Video
3-min walk from Exit B2, Sham Shui Po MTR Station
continue reading
Telephone
26589128
Payment Methods
Above information is for reference only. Please check details with the restaurant.
嗌左個三餸湯飯，魚同肉一齊嗌都唔洗額外加錢，仲有幾條菜送，都係$46。黎到見好大兜餸，碗飯都好大碗，個飯其實都食唔晒。味道就同屋企煮差唔多，餐牌寫無味精味精又真係唔係幾食得出味精性價比高，好抵食！
continue reading
呢間野，食過好幾次，食物質素好，湯清甜，白飯煮得好好，重有無限供應辣椒同豉油。論味道論價錢，絕對係優質。佢既豬骨同鯪魚肉都做得好好，新鮮。加錢要既什就一般切得太細。如果用黎煲湯出味的話味道係幾甜既，但食既話就切得太碎。奈何一家成功既食店總會有管理因素窒礙佢既發展。此店侍應態度其差。如果個侍應係老板，就係九記級數。有時好無奈見到一啲食物質素好既店會輸起員工管理上面。不單愧對食客，重愧對左認真做食物的廚房員工。
continue reading
呢間舖頭係我無意間發現嘅一間小店🥰結果食完返尋味，有幾次收工都特登過嚟食🤤🤤🤤呢度日頭夜晚嘅湯飯都一樣價錢，可以揀3個餸，另外仲包一款菜類，平時見開嘅多數都係黃芽白、芥菜、白菜仔莧菜果啲，都幾多款揀！咁樣有菜有肉有湯有飯都只係44蚊～至於其他餸菜，都有幾十款選擇，我通常叫開呢度嘅招牌鹹豬骨，成日都食到忍唔住要用手食先得夠過癮😂另外我通常配開嘅仲有粉腸豬肚鯇魚，豆腐同埋手打鯪魚肉😘 呢啲都係我真心推介俾大家揀嘅餸👍🏻👍🏻👍🏻呢度湯底冇乜味精食完都唔會口渴🤣重點係食材新鮮，因為成日夜晚去食飯好多嘢都會賣晒～證明佢唔會要過多嘅食材留返第二日賣，抵讚！
continue reading
呢間嘢真係又貴又差，服務態度惡劣，而且時間等好耐，蒸魚飯喺深水埗區來講，等於食晚餐嘅價錢如果呢個價錢有好多選擇，真係唔使揀佢，待應好似老馮唔使做咁樣，咁細間鋪，連俾杯水你都話要自助，而且態度非常惡劣真係唔使食佢！
continue reading
平時呢間舖頭我一星期都會幫襯一次，貪佢有清水湯底嘢食清淡，不過佢哋廚房極度混亂， 10次落單有九次都會執漏執錯（真係冇誇張到）好簡單一樣清水湯底豬潤，佢會變咗豬骨湯底加生腸，我同個侍應講返，佢換過碗俾我，但都仲錯，喺廚房有個着黑色衫嘅男人會嬲爆爆咁走出嚟，大大聲聲咁問我：「又邊度錯啊？」差在未講粗口，成間餐廳靜晒，咁我同佢講返，佢一言不發就拎返入廚房，態度極度凶惡😨佢之前已經有前科，今日更加離譜，我叫咗個清水湯底，兩份雞柳，冬瓜，娃娃菜，牛肉，鯇魚湯飯，佢個侍應同我講繁忙時間冇得叫清水湯底，雖然呢啲咁基本嘅嘢都提供唔到仲叫自己湯飯王，咁我都算。兜嘢嚟到，例牌都係錯，首先冬瓜一眼已經睇到漏咗，兩份雞柳疑似變咗一份雞柳，因為平時食開一份嘅雞柳嘅份量同今日食兩份雞柳嘅份量係一樣的。大佬，你漏得冬瓜，我懷疑你雞柳會唔會漏都好正常啫，我就問吓個阿姐「呢度係一份雞柳定兩份雞柳啊？」阿姐即刻着咗，起晒鋼咁話「啲雞柳俾啲菜遮住啫」我平心靜氣咁話「但係平時我叫一份雞柳又係咁多，兩份雞柳又係咁多？」阿姐繼續發癲「喂你咪亂講啊，我而家就入去廚房問吓」然後佢就大大聲聲好似做show咁喺成間餐廳面前問佢裏面個同事「個客問呢度一份雞柳定兩份雞柳喎？」跟住裏面個女員工就話「明明就係兩份，我啱啱執咗兩份」跟住廚房個男人又嬲爆爆咁沖出嚟，拎住碗嘢，問成間餐廳，嬲到爆炸咁問「係邊個話碗嘢有問題啊？」爭在未拎菜刀，全間餐廳靜咗，我唔講我以為我犯咗啲乜嘢彌天大錯，要我公眾認錯咁，咁我咪直接同佢講「你漏咗冬瓜」佢望一望碗嘢，拎返入去，大大聲咁講「個客話漏咗冬瓜，而家加返埋落去咪得囉」然後佢就拎廚房啱啱遞出嚟碗冬瓜，一野倒落去我碗嘢度，好似發晦氣咁，「咁又話咩雞柳一份兩份啊？」跟住嗰幾個侍應好笑，好似做戲咁，阿姐「佢話少咗份雞柳呀嘛」另外女侍應「明明就兩份雞柳」阿姐捧返碗加咗冬瓜嘅湯飯俾我嘅時候，仲要發脾氣，唔係放上我張枱，而係拋上我張枱，碗熱辣辣嘅湯飯仲要喺我面前枱面跣咗吓，真心O咗嘴，碗湯飯咁熱辣辣，你咁樣簡直想攞人命，好彩你冇淥親我，如果唔係我一定會報警。呢度就係價值$16（兩份加餸）嘅兩份雞柳，譚仔一份都多過佢啦下話（？）我就當你成本貴咗，份量細咗，但你冬瓜的確漏咗，一句唔好意思都冇。你班侍應都可以平心正氣解釋返呢度真係兩份雞柳，成班侍應廚房佬過個食咗火藥咁真係好似唔優做咁，當正啲客係乞丐，係犯人，要靠你施捨先有得開飯咁。未食飯已經成肚氣。其實佢份量縮咗水已經唔係第一日嘅事，三個月前叫鯇魚有三舊宜家得兩舊，我都算。坦白講，佢個價錢喺深水埗，唔使食你啦，一個蒸鯇魚飯收$70 ，喺灣仔光鮮茶餐廳都係收$65咋，你呢度深水埗咋，間鋪頭都冇人哋灣仔茶餐廳一半咁大呀，坐有坐得屈質，又要承擔佢整錯嘅風險嘥晒啲時間，仲要受氣，真係唔會再幫襯囉，環顧四周，原來幫襯開嘅都係深水埗基層啲阿伯阿嬸，唔怪得班侍應咁惡啦。
continue reading