鳳城酒家 (Closed)

此店一向都薄有名堂，見沙田開分店，於是往一試，點知唔試還好，一試又知入了黑店，難食不特止，價錢仲貴得很，一行五人點選了大良野雞卷、大良炒鮮奶、菜胆雞、竹笙扒上素、家鄉煎釀鯪魚、窩貼明蝦、百葉扒時蔬及焗西米布甸，屬招牌菜的大良野雞卷係全場最差勁，炸得過乾，吃落乾涸兼硬崩崩，完全無口感，菜胆雞又淡而無味，窩貼明蝦炸得過火，完全無蝦的香味，大良炒鮮奶又係炒得老成凋謝般，成枱餸只係家鄉煎釀鯪魚和焗西米布甸吃得下口，成枱垃圾餸埋單成$1100，真係可怒也！恐怕再沒有再光顧的一天！

連續兩天去了鳳城飲茶昨天飲了2小點,2中點, 1大點 + 2位茶錢 總數約$120.-但今日仍是2位茶錢飲了4小點, 1中點, 2大點總數$155.- 不知道如合計數.我問部長咩叫秘製千層峰他話係馬拉糕四小件 但無理由普通蒸籠收人$45.-我再問另一個waitress 她話係豬耳我地話部長話係馬拉糕,使客人都不知相信誰人, 部長應該知道每款點心用咩材料做??馬啼糕非常難吃

（PS：這是我的真實經歷，希望不要被封殺，能夠刊登出來，警剔其他食客）看到這間酒家的廣告，列明用AIG信用卡在星期一至五可享用特價套餐，於是預早一星期訂位，在星期四晚和家人到該店吃晚飯，怎料到當我們點菜時，點了特價套餐，侍應竟然說特價套餐要在之前預訂，否則要用正價付款，於是我們立即取出從報紙剪下的廣告觀看，發現廣告上完全沒有提及特價套餐要在之前預訂，甚至在訂位時亦沒有提及，明顯是欺騙顧客

星期六午餐時間光顧,試了炸子雞,蝦多士,帶子西蘭花及一些點心,我不覺得那些招牌菜做得很出色,很普通而己。茶位每位 $10。坐位也很迫。如無意外,應該不會再去第2次了。

我之前去沙田新城市中央廣場間鳳城酒家食晚飯..覺得好,不愧為名酒家.招牌菜好食…於是昨晚同家人再去食,但今次勁唔得,無論食物質素同服務(only 店長-個名牌寫”店長”,沒有眼鏡穿黑制服)都強差人意...首先係叫野食..我食AIG 套餐,可以平百幾蚊,張枱OR 酒樓本身都無貼同放AIG套餐的資料,於是我問waiter請她比我．．都無問題．．但睇咗一陣考慮緊叫唔叫個套餐時．上述的店長一個箭步拿走張套餐牌，仲立刻收埋,我地問佢攞番佢就問我地係咪叫，如果係就幫我地落，因為個牌擺出黎會影響其他客人，有ｄ食正價野後埋單見到隔離客睇緊, 知道有AIG 套餐，而食的菜又差唔多，會硬要轉為AIG套餐價錢，好麻煩，所以唔想比咁多客睇到．．當時我真係Ｏ晒嘴．．我真係估唔到原來AIG做呢d套餐係會影響其他客人, 要叫得要鬼祟d.人地美心會大大方方將Ｄ優惠擺晒上枱比客多些選擇，但係呢間老字號就收收埋埋好似做賊咁..真係食得慘,我地又問佢個餐的甜品可唔可以加錢轉做佢地出名的焗布甸, 佢話唔得,我話我地上次食個餐得……,我地都未講完上次食那個餐, 佢就話佢會叫個答應比轉的waiter賠錢……..但後來我再問個女部

昨晚六點半開始入到酒家內，見到地方環境汞錯吖昨晚是我和一家人到酒家是我安排的母親節晚飯些工作伙記禮貌不錯也很熟識有介紹些菜餚給我鍋貼明蝦 -- 味道像蝦多士﹐做得不錯粉絲什菜煲 -- 味道比較淡，菜種類好多也新鮮﹐份量也足夠炸子雞 -- 味道几好都鷄味唔太差比較濃了一點因我母親不而多吃鳳城炒飯 -- 味道好香口些蕃茄好鮮味炒鮮奶 -- 味道就嘛嘛勒覺得不滑，和"賽螃蟹"無乜分別但係應該會香滑些伙記們很細心提我的家人小心很菜，因熱度十足這個晚飯算几好份量好足夠

去完寶福山,見這裡是新開的,於是便朴槌試試.下午一點,這不算就脚的地位也要輪籌,不過也很快可以入座,知客小姐的服務也很好,一眼關七.告訴有枱之後也回頭看準備情況才招呼客人入座.樓面侍應也安排位置給客人等候她們執拾.叫了如下的東西:冰鎮鵝掌翼:8分,十分爽脆,好味,份量不少,沒有花生和豆墊底.上湯浸牛肉球:8分,鮮味十足,爽口,上湯好味.雞札:8分,有鮮味,水準以上.大蝦腸粉:6分,因為太少料,三條.每條只有小蝦兩隻,絶非大蝦,而且要算特點.雞絲春卷:8分,饀料很多,皮脆,味道好,不太油.整體來說可以給80分,新鮮的食物和有笑容的服務令人滿意,要扣分的是地方太擠迫和嘈雜.是價錢偏貴但高質素的食店.