滿屋廚房 (Closed)

從前去黃埔往往只可以搭巴士或小巴才到, 所以一年都可能只去到一兩次. 而家地鐵終於都可以直到黃埔, 方便程度更勝從前, 前兩天突然想去黃埔號行街就立即行動. 黃埔花園附近有好多食店, 見到有間叫”Fullhouse kitchen”既餐廳, 印象中好似係荃灣愉景新城有間, 不過好似係foodcourt形式的, 見到食物既價錢唔貴, 最好就係有小童餐, 小朋友就至like了. 餐廳裝修好光猛整潔, 背景音樂播住bossa nova坐得好舒服, 店內仲有一個小角落買精品. 餐廳係半自助形式的, 所以選好食物就自己去落單就可以了. 我地一行3大1小, 叫了個 classic caesar salad $38, 馬來炸雞椰漿飯 $58, 新加坡海鮮喇沙湯粉 $52, 巴馬火腿雞肉白汁意粉 $62, 東南亞拼盤 $50 及一個兒童餐 $58. 好快侍應就陸陸續續送上餐了, 整體上菜時間都好快, 而食物都係熱辣辣的. classic caesar salad份量一啲都唔少, $38既價錢真係無預有咁多呢. 之後就係東南亞拼盤, 越南蔗蝦, 泰國辣魚餅及金絲蝦卷各樣3件, 3樣味道都好味道. 馬來炸

經開黃埔時尚坊，有一間新餐廳，見環境舒適，所以入去試下。餐廳是半自助形式，價錢大眾化，幾十蚊已有交易。自己落完order到櫃台比錢，食品就會送上。很豐富的兒童餐台式飲品水準唔錯水牛芝士pizza味道夠fresh小食出色海南雞飯$58,抵食過快餐店牛尾飯都很入味甜品都有特色，招牌雞蛋仔$18好食。

已經有留意這間餐廳很久，因為它Fancy的裝修並且有一些吸引眼球的家居用品。初時以為是一間西餐廳，但看真餐牌原來是一間主打東南亞食物的餐廳。今天終於進入些餐廳一試它的食品，並且在等餐時又可以看看家品，一舉兩得。本人覺得食物質素是可以的，本人叫了一個肉骨茶飯，以六十幾元餐只有四至五件肉在內，真的物超所值。我老公叫小一碗啦沙，味道濃又唔棘，並且內裡有新鮮的青口同蝦。我覺得食東南亞食品來這間好過Breaktalk，因為對我而言Breaktalk的味道太棘了。服務方面，這裡是半自助式的。找位坐低之後在餐桌上有張點餐紙，睇完想之後在上面寫上想點的餐並且寫上枱號，之後便到收銀處比錢。食品凖備好後有務服會送到你那裡。需然食物咪道同質素可以，但不知為什麼好少客人光顧。以下是本人的少少意見。於本人認為可能此餐廳的形象不夠鮮明及一至。當想食西餐時，看見舖面想光顧，但西餐食品選擇唔夠多。當想食東南亞食品時又不會被它的舖面吸入內進。

一入門，已有熟稔的感覺。皆因去年曾到訪該主題的酒店。食物價錢合理，由於是半自助服務，所以合理地沒有收取加一小費。上菜速度適當，送上時還時熱燙燙的。另外，食物份量足夠，適合胃口大之人士。

紅磡Aeon開左之後，係黃埔食野又多左唔少選擇！但見到food court好多人，結果誤打誤撞之下行左去附近覓食，於是就發現左Fullhouse啦！ 價錢黎講我覺得叫接受到，唔算好貴！而且仲要冇加一，都幾難得係黃埔搵到間冇加一既餐廳😂。海南雞飯唔係講笑，真係好多飯，油飯好香，啲雞亦都幾香。冇記錯好似係$58左右，我覺得真係幾抵食！我嗌左杯蜂蜜綠茶，但好似男朋友個杯巨峰梳打吸引啲。不過我好鍾意綠茶底既爆珠。甜品我鍾意黃色個個oreo布丁(?)，佢好香亦唔太甜。藍色個個又棉花糖又椰絲，我覺得好。反而乳酪我覺得麻麻。卡邦尼意粉同梅子雞翼 其實之後我有再幫襯多幾次，佢個卡邦尼意粉真係唔話得！仲有梅子雞翼，menu上面係冇既😂，出去嗌餐既時候有塊牌上面寫住。 幫襯過三四次，下次一定要試下佢啲雞蛋仔。最後補充一句，店員都好有禮貌好客氣。

今日假期，正在煩緊去邊度食早餐，點知路過呢間新聞咗冇耐的餐廳，原來佢哋今朝第一日做早餐，即刻入去試試早餐輕盈，二十零蚊有交易，而且有少有的温泉蛋供應男士食應該唔多够飽咖啡一般般啦，奶是熱的，讚室内環境清雅舒適，店内亦有不少木器精品出售店員服務好nice ，而且十分愿意聆聽顧客意見去改進

黃埔區搵平野食唔容易，最近開既呢間平靚正呢間半自助形式，先去收銀處比錢落單，再由店員送食物黎。朋友點既all day breakfast，平時食cafe都要一百蚊，依家五十蚊就食到，仲要好豐富我叫既海鮮喇沙麵線都好好食，湯底夠濃，48蚊抵啦！朋友叫既溫泉蛋意粉，我試左條覺得唔錯。菇飯都好特別上層佢將d飯煎到好似餅咀，下層係大啡菇，友人話好食！性價比高，閒日夜晚好靜，星期六日就超多人啦

是日中秋節公司放半日, 立馬回家休息一陣就同屋企人出去嘆返個late Lunch.最近黃埔一下子開了好幾間食店, 所以特意同爸爸媽媽一齊試下.FullHouse Kitchen主打東南亞菜, 有新加坡既喇沙, 肉骨茶, 咖哩, Salad, 西式的PIZZA, 意粉,蛋糕, 甜品都有.餐廳採半自助形式, 先到櫃面下單, 然而店員會把食物送上.所有餐派上既食物都不包括飲品, 不過只需加+$4 - $12就可有凍熱飲, 汽水, 咖啡...等價錢還算公道.我們3個人點了, 咖哩牛尾飯+凍檸茶, 溫泉蛋忌廉蘑菇意粉 +熱咖啡四色芝士薄餅咖哩牛尾飯, 味道剛好, 不過過辣, 味道比印度咖哩溫文,  爸爸不愛吃辣也吃得蠻開心.溫泉蛋忌廉蘑菇意粉 +熱咖啡意粉上的溫泉蛋做的不錯, 用义的拮開, 蛋黃汁立即湧出來. 煙肉蘑菇等配料也很多,但忌廉醬汁太稀, 而且味道很淡, 就算把意粉上的芝士粉混在一起也不夠味, 有少許扣分.四色芝士薄餅, 這個PIZZA等了20分鐘才上枱, 蠻期待會很新鮮.但第一口咬下PIZZA,就已經很失望, 餅心沒有很熱, 應該說是凍才對.因為要是用焗爐焗, 經過那麼長時間應該會很

黃埔近期一次過開左好多間新餐廳～ 係門口望完menu覺得呢間價格幾相宜⋯就揀左呢間試下～平時經過都見唔多full....我地八點鐘黎到唔駛等直接入～ 呢類舖頭比較少見～ 有一個corner賣精品～另一邊就食野～ 裝修以木為主～ 仲有少少童真既感覺～ 一坐底waiter會主動解釋呢度係半自助～ 要自己去點餐～ 講底枱號～ 之後先坐底等食～每張枱有呢個顯示枱號～ 好得意😁😁食物種類有東南亞美食～ pasta or pizza～ 兒童餐都有！有唔少一家大細黎幫襯～點完餐等左十零分鐘就有野食～ 我嗌左溫泉蛋carbonara～ 個溫泉蛋煮得剛剛好！仲會震騰騰 😂😂 一切開就流晒蛋黃👍🏻👍🏻煙肉味好香☺️☺️ 意粉軟硬度適中～ d汁亦啱啱好～ 掛到麵～ 唯一美中不足係淡左少少～ 落多少少鹽會好少少～ 不過都成碟食晒！好飽🙈🙈🙈🙈有段小插曲～ 朋友本身嗌巴東牛肉配飯～ 落單時有d誤會⋯落錯左肉骨茶！我地又冇留意到張單⋯上枱先發現🙈🙈 不過佢地好好肯換俾我地！抵讚！等多十分鐘左右就有得食～分量又係幾多～ 我試左一舊⋯牛肉好稔～ 好重香料味～ 唔辣既～ 幾好食😋😋 送飯應該好正！我見朋友清晒成碟！有黃埔v