富記海鮮酒家

Open Now

Now Closed

富記海鮮酒家是一間在香港頗具聲譽的海鮮餐廳，以其新鮮的海鮮和地道的烹調手法而聞名。進入餐廳後，首先映入眼簾的是活潑的海鮮展示櫃，各式各樣的新鮮海產令人垂涎欲滴。食物方面，鮮蝦是這裡的亮點之一。無論是清蒸還是椒鹽，都能保留蝦肉的鮮甜，口感彈牙。特別是清蒸蝦，搭配一點蒜蓉醬油，簡單卻令人驚艷。生蠔的新鮮度極高，肉質鮮嫩，配上檸檬汁和特製醬汁，讓人一口接一口，根本停不下來。花蟹的肉質豐滿，無論是蒸煮還是炒，蟹肉都能充分吸收調味料的精華，尤其推薦蒜蓉蒸花蟹，蟹肉與蒜香的完美結合。魚類方面，當日的魚類選擇非常多樣，清蒸石斑魚或鱸魚都是當天捕撈的新鮮魚，魚肉鮮嫩，搭配醬油和姜絲，味道清新，讓人感受到海洋的鮮美。炒花甲的炒法也非常出色，配上香辣的調味料，既開胃又下飯，每一口都充滿了海鮮的鮮味。環境方面，餐廳的裝潢簡約而不失典雅，給人一種輕鬆愉快的用餐氛圍。服務人員熱情友善，對於菜單上的推薦也非常專業，能根據客人的口味提供合適的建議。總體來說，富記海鮮酒家是一個值得一去的海鮮餐廳。無論是食材的新鮮度還是烹調技術，都讓人感受到他們對海鮮的熱愛和專業。無論是家庭聚餐還是好友聚會，這裡都能帶來難忘的用餐體驗

Very honest restaurant - food quality, service level, taste are good and most importantly, is the consistency throughout all these years. Every few months, I will visit here, totally worth the ferry ride. Small dinner or group, always satisfying. Never push customers to order pricey stuffs. Their recommendations is always genuine too. Definitely one of my favourite local restaurants.

同老公放假🏖️黎到南丫島索罟灣，甫下船轉右就是酒家林立的海鮮街，係朋友極力推介下便進了「富記海鮮酒家」。伙記十分有禮貌，幫我地安排左海邊位，欣賞碼頭一帶美倫美奐的風景之餘還立馬呈上獨有荔枝茶和毛巾，感覺十分寫意。椒鹽瀨尿蝦：我地被手臀咁長的瀨尿蝦震懾了，店家好好已切件方便食用，爽彈扎實肉質不在話下，其椒鹽味不會過咸，整隻蝦身煎炸至脆卜卜，好惹味！幾乎連殼都想吞埋。薑蔥炒蟹：蟹膏溢出，用上新鮮當造羔蟹，蟹黃好實淨，肉身啖啖肉，一絲絲蟹肉必定配搭蟹膏令人回味無窮！最精粹當然是蔥蒜都帶出豐腴鮮味，驚艷！冰鎮鮑魚：食得出有清酒🍶、芥末、燒汁同秘製醬汁！肉質彈牙並帶有日本漬物風味，混搭著沙律🥗菜食，清新開胃🤤好特別的風味，令人食指大動！牛油焗龍蝦🦞：盡顯師傅功架，牛油香撲鼻！封煎得恰到好處，肉質不會過韌，剛剛好帶點嫩口，洋蔥🧅都是重點！被牛油炒香過，西式煮法咁。豉椒炒蜆：識食一定加米粉底，米粉煎至外脆內軟，掛上豉椒汁，好惹味。蜆肉肉質飽滿，幾乎粒粒都有肉，不像坊間三分二都是殼，最特別加了金不換去炒，整體香氣提升，有點泰國風味。椒鹽鮮魷：炸粉不厚值得一讚，幾乎薄到好似天婦羅咁款，魷魚新鮮不在話下，調

長途跋涉，到達南丫島榕樹灣，再步行去索罟灣，沿途風景不錯，和老公終於到達索罟灣，入了一間富記海鮮酒家，order了富裕二人餐，滿心歡喜等待我最愛吃的蒸海上鮮，誰知端上桌面的竟變了清蒸魚塊。店員解釋清蒸魚塊的成本比清蒸海上鮮更貴，實在難以令人信服，而且我要的是整條魚的清蒸海上鮮，餐牌上清清楚楚寫明，為何更改了又不改餐牌呢？而且整餐的飯餸份量偏少，不推薦。

今天一家大細和妹妹一家大細都來到南丫島。朋友強烈推介之下，預約咗富記。因為沒有冷氣，其實最初最後一點擔心，小朋友會否吃得不舒服。但是坐下之後，發覺海風，及風扇也很涼快。小朋友點了咕嚕肉，炒麵及炒飯。大人就嗌了幾款海鮮，蒸左條魚。全部都好高水準。炒蜆送炒飯一流，蒸帶子蒸蟶子，夠水準。我就係鍾意食蒜頭及粉絲，這裏肯定滿足到我！豉油王炒麵，推介。蒸魚生熟掌握得非常好，剛剛離骨。服務很快手，職員也很友善。

呢日去南丫島 由榕樹灣散步到索罟灣食埋晚餐先走 呢邊碼頭附近主要都係食海鮮同小菜 基本上冇乜其他店舖 所以作為郊遊尾站就幾適合呢度都有2人餐 但唔係全部想食 同埋唔想食太多飯 所以都係單點想叫既小菜就夠椒鹽鮮魷 熱辣辣好惹味 魷魚🦑爽口彈牙 都好食有樽裝汽水就會想叫 夠多氣好飲d金菠蘿咕嚕肉👍🏻金菠蘿好甜洋蔥牛仔粒 好腍幾好味😋有驚喜蒜茸粉絲蒸扇貝 都幾大隻 味道唔錯👍🏻最後會送菠蘿🍍 擺盤好精緻 味道夠甜😋坐係海邊望下風景 吹下海風好舒服😌

平日放假去索罟灣行轉經過富記，伙記好有禮貌招呼，所以就一試午餐一行4人，叫了幾道海鮮同小菜，加啤酒4支可樂3支，埋單都只係14xx，都算好抵食雖然海鮮種類唔多(可能係平日關係)，但叫左幾樣都好新鮮可能平日唔多人，坐喺海邊位，望住個海，邊飲邊食，感覺非常chill最重要係伙記服務態度非常好有禮貌又親切雖然天氣好熱，但坐喺海邊頭頂又有風扇，餐廳又提供冰毛巾又送冰水，地方又乾淨，所以食得好舒服出乎意料之外的一餐

其實真係都已經有一段時間冇去南丫島，難得今日陽光普照，咁就一於跟班朋友去郊遊！講起南丫島一定俾人聯想到要食海鮮，而朋友極力推薦富記海鮮酒家，佢哋真材實料，火喉十足，每一道海鮮都超新鮮，超好味，而且服務態度真係非常友善！冰鎮芥辣鮑魚：真係令人回味無窮！生拆蟹肉雞蓉冬瓜羮：冬瓜清甜解暑，配合生拆蟹肉，口感非常鮮味！椒鹽鮮魷：鬆脆可口！上湯鮮海蝦伊麵：蝦汁帶出伊麵嘅鮮甜！薑蔥炒藍蟹：鑊氣十足，蟹肉彈牙！清蒸海班/陳皮蒸金古：真係新鮮到唔使多講！炸子雞：食得出係用新鮮雞吊燒，皮脆肉嫩！其他小菜：菠蘿咕嚕肉、黃金茄子、椒鹽豆腐、蝦醬通菜亦都水準十足！今次南Y島之行，品嘗到呢個海鮮餐，真係大大滿足！

剛剛食完一個超級豪華2人套餐$7xx第一個餸炸鱿鱼得6件，味送一般，，可能不夠新鲜 龍蝦，，超迷你8寸長，，開邊走油炸，，大約每人2兩肉， 瀨尿蝦 又係得一只全長6寸，兩個人去分，我無食到，比人食啦，同一個方法去煮，走走油，煮 熟就算，蒸鲍魚仔2只，每只大约2寸直徑，全部食物比較咸，，份量少得 可憐，（碟碟都係超迷你)好彩有個 迷你 揚州炒飯碟碟清曬都係6成飽。相比之下，，上次响長州食個$4XX2人餐抵食同好味以後都唔會再去

來到南丫島梗係要食埋海鮮至走喇 !!!在索罟灣碼頭附近有幾間海鮮酒家每家店都好熱情介紹 ...最後儍爸揀了富記海鮮酒家的『富貴二人餐』現在天氣不太熱 ...我們揀了海景位，吹住海風，望住海景嘆海鮮，超爽的 ~~店員先上一壼熱茶，是清香的荔枝茶本來儍爸想點冰凍的汽水消暑 ...即刻轉軚 order 杯冰，沖杯冰涷的荔枝茶店員仲好貼心咁 ... 比了一大桶冰佢任用 ~~椒鹽鮮魷 ... 脆卜卜好惹味牛油龍蝦 ... 調味不太濃，不會蓋過龍蝦的鮮味，肉嫩鮮甜 ~~ 避風塘瀨蝦皇 ... 好大隻瀨尿蝦，儍爸食蝦上半部儍媽食瀨尿蝦下半部，啖啖肉，肉質鮮美，醬汁微辣很惹味 ~~清蒸鮮鮑魚 ... 鮑魚都幾大隻，鮮甜彈牙 ~~清炒菜苗 + 揚州炒飯炒飯很足料，米飯也粒粒分明裡面有鮮蝦、叉燒、菜粒和雞蛋，炒得香口又不油膩 ~~最後就是水果 ... 香甜多汁的菠蘿，食完仲可以再添 ~~總括來說，海鮮好新鮮，味道也好合我們的口味店員的服務也貼心，適時換碟添茶，下次來南丫島也會回訪喔 ~~** 以上分享是以我的口味、體質和情況作出分享及感受，一試 / 合用與否請自行決定

南丫島海鮮餐廳位置貼近碼頭附近海鮮非常之鮮甜但係份量就唔係話好大。我哋嗌咗一個六人餐加一個生炒骨啱啱夠我哋六個人食坐嘅地方對住個碼頭可以睇海景。一路食一路飲酒嘆一嘆過世界。好快就等到位。十分鐘內已經有。老闆同事應都好有禮貌。亦有得揀食邊條魚食邊隻蝦。餐廳亦有豆腐花作為甜品選擇加廿蚊就有亦都有其他非海鮮類中菜選擇例如生炒骨，炆雞等等適合一啲唔係咁鍾意食海鮮嘅人龍蝦份量唔係好大但係夠曬鮮甜蒜蓉蒸帶子鮮甜又爽。炸魷魚鬚夠曬香脆

服務態度良好，店員幫你洗好碗碟，好有效率keep 住幫你換碟二人餐份量剛剛好，如果有想食嘅海鮮可以同老闆講，都flexible 可以轉換海鮮或整法牛油龍蝦多膏，避風塘瀨尿蝦惹味，白灼蝦都新鮮，蟶子大隻肥美👍🏼星期五晚人流唔算太多，下次嚟會再幫襯👏🏻

原本諗住入南丫島食海鮮平d點知遇著呢間野食到一肚氣,正宗畀人劏到一頸血八個人茶介夠膽收四百幾各位見到唔好幫襯,個老細淨係識賣口乖食物質素一般,份量偏小,見到張單一皺眉頭個老細即刻黑面見到千祈唔好幫襯

第一次入南丫島食海鮮，本來無乜期望，點知都好有驚喜，水準幾高！冰鎮鮑魚～煮得啱啱好，肉質彈牙得黎唔會咬唔開，醬汁帶少少wasabi味幾特別，大熱天時食呢個好開胃！椒鹽瀨尿蝦～揀咗兩隻超大隻，蝦肉好厚，全隻仲炸到脆卜卜，好味到連蝦殼都想吞晒落肚。蒜蓉粉絲蒸扇貝～扇貝都幾新鮮，撈咗勁多蒜蓉，撈埋粉絲係最佳配搭，如果加少少炸蒜仲正！薑蔥炒蟹～味道炒得唔錯，但蟹身唔算多肉，有少少失望。最後唔記得咗呢條咩魚，魚肉幾嫩滑鮮甜，唔錯。

由榕樹灣行落索罟灣就係為左食海鮮，上網睇咗好多間食評，最終因為見到個象拔蚌刺身揀左呢間，可惜一隻蚌要5百幾2個人食唔哂又貴所以放棄咗。最終揀左富貴龍蝦餐埋單$700第一轉去到門口問嘢個叔叔好有禮貌，好親切咁答你。行咗轉返去正式入座就等左陣叫人開位俾我哋，我哋想坐海邊位佢哋都好好即刻執俾我哋坐，之後就即刻叫嘢食，酒樓嚟講杯碟都幾乾淨。第一道係椒鹽鮮魷，一上到嚟我哋有d驚訝得咁少，可能因為係二人餐，但係真係少左d⋯鮮魷無乜粉漿，調味唔係太夠，但都ok，算好食。第二道係牛油龍蝦，每人半隻，上到枱叔叔會幫我哋分碟，好有酒樓飲宴分菜功架，聞到有牛油香，食落唔重牛油味，肉唔un唔梅，好食。第三道係避風塘瀨尿蝦皇，呢個我覺得最好食，夠香又有辣味，個瀨尿蝦好厚肉，可惜係每人得半隻。第四道係清蒸鮑魚，除左有D un，都尚算好食。第五道係清炒白菜仔，無咩味，無咩特別，蒜蓉炒會好少少。第六道係揚州炒飯，都係無咩特別，正常嘢，份量有點少，無特別香或咸，落咗辣椒油就好好食。第七道係菠蘿，好清甜，近頭位有些微硬同酸。最後，問埋單個姨姨壺茶係咩茶，佢話係荔枝茶，我哋覺得好好飲總結，服務好好，樓面幾個都有禮貌，食得開