厚味道，配上爽脆的生腸質地，給人一種滿足的感覺。生腸常常被搭配上甜醬和芥末，增添了一份甜甜辣辣的風味。墨魚肉質鮮嫩，有著獨特的口感和濃郁的海鮮味道，保持鮮美的口感和獨特的風味。墨魚的外皮散發出誘人的香氣，咬下去時，彈牙的口感和鮮美的味道令人難以忘懷。搭配甜醬和芥末，增添一份甜甜辣辣的風味，更能突顯其鮮味。

而家喺觀塘廣場都可以食到旺角肥姐的味道😄店舖係肥姐大仔和新胞Eva主理的👫（老板娘非常友善👍）喺旺角食到的而家喺呢度一樣食得到，仲要多咗好多地道港式小食，例如：陳皮魚蛋、魚肉燒賣等😋訂購$80以上可以電話落單訂購$120以上附有獨立包裝醬料和竹籤，還附送保溫袋和冰包🧊非繁忙時間還可以觀塘地鐵站B閘口交收👍👍馬鮫魚肉丸+爽甜粟米粒～馬鮫丸彈牙冇小骨，可以放心食😄全家福～即係樣樣都有啲，再加4隻鮑魚仔😋

有一日路過見到呢間舖，居然有生腸！即管試咗個皇牌。皇牌有生腸， 火雞腎，墨魚。成為晒$35。真係夠晒爽脆！姨姨話佢係旺角肥姐嘅親戚，煮法同肥姐一樣、所以味道係一樣！我就冇食過旺角肥姐，唔評論。不過姨姨服務態度好好！姨姨仲請我食紅腸😂下次再幫襯買多D