富記海鮮酒家

Open Now

Now Closed

第一次入南丫島食海鮮，本來無乜期望，點知都好有驚喜，水準幾高！冰鎮鮑魚～煮得啱啱好，肉質彈牙得黎唔會咬唔開，醬汁帶少少wasabi味幾特別，大熱天時食呢個好開胃！椒鹽瀨尿蝦～揀咗兩隻超大隻，蝦肉好厚，全隻仲炸到脆卜卜，好味到連蝦殼都想吞晒落肚。蒜蓉粉絲蒸扇貝～扇貝都幾新鮮，撈咗勁多蒜蓉，撈埋粉絲係最佳配搭，如果加少少炸蒜仲正！薑蔥炒蟹～味道炒得唔錯，但蟹身唔算多肉，有少少失望。最後唔記得咗呢條咩魚，魚肉幾嫩滑鮮甜，唔錯。