大自然素食

Open Now

Now Closed

今晚原本約了朋友食西餐點知無預訂無位，雖然有點失望不過算啦！錯有錯著結果幫襯了隔離一間大自然素食，素食我卻之不恭，非常贊成👍旺角分店我經常去，荃灣這間都是第一次感覺不錯，高雅潔淨還有落地玻璃窗位，非常開揚舒適！今晚我們點了二人餐，餐湯是黃耳蛋白燴翅，黃耳營養價值高又爽口，加了蛋白更添清香，最盞鬼係個湯幾有翅味喎生煎菜肉餃子煎餃不太多油不過餃子皮比較硬影響口感。幾可亂真的三文魚刺身，好很定不是多自挪威，但口感絕不遜色，凍食一流西檸素雞酸甜可口素肉口感都像真，這道菜我十分喜歡😘尖椒我朋友至愛，在下就小吃味道還不錯，尖椒不辣醒胃。

因為病左不可以亂吃東西結果去吃素進想以後完全不覺得是吃素因為餐牌裡都是肉的名字今日同男友兩個吃了三款1.皮蛋豬潤粥這個蠻好吃的可是我忘了會有很多薑每一口都是薑味大家可以留意一下2.蒸菜肉餃這個我最愛雖然表面乾乾的可是有豉油點一下很好吃3.片皮鴨給我們的皮有點少肉會比較乾大家注要每一款都是素喔我第一次來都被騙了因為做得蠻真的

三隻字 差 差同差 食物差 態度差 服務差 同佢講仲要發皮氣 唔會再黎 之後全程被黑面 事源只係問佢可唔可以轉枱因為太細唔夠位放啲嘢食 溫馨提示 裡面係冇野飲 (餐牌有) 問佢有冇可樂佢話我哋冇賣架 之後問佢咁橙汁同椰青有冇佢又話冇 咁下一句緊係問咁有咩 佢竟然答全部都冇賣 咁我再問冇賣咁寫係餐牌度做乜佢同我講係咁架啦即時着咗去呢度食要諗清楚自己係頂得住唔反枱

今日再次到訪大自然素食，仍然係下午茶時段光顧，都係依舊因為覺得佢下午茶有五折嘅折扣好抵食啦今日點左蜜汁叉燒王，同埋芝士海鮮焗飯。蜜汁叉燒王份量都算唔少架，而且佢嘅外貌做得真係同真嘅叉燒非常相似，蜜味都算重敗筆嘅就係佢嘅質感，第一啖咬入口嘅時候，覺得自己係食緊一舊好肥好油嘅叉燒如果佢可以做到半肥瘦，咁就更加好啦。芝士海鮮焗飯與其話佢係芝士海鮮焗飯，我諗不如叫佢做白汁海鮮焗飯會更加貼題芝士味唔算突出，反而食到明顯嘅白汁味。焗飯裏面嘅海鮮有帶子蝦同埋魚，外貌上的確係同真嘅海鮮相當相似但係呢三種海鮮咬落去嘅口感係一致，無分別，係爽口彈牙。就呢兩個餸菜來講，我覺得當中嘅伴碟菜係非常抵讚因為一般嘅伴碟蔬菜俾人嘅感覺都真係只係伴碟，得個伴字，並不是秀色可餐。但係呢度嘅伴碟蔬菜，食得出係非常新鮮，而且翠綠，令人開胃，抵讚。

這個食店已成為我家人每月必到的飯堂，皆因它是非一般的傳統素食館，清新得來也有一些fushion元素加入，今天點了一個煎餃子小吃，再order一個招牌咕嚕肉和紅燒豆腐煲，湯羹要了一個竹笙燴翅，店員更介紹一個南瓜焗飯。先說煎餃子，餃子皮薄得來又有咬口很清新的。餡料十足，至於咕嚕肉酸甜適中，也不會像傳統素食館般太多獻汁，豆腐煲端出來熱熱辣辣認真和味，至於侍應介紹的那個南瓜焗飯，真是冇介紹錯，每粒飯伴着南瓜吃味道是出奇的配合，整體這個午餐是很滿意，而且食店環境和服務也不錯。

大自然素食嘅下午茶其實都算好抵食，就算我唔揀下午茶餐，單點佢Menu入面嘅餸菜都可以享有半價優惠今日我地就選擇咗要芋蓉豬扒焗飯同埋燒汁雜菌焗牛仔肉，再加3塊牛油果法式焗多士。牛油果法式焗多士今日嘅上菜速度比平時慢，大概等左15分鐘左右先至有一碟餸上枱—牛油果法式焗多士。多士上枱嘅時候仲係好熱而且入口好香脆，牛油果醬上面仲有芝士，雖然話芝士係濃味嘅食物，但係就今次並無搶走牛油果嘅香味，唔錯芋蓉豬扒焗飯其實呢個芋蓉焗豬扒飯已經唔係第一次食，之前都覺得OK，幾好味，但係今次就覺得相當失望。首先碟飯上枱嘅presentation已經好差好似就係嚟左一pat燶左嘅醬咁。蛋炒飯都仲食到有鑊氣，但可惜係淡而無味，芋蓉亦都唔夠芋頭味，好失望還好佢嘅豬扒質素並冇走樣，仍然係有真豬扒嘅質感存在，伴碟嘅西蘭花亦都夠新鮮。燒汁雜菌焗牛仔肉牛仔肉份量少得可憐青紅黃椒份量偏多，雜菌相對之下就比較少，我諗呢碟餸應該叫做三椒焗牛仔肉比較適合？但係當中嘅筍就為呢碟餸搶返唔少分，筍食得出好新鮮，多汁，呢個要讚。講真要我正價嚟食晚餐嘅話，我會覺得好唔值，如果唔係佢下午茶有半價，我都唔會嚟食嘅。最後仲想講下鋪頭嘅通風系統真好

之前都食過六至七次大自然，覺得餸菜嘅款式都多選擇，而且份量好夠👍🏻今晚同男朋友兩個人叫左四個dish，十分飽😅頭盤order左炸蝦沙律，賣相似多春魚😅，味道麻麻而且沙律醬也比較多。其實之前曾經試過吉列豬扒沙律，係好好味嫁，可惜menu已經冇左👀主菜Order左牛肉蘆筍卷同埋沙嗲粉絲鰻魚煲，兩款都好好味👍🏻牛肉蘆筍卷幾乎係我次次都encore嘅餸菜！鰻魚煲內有菠蘿粒金菇鰻魚，雖然沙嗲汁比較濃味，但也唔會漏👍🏻我有order了一個鴛鴦炒飯，番茄雞絲比白汁好味。不錯！最後店員更送上糖水，不過因為太飽了食唔落，所以叫佢收返，唔好浪費😅

近年初一十五都茹素的我，是第一次光顧這間素餐廳！雖然適逢齋期，但一天前訂台都尚有位，真幸運。不過就算準時到，都要等了15-20分鐘位，我明白真的無辨法，齋期嘛！𣎴要緊，看一看菜單先，真的好適合我們這些齋口不齋心的人，仿肉、海鮮等，十分有新鮮感！我們三人點了: 雞絲粉皮 -撈花生醬，又涼浸浸，好消暑！牛蒡絲 -不錯，口感太爽脆！三文魚刺身 -口感帶點爽口不太似真，但創意分、豉油Wasabi贏左！炸淮山 -薯條口味，正！芋頭魚牛肉露荀卷 -個汁偏濃，不太喜歡！以上六樣貌相好，味道好！一定會再幫襯！

最近吃得有點膩, 自然諗起素食喇。這天中午來到大自然素食, 第一次來這店進餐, 店內環境不錯, 坐得闊落舒適。午市有粉麵飯單人套餐, 亦有 2/4/6 位自選套餐。眼見旁邊的飯麵份量頗多, 我們四女兩男共點選了 1 客飯餐及 4 人自選套餐!單點飯餐我們選了欖菜肉鬆菜粒炒飯 ($44), 承送一客中湯。炒飯堆得高高的, 夠我們 6 人分吃, 飯粒炒得夠乾身又唔硬, 粒粒分明, 配上雜菜粒及欖菜, 好味! 而 4 人套餐 ($368)中, 前菜點選了台式涼拌牛蒡絲, 牛蒡絲上灑上黑芝麻, 驟眼看像一碟白飯魚。牛蒡絲甜甜的又爽口, 雖然是前菜, 但份量都不少, 而且味道很好! 湯類選了竹笙四季燴翅, 這素翅對我來說, 基本跟真翅的口感和味道一模一樣, 加上環保的原故, 已很久沒有再吃魚翅, 這個燴翅唔會”傑撻撻”, 咸淡適中, 食客可自行落點醋伴吃。而小菜方面可選四款:XO 醬茄子魚柳煲 – 上菜時鍋內仍是滾住”bolubolu”的氣泡, 鍋內除了茄子及仿魚柳外, 還有三色椒及蔥條, 賣相討好! 魚柳切得大小均一, 吃下去很逼真, 應該是豆製的吧? 由於此菜式以 XO 醬製作, 非常惹味

今晚一行11人去食飯，慶祝母親節。已經幾日前訂枱，7黠半到都要等半個鐘頭先可以入去座。因地方 下載有bb車都不能進入 我們叫左沙律沙拉排骨，焗多士，福建炒飯，鰻魚飯，星洲炒米， 鹹蛋 炸四季豆，魚翅湯， 豆腐蒸蛋 ，芋頭魚。好味:多士，好脆; 沙律好好味,尤其是啲汁好正及好開胃一般: 魚翅湯好鹹;鹹蛋炸四季豆冇味;星洲炒米冇特別，好細碟;鰻魚飯好普通 沙律沙拉骨好普通,冇特別 ;芋頭魚還可以,好細條;福建炒飯還可以;因為好多人，服務都比較一般。

和男友來晚餐。男友食肉獸，吃後，竟常常提意要來。坐在窗邊，看夜景加很多分。牛油果多士只是9.8一塊很足料，男人連吞两塊，反而我鐘情木瓜沙律，也是9.8，可以任點，最後我點了两份，木瓜配上蟹柳很不錯。蛇羮，男友激讚，很像真，而我則覺和碗仔翅差不多。士多啤梨排骨，是猴頭姑，我覺得好像吃肥肉，頗油膩。整体中上。

每逢每個月嘅初一十五呢啲日子，個心都忽然虔誠起來，上個禮拜就自己一個去咗荃灣呢間嘅大自然素食食齋。呢間餐廳係下午茶時間仲有半價添，但係只係餐牌上散叫嗰啲先有半價，其他套餐就冇半價，不過咁樣都好抵食呀。因為一個人去食嘅關係，所以叫嘅份量唔算好多，叫咗兩件法式牛油果焗多士，同埋一碟燒汁露筍牛柳卷。先講講佢嗰塊法式牛油果焗多士，我覺得佢嘅料都算多，同埋多士一到咗就聞到好香，咬落去嗰塊多士度，好鬆軟同埋唔會好膩。至於佢碟燒汁蘆筍牛肉卷，個賣相都唔錯，但係食落去就覺得個蘆筍有少少涼左，去外面嗰塊「牛肉」，真係有一種牛嘅鮮味。今次先係食咗呢兩碟齋先，下次可以再喺初一十五時，再去試試佢其他嘅齋菜。

屋企人生日訂左枱慶生。。。首先八人枱同格離二人枱之間隔超近，基本上行過背住個手袋就撞倒二人枱塊面 冷氣嚴重不足，一邉食一邉流汗食物上碟幾快，不過全部都係個名改得好聽，不過味道有巨大進步空間例如：三文魚質感幾怪、鰻魚太多炸粉，感覺係中伏、金菇牛肉太甜，食落有啲奇怪、pizza認真麻麻，落左太多牛榜，感覺味道係樹皮overrode了pizza的味道 基本上每牒餸都係牛榜 。　完全唔會建議接受唔倒牛榜味嘅人嘗試

三文魚像上海年糕般淡味😶口感像蒟蒻沙拉骨味道和口感與真品無異👍🏻炸大腸做到腸的層次與口感確實可值得加分喔😆北京片皮鴨略油了點 有待改進呀😁松露炒飯太乾身😶松露味不足

今日朋友生日，佢發板簡左呢間大自然素食，佢係呢度既常客，不過今晚大家似乎唔係咁欣賞。我地叫左素三文魚，雞絲粉皮，沙拉骨，片皮鴨，黑松露牛油果炒飯。三文魚一共十片， 聽聞係蒟蒻， 做得幾真， 不過唔係幾好食 。雞絲粉皮 ，正正常常 ，冇乜特別 ，d醬比較少 。沙拉骨 沙拉骨像真度幾高，都幾好食，原本應該係 菇黎， 質感真係好似豬肉，全晚最受歡迎係呢碟。片皮鴨 真係好難食，個皮超級厚，又勁大塊，成塊薄餅咁，唔知咩事。舊肉做得唔似，鞋颯颯，除左甜醬味其他真係做得好差。賽螃蟹 冇乜味， 一啲都唔好食，食過最唔好食既賽螃蟹。黑松露牛油果炒飯原本好期待既，不過結果完全係好普通一碟炒飯。牛油果唔係好食到，黑松味係有但唔濃。不過都算炒得乾身。真係好麻麻。PS D餐具有少少污糟。