鮨一 (厚福街)

Open Now

Now Closed

今日搵到一間樓上鋪，食高級日本料理。簡簡單單一個二人晚餐，首先來一碟「刺身拼盤」，刺身好夠冰凍，三文魚厚切，好新鮮，而且賣相非常精美。接着係「安格斯牛肉鍋」，安格斯牛肉切得好薄、好靚，好香，充滿牛肉嘅鮮味，牛肉肥瘦同脂肪比例做到啱啱好，唔會太油膩，入口感覺到好香滑，無筋，有入口即溶嘅感覺，好似食緊高級和牛一樣。除此之外，當入面有好多唔同款式嘅蔬菜、冬菇、金菇等等，吸收晒日式湯底壽喜燒汁嘅味道，好鮮味，就連湯都可以飲埋。大大煲，好抵食，兩個人啱啱好，非常推介。另外，我哋仲追加左一款特色小食「炸蟹仔」，蟹仔細細粒，炸得好香脆，好香口、唔油膩，就連蟹鉗、蟹爪、蟹腳全部都食得落肚，口感好特別。餐牌食物款式好多，下次再嚟的話，想再試其他食物。

尖沙咀 📌 【 鮨一 】尖沙咀厚福街12-12A號藍馬商業大廈18-20樓 Happy Fri 🥳 收工想食日本嘢，就來到【 鮨一 】呢間木系裝潢，打造 🎌居酒屋格局，選用日本入口新鮮食材，主打丼飯 、刺身 、日式料理，令人猶如置身 🇯🇵 日本居酒 🍶🏮痛風丼 海量脆卜卜三文魚子、一排排鮮甜順滑海膽、堆滿滿的吞拿魚蓉，還有的就是肉質鮮甜爽彈的赤海蝦。呢個丼真係響噹噹，完全震撼我視覺、味覺，難怪叫「痛風丼」，絕對係痛快嘅享受。🦪 赤崎真蠔真係好少見又長又大兼肥美肉厚嘅生蠔 🦪 蠔肉爽脆，海水味適中，精髓係蠔面放上檸檬柚子啫喱，完全令生蠔鮮味倍加昇華。🥗 鮨一沙律 鮨一沙律將多款魚生切成粒狀，再混入沙律菜，配以微酸嘅醬汁，有口感之餘亦清新開胃喔 🥗🍤 什錦天婦羅 天婦羅炸粉薄脆，炸蝦肉質彈牙，蔬菜有青椒、甜薯、南瓜同茄子。好喜歡呢種天婦羅嘅口感同味道 🥰🐮 味噌煮牛舌牛舌肉質軟稔，牛味濃；蘿蔔清甜入味，配上熱辣辣味噌湯，係最佳暖胃之選。🔅 總括而言我覺得 CP 值好高，以日本新鮮食材做主打，真心，兩個人埋單，人均消費 $400 幾蚊，可以食到生蠔、拖羅、海膽、牛舌，呢間居酒屋 【 鮨一 】

好鍾意呢間日式居酒屋的環境🏮🎏住定式的木系裝潢，富有日本特色~～ 日本直送新鮮食材, 佢哋啲刺身款款夠新鮮！🥗鮨一沙律不同類型的魚生切粒用微酸醬汁拌入生菜，清新開胃！🍣上十貫目去日本必吃的盤點壽司🍣有劍魚腩、油甘魚、厚切帶子、牡丹蝦、三文魚籽等日本直送保證食材新鮮，壽司飯是赤醋飯，酸甜平衡~🐟池魚王 (薄切)呢碟好考師傅刀功，將池魚王切到一口薄，每塊都有金箔點綴，更顯心機！質感爽口鮮甜，配柚子醋食，更突顯其鮮味～🦐縞蝦刺身鮮甜蝦肉，肉質厚厚爽彈~~

小編今次係第一次嚟呢一間日本餐廳其實成間餐廳都幾有feel😜嘢食嘅質素亦都係非常之唔錯 賣相亦都非常精緻.🐷石垣貝新鮮石垣貝 鮮甜多汁 開始嘅時候食 就覺得非常開胃 點埋檸檬汁 非常之fresh😝.🐷雜錦天婦羅（三蝦四菜）天婦羅外脆內軟 而且菜式係被用心設計過連啲普通嘅麵條都可以整到成朵花咁天婦羅最緊要多款式 呢個天婦羅就有齊蝦、茄子、南瓜等等😜 真係豐富.🐷軟殼蟹蜜柑沙律沙律清新爽口 蟹肉鮮甜 配上蜜柑酸甜搭配😎 互相中和🥸 .🐷辣酒煮廣島蠔酒香味濃🤪 蠔肉鮮嫩 小編唔係好食得辣 但係都接受到🤣成個湯除咗辣之外亦都係可以話幾清甜.🐷明太子雞翼明太子味道濃郁🤣雞翼燒烤得恰到好處.🐷梅+竹呢間餐廳好得意 有幾款菜式叫做梅蘭竹菊今次就試咗兩款兩款都係有好多極新鮮嘅海鮮喺飯上面成個海鮮杯咁樣蟹腳同埋鮮蝦非常之鮮甜而鮑魚、帶子、蜆肉亦都新鮮到不得了 食落去非常爽口🫶🏻🫶🏻睇落去得一個杯 但其實嗰份多到不得了 食完已經覺得好飽肚😹😹😹.【鮨一】📍尖沙咀厚福街12-12A號藍馬商業大廈18-20樓.#吃貨日常#香港#日本菜#尖沙咀#餐廳推薦#美食分享#hkfoodie #foodiehk #尖沙咀

《鮨一》尖沙咀樓上人氣居酒屋 。上錦繡刺身8款 ($348) - 喱款上錦繡刺身有8款刺身，每款有兩片，師傅切得都夠厚身，每一款都鮮甜美味，魚肉肥腴細嫩，蝦刺身爽口彈牙。 。鮨一沙律 ($128) - 喱個沙律非常推薦，性格價比非常高，有沙律菜和大大個香甜蕃茄外，還有多款刺身粒及爽脆三文魚籽，真係超級豐富。 。赤崎真蠔 ($98) - 來自日本岩手県的赤崎真蠔大大隻脹卜卜，肉質爽口，鮮甜又creamy，師傅另外加上柚子啫喱食落更清香。 。甲羅燒 ($98) - 甲羅燒滿滿的蟹膏，甘香帶甜，撈上蛋黃更滑溜，另外必定要配埋烤多士一起食用。 。味噌煮牛舌 ($68) - 令人驚喜的味噌煮牛舌，牛舌炆得又冧又入味，蘿蔔清甜可口，白味噌湯甜而不膩。

尖沙咀行完街，天氣熱辣辣，冇乜胃口，朋友就介紹一間上樓嘅日本嘢，話抵食高質又大件，共有3層既鮨一，19樓係VIP房，啱晒一大班朋友上去聚一聚🍻🥗🦀軟殼蟹蜜柑沙律🦀🥗沙律上新鮮炸起既軟殼蟹一開四，配上鮮甜甘脆既沙律菜同埋日本蜜柑，入口清新開胃，啱曬大熱天食🥰🦪柚子赤崎生蠔🦪店員推介嘅赤旗生蠔，生蠔肥美多汁厚身滑潤，再配上日式柚子啫喱，令口感更加豐富，驚喜推介！🍣蘭🍣兩個刺身杯，簡直係呢一餐嘅主角，上枱嗰一刻，我已經🤩星星眼，仲俾個朋友笑我大鄉里🫣蘭刺身杯，赤色壽司飯上面鋪滿咗滿滿嘅三文魚子，另外仲有極尚拖羅魚蓉，上面再有兩層火焰左口魚裙邊，而響最高位置就鋪上左鮮甜厚潤嘅馬糞海膽，🌼菊🌼另一個經驗嘅菊刺身杯，赤色壽司飯上面鋪上左油甘魚腩、三文魚腩、鯛魚、粒粒飽滿嘅三文魚子，另外當然唔少得鮮味濃郁嘅馬糞海膽，刺身全部都係厚切肥美，油脂分布多，味道香濃甘甜。🍖燒物🍖日式居酒屋，點少得試吓佢嘅燒物😏🐮和牛粒串🐮日本嘅和牛舉世聞名，遠遠嘅肉質同埋入口即化嘅口感，加上廚師精準嘅烹調時間，燒到外脆內嫩，完全鎖住咗和牛嘅油香，絕對要encore😏🥓煙肉帶子卷串🥓外面燒到香脆嘅煙肉，入口勁香，而煙肉入面捲

當晚去到餐廳差不多已全院滿座，心想這麼早就滿坐，質素一定有保証，果不其然，食物非常有料到！先來一客海膽(無問叫咩名), 新鮮完全無腥味，賣相新鮮，肉質豐滿，正！跟住到壽司環節，水準不俗，特別係壽司飯，與一般壽司飯不同，呢度壽司飯係紅色嘅！據聞好似係用日本傳統方法做，味道的確唔錯！再來就係蕃茄海葡萄沙律，嗯.....食到原材料天然味道，不過海葡萄味道好似唔係咁啱我，哈！辣酒煮廣島蠔，辣味及鮮味剛剛好，值得推介！最好一道炸豆腐，喜出望外的好味道，外酥內軟！

好耐之前已經嚟過一次, 呢間日式居酒屋🏮環境舒服, 木系裝潢, 特別有日本風情🎏～ 日本直送新鮮食材, 佢哋啲刺身款款夠新鮮！🐟池魚王 (薄切)師傅將池魚王切到非常之薄, 上面有金箔點綴, 成個賣相變得矜貴✨！質感爽口、有彈性, 完全冇腥味, 魚油甘香細膩, 充滿鮮味, 再配埋柚子醋, 更能帶出池魚獨特嘅清香～🍣上十貫目壽司有三文魚、劍魚腩、油甘魚、帆立貝、牡丹蝦、三文魚籽等等。各款刺身都好新鮮, 壽司用上赤醋飯, 酸甜味平衡。我覺得最特別係帆立貝壽司🍣, 加咗柚子皮作點綴, 多咗一份清新感！🦐縞蝦刺身蝦肉厚實, 肉質爽彈, 非常鮮甜🥗鮨一沙律將多款魚生切粒再混入沙律菜裏面, 加上微酸嘅醬汁, 清新開胃！

朋友相約一聚，選址藍馬商業大廈嘅鮨一日本料理，餐廳以日本居酒屋設計，其中設有吧枱，食客可觀看廚師烹調的過程，主打日式料理。池魚王（薄切）：薄切池魚王好考師父的刀工，每一塊都真是薄到呈半透明狀態，晶凝通透相當吸引 ，池魚入口爽脆清甜，仲有淡淡魚油香 ，再點些醋，鮮味更突出。日本蘋果沙律：採青森縣嘅蘋果，硬脆多汁，甜度高且香氣十足，切成條狀配搭新鮮沙律菜，再加上蟹籽和沙律醬，除咗有豐富口感，還有清新感覺。鹽燒雞中翼：燒至金黃色的雞中翼，火喉控制得宜，熟度啱啱好，食落皮脆肉嫩好香口。

裝修好有日式居酒屋格調以日本直送新鮮食材為主打可以睇住刺身師傅專心一致，為客人製作料理，多了一份欣賞藝術的美感，視覺的享受😎上錦繡剌身三文魚|北寄貝|帶子｜八爪魚|牡丹蝦|油甘魚｜鯛魚丨劍魚精選時令刺身，有8款，各2切全部都好厚身，蝦係最出色 相當多膏 鮮味十足明太子雞翼以去骨雞翼及皮包裹明太子，煎封後皮脆肉嫩有creamy明太子，外層雞味濃郁，明太子餡料豐富飽滿，好滋味加七味粉桃取生蠔長身兼大隻，肥美肉厚，蠔肉爽脆，海水味適中，蠔面放上檸檬柚子啫喱味噌煮牛舌牛舌味好濃郁，而且配埋蘿蔔味噌湯 蘿蔔煮到好林 鍾意食牛舌的人會喜歡 這間餐廳感覺整體都不錯 會再約朋友一起上來聚餐

今晚book咗枱同男朋友去尖沙咀厚福街食日本嘢，大約七點半已經接近滿座，可想而知呢間餐廳都好受歡迎。講吓我哋食咗啲咩先，一開始前菜，我哋叫咗個海葡萄蕃茄沙律，海葡萄喺出面比較少見，亦都好健康：跟住就點咗一盒日本活海膽，好新鮮呀跟住壽司環節，我哋叫咗一客10件，十上貫目：仲有吞拿魚牛油果手卷（左）同埋我嘅最愛：香蔥吞拿魚腩手卷（右）：呢間餐廳除咗有冷盤、壽司、刺身，仲會有熱食添，我哋就食辣酒煮廣島蠔，同埋炸豆腐：整體嚟講呢間日本餐廳，我個人認為佢嘅壽司同刺身比較出色，熱食方面就不過不失😃

知道壽星女鍾意食刺身所以我琴晚就約咗佢去遲來的生日飯🤪呢度啲刺身🍣真係好新鮮, 我哋叫咗八款唔同嘅刺身兩個人食啱啱好😛, 仲有我哋叫咗🎌日式沙律裏面有番茄刺身同沙律菜🥗傳銷我哋就叫咗🐽蘆筍豚肉卷/🐮和牛串同埋煙肉🥓🧀芝士卷最後我哋就加多個天婦羅🍤天婦羅又揸得好好又夠乾身同好脆

🗾尖沙咀嘅居酒屋 有新鮮魚生海鮮、串燒，一應俱全🇯🇵1/ 赤崎真蠔🦪好似隻手板咁大，係黎自伊勢志摩 鳥羽市答志島，味道好鮮甜，肉質非常肥美，牛奶般嫩滑⚪️而且廚師加咗啲柚子啫喱 更加帶出咗鮮嘅味道🤗2/ 梅🧡呢個杯飯非常推薦，淨係個賣相已經夠晒吸引材料滿滿，分別有鮮甜既蟹鉗、蟹肉 、蝦、魚子 🍱3/ 蘭就更加吸引🤩🧡有海膽、三文魚子、火炙左口魚裙邊、拖羅魚蓉，一路食到落最底都有好多三文魚子，入邊仲有唔同嘅魚生，勁滿足🍱4/ 日本白粟米🌽🤍黃色既粟米食得多，白色的粟米卻很少見！好似珍珠般亮白原來係來自北海道嘅，食過真係一試難忘 🫢首先白粟米原來係可以好似生果一樣生食，一口咬落去，爆汁之餘帶有淡淡忌廉香味，而且係好爽口😳😮🤍5/ 日本蕃薯拼南瓜天婦羅🧡炸漿果然夠薄又唔油膩，外層炸得香脆，內層係香甜軟糯既日本蕃薯&南瓜🤤唔駛加上天婦羅汁都已經好味😬6/ 鹽燒雞中翼 熱辣辣咁樣燒出黎 鹹鹹地嘅調味 想食多幾隻🐣7/ 燒茄子🍆係已經撕開好晒嘅茄子 淡淡都係軟腍腍嘅肉 有啲木魚絲 係正宗嘅日式口味

鮨一 G One Sushi Japanese Restaurant 📍尖沙咀厚福街12-12A號藍馬商業大廈18-20樓時隔接近三個月，又係時候去覆診，朋友喺等我睇牙期間，喺OpenRice搵食，搵到一間日本餐廳話想食。我睇睇店名，原來係之前食過分店嘅餐廳，因為質素高服務好，所以我哋出發去厚福街食晚餐。餐廳有三層，店面唔大但坐得舒適，我哋坐嗰層仲有竹簾、各種魚嘅poster同多件日式小擺設，和風設計更設合主題。而且店員全部都係有求必應，一叫即到，服務周到，值得讚揚。 💰$168原條飛魚刺身 🐟封面咁搶眼嘅係原條飛魚刺身，廚師相當有心思地將已拆肉起骨嘅原條飛魚保留，並用以擺盤，令飛魚如蛟龍飛天一樣，非常有動感。飛魚屬淡味白身魚，由於運動量大，所以幾乎無脂肪，肉質富彈性，一般會製成刺身、炸物或煮湯。刺身魚片十分新鮮，甜香有質感，配上紫蘇葉同麵豉一齊食，味道更上一層樓！ 💰$156桃取生蠔 🦪我點選兩雙桃取生蠔，好好慰勞一下辛勤工作嘅朋友。生蠔產自三重縣桃取海，海水營養物質豐盛，肥美肉厚就如桃一般，爽口鮮甜。朋友話呢個產地嘅生蠔海水味偏淡，相比一般生蠔更易入口，而且上面放有柚子啫喱調味，絕

呢間鮨一聽到人介紹過好多次，不過咁多年來淨係試過荃灣嗰間，聽人講尖沙咀嗰間大啲，而且感覺比較日式啲，咁就一於嚟試吓啦。一去到真係好日本風，不過客人比較多，建議大家黎試都記住book枱。佢呢度除咗普通座位，仲有Bar枱，而且仲有房，啱晒唔同需要嘅客人啦。今日我哋就坐咗入房，私隱度比較高，如果鍾意打卡嘅朋友坐Bar枱就最好啦。一坐低我哋就叫咗呢度最signature 嘅三文魚子海膽杯，一上枱嗰個都忍唔住拎電話出嚟影相打卡。因為佢嘅三文魚子真係好多，而且海膽成座山咁，未食已經知好好食啦。佢嘅海膽係好新鮮，完全唔會有臭味，而且食落好鮮，我諗係每日新鮮運到嘅。另外我哋仲叫咗兩隻蠔，因為同行嘅朋友都唔食蠔，咁就一於我叫兩隻嚟試吓啦。估唔到佢隻蠔真係咁大隻，而且食落好新鮮，食得出係即刻開嘅。呢個價錢就到咁高質素嘅蠔真係好抵讚。呢間居酒屋真係又平又抵食，唔怪得咁多年來都咁多人介紹啦。