FW Shop

Open Now

Now Closed

FW Shop早幾日放工第一時間趕去，終於都試到最想試嘅紫薯麻糬，同斑蘭菠蘿皮麻糬買嘅時候仲係熱辣辣架，即刻試食左個紫薯麻糬（$7)。超好食，入邊仲有d 紫薯蓉😍 外層又做到好乾爽，入邊軟綿綿，好喜歡。 留返個斑蘭菠蘿皮麻糬（$8)同朱古力（$7)第二朝早餐慢慢嘆。用氣炸鍋加熱返兩分鐘。出邊更加脆身。有淡淡嘅斑蘭味，加埋菠蘿皮，口感十足。朱古力之前已經食過，all time favourite 嘅味道，冇理由唔買，可惜賣哂菠蘿皮。朱古力都係有一粒粒嘅朱古力係個麻糬度。朱古力滿載。呢間嘅麻糬包CP 值真係好高。大家快d 去試下啦。

🎀灣仔。私心推介超軟熟麻薯波波 必食菠蘿皮😍🎀🪄店名* #FWshop🔮地址* 灣仔軒尼詩道149號萬寶樓地下C號舖🔮🗾分店地區🗾 沒有分店💰價錢$32➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_灣仔剩系食呢一類👉食物類型搜尋🔍🍜#pickyme_甜品➖➖➖➖➖➖➖➖➖➖➖➖➖🎵餐廳環境🎵小店經營 做外賣店～淺藍色外觀已經好靚 玻璃櫥櫃會展示曬所有今日可以買既麻薯波波 價錢實惠 而且勁好食😍🍽️食物質素🍽️呢一間麻薯波波雖然開業無耐 但係由佢第一日開業到而家 我已經幫襯左超過五次 真心超好食☺️經過必買😍曾經都試過大熱銅鑼灣bonbon同埋梅窩麻薯 但真係好麻麻地😂不過提示朋友實測過第二日食味道會無甘好食的 即日最正😬👀評分💖💖💖💖💖🪄朱古力菠蘿麻薯$8鍾意食朱古力嘅唔可以錯過 因為佢外皮係朱古力味之外 入面都食到超濃嘅朱古力味 比起其他內餡系偏濕潤 但係又唔會太甜 因為平時食開嗰啲呢通常都係淨係外皮係朱古力 所以食呢一款都係好驚喜😍如果系出面食會有d呢hea😗👀評分💖💖💖💖💖🪄原味菠蘿麻薯$8完美就比朱古力普通少少 但係佢都係勁好食 因為佢做到入面嘅麻薯好煙韌

當日大概係6pm去到，就只係剩返班蘭味🌿但店員就話咁啱有一盒有整哂6隻味，就梗係買啦！當初仲好開心，但真係有啲後悔🥹🔹麻糬波波 （$7@1）（朱古力、抹茶、芝士、紫薯、班蘭、原味）.朱古力味已經係入面最好食嘅一款，但對比起其他鋪頭都麻麻地🥲啲朱古力有啲似係cheap cheap朱古力粒咁🥹.其餘嘅麻糬波波都冇咩味嘅，由其是芝士&原味😀 真 係 唔 知 自 己 食 緊 啲 咩 ( ºﾛº)好似食緊粉糰咁😀😀一pat野咁.抹茶+紫薯+班蘭都食得出嘅，但食落個味都有啲奇怪🥵🥵 個外觀睇落好似落咗好多食素咁🥶🥶.無論係即食/焗熱都試過，焗返熱係好食啲嘅，但都唔算好食🫠唯一優點就係佢係軟糯煙韌嘅，但真的不值得買👎🏻

午飯時間經過這家麻糬波專賣店時常排隊！現烤出爐，散發陣陣香味，麻糬波有多種口味，可以單顆買，自選喜歡的口味排列整齊，不同顏色的麻糬波看了很療癒拿到手上還是熱的！忍不住先吃班蘭朱古力菠蘿皮麻糬波熱熱的咬下去有黏黏、煙韌的口感，不是空心的融化的朱古力與淡淡的班蘭味很搭菠蘿皮帶點甜，增添了酥酥的口感，十分好吃隔天回烤當早餐，口感明顯沒有剛出爐好紫薯和芝士味都正常，不是很驚艷另一次還是回購菠蘿皮的朱古力和原味建議現買現吃！

中午經過見到人氣麻糟波波店，人龍還好，等候5分鐘內就到了。今次買左三款試一試佢！估唔到咁平都咁大舊同好味！朱古力麻糬 $7三款中我覺得最好食呢個 濃濃學朱古力又唔會膩 麻糬好軟糯😋 上面仲有朱古力粒粒芝士麻糬 $7冇影到相🙈 都不錯 面表都有啲芝士粒粒好好咬原味菠蘿麻糬 $8 （圖左前)好似雪山叉燒包個面咁 表面是脆脆的 不過菠蘿味唔算好出

見到網上好多都有推介FW Shop麻糬小店,今日黎到灣仔一於去試試😜店鋪坐落於港島區, 係灣仔地鐵站天橋樓下, 好易搵👍而家好多麵包店, 烘焙店都會有麻糬但呢間係單一專做麻糬, 極之少有價錢相當親民, 平均$7-8/個😊多款口味, 而且每款口味都有普通皮/菠蘿皮兩個version, 可以食到兩種口感因為遠道而來, 所以幾乎每個口味都買左個返去😛朱古力麻糬🍫朱古力味好香濃, 食到朱古力粒粒, 麻糬好chewy,餡料夠, 絕無空氣感紫薯菠蘿皮麻糬🍠有番薯粒粒夾埋麻糬口感非常滿足最鍾意麻糬煙煙韌韌好軟熟菠蘿皮咬落酥脆同裡面麻糬煙靭嘅口感,直接衝擊我味蕾, 超有驚喜, 原來菠蘿皮係必食的😍買返屋企食建議用焗爐170度焗3-4分鐘, 溫度岩岩好, 焗完出黎香噴噴架😝

𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ ·▸  芝士麻糬 ┅ HKD 7▸  原味菠蘿皮 ┅ HKD 8▸  斑蘭菠蘿麻薯┅ HKD 8▸  綠茶紅豆菠蘿皮麻糬 ┅ HKD 8▎▎最近經開灣仔地鐵站嘅朋友仔 應該都會見到途人拎住一袋袋麻糬波波✨ 因為灣仔最近開咗一間新麻糬波波店 😝今次已經喺第二次嚟到 一於試埋未食過嘅口味🤤 Size嚟講 FW Shop 對比 「 梅窩麻糬王 」、「 James bonbon 」就質感相對軟糯 熱食時外脆內軟 個人嚟講就好鍾意佢新口味 「 綠茶紅豆菠蘿皮麻糬 」 ($8) 一拎上手 聞到滿滿綠茶香味 焗返熱食味道超芳香 茶感重 仲帶點「餘韻」👍🏻 紅豆味道亦唔會被綠茶蓋過 喺一個絕對好味嘅配搭 價錢抵食親民😋😋𖡘𖤣 (˙-˙ ٥) (˙-˙ ٥)· ┈┈┈┈┈┈ · ꕥ · ┈┈┈┈┈┈ ·𓌈˒˒ FW Shop❜灣仔軒尼詩道149號萬寶樓地下C號舖Shop C, G/F, Main Pole House, 149 Hennessy Road, Wan Chai— @fwcakeshop· ┈┈┈┈┈┈ · ꕥ · ┈┈┈┈┈┈ ·‎‎܀‎

明知負皮多都照試，我仲要抱住中伏心態咁買6個係發生咩事😂Lunch time排隊唔洗5分鐘，喺收銀落單講要咩之後就有職員對住黎執，算快手。菠蘿皮$8，非菠蘿皮$7，不論口味一律同價原味真係好原味，諗住試下會唔會有啲香味，點知少少甜或者香味都冇，似食緊一舊少咸粉糰，怪怪地🤢同有味一樣係$7好明顯唔值😐 斑蘭味食落有好微微微微微微微嘅斑蘭味，但係嗰隻係好假嘅味，我叫佢做塑膠cheap味😂口感係軟糯嘅，但係軟嘅感覺重左啲，追求好彈性彈性嘅人會失望🥺結論: 慳返quota試其他啦🙄 bonbon好食過佢，但係兩間嘅性價比都真心低🙄

今日經過買咗兩款嚟試吓 朱古力菠蘿皮麻糬同斑斕菠蘿皮麻糬 $8/1個 食落完全食唔出有斑斕味，而且都冇乜香味 ，淨係食到啲朱古力粒粒嘅味道朱古力菠蘿皮味還可以 ，不過好普通 好彩對呢間嘢冇乜期待 （ 因為朋友食過話可以試一次 ） 呢間算多味道可選擇嘅 ，好彩今日冇貪心買多幾隻味 🫣 朋友真係講得啱，係試過一次就算，唔會再買第二次 ！ 仲要我指住要2朱古力菠蘿皮+2斑腩菠蘿皮 （ 分開兩袋裝 ） 佢地聽錯 諗住夾普通朱古力俾我，咁我就即刻話要朱古力菠蘿皮 比左錢先醒起自己冇袋可以裝住，佢找緊錢個陣我就同個職員講可唔可以加錢要個袋，隔離有位應該老闆或者負責人企咗喺度，態度唔多鍾意咁 （ 重點係得我一個喺度買緊 ， 應該都唔會阻住其他人啦 😅 ）好彩今日唔係特登去買，係咁啱經過 😂個人口味，都係鍾意食 xx麻糬王多啲

一向喜歡食麻糬既我和家人當然5會錯過試新野 小朋友又中意當茶點食 2點左右有2位在前面 店員都有介紹各款口味不過，店舖職員都好老實講番原來用既紫薯粉同埋綠茶味都是人工食用色素🥲所以只食一次沒下次了😭😭😭😭😭😭😭😭😭😭😭😭😭😭😭😭😭😭😭🥲🥲🥲🥲🥲口感屬於正常偏軟身，味道甜左小小 不過價錢是取勝 但基於健康理由就不會放心給小朋友食用🥲🥲🥲🥲🥲🥲🥲🥲🥲

今日來到灣仔新開麻糬店Fw shop，口味有十多款，可以揀菠蘿皮或淨麻糬波波，refill得好快，以為係新鮮出爐，但試左幾款都係凍🥲可能一早焗定好多現貨🌟紫薯菠蘿皮/芝士菠蘿皮/斑蘭麻薯菠蘿皮$8/個，普通麻糬$7/個，三款波波香氣同味道都比較失望🙁首先款款都唔熱，新鮮度欠奉，攞上手紫薯香氣都係好薄弱，食唔到有紫薯粒另外芝士直頭唔推介！零鹹香度，完全唔知咩味😵‍💫淨係食到原味麻糬餡斑蘭味比朱古力味蓋過，不過甜度相對冇菠蘿脆皮咁甜💁🏻‍♀️以梅窩麻糬王作比較，不論係味道同香味都更勝一籌，雖然佢地冇做菠蘿皮系列，但至少幾款麻糬波波都係好好食，keep住焗製，每包係熱辣辣，如果想食菠蘿皮，james bonbon較為出色，但太貴唔會再買，Fw shop唯一好處係唔洗排隊直接買得😂

行過見有幾多人係門口，裝下見到係麻糬波波，見唔係好多人就買黎試下，咁啱新鮮出爐要等10分鐘，咁排隊就Google下原來係新開嘅，本身都鍾意食麻糬波波，已經試過好多唔同鋪，今次都係試下既心態😐排到見到有唔同口味，最signature 既係朱古力，都買咗原味菠蘿皮，綠茶同芝士味試下，見$7 個，就買咗兩袋同屋企人share一出爐熱辣辣，香噴噴，就行埋一邊即刻試，一食落去,wowwww,🙀煙靭，唔太甜，有朱古力味，$7 黎講超值原味菠蘿皮就返咗屋企食，都好味，脆脆既皮，好食過XX bon 推介⭐️⭐️⭐️⭐️鍾意食麻糬波波嘅會再買黎食

去完書展有少少餓，經過地鐵站附近見到有麻糬出爐，就買嚟當下午茶。總共買咗8個，除咗冇買原味麻糬，其他口味都買哂‼️ 分別係🧀芝士菠蘿皮、肉鬆菠蘿皮、肉鬆、🍠紫薯菠蘿皮、紫薯、斑蘭、斑蘭菠蘿皮同原味菠蘿皮。試咗咁多款，覺得都係原味系列好食d，菠蘿皮系列都還好，係幾特別嘅。反而紫薯同斑蘭嘅麻糬完全食唔出佢地嘅味，反而覺得似食緊雞蛋仔多d😂 斑蘭嗰款係配朱古力粒，🍫🍫味可能蓋過咗d味，0️⃣斑蘭味😅😅。認真就味道可以嘅，只係唔好太高期望。

店名: FW Shop 地址: 灣仔軒尼詩道149號萬寶樓地下C號舖灣仔站A2出口，行1分鐘環境: 外賣價錢: 4.5/5味道: 4/5最近麻糬店愈開愈多，係灣仔亦開左一間，lunch hour成日都大排長龍，今次行見無咩人，就試一下🙈紫薯菠蘿皮麻糬❤️❤️❤️❤️$8紫薯味唔算太出，唔太甜，菠蘿皮令口感更好咬😬班蘭菠蘿皮麻糬❤️❤️❤️$8同樣班蘭味唔算太出，比紫薯嘅更淡，4種入面最唔推介呢款🙈芝士菠蘿皮麻糬❤️❤️❤️❤️❤️$8加左芝士🧀十分之香，聞落已經陣陣芝士香，食落芝士味算幾出🥰綠茶紅豆菠蘿皮麻糬❤️❤️❤️❤️❤️$8食落綠茶🍵味出，香茶味，同芝士味一樣，十分推介😝

經過店鋪聞到好香見到係菠蘿皮嘅麻糬好特別買咗四個味試吓：芝士、肉鬆、班蘭、朱古力滿心期待應該會好好食點知咬落去嘅時候，完全冇味！芝士同肉鬆外表望落一樣食落去完全分唔到因為冇味又冇餡。。。唔知啲芝士同肉鬆去咗邊😅班蘭就加咗朱古力粒完全食唔到班蘭味只係食緊一舊加咗朱古力粒嘅綠色香精物體朱古力叫做正常少少起碼有少少朱古力味但比起其他鋪頭賣嘅都淡好多總括而言，大伏！好失望，唔好食但又賣得貴過另一間出名嘅