家家戶戶

Open Now

Now Closed

今日同朋友過黎尖沙咀睇多啦A夢，我地先去左韓國街醫肚。黎到就簡左一間傳統既韓國餐廳食lunch。一入去就係傳統韓國餐廳既佈置，好有家庭式小店feel， 而d韓食都係勁有韓國當地味道，好似番番去鄉下咁。諗起都好耐冇番鄉下啦，今日終於可以回味下，餐牌有多款韓國餐，湯面飯都有齊晒。 我地點左去親韓國都一定點既 *辣海鮮牛肉湯飯 해불 불고기 짱뽕 밥* ＆ *純豆腐海鮮湯 해불 손 두부 찌개*。❤️辣海鮮牛肉湯飯 해불 불고기 짱뽕 밥 有多種貝殼類、蝦、牛肉等，湯辣得黎有海鮮既鮮味，送飯一流。❤️純豆腐海鮮湯 해불 손 두부 찌개我最愛既純豆腐海鮮湯，入面有好多蜆同魷魚粒，完全戴出個湯既鮮味，簡直係韓文成日講既 밥 도독 飯小偷。辣度適中，我全部清晒，勁滿足。*每個餐都同韓國一樣會有多碟既配菜 반찬，有辣有唔辣，滿足晒所有口味。家家戶戶 가가호호地址: 尖沙咀金巴利街1B恆港中心地下1號舖

同阿女出街食飯，佢首選一定係韓國菜，食韓國菜一定少不免去尖沙咀韓國街。家家戶戶  Gagahoho 是金巴利街人氣韓國餐廳，由韓籍人士主理，餐廳裝潢簡潔，主打正宗韓國料理，提供多款配搭的套餐組合。每款套餐都有幾種不同前菜和紫菜湯。味道唔錯，辣辣哋可以醒醒胃。純豆腐豬肉湯：純豆腐做的熱湯。用石頭鍋盛載熱辣辣上枱，豆腐很香滑，配辛辣醬湯底很惹味，仲有豬肉好有口感。湯底辣度適中，配埋碗白飯啱啱好。炸醬麵：黑豆醬味道濃郁偏甜，色澤呈黑色，加入了洋蔥、薯仔、紅蘿蔔等烹調成韓式炸醬，味道香甜，與麵條拌勻同吃，十分滋味。韓國傳統套餐含甜品~益力多

因为口味去过好几次却被服务劝退，那个外国女服务员可以说是毫无服务态度把自己当老板了。开始说没有餐巾纸给我们，然后自己在那叠纸巾，后来理论才给了两张又把桌子上的拿走，就是因为看我们是学生好欺负？请问老板贵店是否是一桌子只能提供一张餐巾纸？2024年了真的活见鬼了才有这种服务体验。那个女服务员还天天坐那玩手机也不干活真不懂为什么，不敢再去了！一次最差的韩餐体验！

近年尖沙咀韓國街鋪頭轉變都大，家家戶戶開咗咁多年，都仍然好多人去，保持到一貫水準。韓式牛肉石鍋飯 喜歡韓式石鍋拌飯底部有脆脆的鍋巴。熱辣辣嘅石鍋飯，配上濃郁醬香嘅炒牛肉、輕爽涼拌嘅紅蘿蔔、豆芽同菠菜，攪拌均勻後再品嘗。由於醬料都有少少辣，如果唔食得辣就揀番其他烤肉飯喇。韓式炒粉絲韓式炒粉絲都係一樣傳統嘅韓式食品，呢度炒出嚟嘅粉絲唔會好油，又唔會過咸，味道唔錯。前菜唔少，有4小碟，套餐配紫菜湯，飲品另叫。🛎️必試指數：9/10🔆

來到餐廳門口,看到特別的外牆，是用上了紅磚頭和鮮紅色和鮮藍色的門，立刻增加了韓國的感覺。🧱內裡裝潢簡約，以紅磚配上木椅，簡約的吊燈，帶點置身在傳統韓國家庭的感覺。🏠餐廳提供多款配搭的套餐組合，亦可以亦擇單點或小食，當然也不少得韓式生米酒，啤酒，真露等等。🍻🥘韓式牛肉石頭飯很豐富的傳統韓式石頭鍋飯，有炒香的牛肉，菠菜，芽菜，蘿蔔絲，翠玉瓜絲，粟米粒，中間打了一隻生蛋，最重要是韓式辣醬，將所有配菜跟飯混合，非常惹味可口，味道濃郁，口感豐富，底部還有少少石鍋熱成的飯焦，更香口。石頭鍋飯會配有清甜海帶湯，可以解膩。🍲牛肉鍋這個牛肉鍋一樣材料豐富，有磨菇，金菇，粉絲，洋蔥絲，蘿蔔絲，椰菜， 煙煙靭靭的年糕片，當然還有炒香了的碎牛肉，嫩滑入味，一點也不老，而且牛肉湯亦清甜的，配白飯吃不錯！🍹Peach Milkis解膩清甜💡石頭窩飯Lunch和Dinner都特價有9折啊！

今日放工朋友話好想食韓國餐，諗起成日經過嗰一間家庭式韓國料理，每日都好多人排隊，所以特別想試下係唔係咁吸引。鋪頭入面既家庭佈置，好舒服，令人好放鬆，我地揀左一張面向路邊既位置，感覺就好似去左韓國食野一樣。餐牌入面有多款配搭的套餐組合，其實心多多都唔知揀邊一樣， 見到最多人揀石頭鍋飯，所以我地都叫左一個韓式辣豬肉石頭鍋飯，另外配一個雞肉韓式什錦飯。韓式辣豬肉石頭鍋飯，好香，飯的口感軟硬剛剛好，上枱個陣仲係滾燙緊，有隻生蛋放上面,用來攪拌啲飯，帶出濃濃的鮮味。整體都好惹味，偏辣。韓式雞肉什錦飯，伴隨的泡菜已經有四款，另外加海帶湯， 所有嘅份量都好充足，一個女仔應該食唔哂。將配菜加入去伴飯，增加甜甜辣辣的口感，更加開胃惹味。

尖沙咀的韓國餐廳開到成行成市，我誤打誤撞找到一間性價比不錯的韓國家庭式料理。餐廳裝潢好有傳統韓國家庭的味道，紅磚牆配木桌木椅，有點懷舊感覺。餐廳最醒目的是它的紅色大門，遠遠便可看到。餐廳的定價在尖沙咀區來說不算高，百元左右已有一份套餐，包括前菜、湯、飲品。🔹韓式辣豬肉石頭飯套餐🔹.甫上菜，滾燙的鍋發出”滋滋”聲，令人食指大動。石頭飯配料很豐富，有辣豬肉粒、芽菜、菠菜絲、生菜絲和生雞蛋，趁鍋仍熱立即將甜辣醬和配料拌勻，每一口飯都滿滿的雜菜和醬汁，辣豬肉入味，令拌飯味道更豐富。鍋邊的飯焦口感也十分香脆。套餐除了一些常見的韓式配菜例如泡菜、辣豆腐，涼拌海帶絲和韭菜等，還有一瓶小小的韓版益力多。🔹純豆腐海鮮湯套餐🔹店員把餐送上時湯還是超滾燙的，湯裡面豆腐份量挺多，豆腐十分滑，海鮮的部分有蜆跟魷魚塊。湯頭能嚐到海鮮的甜，比普通泡菜湯味道更好。總括而言，食物的味道不錯，價格合理，而且傳統韓國家庭裝潢令人感覺舒服放鬆。.

早早完成工作～獨自去醫吓肚先😎韓國家鄉美食就係comfort food啦🇰🇷餐廳以紅磚造型設計～好有韓風傳統特色～坐低享受韓國家庭式料理～感覺幾溫馨舒適🥰🥰打開餐牌有頗多不同配搭嘅套餐可供選擇～做好決定就落單啦～.✨뚝배기불고 기 牛肉鍋 $119要咗套餐🍴一set嚟到伴隨咗四款涼拌韓式小菜～包括泡菜、韮菜、荳芽～牛蒡～令整體視覺及食感更豐富😀牛肉鍋以石鍋原個上保持熱辣辣～材料多份量足～有醃得入味嘅軟腍牛肉🐂、煙韌年糕片、金菇、爽滑韓式粉絲、椰菜、香菇等等等等🤗🤗湯汁甜甜哋好啱撈飯食👌🏻👌🏻.✨加一服務費

尖沙咀金巴利街有很多大大小小嘅韓國餐廳，所以又名韓國街！今次就同朋友一齊去試下呢間「家家戶戶」！一入到嚟就好像置身於傳統韓國家庭一樣，環境舒適！我們二人叫了兩個韓式套餐！兩個套餐都有配菜，包括經典嘅韓國泡菜、辣香腸、韭菜花等等...1. 韓式牛肉石頭飯，非常大碗，熱辣辣！有牛肉、芽菜、生雞蛋等等...食到底仲有飯焦呀！香脆可口！配上海帶湯、非常豐富呀！😋👍😬2. 牛肉鍋、配上白飯！除了牛肉、仲有金茹、粉絲等等...湯底也十分清甜！😊😍😎家家戶戶：尖沙咀金巴利街1B恆港中心地下1號舖

太耐冇去過尖沙咀韓國街喺附近求其搵咗一間韓國餐廳裏面有得分散嗌或者套餐叫咗兩款套餐，除咗前菜，估唔到竟然係包埋韓國益力多牛肉鍋嗰款裏面仲有粉絲，年糕同大量蔬菜，所以湯底飲落都比較清甜，唔會好濃味，牛肉就碎上比預期有啲唔同另一款海鮮炸醬麵，由於係第一次食所以都唔係可以拎同其他餐廳做到比較魷魚唔會太乾身，麵質口感食落有啲似烏冬，醬汁偏鹹，唔知碟底瓊曬油係咪正常呢個套餐本身都包埋兩隻韓式餃子？裏面用左紅蘿蔔同冬粉絲做餡料，so far都ok

同朋友去尖沙咀行街，大家都想食韓國嘢，決定去韓國街睇下，見到呢間韓國餐廳有好多唔同款配搭嘅套餐組合入面環境舒適，裝修好似傳統韓國家庭咁，響呢個環境下享受韓國家庭式料理，好似去咗韓國咁😆泡菜辣豬肉飯set🐷每個set 入面包括海帶湯、4款小菜😋泡菜辣豬肉嘅份量好多，而味道帶出泡菜嘅爽辣味，加埋豬肉真係好好下飯😋👍🏻牛肉韓式雜錦飯set 🐮拌飯咁梗係唔少得不同嘅蔬菜啦，包括有：芽菜、翠玉瓜、菇、蘿蔔、菠菜、紫菜、雞蛋仲有牛肉，份量又係好多！撈埋韓式辣醬一齊好好味，又爽口啱晒夏天食😋👍🏻

呢間裝修簡約，好似去左韓國家庭咁，餐牌選擇多，有多款套餐組合。🍜海鮮炸醬撈麵 $119炸醬個味同韓國朋友整嘅一樣，有家的味道。炸醬撈麵好大碟，食到有唔同嘅海鮮粒粒，麵有啲似手打烏冬。套餐有紫菜湯，炸餃子，前菜。🥟餃子年糕湯 鐘意湯年糕嘅軟熟，配上簡單好味紫菜蛋花湯，仲有一口餃子，好有回家的感覺~套餐有4款前菜，最鐘意韭菜同豆腐。💬呢間平日晚嚟食都好多人，有時都要等下位。店員都係外國人，英語交談。

家人話好耐無食韓國菜，所以日前帶左佢去位於尖沙咀韓國街的家家戶戶品嚐一下傳統韓國家庭菜。以前和友人來過，體驗不錯，食物高質，傳統韓屋的裝潢亦很舒適，遺坐位較逼但仍可接受，性價比可算是極高。純豆腐海鮮湯我一向都十分喜愛韓式豆腐湯，微酸帶點辣，非常醒胃，而這裡的豆腐湯調味十分出色，加上大量海鮮，十分鮮甜。豆腐超級嫩滑，餸白飯真的很絕！隨餐仲附有一枝益力多，做甜品都幾開心。韓式牛肉石鍋飯石頭鍋飯熱熱送上，內有翠肉瓜、菠菜、大豆芽、牛肉加隻雞蛋，將韓式辣醬拌勻所有食材，有益又好味，最驚喜是食到最後，鍋底結焦有鍋巴，食落香脆，超加分。隨餐仲附有一碗海帶湯，同樣都有一枝益力多。

千其唔好食佢嘅冷辣麵！佢就係將啲麵加埋泡菜就咁比你食！韓國食過正宗辣冷麵係用韓式辣醬🥲一定唔係泡菜味！我食左第一啖就已經想停手唔食佢😭勁失望！朋友食左個拉麵，好似普通出前一丁咁以後如果唔係想食韓國粥嘅話都唔會再黎食🙂

尖沙咀金巴利街又稱韓國街，因為呢度有好多韓國餐廳，係好多韓國人用餐嘅集中地。今日我就同朋友嚟其中一間食lunch。呢間韓式小店，已經係度好多年，一向都主打傳統韓式住家料理。我同朋友每人叫左一個Set:⭐泡菜辣豬肉飯$ 108- 泡菜味濃郁，滿滿嘅醬汁再加辣豬肉，食落惹味又開胃⭐韓式炒牛肉烏冬$89- 牛肉好多，烏冬炒得好熱又入味，份量十足整間餐館好有韓式小店風味，而且有一D位置係坐窗口邊，望住街景食飯，特別有一番風味！