Video
Telephone
27926621
27920069
Additional Information
簽卡加收2-3%附加費
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
初四去西貢食海鮮周圍人山人海，兩個人唔食得啲乜嘢，經過間米芝蓮話要300蚊起一位四味餸另加一，所以再行下先。 發現到呢間$380二人餐四餸仲要送郊外油菜，唔收加一，等於人地一位價錢，膽粗粗試吓🥢龍蝦伊麵-唔知係咪因為二人餐，龍蝦系偏細，但都有肉🥢白灼蝦-standard 嘢🥢豉椒炒蜆-份量都ok，唔會只係得殼，不過啲肉唔算新鮮🥢椒鹽魷魚-呢個比較好食，好鬆脆大碟🥢油菜新春呢個價錢食到咁唔多海鮮算系咁啦，不過只得一個侍應負責收錢同落單，真係要等🥲
continue reading
早幾年朋友介紹食呢間海鮮店之後就每次落西貢食海鮮都係幫襯呢間因為價錢公道而且烹調食物嘅水準好高呢度可以去街市買海鮮喺呢度加工亦可以喺呢度點海鮮即煮次次嚟都係超級好味而且服務非常好今晚叫咗隻大紅蟹叫咗廚房雪凍好似潮州凍蟹咁食勁好味椒鹽瀨尿蝦，非常推介鹽焗奄仔蟹蟹膏油香味濃好似食咗個鹹蛋黃咁椒鹽鮑魚，冇得頂白灼墨魚點日本芥末及豉油都好好食仲有鹽焗花螺，螺肉超爽口白灼海中蝦仲有油鹽花甲最後肉食有個酥炸豬肉整餐所有食物都非常高質
continue reading
大約十二點半到鋪頭，入座之後叫咗兩次先嚟幫我哋落單。一點十分問點解仲未上菜，侍應就話廚師喺度食緊飯，等佢食完先煮。呢個時候已經覺得好誇張啦，兩個細路仔等到肚餓，再過十分鐘去催，過咗十分鐘先上咗三個餸，呢個時候已經等咗成個鐘，之後又等咗十分鐘先上埋其他兩個餸。蝦同埋瀨尿蝦都唔新鮮，瀨尿蝦仲有兩隻差到唔敢食，佢哋後尾補返幾隻俾我哋，但都係有啲好唔新鮮！諗住行到最後嗰幾間平啲，反正都係食海鮮，點知質素咁差，服務又差，搞到好似欠咗廚師同侍應錢咁。唔會再去啦。
continue reading
今日自己買海鮮去加工西貢出名食海鮮，不過加工嘅地方都好緊要我比較推薦呢間富雅海鮮酒家做加工或食小炒，夠鑊氣味道做得好好，佢哋收費又比較合理，我自己比較鐘意買嚟加工我覺得更加平同新鮮，一般去西貢海鮮酒家食一餐飯如果要有象拔蚌刺身，紅瓜子，炒蟶子王，蒸鮑魚加多一兩個小炒無3-4千都落唔到樓，好似我咁樣買嚟加工加埋2千左右啦，大家可以嚟試下呀🥰
continue reading
今晚第二次試二人餐。揀左龍蝦伊面、薑蔥焗蟹、油鹽水蜆、清蒸水上鮮（黃花魚）龍蝦伊面：不過不失，有一隻細龍蝦，面份量好夠多，打包都仲得！油鹽水蜆：第二次試，都係好濃好香，蜆好嫩，好大隻，份量又係食極都有，足夠二人食到夠有突。薑蔥焗蟹：都有一隻，好入味，唔會太咸，勁香！黃花魚：呢個最得，肉滑嫩口，岩岩好…！豉油味好夾條魚，蔥絲調味，蒸得岩岩好，實在發揮得最好嘅質素地理位置唔靚，唔係食過返轉頭嘅，根本未必會試，因為四周圍海景唔係特別靚，以萬聖節當晚人流都咁冷清，真係覺得好淒涼，其實呢間野質素同性價比都好得，冇湯遊客，無賺你幾多。仲勁好服務，俾哂熱毛巾抹手，時常幫手收蟹殼，好好的招待。實在值得推介同一試！
continue reading
You may be interested in