賀喜 (雲疊花園商場) (Closed)

今日去咗大圍雲疊花園地下食飯，大圍站行幾分鐘， 隆亨對面，食日本菜。只係7點左右， 都已經好full。壽司bar 前面有個手寫餐牌。今日試吓鯛魚刺身，雖然半條唔係好多，得七片，但好鮮好甜。之後仲攞咗條骨嚟整鯛魚湯，入邊仲有啲菇同豆腐，好味，滾左唔係好耐，但都好有魚味。炒雞腎，啲蒜片好香，份量都好多。香草羊架，味道都可以。軟殼蟹飯卷，軟殼蟹都幾脆，入邊啲牛油果都好味。另外仲叫咗個雜錦刺身，一共有七款，和牛，三文魚，吞拿魚，蝦等等個海膽好大片， 好味。牛油果沙律， 牛油果岩岩好， 唔會太生或太熟。好味道。

有事要去大圍一趟，朋友介紹我嚟呢間日式小店食飯，雖然地方有啲偏僻，但都不枉此行🤤刺身方面，點咗日本池魚 $158、油甘魚 (半份) $45、日本帶子 $52、活赤貝 $60，一上枱時，友人同我都嚇一跳，個池魚真係好吸睛👀 而且仲有個醬汁係專for池魚點嘅，入面有薑蓉，同池魚超搭！各款刺身都好新鮮，其中我特別鍾意活赤貝，好爽口、鮮甜！我同友人各叫咗個軟殼蟹牛油果手卷 各$30 軟殼蟹酥脆，牛油果夠熟夠淋🥑 可惜紫菜有啲淋淋哋，扣少少分。食完手卷，頭先嘅池魚又返嚟探我哋了，不過已經面目全非，被人炸咗😂 炸完嘅口感好正，好似小老闆😂😂 松葉蟹膏蟹肉炒飯 $138 蟹味出，亦都好足料，每啖都食到蟹嘅味道，幾正👍🏻田樂燒茄子 $78 呢個我都係第一次食，評論唔到夠唔夠地道，上網翻查咗資料，田樂醬大致係由蛋黃、味增、糖製成，食落對我嚟講都幾濃味吓，建議不重口味嘅朋友諗過先叫😂燒河豚乾 $48 呢個係我同友人都幾鍾意食嘅燒物，好有咬口，食吓又一條，食吓又一條🤤需加一服務費，埋單2人約$700。如果你鍾意睇我嘅食評，不妨關注我，支持吓我，謝謝你☺️💕

約左屋企人食飯，喺大圍放工，就揀左呢間。行到入去，睇食評，先開始擔心。Anyway,照叫啲試下啦，點知喜出望外!!!!要寫下幫佢平反🤪🤪首先，叫左啲魚生食油甘魚好爽口，有鮮味!!(通常喺香港食的沒呢個質素!)三文魚腩好肥美拖羅入口即溶牡丹蝦鮮甜🤤🤤🤤之後侍應幫我們拎左2隻牡丹蝦頭去脆炸我第一次咁食就愛上！調味調得好好，好似食薯片咁，蝦膏也好多！😍😍😍之後我們越點越多！首先有招牌卷，鐘意個組合，有鰻魚有牛油果有蟹籽沙律，出奇地夾！🤩🤩海膽鮮美！牛油果份量夠多！手卷的飯比例Perfect!!串燒日本辣椒仔就幾特別鐘意呢個鹽燒豬腩肉！食落一啲都唔覺肥，好爽口，屋企人覺得係日本豬🐷天婦羅質素一樣高！尤其係蝦，好少食到天婦羅蝦係咁鮮，好有蝦味蕃薯夠甜！仲有鹽燒油甘魚胶！燒得來可以肉身嫩滑，一啲都唔乾身，好好食！

有個朋友咁啱新居入伙所以入咗大圍搵佢，諗住想食下日本菜，就去咗呢間係商場地舖下既賀喜日本餐廳。一入到去望落餐廳環境都乾淨簡潔，而且有開放式刺身枱，感覺都幾舒服。而且店員都好友善，我地問下有咩好推介，佢地都上前詳細咁介紹d菜式比我地。我地總共叫左五樣菜，分別係「刺身縞鰺魚半份」，「刺身吞拿魚腩半份」，「刺身生蠔」，「鹽燒鯖魚燒」，同埋「冷稻庭手打烏冬」。1.半份縞鰺魚($148)刺身魚我地就叫咗半份，縞鰺魚配左兩款醬汁比我地，魚片外表晶瑩剔透，質感比較爽口，本身就有淡淡嘅魚鮮味，點埋個酸酸地醬就更加帶出到魚既爽口彈牙既質感，少少清甜。2.半份吞拿魚腩($158)而吞拿魚腩共有厚切魚腩兩片，脂肪分佈十分均勻，初初望落會驚太多油脂會覺好膩，點知放入口就發現唔會太油膩，一入口即溶，嘩，味道鮮甜，感覺到係好新鮮既魚腩黎。3.兩隻生蠔($136)生蠔亦都十分新鮮，店員係我地order左之後先即刻開生蠔上碟，即叫即開，相當新鮮，而且生蠔肉大大隻，聞落去冇腥味，食落去有淡淡既海水味，加少少檸檬汁鮮味更出啊！4.鹽燒鯖魚($55)燒物方面，我地叫咗鹽燒鯖魚。一上菜就聞到好香既燒魚味，鯖魚表面煎很非常脆皮

今日帶朋友去大圍車公廟參觀，跟住行了大圍火車站附近，經過見到賀喜日本嘅餐廳，朋友十分喜歡日本餐。 在門口看到餐牌不算夠，入到餐廳見到不大，只得大概八張枱，另有一個sushi bar。 我們叫了半條鯛魚刺身丶吞拿魚刺身丶油甘魚刺身丶日本帶子丶縞參魚刺生及深海牡丹蝦，刺身非常新鮮而且更是厚切，吃得很滋味。 另外食完刺身之後，可以另外加錢將新魚魚骨放入味噌湯煮，煮出非常濃郁魚骨湯。 另外也叫了賀喜招牌卷及鹽燒三文魚頭，兩款也做得非常出色。

嚟到朋友屋企樓下食個晚飯，佢帶路話食日本野。一入門口就見好多人食串燒，八成滿坐。刺身帶子好新鮮，一開二，有兩大粒！有檸檬配合添鮮。油甘魚厚身地大三角形size，好實淨！甜蝦好拖長既甜度，冰凍！吞拿魚有著深紅色既牛肉樣子，唔會水水肉咁。三文魚三文魚厚切依加都當見，最緊要乾乾淨淨爽爽地口！壽司雕魚好少見，灸燒過比較乾爽同帶微香。北海道海膽無唔好既味道，食落去好飽滿juicy。三文魚就唔洗講啦，哈！魚籽卜卜聲，紫菜脆，無因為飯變濕林左，讚！八爪魚都常見，唔會有un！鰻魚燒汁夠甜一口魚肉，都幾肥美。牛油果天婦羅🍤卷甜蛋、蟹柳同蝦係由紫菜包係中心。最先食到既口感係卜卜籽，嘻嘻。松葉蟹腳天婦羅以為係秋葵，點知係綠辣椒。外脆內甜厚重蟹肉感覺好好。魚勝味醂魚乾燒得好甜甜，超軟咬到絲絲魚肉。20:00後開始有人排隊，小區好熱鬧。食滿350蚊送水果或甜品，滿500蚊有現金券送。今日係小丸子紅豆沙，小丸子好軟，紅豆沙甜左少少，但都ok！

原來大圍附近既村屋係咁有特色，有好多小店經過見到門面同餐牌，心思思想食日本菜，就黎試試-刺身都有好多選擇，店員話係由日本新鮮空運來-燒物😍😍-壽司-油甘魚好嫩滑，油香慢慢淡出口中🤭食完翻尋味！帶子都好鮮甜，值得一讚既係八爪魚平日好多餐廳既八爪魚食落好似擦子膠咁，而今次食既八爪魚係彈牙爽口既👍🏻👍🏻加拿大海膽係今次既刺身最愛，食完口內仲有好香濃既海膽味👅來個近鏡吧～～～-壽司連金目鯛都有，火炙燒出魚香三文魚好肥美厚肉，又嫩又鮮👅encore之選！仲有蟹腳壽司添🍣 肉質都係好嫩滑-牛舌燒得好香，又唔會過韌-燒腩肉食落有種燒肉既味道，但又唔會太膩-燒蠔配上芝士同沙律醬，無得輸蠔燒完都仲好大粒好有口感😚😚食得出餐廳既食材好新鮮，新鮮既食材唔需要太花巧既烹煮手法，簡單既製作已經帶得出當中既鮮味👍🏻👍🏻店鋪位置唔太多，有心食既朋友可以預先訂位⭐️口

雲疊花園商場地下有兩間日式餐廳並排，分別係賀喜同豬屋，豬屋當時只有兩枱客，而呢間就8、9成滿，所以揀左較有人氣嘅賀喜。點左兩個set lunch。鰻魚飯餐都幾多人嗌，真係幾唔錯。鰻魚燒到剛剛好，唔會太燶太乾，口感軟綿綿，油脂均勻，醬汁濃淡度適中米飯唔夠黏糯飯香，蛋絲亦冇相入面咁多，稍為遜色。蒸蛋都幾香，入面有菇、蟹柳，稍微淡返些少會更好。麵豉湯咸左啲。另一個餐跟兩件招牌卷，果然係招牌，完全冇名不副實！反卷入面有玉子、蟹柳、牛油果，上面舊鰻魚非常香濃，再配搭秘製調味粉，味道極夾！主菜係泡菜三文魚頭鍋。實物同張相差距甚大，期望有落差。泡菜放喺鍋面，同鍋入面嘅味道完全冇關；三文魚頭原來係白烚的，魚頭骨果幾件啲肉一係就睲睲地一係就冇味，因為係烚唔係烤，魚骨魚皮林bat bat似肥膏，冇食到；什菜款都算多，冇咩特別。

本身一心諗住食嗰間cafe，點知是日東主有喜冇開，就喺附近搵間餐廳食。見到呢間日本料理個樣門面好似唔錯，就入咗去。入咗去之後睇一睇openrice食評，原來都幾多負評，心諗唔通中伏午餐選擇都好多， 而且價錢唔貴。我就揀咗大和壽司定食， 定食配蒸蛋及烏冬。壽司全部都好肥美新鮮， 真係唔錯，對得住呢個價錢。 心諗好彩冇中伏同埋啲食物質素都真係唔錯喎 。 不過蒸蛋我個人就覺得一般，味道比較重菇味，唔同平時d蒸蛋有雞湯味。烏冬係稻庭烏冬，所以幾好味。但係個豬骨湯底就比較似味精湯底，所以我覺得一般。我哋仲叫咗賀喜日替便當，呢個便當食物種類都算多：有牛油果卷三件、兩片帶子、兩片三文魚，都係厚切同新鮮。卷物同刺身唔錯，但係熟食雞扒就比較鞋同埋味道麻麻，炒雜菜正常。呢個價錢嚟講我覺得可以接受，刺身係幾好味，但係熟食就唔建議叫

住左年幾都未試過天氣又凍諗住一家人試下，點知中晒伏，出品慢不停等以經算，第一樣野嚟碟三文魚壽司先，小朋友一咬就問點解片魚熱d飯冰凍既。。。。心諗梗唔通特色野，我一食立即殘念。。。。d壽司飯又硬又乾好似飯焦咁瀨野，之後嚟份天婦羅，視覺效果一流，十蚊三件咁款，一食仲要成口油不突止，仲要超勁油‘益’味，同個樓面講佢居然答。哦。 我都o晒咀，諗住叫碗拉麵穩陣啦，點知仲伏，天氣凍d湯唔熱都算“自我安慰” 個拉麵居然仲未完全散開，仲有一舊舊痴埋，大佬呀咩料子呀究竟，唔知以為食梗25蚊雲吞麵，重點係個樓面阿姐塊面口呢簡直極品，雖然三人未飽，但唔敢再試，心諗我哋又無催單係除左問左句點解個炸野咁勁油益味只係回我一個。哦。字之外，都無正式開聲炸型丫，點解d手法咁趕客咁款，唔想做生意入門口前就叫人唔好入去食走啦，不過有一樣野係不得不讚，埋單快到呢，找錢錢都未拎完以經掃場咁款清枱，唔知以為門口仲有成村人等位，全場仲有勁勁多枱囉，呢間極品真係不敢再試😣😣😣

成日聽啲人講話田心村有好食嘅日本野返工黎開呢頭今日專程嚟試吓小店系列鋪頭十二點鐘先開地方唔大坐埋得七八枱客我都算早到但係已經有一枱客人坐咗響度餐牌餐牌餐牌餐牌午市食品種類唔算多以刺身定食為主冇鍋類食物北海道刺身定食有五種刺身帶子好細粒同放題個d冇分別白色嗰隻魚唔知係乜嘢魚食落有陣泥味個人唔係好接受到啲八爪魚切到凹凹凸凸賣相奇差睇嚟個師傅應該要磨吓把刺身刀最令人失望嘅係個茶碗蒸聞落有陣味有機會係變壞左輕輕力咁匹黎食蛋同埋高湯已經分離晒希望呢次係單一事件不過價錢同質素都好一般我應該唔會再試

貴都唔緊要，其實嘢食好都OK，但最重要是態度差到離晒譜，裏面有女waiter，永世黑口黑面，好似得罪咗佢咁，大佬我來俾錢幫襯，你咁黑口黑面，啲嘢好食都無用，這餐廳再永不幫襯。

9:30pm到, 入黎冇人招呼, 自己坐低...落單, 叫邊樣冇邊樣, 飲品2隻都冇貨, 逼住叫其他...最後叫左海膽飯, 餃子拉麪同汽水...成碗飯食完, 個餃子拉麪45分鐘都未黎,追單啦... 佢話整緊, 點知隔一陣話廚房師傅新手, 打瀉埋唯一碗麪... 問我地仲叫唔叫其他, 等左45分鐘淨係為左一碗麪都冇埋...攪到朋友冇野食, 仲要埋單已經10點半, D餐廳都關門, 真係比佢累死!我唔明已經咁差係咪要補償下? 識做嘅免返枝汽水條氣都順D...最後一個海膽飯加枝汽水咁就盛惠$205!呢間野冇回頭, 食完背脊骨落...

到大圍辦點事，路過雲疊花園，見到這裡有間日本餐廳，於是進去試試。午餐價錢不算太貴，大概是六十多元至一百元左右。餐牌有很多選擇，從A餐到M餐，大多數都是定食、壽司和魚生。由於不太想吃米飯，於是選擇了這個安格斯牛肉烏冬/拉麵餐。這個M餐包括一碗安格斯牛肉烏冬/拉麵、一份燉蛋、兩件壽司。按我們女生的食量來說，算是非常飽了。我選擇了烏冬，貪它沒那麼油膩感。先來的是壽司，壽司比我想像中大件，原以為是直徑一吋左右的手握壽司，想不到店家供應的是近兩吋的壽司，而且內容用的是青瓜和玉子，非常清新的感覺。接著上場的是燉蛋，燉蛋來到時還是熱呼呼的，蛋身都很嫩滑。吃下去才發現，燉蛋裡居然藏著很塊瘦肉粒，而且瘦肉跟燉蛋是同樣的嫩滑，好吸引。 最後登場的是安格斯牛肉烏冬。牛肉是切薄片的，上菜的時候還不是全熟，浸在熱熱的湯底裡，半生熟掌握得恰到好處。烏冬跟牛肉的份量比例不錯，牛肉量不會顯得太少。值得一讚的是，店員經常會為顧客添茶，這點令人感覺窩心。

我第一次咁俾心機打一篇唔好ge評論.首先營業寫住收2300，我2145入去. 10分鐘後已經點野食，但服務員已經開始收執，似係準備關門. 然後，鋪頭播緊韓文落club feel ge歌....呢個係我最不解ge事.我點左一個F餐 （$158）-刺身盛+迷你三文魚炒飯，一個壽喜燒鍋餐（$78），同埋兩件炙燒帶子壽司（$24 x 2)呢間餐廳，除左刺身係可接受之外，其他要煮ge野食都真係好難接受.首先講壽喜燒鍋餐，竟然冇配飯！！！！都算，隻雞蛋竟然係已經落左鍋上檯🙈話明壽喜燒，我估唔到佢成鍋湯咁上，7成你水，4件細牛肉，同埋好多娃娃菜，一舊粟米.咁只係吉野家牛肉火鍋咋，仲要吉野家平d同多好多料！拜託，唔好以為有雞蛋就係壽喜燒！刺身都還好啦，三文魚腩都算幾好食.兩件帶子壽司都唔錯,因為唔駛煮呀嘛！但果個三文魚炒飯，淨係食到雜豆炒飯，三文魚呢，三文魚係邊呀！d飯仲要一舊舊....我食都唔係食左好耐，知大家要收工，2240都已經埋單，我一出門，燈熄，落閘，所有人走哂....辛苦大家，埋單$310，收左加一服務費...個服務係邊呀，唔見ge!