大自然素食

Open Now

Now Closed

兩個人去試下呢間大自然素食，實在好抵食！1.食物味道：奉送車厘茄，好正，超市買都要15.9呀😭湯好濃椰子味，好香，藥材滋補，冬天飲超養生！木瓜蟹柳沙律好平、甜、新鮮又平！竹筒飯30幾蚊，其他餐廳做唔到食唔到甘有特色食物了。豆腐芥茶煲最貴，80幾蚊，個芥菜好味！牛酒果多士襯芝士，個芝士味道怪，唔太合得黎，換第二隻芝士好些。綠豆沙糖水，個日免費送，好足料架！2.員工服務：十問九唔應，兼行開了，希望員工態度改善下，做飲食態度都好重要，特別係好多食評都指出呢個問題。

#素芋頭鴨 ⭐️#素叉燒 ⭐️⭐️⭐️#素咕嚕肉 ⭐️#芝士焗素牛伊面 ⭐️我見佢唔需要等位又都幾多人食同埋都多分店就諗住試下，點知試完我諗有一排唔想食素菜，呢個經歷我覺得有d差🤦🏼‍♀️❗️素叉燒可以，不過好咸❌通風唔好，又多人好焗好熱好辛苦❌芋頭鴨炸得燶，一陣燶味❌食物都偏向濃味，就咁食好咸❌個芝士伊面真心食到反胃總括來說，如果真係去呢間食可以唔叫咕嚕肉、芝士焗素牛伊面同埋個芋鴨，我冇試其他，不過大家都可以試下。

追單一定要搵經理一個菜等了超過50分鐘 ～其他比我們遲來的食客食完 ，我地其他菜凍晒個飯都未到，明顯係漏單都唔肯認直到經理入去跟進才開始焗所以追單一定要搵經理食物質素OK, 不過如果熟客會大碟好多，我地果碟素肉大概有6粒，隔離有傾有講果台滿滿一碟數唔到整體服務差 態度差，反正唔係熟客就當你無到另外建議要小心check單，項目同總數都要分開check追單一定要搵經理追單一定要搵經理追單一定要搵經理重要野講3次

態度差，食物一般！叫了一個 pizza, 等了18分鐘都未到，叫服務人員，答案係‘做緊啦’，但都冇 check 就有答案，再等10分鐘還沒來，叫埋單，就是這個時候就拿上來，問為什麼要那麼久，得到的答案係因為之前的焗燶左，所以做另外一個，但點解一早不跟我們說，到要求埋單才說！

荃灣大自然素食，係我嘅飯堂，耐唔耐就要過嚟食返餐先開心店員好親切有禮，一坐低就會奉上小食，今次係酸甜車厘茄，酸酸甜甜夠曬開胃大蝦鮮果沙律，炸得香脆，但無咩蝦肉嘅質感，鮮果沙律新鮮又香甜香茜黃金皮蛋，見到流心蛋黃，真係必叫之選！魚翅雲吞窩，雲吞入面係白菜同火腿，湯底好味，飲清曬，魚翅爽口，像真度十足薑汁炒豆苗，夠曬鑊氣，新鮮爽甜，真係清淡得嚟又出色！最好係每次飯後，都會送上糖水，今次係紅豆沙，不過真係太飽，食唔落了有會員咭會有折扣優惠

今日都幾想食素食就去左素食嘅店舖，呢到係做D新派嘅素食，並唔係傳統嘅素食, 所以都幾特別, 我就叫左個木瓜沙律，及南瓜焗飯, 份量都多, 南瓜味濃厚, 所以個飯都唔會話冇味!

一田大減價又嚟喇，梗係要拿拿聲掃貨。經歷瘋狂血拚後，需要補充能量揾野食。荃灣廣場有唔少餐廳，見到「大自然素食」門外貼住陳志雲嘅宣傳餐牌，應該有咁上下質素。情迷脆豆腐外觀吸引，未食已經覺得香口，食落脆口，內裡豆腐嫩滑，點埋泰式醬，好正。糖心皮蛋平時食開皮蛋瘦肉粥，啲皮蛋係黑色，呢到係晶瑩剔透，幾新奇，可能食慣黑色皮蛋，呢款就比較淡，唔係我杯茶...竹筒飯一碌竹上檯，旁邊有少少蔬菜，好有森林風味。打開係壓到實一實嘅飯、栗子、粟米...全部都係澱粉質，夠晒飽。本來諗住叫埋素翅燉椰皇，可惜限量供應，我叫個陣已經賣哂...希望下次試到～

今年母親節撞正佛誕(譚公誕), 周圍都FULL, 所以我地提前一日慶祝, 今次揀左大自然素食(荃灣廣場分店)。今次用餐冇得BOOK位(唔知係唔係因為母親節關係定係點, 因為我之前去食過其他分別有得BOOK-.-), 都幾唔開心, 等左30分鐘, 而且我地有輪椅(當中有10個 大人+1個3歲小朋友), 被安排了坐餐龐最埋邊的方枱(如果無誤本應坐8人), 入坐期間, 我有提問可否安排坐中間冇咁埋既圓枱,因為我地有輪椅啊, 職員隨即答道:唔可以啊, 有人架喇( 我心諗乜唔係唔可以BOOK架咩,不過或者係一早有得BOOK,係我地太遲姐)最後當然要企唔穩既老人家步步驚心咁係佢好窄既通道一步一步扶佢入去啦。不過, 話雖如此, 始終我係打緊食評, 公平D 咁講返, 佢既食物整體黎講係唔太差既,雖然母親節, 但我地冇叫到圍餐, 因為圍餐比較貴, 同埋冇自己想食既野, 所以我地個別咁叫,   首先我地叫左個大人小朋友都喜愛既法包先(不過嫲嫲冇牙食, 因為法包係硬身同乾) 我地只叫左4件再每人分一半, 小食多滋味, 多吃壞肚皮嘛叫左2種餃子, 一種蒸餃 , 另一種就係煎餃(我比較鐘意煎餃多d, 香口d)飯

講起素食，大自然真係一間唔錯嘅餐廳。款式又多，味道又好食。今次我哋叫咗個菜乾粥、鹽焗雞、炒雜菜、魚生，樣樣都夠味又好食。先講隻雞，個汁夠濃又好味，原本只係豆乾，都可以把雞肉嘅豆味帶哂出來。菜乾粥，口淡淡食粥就最岩，所以我地就叫咗個粥來食，如果唔食薑嘅你就要留意，內含薑絲架。個炒雜菜夠香口，不過相比魚生，我始終首推魚生。第一，口感同真刺身一樣。第二，點咗豉油同芥末，個種感覺同去壽司店食嘅簡直一模一樣。

提早一日慶祝母親節 家姐話想試新野 想食得健康d🤣就揀左呢間 好彩早左一星期book位 門口超多人排隊 book左7:00大約7:15先入得 茶位每位12蚊 只得玄米茶 限時個半鐘要交枱所以都快快落單 首先叫左片皮鴨 三色骨 炸茄子 魚生拼盤 饅魚飯 豬扒飯 素雞 南瓜菇粥 片皮鴨幾好食 幾似真肉🤩👍🏻饅魚飯賣相都幾差 仲要冇乜汁...食落好吾似饅魚 食得出似豆乾 成個飯都好dry...炸物多數都好食 炸茄子幾香口三色骨隻隻不一樣味 都幾似真既咕嚕肉素雞令人失望 又係豆乾 食落都幾假幾鞋魚生拼盤$188 ....都係食返真魚生啦🤣哈哈以素菜黎講都算整得出色 只係不太適合我口味*帶左蛋糕去 不收切餅費 5人 $910

素食已經成為潮流一部份。近年好多人都開始注重健康飲食，多菜少肉，甚至食素。所以素食餐廳、素食自助餐越黎越普及同受大眾歡迎，就算唔係食開素嘅人，都會去試。以前嘅素食比人感覺，好淡，好dry, 同冇咩選擇咁。而家真係唔同曬，款式多之餘仲好新穎。有啲直頭係你諗唔到嘅都有。唔講都唔知自己食緊素。講開素食我就幾鍾意，去大自然素食。一黎店舖位置方便就腳。荃灣、尖沙咀、銅鑼灣呢三間去得比較多。二黎款式多又好味。每次食完都好回味。

屋企人係食肉獸，係時候清下腸胃，一聽到要食素，個個皺晒眉，威迫利誘下，屋企人去大自然獻出第一次訂左閒日夜晚7點，唔算多人，但去到8點差唔多滿座屋企人早到，前菜留左幾塊青瓜比我菜式有好多款，選擇困難症又發作，一邊諗一邊點菜，職員好有耐性，服務態度非常好，抵讚蜜汁叉燒色澤紅潤，咬落去啖啖肉，仿肉既口感完全唔似食齋，荷葉包似台灣刈包，清淡鬆軟，配上幾片青瓜，減去油膩感。用荷葉包將叉燒、青瓜夾埋一齊，超級好食！由左至右是士多啤梨骨、秘製沙拉骨、九製陳皮骨，一次食齊三款口味。賣相吸引，色彩奪目，配上香甜既士多啤梨、帶酸既陳皮、美味既菠蘿粟米，果然係招牌菜！ 芋頭魚非常鬆化，芋蓉札實，唔會一夾就散，係素食必點菜式之一芋蓉味濃，蔬菜有西蘭花、花椰菜、椰菜、小棠菜、三色椒、薯仔等，既高纖又抗癌。呢到要特別讚下，薯仔煮到好淋好入味，係我鐘意既口感，全部比我食曬伊麵從來同「健康」沾不上邊，油分極高，見隔離枱叫左，屋企人又想食。用三色椒、椰菜代替肉類，用炆取代炒，無甘油淋淋，算係「健康版伊麵」出面好少地方有賣腰果露，熱辣辣好香滑，唔會過甜，既養顏又排毒，健康人士都可以安心進食屋企人由耍手擰頭變成豎起手指公，

近年興起素食熱潮，經親戚介紹下，嘗試大自然素食中午時段到荃灣分店，無需訂座店內的落地玻璃，令室內光線充足入座後，職員送來前菜，有翠玉瓜、木耳……親戚極力推薦九製陳皮骨，果然好食！！陳皮骨上佈滿酸梅粉，附有生菜，全碟顏色鮮豔，十分吸睛猴頭菇爽口彈牙，不但賣相，甚至連質感同肉類相似，廚師值得一讚酸梅粉酸味味，好開胃，配飯一流另外叫左8隻籠仔菜肉蒸餃，餡料豐富，十分飽肚絕對會再來的素食餐廳

十分滿分, 是次用餐經驗分數為六分吃得多不健康的食物, 總是會想起大自然! 今天就和朋友來吃一下, 不過還是要排隊一下下~每次來, 我都會點這個湯, 因為真的很清甜很滋潤, 材料又很多, 味道超級棒的牛油果多士也是我必點的前菜之一, 酥酥的, 很重牛油果味, 吃完真的會上癮哈哈這個煎餃就有點失望了, 因為外皮煎得太硬了, 難咬, 而餡也不太好吃, 不怎麼推薦平常吃中菜, 我都很愛吃片皮鴨, 但素的話我就一次都沒有吃過, 所以這次來試試看,  但真的也沒想過是這麼的難吃, 不管是皮, 還是素鴨, 或是醬料, 都很難吃...還蠻失望的, 連友人都覺得難吃 最後, 就一起吃這個面了, 雖然有點油, 但整體也還不錯

👵🏼同👴🏻偶然都會想食健康啲，今日去咗荃灣食素菜。我哋見到佢今日推介蜜汁叉燒。好想知道佢點樣將叉燒嘅香味用素食材做出嚟，所以就叫咗蜜汁叉燒。佢嚟到嘅時候原來仲跟四塊香軟架包，俾你包住啲叉燒同青瓜食，食落去軟軟的，甜甜地咁，有少少肉架口感，其實都幾似食緊真正嘅肉。我哋仲點左雲吞，好大嘅一鍋，足夠四個人份量。見到佢今日推介一個牛油果焗多士，又係超大塊。不過味道就麻麻。