Fru:yo Factory (Closed)

今日有突然飯局~開心過後覺得總要有一個小甜品作一個美好的完結~喺呢頭真係唔知掟~所以上網搵下有乜好介紹,最後搵到呢間開夜少少~入到去坐左個門邊位,之前食得飽飽地,但望下望下個餐牌~又發覺有點胃口~!哈~!發現女孩子真係可以開通好多個品嚐唔同食物的胃~!!呢到D甜品唔算特別多款~左搭右右搭左咁~~我最期待佢地D心太軟~我地去櫃枱買單再等佢送過黎~等得好辛苦先等到所有食品到齊合照~!心太軟 - 我個人覺得蛋糕外層厚左少少~切開後朱古力漿唔夠流心~幸好兩者都唔係太甜~我中意比較黑朱古力~!!忌廉窩芙火焰雪山 – 外層的忌廉打得唔夠企身,燒過之後好快就塌了下來~窩芙出品唔算太出色~唔似係自己做(大會話係自家製)~整體加埋不過不失~蕉糖牛奶布丁 - 蕉糖味唔夠蕉糖,入口就似一般的蜜糖,牛奶布丁真係好重牛奶味,撈埋一齊入口感覺太過甜蜜了~!海洋味乳酪 – 寶貝點的海洋味乳酪,青青藍藍的几特別,入口就覺得似酸酸咸咸的~就似係咸柑桔的味道~噢…好怪呢~寶貝最後要加些糖漿先可以完成呢~!原味乳酪 – 嗯~可能佢的原意都係要加一D其他配料一齊食,所以淨食的話感覺帶了咯甜的味道~我還是比較中意較重酸味的~甜

老公生日，今年無點預備，慶幸屋企樓下有小飛象，同老公渡過甜蜜幸福的生日。感謝店員的幫助及用心，朱古力心太軟十分好味，絕對值得推介! 可惜如此用心小店快將結業，大家快來試試吧~

👍美食推介ｰ小象酪工房👍今日去試食呢間甜品下午茶，先講下佢嘅裝修係以得意嘅小象為主題，而且店內比人感覺係好寫意好休閒嘅cafe,一入到去覺得好舒服好relax😊跟住講下佢嘅食物，我叫左個心太軟加乳酪雪糕，極度推介佢嘅乳酪雪糕，因為佢嘅乳酪雪糕同我地係街買十幾蚊100g個啲好唔同，佢好香奶味，口感好滑，而且仲係低脂添！而佢個心太軟口感好鬆軟，最重要係絕對流心同埋暖嘅，完全唔會又凍又硬骨骨又唔流心！ 值得一提嘅係佢地嘅杯係小象造型，真係好cute😍值得一試👍👍

以前去喝茶經過呢間店，門口隻大笨象公仔次次都吸引我目光，搞到我好想知賣咩。上幾個禮拜終於特登會一會。叫左士多啤梨泡芙班戟海洋味乳酪、朱古力多士盒原味乳酪同埋窩夫。講班戟先，質感比較硬，味道係香所以如果班戟再軟d就perfect。兩粒泡芙好好食，d忌廉好滑。海洋味乳酪，叫果陣唸味道應該係咸咸地。黎到有d嚇親因為d顔色比我想像中更藍。食落無也味，食完個口先有d咸味。陣味唔似海水，好怪，覺得麻麻地。之後多士盒，好脆，好好食，仲有煙。點埋朱古力醬有陣酒香味。原味乳酪唔夠乳酪味，無乜味，唔like。最後窩夫，比較脆同薄d，加埋糖醬好香總結，班戟同窩夫都好食過乳酪。乳酪無味。

全家福($56，三款乳酪配三款配料)，每日有三種唔同口味，今日係原味、焦糖哈蜜瓜、海洋の味！原味，呢度既乳酪唔係好酸😳，好岩1號中意食乳酪又怕太酸。焦糖哈蜜瓜，味道都唔錯架，甜甜地又有哈蜜瓜既香，不過就唔係好濃。海洋味究竟係咩味⁉️就係少少鹹既味😗，食落真係有少少海水味😂，仲要為左配合海洋而係藍色🔵，幾得意！配料推薦爆谷同糯米滋🙋，前者夠焦糖夠甜，後者夠煙韌😋。SIZE仲可以揀小象($27，一種味配一種配料)、大象($42，兩種味配兩種配料)，而家買大象杯以上既杯仲有個得意襟章送😍，好可愛。仲有好多陶瓷小笨象杯！窮遊指數：7/10好味指數：8/10

星期六，去泳池玩完水，走到這裡來一個晚飯前的甜品：Frozen Yogurt。其實我一向對乳酪亳無興趣，因為不太喜愛乳酸味。不過這次例外，因為這裡賣的雖是乳酪，但我覺得更像雪榚，再加上我選擇的味道沒有乳酸味。這裡供應的味道除了原味﹝即乳酸味啦~﹞，還有一款叫「海洋咩味？」究竟海洋是什麼味？答案是：少許鹹味~而顏色又是代表海洋的藍色，感覺蠻有趣。味道除了少許鹹味，便是有點雲呢拿軟雪榚的甜味，再加上蜜桃做配料，整體感覺還不錯。室內裝潢再加現場播放著張懸的音樂，充滿著夏日懶洋洋的氣氛下吃這甜品，令我心情輕鬆暢快。

小象 海洋味yougurt+brownie $27其實今次唔係第一次食呢間frozen yogurt。係中學嘅時候，學校附近就有一間。可惜係我畢業嗰年就執左，之後就冇再食過。今次同中學同學經過淘大，見到呢間就入左去食，揾番以前嘅回憶。鋪頭唔算大，一眼就望得哂。佢嘅裝修同擺設都好有風味，俾人一種悠閒嘅感覺。呢間鋪每一日都會提供唔同嘅味，今日就有原味，蜜糖味同海洋味。因為以前冇錢，係幾個人share一杯yougurt，所以我地都淨係叫左一杯最細size嘅兩個人share。配料方面，其實有好多選擇：水果類，朱古力粒，麻糬等等，有成廿幾款咁多。最後要左brownie。杯yougurt淡藍色嘅，望落好靚。海洋味係我地貪得意先揀嘅，我地都做好左會難食嘅準備。雖然唔係特别好食，不過我地都覺得味道唔差。呢個比起原味嘅奶味重，而且帶少少鹹味，同yougurt嘅酸味配合得恰到好處。brownie嘅朱古力味幾濃，不過一開始會俾酸味蓋過，之後先會食到朱古力味。呢間frozen yougurt真係好適合兩三個朋友坐係度傾計，因為環境好relax，而且野食選擇多，有機會嘅會再同朋友黎。

魔鬼號香蕉船食榴槤酸乳酪無榴槤味泡芙淋淋地，好難食格仔餅即烘都咁難食(好難接受吖吖) 食薄荷酸乳酪無薄荷味香蕉得幾塊薄片重要上桌已經溶左20%線茶心太軟心太軟熟哂嘅心太軟上面加蜂蜜，唔覺得好味d wow

間舖頭裝修得好靚，價錢中等。個日因為係平日晏晝，都無咩人食，係得幾個中學生。一坐低店員就俾左餐牌我地睇。由落單到上桌只用左10分鐘到，好快手。店員又好nice.因為個fro yo溶得好快，所以唯有食左先。個fro yo好好味，酸度適中，但略嫌份量太細，食完會想食多個。反而pancake d焦糖醬唔夠多，食落有d乾，有d濟濟地。最喜歡嘅都係個裝潢，真係好特別好warm整體而言都唔錯，但唔會話想特別再黎食。

間舖頭裝修得好靚，價錢中等。個日因為係平日晏晝，都無咩人食，係得幾個中學生。一坐低店員就俾左餐牌我地睇。由落單到上桌只用左10分鐘到，好快手。店員又好nice.因為個fro yo溶得好快，所以唯有食左先。個fro yo好好味，酸度適中，但略嫌份量太細，食完會想食多個。反而pancake d焦糖醬唔夠多，食落有d乾，有d濟濟地。最喜歡嘅都係個裝潢，真係好特別好warm整體而言都唔錯，但唔會話想特別再黎食。

呢度啲yogurt雪糕真係好好味，今日買左個雪糕筒食下，啲雪糕唔算太甜、太膩，又唔會太酸，甜酸度啱啱好，唔會話太甜，食左唔會有罪過感，，食完反而仲想食多個雖然無加任何野，只係食雪糕，但咁先食得出啲雪糕嘅真正實力

完完全全被餐牌上的相片欺騙了。 由落單計， 足足等了三十多分鐘，八十八元的一個All Day Breakfast, 竟然只是一堆垃圾! 所有食材都是"迷"一樣的份量或薄得透光(那塊所謂的蒜蓉包)，也不需要問"新鮮?", "優質?"這些問題。窩夫尤其難吃，其他食物如三文治，餡料不足，五歲小朋友可能比他們做的更好!! 店員態度不甚友善， 攪不清以為自己在乞食， 客人用餐前需自行清理枱面上的杯碟，還要邊吃邊被蚊咬 … 乳酪配料如想要"鮮果"，只有香蕉和藍莓可選… 這種質素還要收這種價錢，食完都不禁呻笨

乳酪一向被認為是外國人的傳統食物，但隨著港人飲食習慣日漸西化，繼早年的雪糕乳酪店後，各式各樣的乳酪店愈開愈多，這種以往被認為較西化的食品，日趨普及。 可是好甜的我對乳酪的興趣不太，嫌它味道比雪糕淡，質地又沒雪糕的濃厚。 一直以為小象酪工房只供應甜品、咖啡和乳酪雪糕，今天經過小象酪工房，莫然發現它有甜品以外菜單︰全日早餐（all－day breakfast），決心一試！ 小象酪工房的裝潢簡單，佈置溫馨，散發著悠閑溫暖的味道。全店以北歐鄉村風為設計主軸，融入實木家俱為搭配裝飾，整個空間自然清爽又無壓。一走進就能感受通透清新的氣息，啡與白的結合，通透的玻璃一眼望盡室內溫暖的氣息，像精品店般顯得十分高貴。 我選的是A7餐︰香草班尼迪蛋＋蘑菇＋英式鬆餅套餐，配荔枝玫瑰花茶。（＄58） 先說班尼迪蛋，以英式鬆餅（English muffin）為底，再配搭火腿和荷蘭醬（Hollandaise Sauce），光看賣相已經十分吸引。用刀子慢慢把蛋切開，看到那潺潺蛋黃緩緩流出，跟香濃的荷蘭醬融合，再用叉子叉起一小塊火腿和英式鬆餅一起送入嘴裡，那種清香酸甜帶著奶香的味道實在令人上癮！如果能悠閒的坐在庭園裡的

我一向有個習慣，食完辣食物之後，會食啲凍食中和（籍口）所以食完咖哩就搵雪榚店，上openrice 搵到呢間，之前佢在銅鑼灣有分店的！但我都無試過！趁今日試下先！入內見到有啲矮木桌椅，牆上掛厚木板畫，有店面大象icon!走學生清新格局！埋去櫃枱，店員好nice比餐牌叫我坐低慢慢睇！甜品款式以雪榚為主！我唔太肚餓！所以叫：大象（兩款乳酪加兩款配料）（$42）：乳酪有三款揀（玫瑰、檸檬、原味）我揀檸檬加玫瑰，配料揀藍莓同士多啤梨，店員話無士多啤梨，就轉芝士蛋糕，又無，當我選擇困難症發作時，店員推薦糯米糰！都好！落好單店員叫我坐低等！好快佢就唧好親自攞比我！仲比埋印花卡！乳酪賣相幾好，夠挺身，玫瑰食落以為係士多啤梨味，因為花味唔出，又粉紅色，兼乳酪偏酸，所以就有錯覺！檸檬味都係唔算突出，主要係乳酪嘅酸，乳酪滑！幾好味！因為如果係無添加色素同增味劑，配料原味應該唔會突出！呢樣係可接受！配料藍莓新鮮，粒粒爽口，糯米糰有驚喜，好煙韌，微甜，唔會搶走乳酪味，又增加了煙韌口感，所以一杯乳酪有齊滑、爽口、煙韌感覺！口感豐富！正！店內嘅匙好可愛，原來係用環保物料做，唔係膠，所以店方特別分出另一個箱！叫人客放

環境比較狹窄，小店形式坐得逼少少，有時可能會背貼背冬天凍既時候反而會覺得和暖一點（因為逼哂一齊xd蘋果金寶就咁聞就去，味道已經係非常香濃了:^)先用匙羹輕戳面層……咦？淋既？驚訝之餘快快手舀一口試試……不行！太水了！金寶層金黃吸引，只可惜太濕稔，入口只覺漿口稠身而且感覺又甜又油膩，不禁失望了中間既蘋果餡算是足料，蘋果淋身，味道微甜不酸，帶有清香問題出自……佢開始出緊水，係底部係會見到有滲水去到呢個地步，如何辯解也不能挽回濕漉漉既成品及嚐味綠茶鮮奶（熱）茶香一般，入口微苦不甘鮮奶濃郁無怪味，奶味及其淡甜拯救了整杯飲品，叫做入得口生薑茶（熱）薑味普普，清香，甜度稍高但叫人接受夠熱，易入口，秋冬飲好似都暖身既朱古力香蕉磚塊賣相一般的吐司盒……驟眼看去是有點凌亂份量黎講係香港算係抵食既，真係大大舊又有朱古力片、漿、乳酪雪糕同香蕉作配料只係論及味道……朱古力片好重人工油味，甜得黎膩感大內裏既吐司塊夠香夠脆，卻是頗為油膩，有種可以擠出油脂既感覺加上蜜糖香氣味道都不濃，唔多覺係食緊蜜糖吐司獨特之處大概只是表面酸甜細滑既乳酪雪糕