豐味車仔麵

Open Now

Now Closed

同朋友行完女人街，搵地方食嘢，見到間豐味車仔麵，天氣熱冇乜胃口，入去食碗車仔麵都好，見到佢個餐牌，除咗有港式車仔麵，還有正宗重慶酸辣粉和招牌四川麻辣燙，天氣熱食啲酸辣味道嘅嘢就最好。入座後，見到枱上有個牌，寫住餐廳做緊7周年活動，碗內有免費二字,該碗粉麵就免費, 每日隨機 送出十碗粉麵。初時諗緊有冇咁好彩。當店員送上麵食亦冇留意，但當我手機食先時，就見到免費兩個字，我同朋友講原來真係有免費，全日有10碗，我係其中之一，真係好開心！港式車仔麵：湯底係豬骨清湯十腩汁，秘製辣醬揀咗bb辣，麵底揀米粉。車仔麵有好多款，豬大腸、豬皮、豬紅、墨魚丸係我食車仔麵必選，豬大腸乾淨冇異味，林度啱啱好，豬皮爽口，豬紅滑溜，全部都好入味，墨魚丸彈牙，米粉吸收左湯汁，爽口帶香甜味，少少辣好好味！正宗重慶酸辣粉：BB辣，揀咗油麵，加咗榨菜、花生、芫荽增加口感和香味。雞中翼嫩滑入味，魚皮餃厚身爽滑，魚片頭彈牙，滷水蛋入味有蛋香，湯底味道酸酸辣辣，加入彈牙嘅油麵，有口感又惹味。凍鴛鴦香滑濃郁。忌廉夠冰凍。