滿屋廚房 (Closed)

今次想寫既餐廳主題主要要針對一家大細去既，仲要係好歡迎有小朋友既。餐廳入面佈置簡潔，出面有售賣精品部，入面就有座位，可借係要自己去企係張檯隔離等位既，好似去左中式茶樓甘樣。呢間餐廳我已經係第2次去了，因為味道幾好味，而且有提供不同菜式可供選擇，有東南亞風味、歐陸式、意粉類、Pizza 、三文治、小食等。我今次點左一碟溫泉蛋煙肉忌廉汁闊條麵食既，但我轉左做意粉。呢間餐廳係要自己出去點菜，自己拿的，而且製作時間彼長，相信起碼要等20分鐘才有得吃啊!好喇到溫泉蛋煙肉忌廉汁意粉上埸了，賣相都ok，雖然不算太精緻但都可接受的。意粉既味道因為滲入左忌廉汁，味道不太濃而且又不傑，汁既濃度剛剛好。煙肉都幾爽口，夠大塊而且都彼多，我將隻溫泉蛋與煙肉忌廉汁一起混合起來，一口吃下去，感覺非常香口，可能煙肉本身有少少咸味，再加上忌廉汁中和番，而且意粉又煮得軟硬適中，好好味道，一個人食絕對夠飽的。我再叫了一杯熱咖啡嘆下，咖啡雖然無乜特別，但都算是合格的。餐廳各樣美食既價錢都算抵食合理，所以大家不妨去試下啦。

在網上看到這裏的甜品容器十分漂亮，於是便專程過來一試。整個餐廳甚至商場都人流不多，餐廳裝修很繽紛，亦很適合帶小朋友來。意大利奶凍超級漂亮的容器，未食已經忍不住心花怒放。奶凍做得還好，雲呢拿味足夠，但稍嫌不夠細滑。

呢一日愛麗絲同屋企人泥到愉景新城食Lunch，見Full House呢間餐廳裝潢幾令，食物又唔算好貴，就決定係到用餐喇。泥到既時候已經係下午餐時間喇，我地就分別叫左個芝士珍寶菇蕃茄汁闊條麵丶巴馬火腿雞肉白汁意粉同一個迷你夏威夷薄餅。首先，芝士珍寶菇蕃茄汁闊條麵係要讚既🍝 因為真係有好多菇😂 唔會正係得兩三片～ 而且蕃茄汁既甜酸度都Balance得好，唔會太酸🍅之後就係巴馬火腿雞肉白汁意粉，先係個賣相幾令，係一片巴馬火腿插係意粉中間，幾有藝術Feel😂 雖然火腿得一塊，但雞肉就唔少既，而且白汁唔會淡而無味，都幾好食。最後就係迷你夏威夷薄餅🍕 呢個就有啲失望，因為薄餅本身唔脆，淋既，所以令成道菜扣哂分😕另外想講呢就係個人對Fullhouse Afternoon Tea Menu既意見，其實嚴格泥講唔可以話佢係一個Afeenoon Tea Set，因為係唔包飲品既，要飲品既話，無論係平時飲開既餐飲定係特飲，其實都係要另外以正價再買，咁其實好貴，唔多人會咁買多杯飲品😳 建議可以加少少錢跟Set有餐飲，例如加$2 熱奶茶。希望Fullhouse會考慮，作出改善😀PS Afternoon Tea既

難得去葵灣見到幾特別的雞蛋仔 人頭公仔樣的粒粒雞蛋仔確實未見過 飽亦照買 ✨綠茶雞蛋仔 ($16)✨即叫即烘所以等左一陣 牌響起之時好快就有得拎 果然粒粒公仔樣 我覺得好過癮朋友覺得好詭異啡脆邊緣中有淺淺的綠色 想必綠茶味應該很淡果然冇綠茶味 少少蛋香下太甜 食多幾粒已經夠 質感完全係蛋糕仔咁淋 毫無脆的感覺 失望極了 餵下相機可以 但係講到味道就真係唔多掂啦Rating💁🏻(5*/10*)

今日中午與女朋友往fullhouse kitchen食tea，我們點了烤雞凱撤沙律卷，三文魚凱撤沙律卷、珍珠奶茶、玫瑰柚子茶、Tiffani蛋撻、蝦肉龍蝦汁意粉和公仔頭雞蛋仔，食物整體比較細份和不夠熱，烤雞凱撤沙律卷和三文魚凱撤沙律卷，入面有蔬果和青瓜、材料豐富，如果皮薄一點會更佳；珍珠奶茶和玫瑰柚子茶味道清香，不錯、Tiffani蛋撻配上膠盒趣致可愛，味道不錯、蝦肉龍蝦汁意粉，啖啖鮮味、伴着大大隻海蝦和芝士作餡，品嘗到海鮮真味、而且意粉比較短，適合小朋友吃； 公仔頭雞蛋仔，特製的雞蛋仔模具上印有一家四口的模樣，我們食原味，味道熱辣辣，不錯!

在網頁上看到甜品外形蠻漂亮, 便拉朋友來試先說說甜品我買的是楊枝甘露布甸, 外包裝是很漂亮但沒甚麼芒果味, 而且西柚的口感有點乾然後是飲品, 一如此鋪的風格吧...包裝蠻漂亮我點的是熱玫瑰柚子蜜柚子蜜可能加了太多, 比較甜玫瑰的味也太搶, 總之就是感覺很奇怪

今日行荃灣，咁啱路過愉景新城。見肚餓就入去望下有咩餐廳食。一落電梯就見到一間白色好靚嘅餐廳。就望下有啲咩食啦，一望，嘩不得了，有飯，有麵，有三文治，有麵包，有蛋糕，有蛋撻，有甜品，有飲品，應有盡有。估唔到仲有雞蛋仔食，當下午茶食一流。

在愉景新城附近返工, 見到商場有間新開的Fullhouse Kitchen就同朋友一齊去試下門口很開揚寬敞, Lunch唔使等位, 一入去就見到有很多主題精品賣, 顏色繽紛很歡樂的感覺,好岩一家大小特別係有小朋友的家庭來食, 在叫餐等餐期間可以睇下精品餐廳主要食意粉及東南亞菜式, 仲有麵包及Cake,蛋撻...叫左個咖哩羊肉飯, 是日餐湯係蘑菇湯, 叫了餐就回位等, 等了約6-8分鐘就可以取了, 餐盤有點重,要自取, 蘑菇湯菇味濃郁, 不過有點略鹹, 咖哩羊肉先係重點! 這個咖哩味道很好, 對於不吃太辣的我來說這個帶微辣香味的咖哩是完美, 羊肉和薯仔都炆得稔又入味, 它加入了椰絲豐富了整個口感, 份量也很足夠。凍檸茶的杯很精美, 令整體觀感提升, 整個餐的Present都很精緻, 美中不足的是可以再熱一點,可能商場冷氣大涼得較快下次會再來試下其他菜式及甜品! 唯一可改善的地方是以這個價錢應該要有一般餐廳的服務, 不應要客人自行捧餐及還盤

在愉景新城附近返工, 見商場有間新開的餐廳就同朋友Lunch去試下, 間餐廳都幾特別,有4個可愛的一家人及羊公仔,門口很寬敞開揚, 入面有好多位唔使等就入得, Menu主要食意粉同東南亞菜式,仲有麵包,cake,沙律卷...叫左個咖哩羊肉飯, 它味道適中, 對於不吃辣的人來說它的微辣香味是完美, 羊肉及薯仔都炆得稔, 羊肉很入味, 不太羶又有肉香, 他在咖哩中加入了椰絲,增加了口感, 這道菜算是做得與別不同,值得推介! 是日餐湯是蘑菇湯, 很濃郁及厚身的菇味及質感, 不過略鹹了一點; 凍檸茶的杯很精美, 令整體觀感提升了整個餐都present 得很精緻, 不過可以再煮熱d, 商場冷氣大d食物涼得快餐廳除左佈置係有主題外, 門口仲有賣主題公仔的精品, 色彩繽紛感覺很歡樂, 好適合一家大小整體感覺都很舒服很悠閒, 性價比都OK, 下次可以再試下其他款式, 不過如果有多D服務就更好,這個價錢應該要有一般的餐廳服務

一間加熱食物的工場，一間另人失望的新加坡菜的餐廳，假日間間都冇位 係得呢道有位，咁都走去幫襯真係犯賤，見裝修都幾好又見有位人又倦試下啦。呢道走日本自理路線自已倒水 自已執枱好喇上手食客食完唔執真係冇人理，算吧反正仲有其他位，個地下好多垃圾同頭髮 好耐都冇人理算吧。食野點了個喇沙 巴東牛肉飯 兩件三文治 先講三文治ok的 因為都係一個麵包係咁塞野入去，重頭戲 喇沙=垃圾 成碗野放入好似修微波爐番熱，麵線淋 湯冇味 蛋老 魚片硬。 巴東牛肉飯又係一包牛肉放進熱水內加熱，但唔熱冇味un個凍湯又古怪，繼亞坤之後又一間使我失望的新加坡菜式的餐廳，或者新加坡菜就是這麼的一點點 野唔好食都算， 個垃圾箱又唔蓋好，隔離就係比你裝水的地方，有冇衛生常識架。以後唔會再幫襯 豪無誠意的加熱工場，但連加熱都做得不好。算吧⚠食過三間新加坡菜，給我的感覺是 新加坡菜不好味 新加坡菜求求奇 新加坡菜一定是坤你(只限香港) 相信要食到好味的新加坡菜真係要飛過去。

這商場近期在裝修，所以好些新食店進註，而知悉這店是因為在fb 見到有人頭雞蛋仔，當然要見真身。//由於我見到餐牌不算太吸引和我之前已食得好飽，所以只點了一底人頭雞蛋仔。//等了5-8分鐘左右終於有得食，今次遇到的是健康膚色的人頭，與pancake 的味類似，而味道偏甜又不是外脆內軟，所以除了外型是（有點恐怖的人頭）雞蛋仔外，味道賣相都真的不及格……所以吃雞蛋仔，還是街邊的較好。//

27/9中秋節星期日例牌返外家這天先往愉景新城Fullhouse Kitchen買兩個超靚甜品先~這個魔法甜品球造型好別緻成個香水樽咁款很吸睛價錢又不貴每個只售$36我哋揀咗木槺布甸餅碎比例較多味道算ok啦,意式奶凍反而幾香滑質感很柔軟不錯~連匙羹也可愛過人^0^

係網上見到介紹呢間餐廳嘅超可愛雞旦仔，立即去試吓。餐廳外觀十分吸引，進內發覺可愛造型食品就只有雞旦仔同旦撻😅甜品種類多但未能吸引唔好甜嘅我，鹹點我無試到，但見其他客人點的食品外觀就是正常的午餐，但價錢一個意粉就要$6x，加錢可轉套餐，分量不多，不算便宜。我叫咗一份花生雞旦仔，我同朋友都很喜歡，如果多點不同味道選擇就更好。價錢仲好合理，如堂食值頭有點平$16另一個卡通甜點係旦撻，但超厚皮，有一半厚度係個皮，不過內裡旦醬好好味如果餐廳主題係卡通，就真係唔夠吸引，但如果係有卡通裝修嘅餐廳，價錢有少許貴，因為快餐自助形式實在貴了點。

記得以往經過尖沙咀，總會被一架甜美粉紅的mini bus所吸引住，原來是一間名叫Fullhouse的特色餐館🍹，擁有自己的可愛卡通人物👭，一直都很想去....直至它搬遷到荃灣，終於的起心肝來一探究竟。看著menu，發現原來是來自馬來西亞的，有海南雞飯、海鮮喇沙、馬來亞白咖啡等，亦有一般西餐供應，價錢是正常餐廳價錢，五六十元有交易，味道不過不失。亮眼點在於精緻奪目的甜品櫃🍮，超夢幻公主風，是女生必會迷倒！甜品有質素有質量😋，吃完還可把杯子帶回家，以三四十元的價錢，超推介！