富喜湯飯皇

Open Now

Now Closed

呢間舖頭係我無意間發現嘅一間小店🥰結果食完返尋味，有幾次收工都特登過嚟食🤤🤤🤤呢度日頭夜晚嘅湯飯都一樣價錢，可以揀3個餸，另外仲包一款菜類，平時見開嘅多數都係黃芽白、芥菜、白菜仔莧菜果啲，都幾多款揀！咁樣有菜有肉有湯有飯都只係44蚊～至於其他餸菜，都有幾十款選擇，我通常叫開呢度嘅招牌鹹豬骨，成日都食到忍唔住要用手食先得夠過癮😂另外我通常配開嘅仲有粉腸豬肚鯇魚，豆腐同埋手打鯪魚肉😘 呢啲都係我真心推介俾大家揀嘅餸👍🏻👍🏻👍🏻呢度湯底冇乜味精食完都唔會口渴🤣重點係食材新鮮，因為成日夜晚去食飯好多嘢都會賣晒～證明佢唔會要過多嘅食材留返第二日賣，抵讚！