咖啡園

Open Now

Now Closed

員工服務態度非常好👍🏻，食物種類不多，但每款食物在klook 買一送一這個價錢合格以上。包一杯飲品。海鮮有長腳蟹鮮蝦，蜆肉及青口。魚生有三文魚,希靈魚,吞拿魚,𩶘魚及壽司。另有煙三文魚，paraham,沙律吧 ，熱食有驚喜，是有片皮鴨。中西湯非常好，飲有蘑菇湯及赤小豆湯。另有廚師煮意大利粉，螺絲粉，西冷牛扒，豬肋骨。有蒸魚，牛腩，蔬菜，伊麵，排骨等。燒味有叉燒及白切雞，甜品有芝士蛋糕，焦糖燉蛋,tiramisu等。盒裝雪糕是Häagen-Dazs。有切粒生果。如果刺身是即切或在雪櫃夾取會更加新鮮，現在只是隔空放在冰上，如果夏天的時間這樣存放2.5 小時我相信除了初初放出嚟之後我未必會敢再夾，可增添點心更好。

之後九月就同朋友去左港麗酒店既自助餐咖啡園食飯咁港麗最出名就係個brunch自助餐名氣就相對差好多不過當時六個人就搵唔到咩大優惠但就見到咖啡園做緊買二送一岩岩好買兩份就可以湊到六個人價錢每三個人1756減左master卡滿900-100優惠就變成1646即係差唔多550蚊位已經係呢幾餐自助餐入面算貴些少既咖啡園自助晚餐既用餐時間係我去過全香港最少既由六點半去到九點半只得三個鐘但正價連加一都要成八百幾蚊位一樣可以係太古廣場中庭搭lift上到黎5樓轉左一入港麗酒店就係咖啡園今日平日星期四客量大概都只有六成左右中秋月份外面泳池都有個綠色大燈籠地方唔大見到佢地都個椅貼椅咁坐不過我地張六人檯就大過文華東方好多檯面有棧綠色方塊形狀既燈飾自助區同食早餐果時擺位一樣證明野食都一樣唔多比較細張有冰既凍檯就已經係擺左海鮮同甜品凍海鮮有五款其中兩款係龍蝦無麵包蟹雖然呢間自助餐質素整體都麻麻但龍蝦竟然係呢一年食過比較高質既白雪雪有甜味直頭係同港島香格里拉既cafe too一樣口感另外呢度係有生蠔既不過就同上面八樓brunch一樣都係行配給制每人只有兩隻都幾大隻咖啡園飲品係自助任fill有果汁汽水仲有啤酒比普通

提前食聖誕大餐, 因為係金鐘5星酒店, 所以價格都唔便宜, 兩大一細要2100蚊+港麗酒店的裝修好靚,  外面泳池都整了幾棵亮燈的聖誕樹, 影相一流.枱同櫈都大張, 坐得舒服侍應及廚師都面帶笑容, 好有禮貌, 收碟亦好快手, 食物方面凍盤的龍蝦及麵包蟹好高質, 肉檔的煎三文魚及燒牛扒亦好高質.熱盤的薯蓉, 千層寬條麵好食.麵檔有大蝦, 帶子, 喇沙湯底好香濃燒味檔的海南雞飯, 師傅仲會預熱雞件才切, 好貼心.外面仲有個燒烤區, 有腸仔, 雞翼, 菠蘿, 牛仔骨等.加上果汁, 汽水, 啤酒任飲, 小朋友最開心.中途仲送有 : 生蠔每人兩只, 煎帶子每人一只, 栗子撻每人一件, 仲有個即整的橙酒士多啤梨.但係, 食物區太細, 種類太少,  食得真係唔儘興.凍海鮮只有5款,  長腳蟹都無,  好失望.熱盤的選擇亦唔多,  行兩次已經無野再想拎. (所以我才食了海南雞飯加喇沙)刺身得幾款大路嘢, 見到都唔想拎.最差就係甜品區, 除了幾款雪糕杯, 三款蛋糕, 一盤切好的生果, 無了, 以前有的炒雪糕, 煎班戟, 即焗梳芙里, 烤芝士, 全部無晒, 連雪糕旁的彩糖, 朱古力碎, 餅仔全部都消失了.

金鐘三間酒店的自助餐唯獨Conrad未試過，今日同事聚餐前來，如果看到這裡，還在考考慮呢間Buffet是否值得一試？開門見山：建議不要前往，JW Marriot 和香格里拉會是更好的選擇。Lunch Buffet:💰468 per person (MON- THU)官網購買能有8折優惠，但性價比完全不值，首先生魚片並非現切，而且放在常溫環境，有的擺上半個鐘以上，衛生堪慮現切熱食區有牛肉和豬扒，但質素非常差，小試身手各拿一塊，食半口就器械投降。另外有叉燒、燒鵝，素質屬茶餐廳水平。海鮮區只有蟹腳稍稍算是會拿的食物，蟹腳偏瘦小，唯一比較豐富的區域是沙律區，配料選擇五花八門，各式水果、蝦仁、煙三文魚一應俱全，但菜葉不是很新鮮。甜點區是另一個讓人百思不解的地方，好多隻果蠅在附近飛翔，除賣相普通外口味也毫無驚喜，看到果蠅不斷飛翔完全沒有食慾整體而言，服務符合酒店水平，但硬體條件差，餐點選擇非常少，甚至少過旺角日式放題，質素口味稱不上美味，真有失Hilton的招牌，如果在金鐘找自助餐，另外兩間酒店一定會更讓你更滿載而歸

食品種類奇少，全部嘢食無味，粉麵飯就多，見啲人主要食龍蝦同長腳蟹，甜品得三四款，水果得一兜雜果撈埋，刺身都冇咁鮮味， BBQ得雞翼腸仔牛扒菠蘿，生蠔每人派兩隻，魚子醬放落熱辣辣嘅三文魚刺身上邊，都係限量每人一片，無啦啦8:15有個懶特別嘅甜品，都只係幾粒士多啤梨加劈cream。服務都唔見得好得去邊，侍應粗粗魯魯

個人覺得海鮮係新鮮嘅，波士頓龍蝦唔錯，每人送兩隻生蠔及一個鮑魚，任飲啤酒汽水係賣點，有Häagen-Dazs雪糕食，沙律就可以啦，蒸魚就真係細咗啲，大約一斤左右，燒味唔明點解冇切雞，但就掛咗起燒味個玻璃架度，只有燒鴨食，啲肉質就同街市買嘅燒臘舖差唔多，燒烤就真係唔太識欣賞，好柴！如果要食魚生就真係一件起兩件只，爭鮮好食好多！最後飲有杯咖啡飲及栗子撻作為最後嘅埋尾，算係不錯。不過下次再嚟，可能要諗真啲，都成七百幾蚊位。

20230811中午自助餐，食物種類少，差，好差！ 燒牛肉同豬鞍乾，魚生只得三文魚，吞那魚同希靈魚。雲吞餡料冇蝦…… 好彩有折扣都要＄450一位，嘥時間，嘥錢，浪費我寶貴時間！！！！！

選擇不多，但食物質素，環境及服務良好。我在KKday購買到買二送一，加上6歲以下小童免費，所以值得一試！叉燒多汁，燒鵝厚肉，車仔麵好食高街外個d,魚旦彈牙，中式糖水（紅棗龍眼肉）甜和夠濃味，甜品不錯，有雪糕。

完全吾係5星級酒店應該有既水準 8百幾食垃圾 海膽擺到出水 廉價魚生衰過爭鮮 龍蝦煮到太老 長腳蟹好似用鹽醃咁咸到乜 甜品選擇款式得4款 牛扒好似橡筋咁 自選拉麵完全係多魚 燒烤區全部嘢食都燒到黑蚊蚊 生蠔淨係人頭派兩隻仲要唔肥嘅 鮑魚就可圈可點 都係人頭一隻 最尾派嗰個甜品好似成支檸檬汁倒落去咁酸到喊 最好食係啲燒味同埋菜 佢現場有所謂嘅表演就係 整冧酒士多啤梨 好似飲緊牛油咁 忌廉冇味嘅 收八百幾蚊一個仲要計埋加一真係冇下次 旺角食放題可能仲好食過佢

openrice訂座 連埋個優惠 平均每人唔使五百蚊 可以喺星期日中午 食個休閒舒適自助餐 呢度樓底高 大堂形式嘅格局 座位寬闊 絕對唔會有擠迫嘅感覺 食物種類一般 未算太多選擇 但係都有一定水準海鮮 都係基本嘅生蝦 長腳蟹 青口 沒有龍蝦 生蠔麵包蟹等等 壽司刺身 簡單嘅吞拿魚 三文魚 刺身 少量嘅雜錦壽司 不算太特別 海南雞飯 上有水準 有燒牛肉 豬肋骨 亦相當不錯 印度咖哩選擇較少只得一款咖哩雞亦有一個粉麵檔雪糕有Haagen Dazs 雞蛋仔不錯 甜品水準一般 雖然未算特別 但味道不差 係唯一餐飲只係得每人一杯基本嘅奶茶咖啡 略為少一啲 海鮮都係基本嘅生蝦 長腳蟹 青口 沒有龍蝦 生蠔麵包蟹等等 整體嚟講 未算出色 但係勝在環境舒服 中規中矩

5星級港麗酒店㗎啡園環境已經無得輸，超高樓底完全無壓迫感，枱與枱之間都好闊落，感覺非常舒適。可能是晚客唔多，員工招呼周到。抵讚！海鮮吧有主打高質龍蝦，肉質好彈牙好新鮮。另有青口，鮮蝦蟹腳等等，食物新鮮，refill快。壽司，刺身，卷物全部都試食過一轉，質素很不錯。竟然有樽裝汽水啤酒任飲，十分驚喜。印象中加錢係可以任飲紅酒白酒。甜品款式雖然不多，但每一款都係高品質。其實後期先發現有Live Desset，師傅即場製作甜品給客人，呢個環節又一驚喜，值得大家期待。每位客人會有即開生蠔兩隻，海水味質新鮮肉質互相搭配，！自助餐區亦有戶外位置給大家選擇，配一個泳池境，一路進餐一路望住泳池境，十分Chill。（補充：戶外係有即叫即燒和牛，室內有熟盤燒味，全部值得一試）總結來講，食物質素高，refill快，員工招呼周到有禮貌，環境舒適，以呢個價錢來講無得輸，唯一係款式比較其他酒店無咁多，但我肯定款式同食物質素足夠大家吃得大滿足，本人會選擇貴精不貴多。

經flyday網上預約，星期一至四享用，自助晚餐有折扣（好似係七五折定八折）一早在網上全數付款 晚上6:30去到 餐廳內人數不多呢間餐廳主打係食環境食地區 內裏嘅座位不多同時佢可以享用戶外地方 不過當天落雨 戶外地方沒有開放 連原本戶外BBQ的廚師攤位，也搬咗入嚟餐廳內當天入咗會每人送兩隻生蠔， 一份煙燻三文魚，及一份柚子甜品， 跟一杯Haagen draz雪糕😵‍💫海鮮種類不太多 有龍蝦 青口 大蝦 蜆 刺身種類： 三文魚，吞拿魚 希靈魚 劍魚 滿心歡喜，以為可以食到龍蝦🦞 當第一次拎完兩邊之後 再出去望到只係得啲好細隻嘅龍蝦 職員已經冇再Refill刺身種類味道，正常冇咩特別BBQ烤肉 有燒牛肉 羊架 燒味有叉燒 海南雞飯飲品專區有果汁及汽水甚至青島 啤酒都可以任拎。 如果想飲紅酒就要另外加錢最值得encore嘅就係20:15 會有廚師表演煮甜品：士多啤梨羅曼諾夫士多啤梨充滿酒香 加上橙皮 ，上面再配搭奶油整體嚟講佢嘢食嘅選擇係好少 ，環境係好清靜成晚只有10台人客 如果純粹係想relax一下同朋友傾吓計坐下 ， 呢間餐廳就好適合職員十分有禮貌， 收拾碗碟很快 主動同我介紹個甜品士

自助餐擺放食物地方很細，如果餐廳坐滿人一定好擠迫。食物種類不多，味道同質素一般，我重點係食長腳蟹但就冇乜肉。魚生有四款，壽司都有五款，其中炸蝦壽司就幾好味。星期六lunch buffet，入座人數都不及1/3。以五百幾蚊嘅價錢，我以後應該唔會再幫襯。但因為少人，比較清靜，職員服務亦十分好。

很久沒吃自助餐了，因為吃自助餐不便宜，真是有高興事來慶祝一下。就趁早前「港麗酒店」新推出了「Hungry Tuesday」優惠，逢星期二12:00pm上線，遇到自助餐七折優惠，故今晚就來到「咖啡園」大嘆一頓自助餐。第一次來這裡，感覺非常之好，因為環境大分之大，樓底超高，極具空間感，而且，裝潢典雅舒服，讓人用餐稱心。另外，原來還有一處露天區，外出正正推出特色烤肉，一大座巨型燒烤爐，正烤着多款肉類，香氣四溢，十分吸引。這次自助餐主題是「海陸美饌尋味之旅」，由沙律、冷盤、海鮮、刺身、壽司、麵包、餐湯、燒味、中西式熱盤、即煮粉麵、烤肉、甜品……等等一應俱全，食物豐富，而且，每位客人更額外奉送生蠔、煎鵝肝、醉鮑魚等特色菜，又設即場甜品製作，還有飲品任飲，叫人吃得何其暢快。整晚不停地吃，慢慢地吃足三個多小時，所以，吃了很多東西，雖未能一一盡錄，有些還忘了拍照喔，但可以說食材高質素，烹煮有心思。雖然自助餐的收費不便宜，但折扣後仍感到划算，以此質素來衡量，也感到物有所值，加上招呼十分之好，服務非常到位！

通番關，好多人外遊，報復式消費，小弟一向自覺甚為理性，就算消費都唔會報復式，至多都只喺使多少少而已。亦唔會晌啲大節日外遊，成本貴嘛，寧願留港消費，支持吓本地商戶，趁復活節就食得豪少少，一於自助餐啦，夠盡興嘛！所以，是夜到訪「港麗酒店」嘅「咖啡園」，一次過品嚐多國滋味。貴為五星級酒店，環境當然好好啦，雖然餐廳晌地庫層，但跟大堂天花連成一體，所以，空間感超強大，裝修簡約得嚟好雅致，感覺非常舒服。而且，啲枱亦特別大張，擺滿成枱嘢都唔覺逼，招呼又熨貼，食物補充又足，可能今晚客唔算多，所以，唔會似有啲自助餐又要排長龍，又要搶咁款，晌度真喺食得自在。此外，餐廳有另一邊通道出去戶外區，其實出面喺酒店泳池加露天酒吧區，環境非常有氣氛，坐晌度令人覺得好悠閒寫意。當然，客人都可以揀坐出嚟，但天氣開始有啲悶熱，坐番入去爽啲。今次自助餐以「海陸美饌尋味之旅」為主題， 顧名思義，「海」就梗係指各種環球海鮮啦，「陸」就以多種即烤燒肉為主打，一陣先再慢慢介紹戶外區嘅烤肉。星期一至四晚計，成人收$798，星期五至日及公眾假期成人收$838，另收10%服務費。聽經理講，官網最近推出「Hungry Tuesday」快閃優