家家戶戶

Open Now

Now Closed

今日放工朋友話好想食韓國餐，諗起成日經過嗰一間家庭式韓國料理，每日都好多人排隊，所以特別想試下係唔係咁吸引。鋪頭入面既家庭佈置，好舒服，令人好放鬆，我地揀左一張面向路邊既位置，感覺就好似去左韓國食野一樣。餐牌入面有多款配搭的套餐組合，其實心多多都唔知揀邊一樣， 見到最多人揀石頭鍋飯，所以我地都叫左一個韓式辣豬肉石頭鍋飯，另外配一個雞肉韓式什錦飯。韓式辣豬肉石頭鍋飯，好香，飯的口感軟硬剛剛好，上枱個陣仲係滾燙緊，有隻生蛋放上面,用來攪拌啲飯，帶出濃濃的鮮味。整體都好惹味，偏辣。韓式雞肉什錦飯，伴隨的泡菜已經有四款，另外加海帶湯， 所有嘅份量都好充足，一個女仔應該食唔哂。將配菜加入去伴飯，增加甜甜辣辣的口感，更加開胃惹味。