嘉樂冰廳 (U PLACE) (Closed)

Lunch time同同事去食晏，早左10分鐘排隊，大約1點入得，門口都仲有人龍。個落單App就比較複雜，諗好食咩都浪費左10分鐘去㩒🥲同埋本身想懶係懷舊叫個懷舊油渣銀針粉，點知落完單一陣先話無😢食物都等得比較耐，要預20分鐘先有意粉，西多士黎要30分鐘🙉冰室黎講食物質素都算唔錯，個西多士唔會太油又有蛋香味😋加埋阿華田脆脆，都幾好味😋滑蛋黑椒叉燒燴意粉，個意粉其實無燴到，只係炒滑蛋加叉燒鋪面。叉燒係超級蜜汁的～另外我想加杯凍奶茶，搵左好耐，先係西冷紅茶🤣又學多樣野🙉裝修黎講都算用心，枱、地板同啲裝飾都走懷舊風，新開好乾淨，又坐得舒服。不過始終係lunch time 大家都等住食完返工，真係要加快出餐時間！🔸 脆爆華田西多士🔸 酥炸鮮蝦雲吞🔸 滑蛋黑椒叉燒燴意粉🔸西冷紅茶

媽媽今日約咗朋友去土瓜灣飲茶。咁我當然車佢去啦。順便同家姐去搵吓食，泊低架車行咗去呢間家樂冰室，見裝修得幾特別、幾舒服，就人去試吓啦。等咗大約10分鐘有位，座位相隔寬闊、幾舒服，裝修幾靚。睇完餐牌正打算落單，夥計話要自己用QR code電話落單，是但啦，咪照做囉。落完單之後，等咗幾分鐘伙記走來已經走過來話蕃茄濃湯賣晒啦。吓！？咁奇怪常餐仲有蕃茄濃湯吉列豬扒面，反而早餐已經賣晒蕃茄濃湯。唔緊要啦，咪改清湯囉！食物好快嚟到啦，炒蛋正常、多士正常香脆，塊豬扒都幾大塊，清湯公仔麵湯偏淡，加番啲胡椒粉先夠味。反而塊豬扒幾好食，醃得入味，份量又夠。檸檬茶中規中矩，特別係可以選擇龍啲淡啲，再講下服務，叫伙記哥哥要杯水，但係好耐都冇攞嚟，好明顯係唔記得咗。食完野去個洗手間，返嚟家姐話隔離枱嗰啲人等咗好耐都未有嘢食呀。再望望係喎真係喎，明明係同我哋差唔多入嚟我都食完去完廁所，嗰啲嘢都未到。眼見前後都有三台客因為嘢食未到走咗。咁我哋真係好彩，啲嘢食咁快就到。

今日經開附近見佢新開張無人排隊就即刻試下本身係各大群組既評價係讚不絕口所以故此住「應該好好食」既心態入去唔知係咪人手不足關係，即使入面好多空位+我一個人入去都要等一陣先入得坐低就叫我自己掃QR Code落單但土瓜灣+個附近其實好多老人家，QR code落單對佢地黎講就真係唔太friendly我叫既野食就係非常簡單：沙爹牛肉麵+炒蛋再比$3轉蘿蔔糕+熱央1. 沙爹牛肉麵d湯係黎到先倒落去，咁樣做幾好d麵唔會一黎到太淋牛肉我覺得都算多份量ok幾好食2. 炒蛋+比多3蚊既蘿蔔糕一黎到見到塊蘿蔔糕就係咁薄心諗真係慘過隔離唔洗加錢轉蘿蔔糕既大xx如果我知道呢塊蘿蔔糕要加3蚊，我會叫番一個厚佢唔知幾多倍既多士咁傳聞炒蛋係好好食但如圖所見係散灑同埋勁多水...我食到一半都真係食唔到落去其實我有同餐廳職員反映過佢地話係可能因為試業關係先係咁但唔係反而因為試業先要做得更加好咩？要唔要再比多次機會佢地我都真係要諗諗..

第一日開幕嘅嘉樂冰室朋友好耐以前就話要帶食佢一試難忙嘅超厚蛋三文治 但始終荃灣腳程太遠未有機會一試 終於等到佢第一間分店係土瓜灣今日開始正式營業 就狗衝過去試味離土瓜灣地鐵站好近 A出口5分鐘左右就到U Place 7點鐘去到唔洗等位就入得 門面超有懷舊氣氛 第一日好快就話好多嘢沽清 但好彩想食嘅嘢仲有得食超厚夠吋鹹牛肉滑蛋治 $33傳說中超級厚嘅蛋牛治 估唔到真係有高度係夠晒厚 對鍾情於茶記蛋牛治嘅人係恩物 一邊咬D蛋會一邊跌落隻碟度 的確係出面少見到咁厚身嘅滑蛋 33蚊完全係足料版大滿足火腿奄列 $35成隻碟咁大嘅奄列 比起出面普通茶記亦明顯落足料 由細到大都中意食火腿奄列嘅小妹成日會食到D唔足料嘅奄列 呢度嘅一定唔會令你失望 切開奄列會見到係火腿會瀉出嚟 而蛋亦都有適量嘅厚度 脆爆華田西多士 $39唔好睇佢一粒粒四方形 原來都好大粒好飽肚 每舊都好厚都有塊牛油舖面唔會驚唔夠搽另上一碟仔華田脆脆切開每舊西多 中間係會有層花生醬 足料 但略嫌唔夠軟身西米焗布甸 $19坊間食開通常有蓮蓉嘅蓮蓉西米焗布甸 佢呢個就冇 而係用紅豆同煉奶鋪喺上面好難得見到茶記有焗布甸食 可惜呢個就覺得唔夠甜

以前住荃灣成日都食嘉樂冰廳搬左去土瓜灣後都冇返過去食點知佢地係土瓜灣開左wor作為咁鐘意食茶記嘅我今日緊係去試下先 首先點餐時佢係scan code但個app亂到搵唔到想點嘅野食最後都係要人手落單點知撞正有訪問影相5點幾等野食都等左半個鐘先有野食乜嘉樂唔係食人情味要做到新舊交集嘅感覺我覺得完全唔ok感覺有小小高不成低不就 見到有室外坐位但又唔坐得叫左個超厚夠吋鹹牛肉滑蛋治烘底但個包嚟到已經濕曬仲有厚切豬扒麵佢20分鐘後同我講無麵得返通粉同意粉最後揀左意粉佢乾上個意粉無湯唯一一樣要讚嘅係有個後生仔waiter佢都有心幫我地將意粉加湯來回行左幾次不過應該廚房玩佢所以最後都好無奈無加湯佢EQ真係好高原本勁開心有嘉樂開係土瓜灣但依家食完真係勁失望完

食物質素同荃灣店有分別，味道不一樣，不知道甚麼關係，可能廚師的問題，環境地方不錯，只可以用電話點餐不夠清楚和餐牌的選項有分別，今日沒有豬扒及雞翼可以點，希望試業後會有進步。