豐味車仔麵

Open Now

Now Closed

見到網站推介，專程去試下，去到有位女侍應姐姐熱情招待，環境乾淨舒適，唔會迫.叫左期待既豬大腸酸辣紅薯粉，值得讚薯粉彈牙，豬大腸洗得乾淨，唔會霖，有口感，真心唔錯！同行既妹妹叫左米線，米線都比以往食開既米線店彈牙！美中不足，配菜實在太少，叫一款豬大腸得4塊實在有d⋯⋯⋯其實店家可以俾d少少份量.總體我會俾95分！希望店家可以Keep住水準！

一入到餐廳感覺好整潔落單時店員服務好貼心！重好靚女😍價錢親民，而且叫豬大腸牛腩果啲唔使另外加錢😍同埋下午茶送野飲！幾低食！份量都唔小嫁！店員推薦食牛肚，真係好好食🤤我各得豬大腸都好出色🤤坐係度食都幾舒服！不過坐坐下有小小凍怕凍既女仔！記得帶外套❤️

酸辣粉車仔麵($33連一餸)旺角新開既車仔麵店，有得食埋酸辣粉同麻辣燙，樣樣都好似好正，梗係一雞兩味，食酸辣粉加車仔餸啦🤣。酸辣粉司令揀左大辣，食落夠重口味，酸度好夠，不過司令就應該再叫辣啲😂，粉煮得偏淋身，司令就好喜歡啦，但如果彈牙控就建議落單要求唔好煮咁耐😂。餸菜每加一款加$7，豬腸帶肥又入味，牛腩半筋半肉，雞翼有滷水味又唔會好霉，三款都推薦可以一試！最有驚喜既環節，係樓面兩個女仔態度超好，有問必答，而且會提醒客人可以撈勻先食，食完又問下意見咁，雖然其實係好簡單就做到既事，但真係一百間餐廳入面未必有一間會咁做(講真出去食野唔比店員西面已經偷笑🤨)，希望之後做耐左都可以keep住咁好態度❤️。

尋晚係facebook見到旺角有間新開的車仔麵，車仔麵形式既重慶酸辣粉同四川麻辣燙襯今日有時間就走去幫襯下一入門口已經有店員招呼，鐘意酸辣既我諗都唔諗就嗌左個重慶酸辣粉本身想試埋佢個牛腩的，可惜我可能去既時間太早了牛腩仲未有，店員推薦我試下個雞翼最後啲餸就揀左豬大腸，豬皮同雞翼個酸辣粉好快就整好上枱大大碗酸辣粉，配上3個餸再加埋杯飲品先要$54價錢唔算貴，而且佢既份量好充足，唔似出面其他既車仔麵鋪得幾舊餸敷衍客人佢地個重慶酸辣粉湯底真係好正湯底味道夠酸，唔好搶左啲辣，又夠晒香仲有好多辣度，愛辣既朋友又點可以錯過呢

在旺角逛街的時候看見這個店舖，抱著不妨一試的心理，店舖乾淨，冷氣夠涷，食物味道好！座位舒適，工作人員態度極之良好！值得一去再去的店舖👍🏻👍🏻我是第一次寫食評希望大家相信我的推介😬😬 現在還是新店舖有推廣優惠，有飲品贈送及有九折優惠，我也不想這麼長氣寫這麼多字，但是原來要有200字才可以讓我評分，我不想別人以為我是跟店主認識，所以再努力寫下去吧！其實整條街都是食店，很慶幸今天誤打誤撞去咗一間好的店舖。😍😍

麻辣味正宗👍辣味到位，麻味夠過引辣味重有得選擇，食得辣可以中辣開始試老闆話重有個宇宙最辣😂我決定下次試下大腸，東菇，雞亦味道一流🤤必點重有薯粉選擇，配麻辣湯一流唔食麻辣，重有重慶酸辣湯

車仔麵可以，加腩汁和辣汁後，湯底更佳。酸辣粉是我試過最好味，層次豐富，,必食麻辣湯一定要試，湯底食唔番，唔係凈係得個油字，有回麻的感覺，本人喜歡大辣，不過可以先試小辣。