FW Shop

Open Now

Now Closed

這間備受熱捧的麻糬專門店位於灣仔的軒尼詩道，主打每日新鮮出爐的多款口味麻糬，價錢定位大眾化且親民。麻糬的口味共有八款，會不斷推出期間限定或新口味，還有自家製的脆條、蝴蝶酥及曲奇餅禮盒等，亦有不少紙包、罐裝及樽裝飲品。原味麻糬菠蘿皮 - $8原味麻糬普通皮 - $7麻糬的大小比起一般市面的略為大，帶有誘人的烘焙香氣，咬開煙煙韌韌富彈性；香脆的菠蘿皮版本較為香甜，帶黃油香氣，普通皮版本適合不太愛吃甜的朋友。朱古力麻糬菠蘿皮 - $8朱古力麻糬普通皮 - $7香濃的朱古力散發出可可豆的天然迷人香氣。開心果麻糬菠蘿皮 - $8開心果麻糬普通皮 - $7時下潮流的熱門口味，帶有淡淡的甜味與奶香味。綠茶紅豆麻糬菠蘿皮 - $8綠茶紅豆麻糬普通皮 - $7沈穩的抹茶茶香帶點海苔味不苦澀，又有綿密軟糯的紅豆帶點香甜。斑斕麻糬菠蘿皮 - $8斑斕麻糬普通皮 - $7班蘭散發獨特甜美的香氣，一粒粒甜絲絲的朱古力添口感。咖啡朱古力麻糬菠蘿皮 - $8醇厚的咖啡加上香濃的朱古力，堅果香氣十足。芝士麻糬菠蘿皮 - $8鹹香中帶點奶香的芝士有微微拉絲。紫薯麻糬菠蘿皮 - $8紫薯麻糬普通皮 - $7帶點淡淡的甜味

人氣麻糬專門店💕終於試到啦每日都新鮮出爐！仲有好多款口味價錢都算親民，大概$7-8/個麻糬口味有八款～緊係要試哂啦！有分普通麻薯& 菠蘿皮麻糬個人會中意菠蘿皮麻糬，面頭脆卜卜增加口感☺️☺️會推薦以下呢幾個口味😍芝士｜咖啡朱古力｜朱古力呢3隻為classic口味，朱古力都算濃超鐘意唔會太甜，但略嫌咖啡味唔夠出～開心果都有啲開心果粒粒，但唔會太濃📍 FW Shop (灣仔)灣仔軒尼詩道149號萬寶樓地下C號舖

今日喺灣仔食完午飯，突然眼前一亮，見到有我至愛的麻糬😍呢間 FW Shop 位於灣仔軒尼詩道149號萬寶樓地下C號，見佢舖頭細細好的色，但係佢啲麻薯真係好正，仲有好多款不同的味道：有開心果，紫薯，咖啡朱古力，抹茶紅豆，芝士味，班蘭味，原味同純朱古力味！而且仲有普通皮同菠蘿皮，任關選擇👍普通皮只係$7一件，而菠蘿皮都只係$8我試過其他麵包店的麻糬，一咬落去成個麻糬扁咗，一陣風就食完。但係佢就唔同，麻糬皮厚而煙韌，而且一啲都唔漏！一次過買咗八個，一日就食曬啦😂佢唔單止有麻糬，仲有芝士條同曲奇，價錢好合理👍而且每日 17.45pm 之後仲有折扣優惠💰買3粒以上有8折買6粒以上有85折鍾意食麻糬嘅朋友唔好錯過😉

灣仔呢間麻糬店FW Shop，真係食貨必去！專賣麻糬波波嘅佢，口味選擇多到讓人眼花繚亂。有香醇咖啡味，每口都帶著濃郁咖啡香；濃醇朱古力味，一咬就被甜蜜包裹；鹹香芝士味，芝士控根本無法抗拒；還有充滿自然香甜的紫薯味，清新淡雅的斑蘭味，經典回甘的綠茶味，以及超有人氣的開心果味，每一款都超有特色。麻糬拎上手軟熟Q彈，咬落有明顯拉扯感，十分煙靭，而且個頭碩大，內裡飽滿，絕非空殼。除麻糬外，芝士蒜香和紫菜味的麵包條也相當誘人，真讓人迫不及待想再去試試罐裝曲奇。📍FW SHOP位於灣仔軒尼詩道149號萬寶樓地下C號舖，快約上朋友去打卡！

上次有朋友買過呢間的麻糬波波俾我食，我食過又唔錯喎，食過返尋味😍今日買返公司做早餐，同埋同事一齊開心share!呢間都有好多唔同口味，每款都可以揀有菠蘿皮或普通皮！而且每一個食落去都好煙靭，好Q！菠蘿皮斑斕味：顏色已經好靚，開頭睇以為係抹茶味，跟住望到斑斕味就試吓！食落去都幾香，加咗菠蘿片脆脆哋，裏面仲有朱古力粒粒，有啲口感唔錯菠蘿皮開心果味：人氣開心果味，有一個同事好喜歡食開心果味，食完都話唔錯菠蘿皮紫薯味：好似平時食的紫心番薯味道咁朱古力味：呢個好正，香濃朱古力再加埋朱古力粒芝士味：有啲咸香味不錯原味：我平時都好喜歡食原味，最原始的味道蝴蝶酥：一盒有十塊，五十幾元，我覺得幾抵食，食落去好鬆脆，估唔到除咗麻糬波波好食之外，蝴蝶酥都不錯，而且獨立包裝，可以當小禮物送俾朋友🥰

約朋友食飯未夠鐘個肚餓到打鼓之際灣仔地鐵站一出嚟．就聞到陣陣烘焙香味櫥窗放滿七彩繽紛．多種口味嘅麻糬除咗平日食開嘅普通皮之外仲有好少見嘅菠蘿皮樣樣都吸引選擇困難嘅我決定試齊所有味道第一口就試咗菠蘿皮味道比普通皮 甜少少面層口感酥脆．食落軟軟糯糯充滿嚼勁每款口味各有特色．口感同味道都控制得恰好我自己特別鍾意▫️芝士▫️朱古力▫️紫薯呢度麻糬嘅Size有拳頭咁大撕開已經feel到QQ嘅軟糯感口痕痕 當下午茶/ 早餐就最適合下次要再試埋罐裝曲奇．蝴蝶酥．脆條

返工經過成日聞到香噴噴，灣仔好多麻糬小店，FW SHOP最近港鐵站，有時早餐買幾個即刻食麻糬口味都有好多，開心果，紫薯，斑蘭，芝士，咖啡朱古力，朱古力，仲要有分正常$7/個或菠蘿皮$8/個，每一個有手掌咁大，個口細啲6啖先食完一個6款入面最鐘意咖啡朱古力麻糬，拎到手不停傳出陣陣香氣，即食入口真係外脆內軟，有朱古力粒，入面好濕潤芝士麻糬鹹鹹香香，，內裏做得好靚，好有層次，就算凍左都好軟熟紫薯麻糬，煙煙韌韌，顏色好突出，陣陣香斑蘭麻糬同紫薯一樣顏色特出，加入朱古力粒，味道又幾夾朱古力麻糬唔洗講，勁香濃，好多朱古力粒，每一啖都係濃濃既朱古力味，好岩小朋友開心果麻糬，淺綠色又真係有淡淡開心果味咁多款口味，咖啡朱古力麻糬同朱古力麻糬同樣排第一

灣仔天橋下呢間麵包店主打賣麻糬波波，口味眾多，有朱古力、芝士、開心果、綠茶紅豆、紫薯、斑蘭等，仲可以選埋菠蘿皮定普通皮，一個約$7-$8，另外仲有芝士棒、蝴蝶酥同曲奇🍪今次試左兩個都係菠蘿皮，雖然唔係熱辣辣，不過食落都算煙韌，如果焗返熱食，相信菠蘿包會更脆，麻糬偏扁身，未食已經聞到斑蘭香氣；芝士棒一罐有好多條，食落幾香口，似西餐麵包籃上芝士脆條；曲奇一盒有12塊，每塊都係獨立包裝，試左朱古力味，味道唔錯，朱古力幾濃郁👍🏻

而家好似好流行麻糬嘅專門店，今日經過灣仔見到有條人龍，應該唔錯，就試咗呢間FW。今日去到見到佢有八款口味。每款口味再有普通皮 （$7）&菠蘿皮（$8）。🔸班蘭🔸開心果🔸咖啡朱古力🔸綠茶紅豆🔸紫薯🔸芝士🔸原味🔸朱古力推介大家要買菠蘿皮！菠蘿脆皮連配麻糬嘅煙韌好夾。麻糬煙韌得來唔黐口，各款嘅味道都唔會太甜，食落實在唔會覺得食空氣！我哋自己最鍾意朱古力~朱古力味香濃，咬下去後，麻糬Q彈的，帶來柔軟的口感，朱古力的香味與甜味恰到好處，不會過於甜膩，平衡感非常好。

灣仔原來係麻糬波波王國(≧∀≦）？！呢間小店專賣麻糬波波～都算係灣仔名物(?)好大粒 拎上手好軟熟 咬落有明顯拉扯感 非常煙靭✿ 口味一覽 ✿原味｜芝士｜開心果｜綠茶紅豆朱古力｜咖啡朱古力｜紫薯｜斑蘭［普通皮 $7｜菠蘿皮$8］.隔住袋都聞到香味 有八款口味 每隻味都食得出 味道唔會好假 亦唔會太甜 有普通皮同菠蘿皮揀菠蘿皮多咗層脆脆口感 都幾得意 好似迷你墨西哥包價錢$7-$8一粒 以呢個𝐬𝐢𝐳𝐞嚟講幾實惠 經過可以一試！

有日朝早喺灣仔經過呢間鋪頭聞到好香嘅出爐面包味🍞鋪面又乾乾淨淨✨整整齊齊咁忍唔住回頭買咗兩個麻糬波波試下麻糬波波有好多唔同味可以揀🤩食落都幾煙韌👍🏻但味道無太大驚喜🙂同其他麻糬波波差唔多總結:經過灣仔可以一試，但唔洗特登去食😂

行過灣仔見到呢間小店排哂隊，以為排緊乜嘢，行近一睇原來係麻薯波波！仲有好多款口味！香港人精神，我又排埋一份😂買左抹茶、芝士、原味，紫薯味熱熱地 覺得好好味啊 不過食多兩粒就覺得有啲甜！間唔中食下或者買黎同朋友share 都唔錯！

FW Shop 除左有一般嘅麻薯波波，仲有比較受歡迎嘅菠蘿皮麻薯波波！當時大概有 6 款口味，包括斑斕、紫薯、原味等等（口味可能會唔定期地換）。我就試左佢地嘅斑斕、芝士、朱古力咖啡、朱古力菠蘿皮麻薯波波同普通嘅芝士麻薯波波。個人覺得佢地嘅普通麻薯波波冇乜特別，可以唔試。菠蘿皮麻薯波波OK，幾特別，菠蘿皮脆脆地，增加左口感。芝士菠蘿皮麻薯波波 - 芝士味鹹香鹹香，幾好！朱古力咖啡菠蘿皮麻薯波波 - 幾香，值得一試！斑斕菠蘿皮麻薯波波 - 斑斕嘅味道太淡，裡面有一粒粒嘅朱古力，但朱古力味蓋過左斑斕味，感覺似係食朱古力味，冇咁推薦朱古力菠蘿皮麻薯波波 - 朱古力味算係幾濃，都唔錯佢地嘅麻薯波波比其他嘅稍微大少少，雖然口味冇 Silver Mine Bake 咁特別，不過，皮嘅口感冇 SMB 嘅乾。

好耐之前見到超多人排隊，大熱天時都咁多人啲人一買就6個, 12個, 幾袋幾袋咁最近少人d, 就買來試下先喇!佢地都有曲奇,不過hot item 係麻糬波波麻糬波波 $7（朱古力、抹茶、芝士、紫薯、班蘭、原味）菠蘿皮麻糬波波$8（朱古力、抹茶、芝士、紫薯、班蘭、原味）所有口味同價麻糬波波口感軟糯煙靭，有菠蘿皮就脆d原味同芝士唔係好食得出咩味朱古力就最濃如果你買的時候係剛出爐咁個麻糬波波會超正!!!熱辣辣的d朱古力粒熔熔地但我試過出左爐一陣先買就會塔曬同濕濕地要食的話建議等佢剛出爐買呀FW Shop📍灣仔軒尼詩道149號萬寶樓地下C號舖

FW Shop 📍灣仔軒尼詩道149號萬寶樓地下C號舖Lunch hour見到超多人排隊，仲要啲人一買就一大袋，身為一個鍾意湊熱鬧嘅香港人，緊係要排埋一份睇佢究竟有幾好食😂⭐️紫薯菠蘿皮麻糬 $8⭐️斑斕菠蘿皮麻糬 $8⭐️朱古力菠蘿皮麻糬 $8⭐️芝士麻糬 $7有菠蘿皮就貴一蚊，我都係因為見到佢彩色好似幾過癮，所以先至試吓🤣🤣 比普通麻糬大粒，都幾煙靭，有菠蘿皮就多啲口感同層次。斑斕味就其實唔係好食得出😂，紫薯朱古力嗰啲就好濃味。大推朱古力，叮返熱就更加好食！大家經過可以去買個試下🤣 #fookdie灣仔 #fookdie麻糬 #fookdie邊爐 #fookdie甜品 #灣仔美食 #灣仔好去處 #香港麵包 #尖沙咀餐廳 #麻糬 #銅鑼灣美食