Video
Above information is for reference only. Please check details with the restaurant.
一大清早行完獅子山 一落山緊系要飲餐茶先夠滿足拉！！！星期日飲午市茶一定好貴 我吾太熟識黃大仙既茶樓選擇 所以都系聽朋友講就去 呢間舊式少少既茶樓比較平 所以二話不說就拎飛等位。呢間茶樓仲系用舊式既點餐方法 拎張點心卡出去搵d推住點心車既阿姐拎點心 行下呢度行下果度搵點心 雖然系吾方便 但系呢種文明已經買少見少 逐漸被淘汰 我覺得仲keep到未常吾系一件好事。一行四人 叫既點心吾太多。蝦餃大大粒 入而有3-4隻蝦架 但系皮厚 食落去口感吾太好。叉燒包都算吾錯 但系味道吾夠香 而且個包有少少乾。蝦腸算系吾錯 每件都有大大粒蝦 而且腸粉都算滑。叉燒腸都系普普通通 反而無咩味甘。排骨麻麻 太多骨喇 而且味道比較淡。其他真系吾好意思喇 因為我無食到 所以比吾到評語！
continue reading
一開始將上一枱同剩既杯碟比我地,感覺上衛生既注重好低!!而且D杯仲有D菜系度~衛生真系吾多好!!之後出去拎野食,個個牙姐同我地講燒味飯系出邊直接拎,原來系老點我地!!!系位落order就得!之後我地叫左一個部長幫我地落單叫"一碟叉燒飯",系好快嚟,但嚟既系"一碗叉燒飯",錯吾緊要,佢仲要死都話系我地既錯,後來我地比張卡佢睇,佢先認落錯單!!3,4個部長見到個個牙姐有問題,都吾過嚟幫手改單,玩手機既又有,圍埋吹水既又有!!叫佢地都好似扮睇吾到咁!吾計態度~~碟叉燒飯D叉燒紅得好過份,而且得個甜,無肉味,又硬!!有食物車嚟到,我同個位牙姐講,有無"咸魚肉餅飯",我想叫一盅"咸魚肉餅飯"個個牙姐有仲即刻拎左比我,但我一打開發現佢比左一個"咸魚肉片飯"1比我,我同佢講我要既系肉餅,佢話佢地根本無賣~哈~佢咁同明屈無分別!!明明都無就是但比其他野我地~D飯一食就知整左好耐!!加D水可以做弼啦!態度又吾好,食物又吾好味!!下次一定吾會再去!!!
continue reading
我特意留待第 500 篇寫表姐擺酒這一餐！ 比我大11日的她，剛在 11 年11月1日，跟表姐夫結婚！實在意義重大！ 由於，她嫁到黃大仙，所以在黃大仙龍翔廣場 <富金海鮮酒家> 擺酒！ 他們只邀請親友，簡單設宴七席！原先，我們一家與叔叔等人坐在女主家席，可惜，酒樓內有人吸煙，爸爸接受不了，加上懷孕的堂妹亦不適合吸到煙味！於是，大姑姐決定將我們全圍親戚遷移到第七圍。但是，屬於主家席賣相較討好的食物便無緣影相了！... 大約每10 分鐘上一道菜，好讓大家細味品嚐！ 每位侍應均為每一枱服務，很有條理！ 經理一早已通知負責我們這枱的侍應知，總數 13 人，另有一枱只得 10 人，要將食物調配份量。負責我們這枱的侍應阿姐好好口！又識做！ 值得給 5 分！ 依上枱次序：金豬大紅袍通常酒席首道菜便是乳豬全體，據說有紅運當頭的意思！ 每人分到大約兩件，皮脆肉嫩！咸度適中！尚帶微暖！火喉燒得恰到好處！薄薄的乳豬皮好香口！配合半肥半瘦的乳豬，真是美味不已！拌上一點乳豬醬，更添滋味！翡翠桂蚌玉帶賣相不失得體！翡翠是什麼？ 正是西蘭花，西蘭花味道清新爽口， 味道比較清淡；帶子 Size 幾大又夠厚肉！ 肉質很鮮嫩甜美！桂花蚌口感爽身及味道剛好！多子金錢柱脯再來又是一道有蔬菜的菜色，確是不錯！ 以冬菇及瑤柱配合節瓜！節瓜用多子來形容，把名字美化了又好意頭！ 節瓜蒸得夠軟腍；冬菇大隻厚身！索了芡汁的精華相當美味！百花炸釀蟹鉗由於我們這圍有13 人，全碟共有 14 件蟹拑，各人可分到一件！炸蟹鉗Size 比雞蛋還要大粒！嘩！ 份量十足！ 用上新鮮蝦，充滿鮮味！ 可能太大粒的關係，蝦肉並非預期中的打得 "起交"！那麼彈牙！較為軟腍一點！配上甜酸醬是最佳拍擋！ 以米網及染上顏色的雪耳作點綴，令賣相生息不少！相當奪目！可見師傅用心之作！紅燒蟹肉生翅一到食魚翅時，便是新郎及新娘最忙碌的祝酒儀式。用匙羹一"畢"，有很多魚翅呀！十分高興！ 事關當時為了保育，開始減少魚翅出口。尚可吃到魚翅的機會越來越少！真是要好好珍惜呢！尖尾的真魚翅混合鈍尾的素翅，看起來份量確實很多；配上瑤柱絲及蟹肉，還有鮮蝦，已經很滿足！湯羹溫度剛好、濃度適中，回味不已！福祿海參鮑片海參大件肥美！很爽滑！處理海參是最繁複！要浸泡、刮淨及清洗，以去掉腥味及潺；食起來完全沒有那種腥味！生菜一大堆墊底！精華盡在此！ 芡汁弄得杰了一點！不太討好！ 比預期之中少油；有紋的鮑魚片頗大塊，有趙頭兼真材實料，炆得夠腍，亦好糖心！鮑片可挽回一點分數！清蒸沙巴大龍躉叔叔說：所謂龍躉亦即是大石斑。酒樓食蒸魚預咗一定比較油，因為蔥絲要淋上滾油形成蔥花！一來賣相可以好些，二來條魚看來光澤感覺較新鮮！入口嫩滑肉質甜美！已是不錯！我還食了好幾塊魚皮，很軟滑呀！ 而且含有豐富骨膠原！富豪炒飯 / 鮑汁炆伊麵我選了： 富豪炒飯，名字好吸引呢！ 特意一試！ 我對富豪炒飯充滿好奇及期待！原來樣子不太吸引！只是蛋白、 瑤柱、菜莖粒、鮮蝦炒飯，美其名而已！我食了一匙羹！飯炒得乾身，用上絲苗米，能帶出飯香，清淡中又幾香口的！永結同心到尾聲又是食甜品的時候！是蓮蓉酥及笑口棗。兩款一口小甜點！就算肚子滿滿卻忍不住食！可謂女人有另一個胃容納甜品啊！ 蓮蓉酥外型好像迷你菠蘿包，包住蓮蓉餡，入口鬆化！笑口棗表面灑滿芝麻，炸到金黃色兼脆卜卜！我實在很飽！ 所以，放棄食 當紅脆皮燒雞、鮑汁炆伊麵、百年好合 ( 紅豆沙) 。雖然，這是一般酒樓，但是，食物水準不裕！而且用料十足！每碟幾大碟！很實際！服務方面不錯！後來，聽大姑姐講只是大約 $4,000 一圍，相當經濟實惠！因為，表姐是親戚關係，我們給予的人情自然會比較大份！在此：謹祝他們「新婚快樂！」
continue reading
友人們約我去黄大仙飲下午茶,我說去富臨,不久,友人致電我已去了富金,我說那裏是富金,啊!在龍翔中心,我來你吃住等吧!去到友人留了一碟咖理蒸魷魚給我,哇吃哥士的嗎?怪味超軟無彈性的物體然後,友人叫了一碗鷄河下午茶價$13,等了一會兒,一女侍應怱向我友人說油鷄河貴少少無問題吧!友人想問貴少少即貴多少,女侍應已飄走了,一碗肥油鷄河送上了,賣相似乎不錯,問亞姐要多少錢,$25吧! 友人分給我一塊肥鷄,肉死實不滑的,河粉很普通,湯底無味,很慶幸沒有叫來吃。然後各人吃了一粒餃,我們都不能說出它是甚麼餃最後我以為吃的是甜品,但椰汁是咸味的,芒果酸,糯米硬希望富金派人去其他酒家試菜,這些食物水準不合格,還停留在＋多年前的屋邨酒樓水準,望改進,更要誠實地告訴客人是$25不是貴少少
continue reading
嗰日一家四口去到攞籌,唸住飲茶,攞完籌等咗好耐,都未到我哋no.,但係見其他啱啱嚟個d熟客呢頭攞籌嗰頭就入去,我老婆就問嗰個知客,佢話嚟嗰係老細d親戚,我心唸,如果嗰個係老細親戚,使唔使攞籌呀,嗰個知客更好似唔志在咁款.激到媽媽聲,所以決定以後都唔會再去.
continue reading