富嘉食堂 (Closed)

工廈內的隱世食堂一般好多人未必會發現呢個食堂，可能要街坊推介先知。店內可自攜海鮮加工。由於店內環境有限建議致電預約訂位。今次我哋一行六人其中一個係小朋友，總共叫咗八碟。當然最後全部俾我哋清晒啦😋因為上次錯過了麻辣魚皮，所以今次一坐低即刻order左先☺️☺️因為而家已經唔係好多地方有得食。今次除咗麻辣魚皮，我哋order左豬油渣炒菜、咕嚕肉、海鮮豆腐蒸蛋白、蠔仔粥、豉汁蒸魚雲、青瓜炒大腸、炸乳鴿👍🏻👍🏻👍🏻食到停唔到口😋 可惜今次太飽冇食我最愛嘅薯仔炒牛肉粒，下次一定要食一定令你難忘😋😋😋

第一次係堂家姐同佢啲朋友帶我去，富嘉好似有冷氣室內的大排擋，好舒服，食物質素唔錯，多人一齊去食都係唔錯選擇。薯仔牛柳粒必叫，超級好食，成疊鬆少少甜甜地，薯仔外脆內軟，牛柳粒唔會太銀。我覺得炸豆腐麻麻哋，唔係細細粒，椒鹽同豆腐感覺完全分開。水煮魚唔錯，感覺麻辣很夾，唔會完全分開。富嘉的海鮮很好食，很新鮮，你可以自己買海鮮上去俾佢幫你整。豬手都唔錯，我唔食豬手都食佢嘅炸豬手，個皮脆卜卜，價錢唔算太貴，每碟份量亦都好多，大分夾抵食。

幾年前食完寫咗篇正評，但依家真係退步咗好多!!無寫食評咁耐都一定要俾返篇負評佢。叫咗5樣嘢食、兩碗飯和一枝啤酒，489蚊賣單，價錢唔貴但無啖好食!!首先，等咗將近20分鐘先上第一道菜已經好唔合理，又唔係全店滿座。乳鴿正正常常。椒鹽鮮魷朕味好奇怪，開頭幾舊都還可以，但食到後來的一放入口要吐返出嚟，唔清楚係今次啲油唔靚定係魷魚唔新鮮，還是有其他原因!!而且佢serve上嚟一粒粒，賣相好差!!平時椒鹽鮮魷我係必清㗎!!金沙蝦正常。霸王雞味道唔錯，但師傅把刀係咪生咗鏽?全部都無斬到底，有啲麻煩。燒牛仔骨勁大朕醃肉味，完全食唔到牛肉味，仲要有啲燶，而且好肥!!基於禮貌和免浪費我地有食哂所有嘢，但我地全家都食得唔開心!!退步得咁快，真心失望!!永遠blacklist!!

住在這附近， 都未試過這間工廠大廈上的飯堂。 雖然見食評唔多， 但都好想去試試。想食海鮮， 最好預先打去訂。 或者自己買過去比佢地整都可以。 我今次打去訂， 因為冇時間行街巿。打去個陣， 都只可以報大約的海鮮價， 之後加番d油水錢， 所以都有d怕會唔會太貴， 真係好"海鮮價" 呢？ 但冇計， 節日又難訂位， 難得夾啱， 就試試。結果。 比預期中的好， 小菜又唔錯， 海鮮都好新鮮， 整得好味。我地食的有 : 流沙黃金蝦白灼蝦避風塘炒蟹 ( 唔食得辣， 要叫小辣) 椒鹽鮑魚 ( 有個小插曲係其中一隻鮑魚睇去好細粒， 原來比换成一粒帶子。。。。。，我地冇同店的人講， 可能廚唔見左隻， 搵其他替換) 蒜蓉粉絲蒸聖子小抄皇石頭鍋飯石頭介蘭豆腐班腩煲好正， 碟碟都清晒。唯獨是打去訂個陣， 真係要講幾次， 講得再清楚d. 我同佢地講， 預我圍枱十個人一人一隻， 但佢地做左12隻。價錢我覺得算ok. 好似今次咁， 咁多餸十個人， 計返都係唔使 $250@, 仲叫左一支啤酒， 1x可樂 同 2 個白飯。整體滿意。

本來諗住百味皇，遠距離見到間傳聞既工廠飯堂九點幾，唔洗等位唔洗book枱。如果早食就要訂定位！今次食左咕嚕肉風沙雞蒜蓉荳苗椒鹽鮮尤富嘉應該係暫時香港仔小菜最好既一間。賣相好、夠熱、抵食、好食、新鮮。雞半隻都等於平時一隻，皮夠脆。蒜蓉荳苗又少油、咕嚕肉同椒鹽鮮尤就夠丈份又少炸粉。見到啲餐牌樣樣都想食，最好就人多再去，就食到更多。

今晚約咗幾位好友食飯，成幾年無見的朋友，好開心可以相聚。👭👭早2星期已經訂咗位，估唔到咁多人食，好彩有訂枱！都幾多選擇 又幾抵食我們叫咗3碟野1. 菠蘿生炒骨好開胃 又甜又酸 味道剛剛好 好脆口 菠蘿好食2. 富嘉小炒皇好多材料，有大蝦乾、有九菜花、腰果、芽菜、青椒、魷魚好香好食 蝦乾好咸香 九菜花炒得剛好 腰果脆口 送飯一流！3. 富嘉石頭飯好大碟，有蝦有雞肉 有飯焦 脆脆的 熱騰騰 好好味道 炒得好 粒粒都有味平日都咁多客人 就知水準好 但坐得麻麻

呢日約左以前一班同學聚下，揀左呢間地理位置比較隱世既食堂，唔洗去啲旺區同人逼~蠔餅一睇就知煎得脆口，蠔亦都好大隻，隻隻肥嘟嘟，口感十足清蒸飽魚，用果皮黎蒸就係我最鍾意既食法果皮有股清香既味道，可以去除鮑魚既泥味但同時亦唔會掩蓋佢既鮮味而且size十分合我心意，因為太大隻會好韌反而咁樣細細隻又食到肉，又夠淋白灼蝦夠鮮甜，隻隻蝦都咁彈牙金銀蛋西洋菜，呢味餸真係好耐無食過喇睇相都見到鹹蛋&皮蛋都好足料，個湯用黎送飯真係好好味!薯仔炸過，但一啲都唔油，反而食落無咁重澱粉質既感覺外皮夠脆，但薯仔肉依然係咁嫩滑

店名：富嘉食堂地址：香港仔香港仔大道 234 號富嘉工業大廈 401-402室好味指數：6.5／10價錢：$35葡汁雞扒火腿飯 送飲品（凍飲+$2）葡汁相比沒有黑椒汁好吃，但份量仍是足夠的。葡汁味道不夠香濃，雞扒不夠入味，整體一般。店名：富嘉食堂地址：香港仔香港仔大道 234 號富嘉工業大廈 401-402室好味指數：7.5／10價錢：$33黑椒牛扒腸仔飯 送飲品（凍飲+$2）黑椒牛扒腸仔飯就如一般的碟頭飯，不過味道還算不俗，份量亦足夠。牛扒是採用了牛柳，吃起來夠軟滑，而且牛扒和腸仔煎得香香的，配上香濃的黑椒汁味道更佳。

番工放lunch想食個又飽肚又好食既快餐，見到工廠大廈有間野叫富嘉食堂，心諗hea唔hea嫁？富嘉食堂係工廠大廈入面，裝修就冇咩，不過冇所謂，反正唔係重點。入到去見到今日A餐係清湯牛腩飯，正合我心意！老板娘話呢個餐一個月都未必有一次，因為好多功夫，又成本高，遲d可能都唔會再係餐牌出現。初頭諗住佢都幾hard sell，點知嚟到食落口真係好正。牛腩夠淋之如個湯加左少少胡椒粒，味道口感都好好，直頭成個餐清晒。希望佢唔好取消左呢個飯，因為呢個飯真係值得去試！

富嘉食堂，幾年冇幫襯了 地方很偏僻，在一棟工廠大廈裡。Book咗8：30，坐滿人的，餐廳口碑可見有保證。人手不太足夠，點菜要舉手一陣先有人應，但整體態度不錯，效率亦合理。先評先上的椒鹽鮮魷。炸漿薄而夠脆，魷魚不會過腍，夠爽口。一碟份量頗多，調味出色已不會過鹹，很惹味，抵食！然後上炸乳鴿。乳鴿基本上符合期望，皮脆肉嫩，稍嫌較細隻。西檸煎軟雞很出色！雞皮是脆的，雞肉嫰滑，配埋酸酸甜甜的茨汁很開胃！最後係流沙黃金蝦。用的是鳳尾蝦，蝦身大而爽口彈牙。其中一些有鮮橙色的蝦膏，一些則沒有。這是名乎其實的流沙：鹹蛋炒成沙狀，掛滿蝦身，是半固體而非硬崩崩的，很好食！仲叫咗3個飯，一支啤酒，4個人食咗$359，免加一，很抵食！順帶一提，食物一碟食完才上一碟，未知是廚房太忙還是有心讓顧客一碟一碟咁食。但這樣一來菜便不會放涼了，我是沒問題的，很滿意的一餐！

聽親友介紹才知香港仔有呢間食肆, 一於BOOK 位試下。BOOK 左6:45p.m., 6:55p.m. 到, 都見到得幾檯大檯有客, 心諗早知就唔使book 檯喇!點知去到7:05p.m. 已經滿晒, walk-in 都無位。位置就ok, 始終香港仔好細下。坐位都算寬敞, 唔會太迫。我見 d 小朋友椅就真係唔太好, d 腳生晒銹。坐底睇下有咩好野, 見餐牌介紹的石窩芥蘭, 一於叫來食下。又真係好好味 ! 正 !見到餐牌介紹豬肚雞, 真係諗唔到將隻雞擺入豬肚內會有幾好味, 所以唔敢試。親友推介的薯仔牛柳粒, 睇相就唔太吸引, 個名就更普通, 不過都叫來試下 :估唔到又真係幾好味, 建議大家一定要試下。見到一味好普通的咕嚕肉又幾多人叫, 一於叫碟, 真係唔錯再試下隻乳鴿:加埋碟好好味的椒鹽九肚魚碟頭唔細, 比一般的多少少, 四個人, 食左一碗飯+ 一罐可樂, 盛惠 $360, 無加一, 抵食！