豐味車仔麵

Open Now

Now Closed

今日同朋友出旺角行街，行到一半個天突然落大雨，加上都差唔多時間要食嘢，結果就搵到一間新開嘅麵店入去試一試新嘢。入到去個環境幾闊落，左邊就係單人嘅向牆臺，另一邊就係四人枱，中間條通道好闊，就算兩個人一齊行都冇問題，喺旺角依啲地段嚟講呢啲餐廳都算少見。選擇十分之多，淨係麵嘅款式都有三款麵。 最後我揀咗食車仔麵，而朋友就揀咗食酸辣粉。嘢飲我哋叫咗凍檸茶同椰青水。分量唔錯，嘢食亦都好味。同埋就係餐廳坐得好舒服，價錢都唔貴，兩個人食一百蚊唔使就可以食到飽一飽，抵玩。

又係嚟到我最鍾意喺度搵食嘅街❤️通菜街。真心呢條街真係好多又經濟又實惠又好味嘅食店‼️ 今次發現咗新開嘅車仔麵鋪頭😍 呢條街冇乜呢類型嘅餐廳，而我最鍾意食就係車仔麵🤤梗係入去試吓。入到去環境好舒服，座位寬敞，冷氣夠同埋有電視睇。👍🏼 好搞笑佢有一排單人位。😂見到餐牌原來佢唔止車仔麵咁簡單！😳 佢仲有重慶酸辣粉同四川麻辣。🤤 等我下次再試先，因為今日好想食車仔麵😛。 餸嘅種類都好似其他車仔麵鋪咁好多款，我覺得車仔麵同拉麵都一樣湯底係好緊要🤔。 佢有豬骨湯底同腩汁湯。之後仲可以加佢個秘製辣汁，今次我揀咗BB辣度。😝秘製辣汁係個匙羹上面，食之前將佢撈勻晒係個湯底度咁就得了。👍🏼 飲咗一啖湯底果然好味。😍 墨魚丸味道正常，蘿蔔煮得好林好甜，值得一提係佢個魚肉春卷！拍得住南記👍🏼，又係好鮮甜好滑。餸嘅份量幾夠。朋友叫咗魷魚腩肉菜心油麵，佢話都幾好食可以再戰。😂特別一提佢個下午茶好抵食😍。

在經過店外的時候被這家店乾淨明亮的裝修吸引於是進去試試。竟然有我最愛的重慶酸辣粉、很少有車仔麵中找到的，我十分興奮。選了午餐肉，豬紅，金菇，蠔油冬菇，中辣。午餐肉有兩大片，豬紅很滑，最最最值得讚得是蠔油冬菇真的好好好食，蠔油完全滲入厚厚的冬菇中，好食的蠔油冬菇現在是非常難找的，吃得我很感動！酸辣粉和炸菜份量亦很多，酸度和辣度適中！第二個麵選了河粉，牛腩，豬大腸，雞中翼，芝士腸，BB辣。腩汁很甜，豬大腸好食，處理得很乾淨而且煮得很入味，雞中翼肉質滑鹵水汁不錯。加飲品價錢合理，我最愛的椰青水都只是加$10，清新解渴，夏天我必選！最深得我心的是吃完麵後，一整晚我都不覺口渴，完全是沒放味精的象徵，這些是沒得騙人的，非常難得！

打風搵野食永遠最煩，好彩經過女人街，入黎避雨之餘睇下有咩食!見到開左間新既麵店有麻辣燙，聽得多但未食過，一於試下!餐廳都幾大，整個感覺做到好似內地既麻辣火鍋店咁最似係呢一類中國feel既油畫，好多麻辣火鍋店都鍾意放呢一類畫除左麻辣燙，同樣都有做車仔麵，睇落食材都一樣，係湯底唔同我要左碗麻辣燙既麵，睇落即係麻辣湯底~可能叫法唔同???湯底偏重口味，比較咸，麻辣味超香，食落重辣輕麻，我點左大辣牛腩大小剛好，一啖一粒，幾香腍入味。雞翼係滷水野，滷水味一般，但啲肉好腍好多汁。隻蛋就一般。麵底好緊要!!原來諗住揀油麵，最後要左粗麵，等佢更吸湯，果然啲湯完全吸哂湯底味，超惹味!!入味之餘又唔會腍哂，正朋友要左腩汁底既車仔麵，油麵永遠最抵食，粗身得黎份量多，一定夠飽肚朋友要左牛腩大腸蘿蔔。蘿蔔超腍超甜又無渣，但切得細舊左少少，唔可以口啖咬落去，好似少左啲滿足感大腸洗得夠乾淨無臭味，而且煮得好腍好入味，正

其實由細到大都好鍾意食車仔麵，今日上堂之前就快快手喺旺角諗住食個麵，經過女人街，睇咗個餐牌見到價錢都合理就揀咗呢間睇咗好耐，猶豫緊揀酸辣粉定普通車仔麵好，心絲絲底下就揀咗酸辣粉，酸辣粉嘅配料都幾豐富仲有好大量嘅榨菜同花生添，湯底幾濃味，唔會過辣雞翼尖份量都唔少，滷得好入味魚肉卷比較林身，而且索晒啲湯嘅味道， 好食朋友就嗌咗車仔麵，我飲左一啖湯底，味道都10分濃郁，而且唔油膩，如果想食清淡啲嘅，絕對可以揀呢個，而且辣醬係分開上，幾細心，朋友最後食到一啖都冇得淨

心癮這回事，確是難以解釋。近期突然迷上食車仔麵，返工放lunch，都嚷著要吃車仔麵；晚上回家，不吃車仔麵不罷休；就連宵夜，也指定吃差不多類型的粉麵類。可能想尋找一間半間是有特色的車仔麵吧。不得不承認，是有點太瘋狂！哈哈！今日同朋友係旺角行街, 當到晚飯時間, 係旺角女人街選擇多多，所以我倆決定睇到邊一間平價就食邊一間!行行下見到間應該係新開張無耐既小餐廳，店內的老闆娘向我倆落力招徠，我地見價錢便宜又是我愛吃的車仔麵類！家庭式小店咁！就入去試試啦!天氣悶熱食湯麵類真心不錯的！呢間【旺角豐味車仔麵】有港式車仔麵啦、招牌四川麻辣燙啦同正宗重慶酸辣粉揀，每一款都可以可選擇唔同辣度！MENU有兩面，入面都好多選擇啊！成41款餸揀！真係心大又心細！呢度既環境就好簡的，乾淨企理！長方形格局，一邊係向牆單邊吧枱式！一邊係四人枱二人枱咁！港式味道十足！朋友揀左“酸辣粉”，三款餸:「牛腩,雞翼,豬大腸」, 要左薯粉 仲要 (宇宙辣) 所以搭左罐可樂。酸辣粉通常都重味精到暈！但呢度又唔會！因為老闆娘本身自己都怕多油肥膩同埋味精！所以俾客人既都唔會多油，自然味為主望落可能都會覺得辣，但食落又唔太辣, 酸酸麻麻

約埋幾個朋友仔去旺角行街，幫朋友M 裝身扮靚靚， 但係行街之前，當然要醫飽個肚喇。旺角雖然多嘢食，但係太多選擇又真係幾難揀嘅， 又唔想食太飽，簡簡單單食個車仔麵都係一個唔錯嘅選擇。行到女人街附近見到呢一間車仔麵都幾有特色，除咗有車仔麵之外，仲有酸辣粉﹑麻辣燙，同埋唔同嘅小食，好似幾得意咁。 坐得都幾舒服，唔會太迫。空間感幾足，唔會好似附近某啲餐廳咁坐得咁迫。選擇都幾多，有唔同嘅餸 ，30蚊一個麵加一個餸，另加餸就每款七蚊， 下午茶時間仲送嘢飲添，感覺唔錯。另外仲有麻辣燙同重慶酸辣粉，幾有特色咁。朋友就嗌咗一個港式車仔麵，有牛腩、冬菇、龍蝦丸，佢個選擇咗腩汁，偷咗一啖嚟試，都幾香。至於我就嗌咗椰青水，費事飲汽水啦，清清哋最啱解辣。我就嗌咗麻辣燙，要魷魚、豬腸同響鈴，跟薯粉。 魷魚都幾爽口，豬腸就好有鹵水香味，唔錯。響鈴就可以吸收到麻辣湯嘅味道，正呀，好味。其實都幾大碗，份量都唔細。值得一提嘅係薯粉煮得好軟身，好滑好好食，不過真係好難夾， 好容易一夾就跌返啲粉落湯， 要小心彈到自己。另一個朋友就嗌咗車仔麵配薯粉，魚肉春捲、蘿蔔同牛腩，特別嘅係可以另加辣汁， 咁可以控制辣度，想試辣又怕辣嘅朋

旺角一向食肆林立，要在眾多食肆中揾身絕非易事，識得捐窿捐罅才能避開人群。走入後街，原來有間車仔麵店。見裝修不錯，入內探個虛實。餐牌主打車仔麵，但都有重慶酸辣和麻辣選擇，實行眾幾樂樂。下午茶都有一班人眾腳。以車仔麵店來說，環境算闊落。飲品有椰青水，清熱解渴，跟餐$10。點了個車仔麵，$42三餸一麵。自選麵底和湯底。建議試下這裡的秘製辣醬，少少辣，多多趣。麵質不錯，粗麵吸湯正。魚肉春卷幾特別，好少車仔麵有。魚皮餃和牛栢葉都係小編食車仔麵的指定配料。魚片餃都幾肉厚。整體印象都不錯，以下午茶有飲品跟為抵。

新到模型返貨，女友陪 L 到旺角入貨後突然想吃車仔麵，於是找到位於女人街的豐味車仔麵。女友的港式車仔麵選了蠔油冬菇、雞中翼及魚肉春捲。秘製辣汁bb辣配上腩汁。冬菇炆得好腍，秘製辣汁bb辣都不錯，並非只有辣有點不同層次的味道。女友說加一杯凍鴛鴦就是夏雨天的享受。至於 L ，通常到未吃過的餐廳都會選其招牌，四川麻辣燙選薯粉配bb辣加豬大腸、豬皮及蘿蔔。薯粉晶瑩通透有彈性。蘿蔔及豬皮都好腍，豬大腸都洗得乾淨無羶味。 L 強烈建議除非一向吃得很辣，否則先從 bb辣起步而非一步登天到宇宙辣!結果都要以椰青水解辣旺角有誠意的麵食不多，這裡有齊重慶酸辣粉，四川麻辣燙及港式車仔麵。

又到星期四，上堂前要先醫醫肚，上次喺附近食野，已經留意到呢間新開嘅麵店，望入去幾乾淨企理，於是今個星期試一試。成間餐廳好光猛，長方形格局，一邊係四人枱，一邊係向牆單邊枱。平日收工時間都幾好生意，差唔多七成滿座。呢度主打港式車仔麵，另外亦都有麻辣燙、酸辣粉，感覺幾吸引。車仔麵款式都多，1餸麵28，兩餸麵35，3餸麵42，配料都係大路野，豬大腸、豬皮、豬紅、牛腩、雞翼、魚片頭、魚春卷、韭菜餃、菜類等，麵底可以揀油麵、粗麵、幼麵、河粉、公仔麵、米線，仲有薯粉添，驚唔夠食可以加底8蚊。湯底配豬骨/腩汁/辣汁，分bb/小/中/大辣。另有小食，加配飲品半價，人均50蚊左右啦。豬大腸、雞翼尖、魚肉春卷、河粉 42：碗麵都幾大碗，豬腸比較瘦，都幾有咬口，清理乾淨；雞翼尖忟得夠淋，而且幾入味，一共四隻(?)；至於魚肉春卷就比較一般，薄身。麵底揀左河粉，男士作為晚餐，唔加底都可以接受雞中翼、魚片頭、娃娃菜、油麵 42：另一碗都係三餸，雞中翼幾好食，有少少腩汁味，唔會好老好鞋果種；娃娃菜腍身，主要係葉嘅部份；魚片頭三粒，夠彈牙爽口。麵底揀左油麵，女仔夠哂。湯底揀左辣汁、中辣。由於佢個辣汁係好似文記咁匙更另上

今日同朋友行開旺角，兩個未到月尾，就已經荷包乾的窮鬼，肚餓了就梗係要入女人街搵嘢食喇， 貪入面啲餐廳選擇多， 價錢較大眾化。今次揀豐味車仔麵，係因為店員姐姐喺門口叫「有車仔麵食呀有車仔麵食呀」 朋友揀嘢食好簡單， 見姐姐係靚女咁就入咗去喇。豐味車仔麵最特別嘅地方係有三種湯底可以揀嘅， 有川味麻辣煲， 重慶酸辣粉的湯底， 以及傳統港式車仔麵湯底， 傳統港式車仔麵湯底又可以加腩汁，各種辣度，同埋腩汁等等。今日朋友叫咗碗重慶酸辣粉湯底， 另外有幾多三樣餸有牛栢葉， 魚肉春捲同埋金菇。 湯底都夠酸夠辣嘅， 仲有少少麻嘅口感， 而且嗰份都大碗。 唯一美中不足的是， 呢度冇芫茜同埋冇花生， 如果加埋呢兩樣嘅話， 就更加高興啦。而我叫咗碗傳統港式車仔麵湯底嘅車仔麵， 叫咗蘿蔔紹菜同埋牛腩， 因為我比較細食所一個幼面其實都夠， 蘿蔔都算清甜， 係牛腩有啲細粒同埋有啲肥， 不過整體嚟講都算ok啦。

「女人街」呢個地方，細細個既時候，成日都會到訪。可能係過黎搵野食，可能係過黎行街買平野，或者，可能只係想搵個地方漫無目的走一走。年紀大了，世界變得複雜，錢搵多佐，選擇多佐，要求亦都會變得高佐。多了無奈，多了批評，多了解釋，多了麻煩。但有時候，驀然回首，諗番轉頭，其實好多時都係自己想得太多，想得太遠，將事情簡單複雜化佐，其實，自己其實都只係宇宙間的一粒灰，一粒塵，所經歷既，更是塵都不如。這日決定回來女人街，從複雜的世界中，尋找簡單的味道。最後來到豐味，停下了我的腳步。車仔麵，夠哂簡單，夠哂直接，就呢間啦！門外看似好細，入內原來也頗大，兩款座位設計，4人長枱，或者單人面壁，各適其適。個人其實真係好鍾意面壁既設計。讓一個人食飯的兄弟，好像找到自己的安樂窩。可以靜靜地享受專屬於自己的早/午/晚餐;可以沉醉於自己的世界，或許你會按一下手機，玩下遊戲，看下新聞，而不用和對面的陌生人你眼望我眼，更不用被迫聽著旁邊那人的三姑六婆小報告。餐牌上的車仔麵款式基本有3款:港式車仔麵可配各式餸料和粉麵，重慶酸辣粉會配正宗酸辣透明粉，而食得辣既應該會點四川麻辣燙。餐廳標榜「正宗」二字，唔知點解，我望到佢地既裝修

星期日同媽媽去左屋企樓下新開的豐味車仔麵吃午餐餐廳位於旺角通菜街內，地點方便，內裡裝修有舊香港的風味。菜單內除了車仔麵選擇外，還有重慶酸辣粉，麻辣燙等等，適合一眾嚐辣朋友由於我們不太好辣野，於是點左兩碗三送車仔麵第一碗係蘿蔔牛筋牛腩油麵，三款配料都炆得軟林入味，蘿蔔好甜，牛筋好有膠原質感！加左腩汁更加美味第二碗係冬菇雞翼春卷幼麵蠔油冬菇好香菇菌味，夠入味！雞翼肉質鬆軟，帶有滷水汁香。魚肉春卷有嚼勁，富魚肉香，好好味喔！幼麵掛湯能力佳，單吃麵也很好吃！最後飲品叫咗熱奶茶同凍檸茶奶茶香濃幼滑茶味重！凍檸茶個茶底都好出色，係茶餐廳嘅水準

女人街一向係我覓食嘅好地方， 因為入面乜嘢菜式嘅餐廳都有， 價錢又大眾化， 睇見邊間餐廳合眼緣行入去就可以啦。 今日見到間新餐廳， 叫做豐味車仔麵， 38蚊有三個餸， 旺角地方嚟講ok啦， 咁就入咗去試下啦。餐廳裝修十分平民化， 但因為餐廳樓底高， 都算坐得舒適， 而且也有電視， 唔會怕悶親。 餐廳有幾款湯底可以選擇， 有傳統港式車仔麵湯底， 也有麻辣湯底。 今天和朋友來到， 因為我和他也不想吃辣， 就叫了兩碗傳統港式車仔麵湯底， 如果嫌湯底單調， 可以額外再加腩汁。 另外聽說椰子水可以消暑解熱， 所以就叫了一罐試試，果然清涼。我們叫的車仔麵餸都是比較大眾化， 叫了牛腩蘿蔔和魚肉春卷， 而朋友 而朋友則叫了雞翼尖、 冬菇 和豬腸。米線和 公仔麵分量都算多，牛腩都算入味但美中不足的是肥膏比較多， 蘿蔔清甜而且份量也多， 魚肉春捲也不錯。 而朋友的車仔麵， 雞翼尖有很多隻， 非常超值， 冬菇都算厚肉， 如果豬腸可以再洗得乾淨會比較好。總括嚟講以38蚊的價錢， 在旺角嚟講算是不錯了。 唯一美中不足的是， 這裡的車仔麵沒有蔥可以加， 如果有蔥的話， 車仔麵的味道應該可以昇華呢。

好久沒在旺角出沒，店鋪面貌都變了許多。漫遊旺角，發現女人街兩旁都開滿食肆小店，今晚隨選旺角豐味的車仔面。門面簡潔整齊，坐位算得上寬敞，冷氣足夠。靚女待應笑容可掬，招呼週到。點了傳統車仔面及酸辣淨餸，少少消費大滿足。正宗重慶酸辣粉 $35 （四餸）湯汁超惹味，炸菜、花生、莞茜等味菜大大份，超正！蘿蔔清甜多汁；午餐肉是偏愛，不論怎樣煮怎樣配都是美味的；豆卜吸滿湯汁，邪惡度十足；蠔油冬菇本身都已經炆好，夠腍夠入味。抵食度 100%港式三餸車仔麵 $42比起酸辣湯底，這個當然比較平淡！但簡簡單單亦很好。點了魚肉春卷、午餐肉、蠔油冬菇配腩汁米粉。椰青水 （單點$20，跟餐半價）雖然係罐裝飲品，勝在天然無添加，味道不會太甜，解辣不錯。