鳳城皇宴 (Closed)

都已經係上個月嘅事了，約左個非新界人入屯門行下，好失望無屯門牛哈哈，好熱好攰去飲茶就最啱，揀左黎鳳城，唔知係咪地點偏遠，星期日下午茶居然無乜人，大把枱喎。坐低左就諗住寫點心紙，點知發覺無帶筆，枱面又無就問樓面攞，原來好多枱都無筆，樓面將啲筆由左枱拎去右枱係咁交替用。下午茶大中小點劃一價錢，好抵，咁就梗係叫大點啦，好多平時唔捨得叫吖嘛。灌湯餃有驚喜喎，唔係湯浸住㗎，咬開有湯汁流出，唔算好爆漿但都幾鮮味。燒賣大大粒啖啖肉，小籠包都幾鮮甜，其他正正常常幾好味。間茶樓有陽光感覺幾乾淨，冷氣足好坐，百幾蚊好抵食。