鳳城皇宴 (Closed)

都已經係上個月嘅事了，約左個非新界人入屯門行下，好失望無屯門牛哈哈，好熱好攰去飲茶就最啱，揀左黎鳳城，唔知係咪地點偏遠，星期日下午茶居然無乜人，大把枱喎。坐低左就諗住寫點心紙，點知發覺無帶筆，枱面又無就問樓面攞，原來好多枱都無筆，樓面將啲筆由左枱拎去右枱係咁交替用。下午茶大中小點劃一價錢，好抵，咁就梗係叫大點啦，好多平時唔捨得叫吖嘛。灌湯餃有驚喜喎，唔係湯浸住㗎，咬開有湯汁流出，唔算好爆漿但都幾鮮味。燒賣大大粒啖啖肉，小籠包都幾鮮甜，其他正正常常幾好味。間茶樓有陽光感覺幾乾淨，冷氣足好坐，百幾蚊好抵食。

樣樣招牌吾掂檔的菜式，好好好難食。釀鯪魚骨多多，肉腥味好重，肉咀嚼吾到。鐵板燒鵝皮淋晒，肉吾吾熱。炒鮮奶好難食，完成吾掂。👎👎👎👎雞油扒豆苗，鹹到食鹹魚甘款，菜加左料有蟲有蚊，d菜黄到不得了。除左個蝦多士叫見得下人外，其他都吾使試。

這裏的小菜款式不少，其中頗令我欣賞的是鐵板燒鵝，端到客人面前再在燒紅的鐵板上淋上燒鵝醬汁，啫啫聲，香噴噴，可謂色香味俱全。最重要的燒鵝是他們自家現燒的，所以特別美味，外表微脆，肉質鮮嫩，有令人回味之感！

收咗工屋企無煮飯，咁就落街食啦經過門口見有優惠又無乜人，就入去試下啦。打開餐牌，菜式唔算貴，叫咗半隻脆皮雞，金銀蛋覓菜，啫啫鱔煲。金牌脆皮雞，皮脆肉嫩又夠熱，唔會係啲圍餐嘅口感。有驚喜金銀蛋覓菜，不過不失啦，份量大又足料。啫啫鱔煲，一上枱好香，鱔皮香脆，肉質又嫩，啖啖肉。總結: 閒日晚市冷冷清清，可能附近都係住宅，街坊都係屋企食。菜式味道唔錯啊，可能少人，廚師用心啲煮🤣，下次屋企無煮可以再試，睇下keep唔keep到。

我經常行過這間酒家，一直沒有進過去，今天終於因看見這個四選一的套餐而進去嘗一嘗，就是這個乳豬了，二個人可以叫半隻只係$160左右，看到非常抵食，所以我們一行三人就要試一試，一坐低就叫部長馬上來半隻乳豬先，其他嘢一陣先叫乳豬終於來到我們面前了，比我想像中大隻，熱辣辣的，面頭有啲燒竉咗，已經切開大約10件左右當然要試味先，一口咬落去，乳豬皮非常香脆口，好似吃薯片一樣的脆口，再食一下，肉汁非常多，味道適中，鹹味剛剛好，加埋有乳豬醬汁點，真是喜出望外門口宣傳牌非常清晰另外再點左兩個餸，一個薑炒牛肉，另一個炸子雞炸子雞也是這裏的招牌，味道很濃烈，喜歡重口味的朋友一定要試試，另外子薑炒牛肉的味道更加好，牛肉柔嫩，青椒和薑的味道很夾，這一餐埋單也是$400左右，三個人食到很飽，豐富好味又便宜

星期日，又是孝順父母的時候，今日係屯門飲茶環境好光猛潔淨，座位濶落，枱與枱之間有D距離，唔逼夾茶具亦乾淨，very goodD茶幾好飲，茶色清，有茶味，冲多幾轉都掂最讃家鄉煎薄撐：煎得薄薄卻很大片，不油膩，有蔥的香味，味道不錯生菜魚片：粥底棉棉的，魚片的份量很多。仲有估唔到呢度菠菜餃係咁好食鮮蝦十分爽口，我地要兩籠！整體而言，這頓早午茶食物質素不過不失，最重要是價錢經濟，五個人吃得飽飽都只需$250，以這樣的價錢，吃到這水準的食物，是抵食的。

南浪海灣區有2間酒樓 富臨酒樓及鳳城酒樓 服務區內各大屋苑 就食物質素及服務來講 鳳城水準較高由於鳳城位置較偏僻 母親節不算好迫人 仲有散叫餸菜 推薦食鐵板燒鵝及焗布甸鐵板燒鵝用熱辣辣鐵板上 燒鵝熱口 良久仍然保溫 燒鵝算皮脆肉滑 有肉汁焗布甸分大細size 我們一行14人 食了一大size 剛好一人一碗 味道唔太甜又夠味 加上布甸面用火槍燒到微燒燶 賣賞及味道良好 食滿400元 有2小時免費泊車 酒樓服務良好 侍應生快手快腳有禮貌 唯1要提既係 有1次食飯 酒樓租左大半個廳比市鎮公園既大媽開生日會 衣著性感既中老年女士行出行入 大展歌喉 上了年紀男士大聲叫好 嚴重影響食慾 希望唔再有呢類情況發生 利申:正常香港人家庭客

喜歡吃這裏的鐵板燒鵝，脆口多汁，惹味無窮。海鮮五層塔的正宗桑拿石鍋，海鮮食材新鮮， 服務員耐心的服侍層層食，層層豐富的口感，最後吃埋鮮味的撈粥底鍋。這裏的金牌脆皮雞，清蒸沙巴龍躉。價錢便宜抵食。還有我最喜歡的多料西米蓮蓉布甸。屯門特色酒樓首選！

順德菜順德菜（又稱鳳城菜）是粵菜之代表廣州菜中的一種，有不少廣東菜式都源自順德，粵菜中有廚出順德之美譽。‪今天 2月14日西方情人節，你們都去吃西餐了嗎？ 我倆就揀咗家附近呢間「鳳城皇宴」，平常日子，客人很少，環境寧靜舒適。‬先睇睇特價小菜，推出晚飯四選一 ：有乳豬 、龍蝦 、、等等可供選擇 就 沙巴龍躉仔 $88 吧魚蒸出來了，火侯剛剛好，肉嫩滑、滑嘟嘟，真的鮮味鍋貼大明蝦 $108 原來係蝦多士將鮮蝦去殼再拍扁 ，然後放在細細塊方包上多士香脆可口，配上彈牙蝦 哈哈，又可以點少少沙律醬瑤柱 蝦乾 什菜 煲 $98嘩！份量好多，整個煲放滿了材料： 蝦乾（有d 硬）、菇、生菜、粉絲、白菜仔、西蘭花、魷魚條（奇怪：有粉漿嘅！哼哼！）最後，當然要問問有冇糖水送啊！紅豆沙，好多紅豆，不太甜，幾好，太飽了

話說今日星期一，同事提議今日Lunch去附近返工地方飲下茶休息下，所以我地揀咗呢間鳳城皇宴度飲茶。我地2:00左右去 人流唔算多，地方幾大。先講下環境：對比其他茶樓都相對乾淨同粗埋光猛食物方面：款式都比較多， 有晒我鍾意食嘅蝦餃，燒賣，牛肉球呢D，個人比較中意佢既牛肉球同埋熱辣辣。要提一提既係 佢地D姐姐非常好禮貌，經常主動問下地使唔使加水。我地下次都會再黎 👍🏼

仲記十幾年前，食順德菜，腦海會自動閃過鳳城。但近呢十年，感覺越做越禿。以前去鳳城，價錢一D都唔平，應該算中高檔的，平均晚飯要三至五百。但而家卻每況愈下。以前，walk in 一定門口大排長龍，而家walk in 係直入，而且入面大把吉枱。食物方面，唯一推介係叉燒飯，叉燒唔太肥，同好juicy,而且價錢實惠，唔駛$20。至於點心方面，真係普普通通，腸粉皮太厚，又冇乜饀。蒸餃啖戍戍，似食粉團。個蛇羹冇菊花又冇乜味。我估下次去，食完叉飯，應該可以埋單走人。

每兩個月點都會嚟三聖食一次海鮮，以前例牌係 “ 發 記 ” 買料 “ 棠 記 ”煮，剛巧今次棠記無得訂七點，榕龍又滿咗，唯有試新野：“ 鳳 城 ”！ 太子同尖東就去得多，必食炸子雞同西米布甸 …… 海鮮加工？好似九唔搭八，不過，天生有冒險精神既我，當然唔怕喇 …… 去到發記，口痕叫咗隻三斤龍蝦，加埋其他六七種海鮮，埋單 $3000，合理喇！ 去到鳳城，加工只係 $1300，正常偏低喎！ 如果唔計湯料，只需 $1000，咁就真係好抵、好抵、好抵！平還平，都要好食先得㗎 …… 得！真係好得：蒸帶子、炒蟶子無過火，辣酒花螺湯頭風味十足，豉油王中蝦、上湯龍蝦、椒鹽賴尿蝦、羌沖蠔 …… 全部都高水準！ 差點想同經理講：「唔該，幫我叫大廚出嚟表揚一下！」服務同環境方面亦非常好，經理招呼主動，姐姐細心又勤力，加上態度親切，唔迫、唔嘈、唔會催你埋單。 最後，當然要有蓮蓉西米布甸做甜品喇，大滿足！以後去三聖買完海鮮就直接嚟鳳城，唔使稔喇 ……P.S. 泊唔到商場停車場就去泳池停車場，距離約五分鐘腳程，$8 /30分鐘。

今日一家人去呢到食飯飯～屋企人見到蒸氣石鍋又想試下咁～而且呢到的蒸氣石鍋又幾多選擇WO～（原來呢到仲有神秘菜～係灌湯餃！）大大隻，大約有得隻手掌咁大～呢個真係手功菜了！因唔再係好似現在一般我食市咁，湯是在餃的外面，而呢個就鎖左係入面，由於入面有大菜糕，湯充滿在大菜糕內，食落同睇落都好似食緊燕鍋窩咁，超滑口感～！正！估唔到連灌湯餃都可以係蒸氣石鍋蒸完即刻食到～真係幾有創意（佢地仲可以蒸燒賣/蝦餃 等等⋯⋯好搞笑～）食得蒸氣石鍋，海鮮是少不了的喔～～我地叫左元貝同肉蟹同魚等等⋯～元貝真係好正，大隻之餘，新鮮蒸完之後係入口即溶～又滑又鮮甜，粉絲又吸晒蒜蓉味～真正丫！肉蟹一食就知新鮮！果種肉質同鮮甜味～真係唔係下下外面餐廳食到呢～！蒸氣石鍋食海鮮真係好～一蒸好就食，食到最新鮮的那一刻～！又可以慢慢享受，蒸完一樣食一樣～但蒸又唔係需要好耐時間～真係不錯呢～之後我地都試下呢到的四寶丸～呢到最特別係有墨丸但就冇牛丸，好少可呢～我比較喜歡當中的魚丸大大粒～又唔會帶陣魚腥味～又彈牙～鐵板燒鵝～外表吸引之餘～皮係好脆～～肉嫩～可以一試！推！講左咁多野～呢個重頭戲要來了～～～！！呢個係西米焗蓮蓉布甸～～～！

今日專程約兩個朋友去試吓呢間嘅蒸氣石鍋，因為之前成日都聽其他同事講話呢間嘢好不得了咁！所以我就嚟試吓菜首先第一道就咗兩隻灌湯餃，呢隻餃真係好懷舊，我諗正常而家喺香港應該都好難揾到，可能要啲師傅或者間鋪有番咁上下先做得番出嚟，佢又大隻又好足料，啖啖都係料，加埋啲紅醋就一流，食完一隻都已經有一成飽了。之後當然叫啲海鮮嚟食啦，例如有肉蟹、元貝；兩種都非常有鮮味又大大隻，然後放落去蒸吓佢哋先，較好時間就等食了。嘟嘟，響了，拎起個蓋，呢個時候有好大嘅鮮香味湧出，真係忍唔住要快啲攞上手食，嘩！好清甜呀！(>^ω^<)再之後叫咗四寶丸同茄子嚟蒸，有肉有菜，四寶丸難得係無牛係好值得讚吓！因為大家都唔食牛肉，本人就較為鍾意佢哋粒蝦丸，真係好香濃嘅蝦味，又彈牙，好正呀！茄子想淋食就蒸到佢多啲透明就可以。酒樓越嚟越多人嚟到，開始叫餸都慢慢上梗，發現枱枱都叫咗碟鐵板烤鵝好好味咁，我哋又唔執輸。嚟到就覺得好創新，因為係好似食扒房啲扒咁，用鐵板上菜再倒上濃香嘅汁，簡直係無哂位都要食埋佢。最後食完哂之後，總係覺得有啲嘢係未食，就當然係甜品啦！呢度獨有嘅西米焗蓮蓉布甸，味道袛可以形容為極致嘅佳「品」，

平時去開鳳城都係飲早茶，估唔到晚市竟然咁新潮有海鮮五層塔，就入去試一試啦~一入去，服務員同我地打曬招呼，又推薦我地食五層塔，勁nice 👍🏼就點左海鮮塔加鹹排骨瑤柱淮山粥底，唔加粥底真係會後悔架。點完個塔後，服務員又拎調味架俾我地自己揀。嘩嘩嘩～個塔幾分鐘就到啦～望上去，龍蝦大大隻顏色又sharp,好新鮮喎。因為無聖子，轉左貴妃蚌。而貴妃旁同扇貝一樣大大隻🤤開動了，全程服務大哥幫我地蒸同幫手較計時器，好好呀，淨係食就得啦👅全部海鮮蒸得岩岩好，食落好鮮味，肉質唔會韌。蒸緊龍蝦個陣，龍蝦既香味一陣一陣甘傳出。同埋貝類洗得好乾淨，蜆又吐曬沙，食落完全無沙，大家可以放心。食完鮮味海鮮，又點可以放過佢地既精華。底層既粥吸收晒海鮮精華，加上本身粥既味道，一句好好食呀，又飽肚，正。😋最後仲有綠豆沙送🤤，果腹度進一步上升。