豐味車仔麵

Open Now

Now Closed

朋友知道呢間餐廳做緊7周年活動，碗內有免費二字，嗰碗粉麵就免費，每日 隨機 送出 20 碗粉麵，我就同朋友碰下運氣，睇下有冇免費🆓午餐食😂港式車仔麵湯底叫咗豬骨清湯加腩汁，充滿獨有的港式特色和濃郁層次口感。配料就揀咗彈牙的魚蛋、鮮甜無渣的白蘿蔔、豬大腸、脆卜卜的炸魚皮。正宗重慶酸辣粉本身湯底已附送榨菜、芫荽、花生，味道麻辣、鮮香、酸且油而不膩。薯粉口感Q彈，好易咬開，吸住湯汁。配料揀咗魚香味重的魚肉春卷、每條都粗粗的魷魚🦑、雞翼、爽脆可口的牛栢葉。配料有好多款～另加餸都係加$8，好扺食。

旺角呢間豐味車仔麵喺屋企附近，所以今日過嚟試吓，入到去覺得佢嘅裝修風格屬於行懷舊風格，好有feel。咁啱佢哋原來做緊七周年優惠，所以會見到個碗嗰度有免費兩個字，佢哋原來每日會隨機抽20位請佢哋食免費面，至於我究竟係唔係嗰個幸運兒，大家可以估吓。🤣🤣🤣我哋叫咗兩個麵，一個係車仔麵油麵底蠔油冬菇，蘿蔔，魚蛋同牛柏葉，叫咗腩汁小麻辣。覺得最好食係佢嘅蠔油冬菇，個冬菇朔晒蠔油味超好食，魚蛋都彈牙。另一面就試咗佢哋嘅酸辣麵配薯粉，呢個配豬紅魷魚魚肉春卷牛腩，因為怕辣所以都叫咗BB辣，我覺得佢個豬紅好好食配埋佢個湯汁，薯粉偏腍唔算好硬嗰種，不過對我嚟講就啱啱好，因為都好怕啲薯粉好硬食完個胃好辛苦好難消化。嘢飲方面叫咗凍奶茶都ok。

旺區極具風味平民美食無錯！就係車仔麵！係貼地但勝在抵食又好食！除咗車仔麵最多人揀嘅腩汁同滷水汁湯抵，愛辣人士仲可以揀酸辣湯或麻辣湯底！ 想食港式原汁原味/重慶酸辣風定四川麻辣風？呢度都可以滿足到你。見到鋪頭仲做緊7周年慶祝活動，每日隨機送出免費20碗車仔麵！見到碗有「免費」兩個字就代表你係幸運兒了！唔好錯過機會啊！港式車仔麵湯底色澤一睇就知夠濃郁，係濃厚嘅豬骨湯加了腩汁同滷水汁！配料都好出色份量多，牛腩軟林蠔油冬菇好入味！重慶風味酸辣粉重慶風味嘅酸辣湯底，加左海量芫荽同絕配的炸菜，香辣惹味夠晒醒胃！配左爽口魷魚 牛柏葉 蘿蔔 菜心，都好滿意👍🏻尤其蘿蔔好清甜！

同朋友行完女人街，搵地方食嘢，見到間豐味車仔麵，天氣熱冇乜胃口，入去食碗車仔麵都好，見到佢個餐牌，除咗有港式車仔麵，還有正宗重慶酸辣粉和招牌四川麻辣燙，天氣熱食啲酸辣味道嘅嘢就最好。入座後，見到枱上有個牌，寫住餐廳做緊7周年活動，碗內有免費二字,該碗粉麵就免費, 每日隨機 送出十碗粉麵。初時諗緊有冇咁好彩。當店員送上麵食亦冇留意，但當我手機食先時，就見到免費兩個字，我同朋友講原來真係有免費，全日有10碗，我係其中之一，真係好開心！港式車仔麵：湯底係豬骨清湯十腩汁，秘製辣醬揀咗bb辣，麵底揀米粉。車仔麵有好多款，豬大腸、豬皮、豬紅、墨魚丸係我食車仔麵必選，豬大腸乾淨冇異味，林度啱啱好，豬皮爽口，豬紅滑溜，全部都好入味，墨魚丸彈牙，米粉吸收左湯汁，爽口帶香甜味，少少辣好好味！正宗重慶酸辣粉：BB辣，揀咗油麵，加咗榨菜、花生、芫荽增加口感和香味。雞中翼嫩滑入味，魚皮餃厚身爽滑，魚片頭彈牙，滷水蛋入味有蛋香，湯底味道酸酸辣辣，加入彈牙嘅油麵，有口感又惹味。凍鴛鴦香滑濃郁。忌廉夠冰凍。

有時想平平地食個粉麵，呢間餐廳真心好抵食，車仔麵或酸辣粉再加揀4個餸都係50幾蚊，就算加多幾個餸食豐富啲都唔肉赤～配料份量都幾多，呢個價錢都真係唔係俾Hea料～熱門嘅幾款配料例如牛腩、蠔汁炆冬菇、豬腸、雞翼等等都鹵得好入味！仲要咁啱係餐廳七周年，每日隨機送出20款免費碗麵，碗上會有「免費」的字樣，我同隔離枱都抽中咗！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾ Like +分享給愛吃嘅朋友仔啦( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

這是一家非常有名的傳統香港小食店,以他們的車仔麵而聞名。車仔麵是一種既簡單又美味的廣東式麵食,主要由麵條、炒蛋、燒肉、蔬菜等食材組成。豐味車仔麵以彈牙爽脆的麵條和濃郁的醬汁而聞名,是很多香港人的最愛。我也非常喜歡這家店的氛圍,小店裡擠滿了當地人,別有一番熱鬧的感覺。

今日去左旺角食車仔麵！依間車仔麵係旺角，叫豐味車仔麵，叫兩下面兩碗：1. 紫菜蠔油冬菇雞翼牛腩豬骨清湯加腩汁河粉清湯濃郁香濃,蠔油同冬菇既香氣，配搭牛腩、雞翼完美融合。河粉質地柔軟,吸附左湯汁同腩汁既醇厚,口感豐富層次分明。2. 魚腐牛筋魷魚蘿蔔重慶酸辣米線依個係一個好地道既重慶風味米線。酸辣醬料帶有麻辣,搭配脆嫩既魷魚、彈牙既牛筋,同埋Q彈既米線,口感層次豐富。魚腐既香氣同蘿蔔既清脆為依碗麵增添滋味。飲品叫左椰青水同凍檸茶豐味車仔麵 (旺角)地址：旺角通菜街2A-2P號鴻光商場地下2J號舖

每次去旺角都一定會先去通菜街搵小店覓食餐廳選擇夠多，而且價錢又夠平民‼️經過見到呢間車仔麵有「免費麵」優惠喎呢個gimmick吸引左我哋(雖然都覺得唔會咁容易中～～)只要個碗有「免費」兩個字，成碗車仔都就可以免費❤️呢度仲有得揀重慶酸辣湯底&麻辣燙湯底！「雞翼+菜心+貢丸+酸齋」我最近戒緊辣，所以就揀左滷水汁，味道偏甜，雞翼滷得好入味，最鍾意個酸齋甜甜酸酸好開胃「豬大腸+蘿蔔+牛筋+韮菜」豬大腸洗得好乾淨，完全無異味蘿蔔夠清甜又無渣，牛筋亦滷得好夠腍，入口充滿膠質酸辣湯底味道好平衡，令人不停咁夾麵嚟食‼️

呢度所有麵食都大件夾抵食，嗌咗碗四餸港式車仔麵都只係$53。魚肉春卷有咬口，唔會好粉。雞中翼炆到好入味同淋。豬骨湯+腩汁同酸辣湯都湯底濃郁重味。辣度仲可以自己揀，想食嘢嚟嘅又唔使驚太辣。特別講吓個酸辣湯，又有適量嘅酸菜芫荽蔥，說個湯底其實唔會辣到好難受，大腸豬紅，啲料都好足，仲要配埋椰青水真係Perfect。食車仔麵竟然中獎！原來豐味車仔麵做緊7周年活動，每日隨機送出20碗粉麵，只要碗內有「免費」字眼就免費😂

今日老細放假，出咗去旺角行街～突然間想食車仔麵，入到舖頭見到牆上寫住「吃香喝辣」，就食碗辣㗎啦！估唔到車仔麵舖都有酸辣粉食一於試下我要咗重慶酸辣薯粉底，跟豬大腸、魚肉春卷、木耳絲同金菇～個鹵水豬腸真係正又入味有唔韌又唔會太肥，不過叫bb辣…原來都夠哽！🫣😅🤭老細就食車仔麵，佢要粗面底，跟咗豬皮、牛筋、菜心同埋佢至愛嘅牛柏葉！湯底都幾香濃，比較甜口…啱曬佢口味！見到枱上有張卡寫住餐廳做緊七周年活動，只碗內有免費二字, 果碗粉麵就免費, 諗住每日隨機送出20碗～點知幸運之神就係咁樣降臨啦！！一上枱我嗰碗大大隻字寫住“免！費！”😍🥳💞💞價錢仲要非常化算～四餸酸辣粉只係40蚊～三餸車仔麵只係32蚊～每加一樣送八蚊！！真係平到笑🥳😍🥰👍🏻！！美味指數：😋😋😋😋人均消費：$48

今晚在旺角吃車仔麵。餐廳裝修簡單，面積不太大。但人客頗多，相信車仔麵味道一定有保證。我們點了：四餸車仔麵 豬大腸、豬皮、墨丸、酸齋油麵配豬骨清湯，中辣+腩汁。大大碗豬骨清湯加腩汁粗麵，湯底伴的蘿蔔很甜，腩汁濃郁。粗麵份量足夠，麵質有彈性，酸是分開放在碗內的，酸酸甜甜很開胃，墨丸很爽彈。重慶酸辣粉酸辣湯底 + 牛腩、魚肉春卷、雞中翼、魷魚，BB辣粗麵。還有我愛的榨菜、芫茜和花生。酸辣湯底味道濃郁醇厚，其實我是不吃辣的，但我也想試試這個酸辣味。雞翼醃得很入味，魚肉春卷和牛腩吸滿湯底的酸辣味道，吃着覺得份外惹味。 餐廳現有7周年活動，碗內如有《免費》兩個字，該碗粉麵就免費！我們很幸運，真的有一碗油麵是免費的！結帳時，我們真的不用付這碗麵的費用！這餐真是超值！

真係好耐未見過這價格的車仔麵了！ 有d震驚 1餸車仔麵$29，糧尾恩物，可惜不在我家或上班地方附近不然我能把他當canteen跟我阿媽去吃，我點了一碗車仔麵，這麼便宜料當然是框框的價，我要了紅薯粉，腩汁中辣，豬紅，魷魚，生根，酸齋。阿媽要了酸辣米線中辣，蘿蔔，蠔汁冬菇，豆泡，魚肉春捲。推薦能吃辣的可以吃中辣以上，真的不管裝修，價格還是味道都一朝回到十年前，重回讀書時期二十幾塊一個盒飯了 店裡還搞隨機活動，碗上有免費的字隨機免💰，哈哈哈哈我剛好吃到一碗！ ！ ！ 結果呢餐很滿足地以超低價食到，happy

車仔麵要搵間好食嘅其實都唔容易，仲要夠份量又抵食嘅，真係難上加難，但咁啱得咁橋，又比我哋誤打誤撞食咗呢間 ，食完又覺得唔錯喎😎港式車仔麵 $53一餸一麵只需$29，另加餸每款$8，我哋貪心啲叫咗四個餸🤭 豬大腸、豬紅、魚肉春卷、雞中翼，例牌地加腩汁，BB辣，粗麵個麵質相啲彈牙，豬紅同豬大腸好夠味，豬大腸仲好易咬開，雞中翼同魚肉春卷就正常發揮喇，值得一提係，呢個辣度相當友好，辣得嚟夠哂過癮又惹味😚正宗重慶酸辣粉 $58本身配料都唔少，有榨菜、芫荽、花生，餸我哋就叫咗牛柏葉、墨丸、魷魚🦑、芋絲，佢哋個薯粉相當彈牙，而啲餸都比較吸收湯汁，所以就算呢個我哋都叫咗BB辣，廢J嘅我哋都係辣到出晒汗嘅噴哂火嘅😂 但後勁唔凌厲嘅，係入口果嘢同吞落去果嘢刺激🤣🤣而家餐廳仲做緊七周年活動，每日隨機送出20碗麵，而我哋就係被選中嘅細路😎 所以碗車仔麵免費咗🤣 快啲去試吓你哋嘅運氣喇😙

旺角女人街食店臨立，前排食左間又貴又伏既甜一點，今次試下呢間車仔麵，睇價錢一餸車仔麵 $29，一餸酸辣粉 $34，加餸每款$8，加飲品就$7起。食個四餸麵都只係50幾蚊，響旺角黎講都算抵食！① 蘿蔔 魚肉春卷 紅腸 酸齋 油麵② 蠔油冬菇 豬大腸 豬皮 雞中翼 酸辣粉42款配料選擇都算多，雖然無特別秘製食材，但都有幾款有手指公推介，叫左幾款都無介紹錯。蘿蔔夠腍無渣，冬菇都炆得入味同腍，豬大腸幾爽口，其他餸都正正常常幾好食，兩個人食左8款都無伏。兩碗麵份量都唔少，不過車仔麵湯底略欠特色，酸辣粉叫小辣唔算好辣，只有冬菇比較吸味就食得出辣度。唔講唔知呢車仔麵開左7年，宜家仲做緊7周年活動，每日送出廿碗粉麵，只要碗內有「免費」二字就免費！不過我唔中…

豐味車仔麵📍：旺角通菜街2A-2P號鴻光商場地下2J號舖🚗：油麻地地鐵A2出口 步行5分鐘📞：+852 2882-6866💲：~HKD60/head for dinnerFood quality✔️：正宗四川麻辣燙4餸、蘿蔔、牛腩、豬大腸👌🏼：港式車仔麵4餸、魚肉春卷、雞中翼、滷水蛋、豆卜❌：魷魚、椰青水總結：😋一間價錢很相宜嘅旺角粉麵檔 主打港式車仔麵 重慶酸辣粉同四川麻辣燙 4餸都係$5x左右非常抵食👍🏼😋餸菜選擇有42款 但比較大路冇好特別主打自家製嘅選擇 以呢個價錢嚟講畀咗嗰CP值嘅粉食選項畀附近街坊😎😋麻辣燙確實頂得住被稱為招牌 花椒重 整體麻香重過辣 但BB辣都辣得很過癮 成程食不斷索鼻🤧都知幾堅 湯底很配薯粉😋餸菜都偏正常 當中以蘿蔔最出眾 無渣好食 牛腩同豬大腸其次 都清洗得幾乾淨🤔車仔麵係對比下就顯得較平庸 但都其實對得住價錢 豬骨清湯加腩汁配油麵永恆之選🥳但呢個BB辣同麻辣燙嘅BB辣差天共地 食得辣嘅朋友可以再叫辣啲🤔魚肉春卷 雞中翼 滷水蛋 豆卜都係正常🤔閒日晚上好多街坊幫襯 價錢咁合理難怪吸引咁多人 要知旺角都係兩餸飯競爭最激烈嘅地方之一😨魷魚🦑好大塊 但食落太硬