大自然素食

Open Now

Now Closed

今日中午2個人去用膳 ，應該60 分鐘左右，一個服務員拎住張單拍我枱話外面好多人等，其實我唔介意埋單即走，但唔好拍枱呀 ，我要求經理睇返CCTV 其實唔係想對呢個員工點樣，我哋香港仲唔爭氣多野做又發脾氣，冇生意又冇老闆投資 ，香港真係俾呢班態度差嘅人害死

平日下午茶三點至五點，雖然有下午茶餐牌，但佢話例湯已經送晒。見下午茶餐牌唔太吸引，同埋其實普通餐牌（例如炒飯炒米）半價後同下午茶價錢差唔多，就叫咗黑松露牛油果醬炒飯。好香黑松露味，夠鑊氣！但唔係好覺有牛油果醬，好大碟，最少都應該有兩碗半飯，晚餐都唔使食。堂食要加一同茶芥。

黑松露炒飯，飯粒粒分明,顆粒感十足,散發出一陣陣香濃的松露香氣,實在太誘人啦。佢配搭上富於層次感嘅惹味醬汁,每一口都令人欲罷不能。整體味道簡直是醇厚濃郁,而且每一粒飯都入味得恰到好處,真係令人欲罷不能。做為一道主菜,可以滿足不同人的口味,實在太出色啦。

家人安排了英雄宴在這餐廳享用，感謝職員很耐心解答我們的查問及安排訂枱！雖然餐廳地方不大，枱與枱之間比較迫，但是員工服務也很親切，每碟餸菜送到枱上也是熱辣辣的，每一道餸菜都有點驚喜，沒想過那麼美味，就算不是吃素的家人朋友，也很享受每一道齋菜，餸菜的份量也十分充足，最後的炒粉麵都吃不了需要打包，員工為我們分配入盒拿走。非常相信美味的食物能夠改變心情，我們本身帶着傷痛到這餐廳，用餐後竟然帶着滿足及喜悅離開🙏🏻

中秋節買外賣，唔知佢個出餐機制係點。大家都係17:20落單，人哋張單17:40做起，我張單就等足50分鐘18:10先攞得其實做唔切佢做乜唔提早停做外賣呢？搞到人哋等咁耐。啲服務仲要係好差，聽到好多食客都投訴啲侍應好串。有人問自己張單得未，但比個侍應用好粗魯嘅口吻彈返出去，完全無服務可言講真依家荃灣有唔少質素好嘅斋鋪，呢間嘅服務質素，即刻比下去價錢方面，呢間喺區內都接近最貴㗎啦！係咪要改吓啲質素呢？

✨素片皮鴨本身想嗌素刈包，點知個waiter聽錯😂🤣其實都幾似真片皮鴨喎，用皮夾住素鴨素醬嗰啲，包曬一齊食 就會比醬搶曬啲味。如果齋食塊素鴨，就等於食緊一塊鹹嘅麵筋，唔好預佢同真鴨肉咁🙈✨牛油果法式焗多士我不嬲都唔鍾意食avocado，因為又肥又難食🥑不過呢一款係牛油果蓉加素芝士，出奇地好食🤤💚甜甜地，好香，芝士熱起上嚟都識拉絲。而法式多士唔係好硬，外脆內軟，同🥑🧀幾夾！✨鮮茄肉醬焗意粉佢應該要叫芝士茄膏焗意粉😂😂一啲都唔肉醬的，只係裏面有少少齋肉碎同蘑菇。食落個意粉係甜，都幾香番茄味🍅意粉都有微微彈性🍝🍁✨香酥炸大腸呢個真係睇個人口味，在坐有個人好鍾意食佢，但係我食咗一舊就冇再食😂唔識欣賞😂😂就係好普通嘅炸麵筋，係炸得幾酥脆嘅～✨水東芥菜釀豆腐煲。係幾清熱嘅感覺嘅，豆腐冇咩調味，偏硬啦 應該煮咗好耐。芥菜唔苦嘅，呢煲落勁多黑椒㗎，可能想遮芥菜本身嘅苦味？啲湯好清甜咖，如果落少啲黑椒就完美！✨糖水：咋喳我最鍾意呢間嘅糖水系列，幾專業😂🙈呢碗好多豆，紅豆啊黑豆啊。✨(p.8)素芝士我都幾鍾意，其實芝士薄pizza都好正，同嗰個牛油果包一樣 識拉絲。

兩人去吃晚飯 一共 消費407元 點了4個主餐牌的菜 最貴是硬菜金沙南瓜蝦 分量很大可是金沙炸得实在太油腻太焦 好燶 所以不太想吃完打包拿走就算了沙窩菜膽雲吞翅 味道很一般 不太好吃 不太推荐 前菜三文魚🍣sashimi好好食口感逼真 最點讚 一定要來吃 避風塘一口脆豆腐十分之高質很好吃！ 十分抵吃！大自然素食是集团化经营的 、荃灣店缺點是：太細好逼 、裝修好普通老土無咩美感 、餐牌超級殘舊霉霉烂烂的 对食客第一印象不好 餐厅有必要改善。

店內面積比我想像中細， 因假天花關係，樓底比較低， 聲音回響好犀利，咁啱隔離有一台十幾人講野超大聲，加店內其他聲音，頓時恍惚在大排檔一樣，同枱人講嘢好困難先聽得清楚好嘈睇緊餐牌時有位熱心女員工不停建議半席套餐， 又話套餐嘅菜可以改自己想食嘅菜， 改改下其實套餐一半嘅野都改晒， 但仍然係套餐嘅價錢比我哋單叫貴一倍有多， 熱心女員工又再一次熱烈建議，最後決定單叫 食物陸陸續續上枱， 仲上咗一碟我哋冇叫嘅食物， 咁啱屋企人夾咗， 熱心女員工過嚟了解事件， 夾咗嗰碟我哋要啦，個碟係六十幾蚊。而我地想食個碟七十幾蚊，熱心女員工又建議我地要埋，即要付費。因未上菜，最後決定退回廚房。隨即著熱心女員工印返張點菜單，發現pizza冇左，佢話寫落單的紙仔唔清晰明明寫得好清楚，唔知點解佢睇錯和落錯單，因小朋友想食pizza,最後加返pizza食完，隔離枱嘈到食得唔舒服，賣單走人啦，點知張單又有問題Pizza 和退回的食物在帳單上，又問我係米要void左碟退的食物我唔明冇食過點解要俾錢嘅？？？茶位錢上又糾纏，最後個2歲唔收茶位。好煩，女員工由開始到走都係傾數冇咩事唔會再返黎食建議各位check電腦印的落單紙和

間唔中都要食下齋對自己個胃好啲，，今日去咗荃灣廣場大自然素食食飯，唔使等位就入佐去，第一次食呢間，我哋叫咗啲睇落比較有興趣嘅嘢食。法式牛油果焗多士🥑$15一件，最少要叫兩件，黎到時有啲嚇親，無諗過$15有咁大件，即刻覺得好抵，襯佢熱辣辣嗱嗱臨試一啖先，好好味，牛油果加芝士有拉絲效果，多士脆卜卜，加埋味道好夾鬆化芋化魚, 好耐之前有食過, 印象好深刻, 今次見到呢間都有, 無可能唔嗌, 都係用芋頭做既, 都幾逼真, 特別係個魚頭, 好熱辣辣, 小心辣親, 味道唔錯原本想嗌一款$30原盅黃耳素翅燉椰皇, 但無曬, 所以改呢款唔記得係咪叫陳皮白菊素蛇羹$38, 都足料幾好飲福建炒飯, 平時唔鍾意食太濕既飯, 不過朋友想食, 原來都可以接受, 偶爾都真係要跳出下舒適圈, 嘗試下平時唔會試既嘢鮮竹粒班腩豆腐煲, 份量好足啊, 鮮竹粒好紥寶大粒, 好食, 最後係食唔晒要打包的, 但一個外賣盒收$3, 個膠袋叫$2, 真係好貴

咖喱素羊肉薄餅；非常一般，試過可以唔使再試，冇辣味冇咖喱味汁太少素羊肉吸收唔到咖喱嘅味道，掛不了汁，所謂肉還肉，汁還汁，素玉非常乾身， 似肉乾，素肉乾只係煮過，煮之前沒有煎香過，什麼味都沒有未至於難食，但下次唔會再試，另外再講，油酥餅太厚身，有少少覺得un ，少少咬唔開冇酥皮味，酥皮層次沒有，口感麻麻本人喜歡食手抓餅油酥餅，所以要求高啲另外形狀會影響口感，呈現三角形，本身已經厚，厚上加厚，而且油酥面吸收唔到啲汁，因為酥皮層次唔夠

這個pizza 好好食，熱辣辣，多芝士，脆口，芝士濃香食落開胃🌱🌱薄軟餅底，一個pizza 可以切成8片，一般3-4日份量，以中式餐廳來說整得幾好，有誠意、$108都覺得抵食pizza 係食個最好食的素食店，被列入必食推介菜式🙏🙏

同行友人茹素，所以就來了這裡吃晚飯。我們3人點了以下菜式：原隻木瓜蟹籽沙律其實我不吃木瓜，哈哈。原隻賣相不錯，見到友人吃得津津有味，應該不俗。原盅黄耳素翅燉椰皇燉湯很清甜，有淡淡的椰香味，還有不少湯料，如黃耳、素翅，還可刮軟軟的椰肉來吃，可謂足料。千島荔茸香酥鴨菜名很香脆，與事實相符，芋頭的香味經炸後更香口，惹味之作。芋蓉豬扒焗飯芋蓉經焗後味道更濃郁，配上炒飯很美味。豬扒是素食，不是真肉，但口感和肉分別不大。芋頭的力量太强大，吃一點點已經很飽肚。這裡的素食可謂齋口不齋心，肉食的朋友們想轉轉口味吃素菜，這裡可算是入門之地。

📍大自然素食荃灣大壩街4-30號荃灣廣場L4樓433號舖依家好多人講求健康，久不久就會去揾啲清淡少少嘅食物。今日我哋都來試一試呢間餐廳先，先來一客例湯紅蘿蔔粟米湯($38-HKD)，清甜。鮮竹銀杏湯浸翡翠苗($98-HKD)，勝在份量夠多，足夠可幾人食，味道清淡少少。大紅乳豬件(跟自製掛包) ($118-HKD)，個掛包幾好食，但乳豬件(大豆纖維)味道則一般。水東芥菜釀豆腐煲($98-HKD)，呢個煲有少少黑胡椒，豆腐好好味，是今晚味道最好的一道菜。兩人食，結賬共$418-HKD，算是貴了一點，但其實都足夠三至四人份量，那又差不多。

自從開始了主要食素後，荃灣廣場的大自然素食是我經常光顧的餐廳，性價比高而且餐單經常也會換，所以不會可以不停回頭。例湯：下午茶時段才$44-49，但還包了一個足料例湯。火鴨絲炆鴛鴦米粉：這道米粉是我最喜歡的主菜之一。米粉的口感很滑順，鴛鴦配搭也很特別。炆素鴨絲的肉質非常鮮嫩，配搭著熱騰騰的米粉，非常開胃。黑松露芝士鮮水蜜桃焗飯：這道焗飯是我在素食餐廳中吃過最好吃的一道！飯的口感非常軟糯，黑松露和芝士的味道完美地融合在一起，讓人吃得停不下來。鮮水蜜桃的加入也讓整道菜更加豐富多彩。整體來說，荃灣廣場大自然素食是一家非常值得推薦的素食餐廳，他們的食物質素非常高，而且價格實惠。如果您是素食愛好者，絕對不要錯過這裡！

今日工作關係途經荃灣廣場，又到了午飯的時間，進入商場看看裡面有什麼好食肆。見到這間叫大自然素食的素食館，由於近幾天因為去了燒烤和火鍋，食肉太多想轉一轉口味，所以今餐食個齋當作清吓腸胃。😅望進去見餐廳裏面都頗企理、整潔，於是進去坐下看看菜牌見食物價錢亦經濟。點了一個套餐 :印尼黃薑海鮮炒飯，跟兩串仿肉的串燒，並有例湯奉送，另外加多一個炸素🐙墨魚餅。🥗炒飯賣相就十分好，素海鮮粒和串燒的像真度很高，單看外表彷似真海鮮和牛肉一樣👍;但不足的是飯底不是即炒的，倒有點像剛煮熟了的飯，再把黃薑粉和素海鮮粒等加入攪拌似的、而且飯粒又煮得有點過稔欠咬口感。兩串燒的味道亦調味得像真牛肉一樣。💪例湯雖然是奉送的青紅蘿蔔湯，但飲落有湯味火喉易足夠值得一讚。😋總括今餐食肄的環境舒適，明亮、整潔而且價錢又合理，如果想一嚐素食的朋友，亦是一個不錯的選擇。