Fûhn (The L. Square) (Closed)

🤙《牛油果🥑奶昔好吸引》🤙#小食拼盤 💰98分2/3/4人分量，絕對唔洗驚會食多左，份量岩岩好。有炸牛油雞翼、手打蝦餅、春卷。呢幾款味道都唔差，蝦餅好好食，咬落食落啖啖蝦肉，好足料。#軟殼蟹米紙卷💰78去到邊都唔少得有軟殻蟹👍紙卷有四舊，第一次食呢啲，食落酸酸地幾開胃。#燒豬頸肉飯 💰78大大碟飯見到仲以為去咗茶記😂豬頸肉燒到有焦香，份量都幾多。另外仲有啲蔥油，用黎撈飯一流👍飲品：#牛油果奶昔🥑💰49好中意🥑，第一次飲佢口味既奶昔，如果到一樣咁正，飲落唔會好甜，大推呢款奶昔❤️，如果再平啲飲兩杯都仲得！#菠蘿沙冰🍍💰30呢杯價錢都算正常，夏天飲冰杯絕對透心涼😆聽聞生牛河好出名，不過今次食唔曬太多。

去了多次銅鑼灣，總要找家新餐廳嚐嚐。今次就到位於駱克道的《Fuhn》生牛肉牛丸湯河牛肉份量夠多，質地軟身，牛味重牛丸雖彈牙但不具牛味... 再飲啖湯，越式味道什重，且帶牛味。扎肉撈檬扎肉大大片，口感什佳；而檬粉都頗彈牙，且不碎。酸蘿蔔條食落更開胃，周邊菜絲就很新鮮特盛小食拼盤每樣兩件剛剛好，春卷香口脆脆的，粉絲餡料相當豐富。碟中右上角是札肉粒，外皮香脆金黃，入面啖啖肉至於春卷上的蝦餅乃點題之作，彈牙香脆，內裡有隻明蝦，相當可口碟中左上角兩只牛油雞翼，炸得金黃香脆，雞肉夠多又夠滑下方的是炸軟殼蟹，有炸蒜蓉粒鋪滿在軟殼蟹的表面，惜炸粉太多。另有雞肉棒炸得香脆而不油膩柚子蜜梳打，尋在杯底的柚子份量夠多，香甜可口白桃梳打，近期當造，不算太甜，一試無妨

一人行黎到銅鑼灣食晚飯，好想食間越南菜。記得之前朋友帶過我黎食fuhn，今晚一個人再黎回味一下。我一個人叫左生熟牛肉金邊粉，之後追加手撕雞。牛肉用上美國安格斯牛肉，牛味極濃極香，入口肥美完全唔乾身。牛河黎講算係高水準。牛骨湯清甜完全唔油膩。手撕雞唔會好乾，入口好重鮮甜味。我再叫左一個小食，越式牛油雞翼。即叫即炸熱辣辣非常香脆。牛油味極重極香，肉汁非常豐富，肉嫩驚喜。餐廳環境都算乾淨，食物選擇都好多。

咁啱出開causeway bay 近近地黎左食越南菜 由於係星期日嘅關係 明顯全埸都幾多人 好旺場 加上環境同坐位斬舒適 總體感覺斬唔錯頭盤我地叫左個柚子鮮蝦沙律 上到枱見好大碟 勁多柚子肉 而且咬落好多汁 好refreshing!! 而絕對要讚嘅係果幾隻大蝦 因為真係好大隻 而且好新鮮 成碟野好冰凍 好開胃 另外有一個小食 4隻嘅越式炸牛油雞翼 佢熱辣辣 隻隻望落都大大舊 漲卜卜 好吸引 食落真係好有牛油嘅香味 加上煮得啱啱好 完全冇overcook 仲有D肉汁流出黎omg~~到主菜啦 先叫左一個特色fuhn飯 簡單黎講係一個雜錦黎 入面有晒香茅雞排 牛肉 燒豬頸肉等等覯配菜 好丰富 個味道都調得好好 咁多肉 我呢位食肉獸好高興另一個主菜係生熟牛肉牛坑腩片湯粉 regular size 但已經好大碗 一樣地足料 個湯唔會太濃味 食完一碗都唔會滯 正~~至於飲品方面都叫左比較有特色嘅車厘茄沙冰 有D飲緊冰凍蕃茄汁嘅感覺 唔錯 仲有一杯牛油果奶昔 牛奶味有DD太重 蓋過左牛油果味 建議可以轉一轉個比例 咁就perfect啦~~ 

今次同事介紹呢間銅記越南野，佢話好味到連佢呀媽平時專程由將軍澳黎食，可想而知號召力幾大！今次咁岩做野經過銅記，一於試下佢！話說落左單之後去完個廁所，基本上所有野食已經上哂，快到你唔信，真係「光速上菜」今次我中試左生牛肉牛坑腩金邊粉，好大碗！個湯好清甜，好香既牛骨味，而d生牛肉片好重牛味，而且勁鮮嫩！而牛坑腩切到一片片，大小剛好，勁易入口，而且煮到軟淋淋，好易咬開，非常正！呢度仲提供好多配菜同醬汁，任君選擇！而越式牛油雞翼炸到外皮好香脆，不過肉質就一般，雪藏味好重，但整體都係好食既！

環境座位計計唔會太迫，有空間感，設計有特色素扎肉冷盤，有8塊，第一次食，口敢特別，好有越南風味，可以送越南前粉食椒鹽軟殼蟹係我食過最好食嘅軟殼蟹，十分野味，有三隻，隻隻都手掌咁大，食到唔想停，一定要推薦，10分柚子鮮蝦沙律好大盤，賣相一流，充足4個人食，味道清新，菜同柚子都好新鮮。牛坑腩片湯河粉餐牌有得揀普通，大或者加大，我同朋友叫左大碗，share 食岩岩好，有好多蔥，好正。啲牛坑腩切得好薄，好易入口咸檸梳打，味道唔錯

心血來潮想食碗越南河粉，香港大部份越南餐廳都去過，今日就試埋Fuhn。Fuhn打著北美口味旗號，留學加拿大十年的我滿心歡喜正準備尋回大學時代的回憶，結果事與願違😭！生牛肉河～ 其湯底一定係靈魂所在，此間餐廳的湯頭淡而無味，更不用談什麼層次可言，只有咸味，其餘感覺接近無味，河粉滑度正常可接受。老實說我一點也沒有尋回北美越南河的回憶，以一碗正宗越南河而言，失望之極！越南春卷～用網紙的那款，上桌時熱度夠和算香口，剛好合格。牛油雞翼～半點牛油味也沒有，粉槳炸到硬而不是脆，雞翼可以做到咁難食真係服咗佢。

今日，我同朋友去左一間好靚既越南餐廳食晚餐。佢既環境好舒服，可以同朋友好好咁傾計。呢度除左有地道既越南菜式，仲有啲係用左日本既高級食材，好似A4和牛湯河咁。呢度既野飲好特別，我地叫左杯牛油果奶昔，本身有驚牛油果整既奶昔會唔會有啲奇怪，點知佢係出奇地好飲，有少少甜，而野飲既texture 好濃郁，正！仲有呢杯越式沙冰咖啡都值得推介。由於我地唔太肚餓，所以想食清啲，我地叫左個牛油果軟殻蟹沙律，健康又好味！仲有呢個特式fuhn飯，裡面有好多料，正！

大熱天時個人冇乜胃口，想食啲酸味味既野開吓胃😝結果就黎咗呢間Fûhn度食撈檬🤭幾鐘意佢呢度既湯粉係可以揀size😚，可以叫大碗啲同朋友share慳啲錢🙊，不過今次想食既撈檬就得一隻size😜同朋友分別叫咗個香茅豬扒撈檬（$69）同燒豬頸肉撈檬（$78）🐷不得不提個燒豬頸肉燒得好香口好惹味😍👍🏻，香茅豬扒亦整得香脆可口🙈睇menu呢度仲有個招牌菜色叫FûhnBoHue （$98）, 每日18:00後供應，而且只係限量賣20碗，入面有多種肉類同香料既混合🤩，都幾大份咁，下次有機會一定要試吓😋

話說某次食過好伏的越南生牛肉湯河，反而想食返＜真・越南湯河＞。今天小米暑期班完結後，順便在附近晚餐。想食＜真・越南湯河＞，此其一。另一個原因：此店提供清潔過濾水。 在六時半左右，晚市剛開始，大量座位。就座及下單後，著小米去清潔雙手。   生牛肉湯河    越南名物，又是小米至愛。未知小米食量，所以只點正常份量，再預先取出一小碗。剛浸熟的牛肉可以原塊夾起，至少真材實料。牛肉跟是拉差醬很夾! 不過又係滙豐!!!　上次某家中伏的生牛肉湯河，勁鮮紅色的牛肉，肉質薄如紙，筷子一夾，牛肉即散。Bun Bo Hue順化湯粉      餐牌標示＜每天限量二十碗＞，加上未曾試過＜越北順化粉＞，所以貪新鮮，點這款。只因圖片中，湯底表面有紅油，特地要求紅色辣油另上。  視覺：啡黃色湯底，拌著札肉牛丸豬手片牛展，中央還有一堆炸蒜呢! 將生牛肉湯河的芽菜配料，都放在順化湯粉裡。浸呀浸，把所有材料浸熟 直到香料都出味，芽菜都變軟。手感 : 浸呀浸，搞呀搞，再夾出米線。因為碗身很大很深，米線容易夾出。很喜歡這個手感。口感和味道 : 先試湯底，湯底微酸，帶著香料的香氣,跟牛肉湯河的帶甜的湯底有明顯的分別。來到紅色辣油

晚餐時段好多人，要等一陣位，上菜都算快。-生熟牛肉牛丸湯金邊粉 🍜L size $88真係好大碗！夠2個人食啱啱好。牛肉幾軟腍唔韌，牛丸冇乜味，整體算唔錯，越南河都唔會有為之驚豔既味道架啦🤣-越式牛油雞翼🍗 $58/4超好食！有驚喜，炸得好脆好香，牛油味配面頭啲炸蒜不得了，雞翼好嫩滑。-手打芝士炸蝦波🍤 $58/3都好好食！蝦波新鮮香跪一咬開真係有唔少拉絲芝士，蝦肉亦好足料，好彈牙。-整體來說，小食比越南河更出色！🥰

今日收工之後約朋友係附近食飯，佢book左呢間fuhn食越南嘢，我地6點幾去到都坐滿左一半人，位置都幾闊落，員工都好有禮貌～叫左個越南特色粉，係夜晚限量供應每日得20碗，我特登叫黎試下，入面有好多料：牛展，札肉，牛丸，豬手，每樣送都好食，佢有配個辣醬，職員提醒話會好辣，所以我地只落左dd，味道唔錯～炸軟殼蟹-新鮮熱辣辣炸出黎，好香口，仲有小小蟹膏添鮮蝦米卷一啖係食唔晒架😂因為佢包到好足料，配埋個花生醬都幾好食～呢杯白桃沙冰好好飲，好fresh～燒豬頸肉-呢款同平時食既豬頸肉有d唔同，厚身d唔係薄薄一片咁，好食

勁鐘意食越南泰國野，朋友介紹過銅鑼灣依間越南野好抵食，經常爆棚。今日返工係附近諗住上去望一望，要排就算，咁岩去到就有位，即刻坐低啦。見到有唔少檯都有叫依個，限定20碗先黎一個特色辣醬，職員介紹可以根據自己中意食咩辣加幾多，無辣不歡既我，點左小小試下，好香濃既牛油味，唔算太辣太咸，幾惹味。未加之前加完成碗都好惹味，有四款餸，同埋真係好大電！我諗兩個細食女仔share都得！朋友叫左特色牛湯河，都有4款餸。好鮮甜湯底，多洋蔥多蔥好出色另外再叫左兩款小食，一款牛油雞翼，黎到熱喇喇，唔算油膩，炸得鬆脆，不過就貴左小小而依個炸蝦餅真係要大力推薦，係我食過最好味既炸蝦餅，真材實料，啖啖都係蝦肉，爽口彈牙，唔會炸完好硬，比任何一間泰式越南野既蝦餅都好食！真係好正配埋甜辣醬好大塊野飲叫左兩杯特色沙冰，依個係咖啡沙冰咖啡味濃郁，唔會太甜，濃奶味，底仲有咖啡凍，超出預期，仲好大杯！另外一杯叫左牛油果奶昔，平時都係飲開沙冰，依間係奶昔，相比之下更加滑，非常濃厚既奶味，見住職員開牛油果即整比冰沙更加岩女仔飲

生牛河fans🙌🏻去食越南野必叫生牛河🐮以前食親都係老趙😍今次試下新野😗..生牛肉湯粉(R) $68 如果一個女仔regular size 就夠，因爲食嘅時候會飲湯😂搞到個肚好脹🤰🏻個湯底好正😋唔會得個咸字，有啲牛味!牛肉量適中亦唔會太肥😛..扎肉湯粉 $58 佢嘅扎肉超彈牙😆叫左牛肉湯底，同上一樣正👍🏻扎肉真係好有驚喜😯好少咁彈牙😆

今次呢間係我朋友介紹俾我叫我去試吓，我就約另一個都鐘意食越南粉既朋友一齊去試吓上到去見到坐滿晒客人，內裏地方唔係幾大，但又唔係坐得好迫，坐低後待應放低餐牌，餐牌內有好多款湯粉、飯、撈檬、小食和飲品。我和朋友每人叫左一個湯粉、兩款小食和飲品。生牛肉、牛筋片拼牛腩邊湯粉（大）生牛肉半生熟好嫩滑，牛筋片和牛腩邊入囗都好腍，湯粉索晒湯好美味軟滑特式牛湯粉（大）好豐富好多配料：生牛肉、牛坑腩片、手打牛丸、牛筋片、牛腩邊和牛柏葉，未食粉首先試啖湯先，好香濃牛肉味，跟住試吓金邊粉，都幾軟滑，生牛肉靠個湯淥熟，所以入囗鮮嫩美味，牛坑腩片咬落好腍，手打牛丸就爽囗彈牙，牛筋片軟軟腍腍，牛腩邊和牛柏葉爽脆可囗炸椒鹽軟殼蟹米紙卷（4件）唔點醬味道比較清新，點左醬味道剛剛好越式手打炸蝦餅外面脆，裏面彈牙，點埋個泰式酸辣醬，酸酸甜甜好惹味