嘉頓咖啡店

Open Now

Now Closed

第一次來這裡下午茶，朋友口中的穩蔽cafe,店內環境清淨柔和，但是座位有限，適合三/五知己談天說地。不是，不能坐太耐。食物方面，種類不多。有幾款麵包，多士(幾款果醬口味)，pancake,但是本人最後選擇食cake,因為價錢合理($35連飲品)，單cake$25. 之後，可以參觀嘉頓歷史同產品，都幾開心。又可以買餅同麵包回家吃。可以帶小朋友來參觀!!

食左嘉頓既麵包同餅乾咁多年...都唔知原來佢係有間Cafe架!!位置就係佢位於深水埗既烘焙中心入面*v*身位麵包控麵乾控, 一定要去朝聖!!! *****v***** (太興奮!!!!)入餐廳之前有個細細地既area簡介返嘉頓既歷史.. 不過今日趕時間, 直接skip左個part入左去cafe食野 =D而餐廳入面都擺放左各式各樣嘉頓既product~~比起出面買會平少少.. 不過我見個價錢差距都唔太大, 就無特別係呢度買了~仲有出售嘉頓品牌既紀念品! 最吸引既都係佢既signature格仔紋product~~睇返食物~ 主要食物種類有鬆餅/蛋糕/餡餅/撻...而飲品就只有最基本既選擇: 咖啡, 朱古力, 奶茶, 紅茶同鮮奶而只有鮮奶係可以揀凍飲~單係睇樣已經覺得個酥餅會好正 XDD ~本來都想揀埋pancake... 但見到佢咁樣煎好晒放係度又好似唔係太吸引...相信係每個人心入面都曾經夢寐以求既旋轉蛋糕櫃*v*!!!!見到顏色鮮豔又大大件既蛋糕.. 的確令人不期然對佢抱好大期望~~~ XDD 就好似會食到夢想入面最完美既蛋糕既味道咁~haha... 旋轉蛋糕櫃既魔力實在係太大喇 *w

進餐的時候，很多時，都只為果腹，也沒有 留意食物本身的細節和歷史，其實很多食物 現在我們覺得是簡單而理所當然的，中間其實也經過很多改良及歷史變化，簡單如麵包，細心觀察，也是一樣。這裏刻意用了舊式的單據，對年紀稍長的人來說，是一份有回憶的見面禮。點了蛋糕套餐及提子鬆餅，在麵包工廠，吃著麵包感覺上就是最新鮮的，而事實上海綿蛋糕 和上面的忌廉在質感上，的確是吃得出是剛剛 做好的味道。這裏還有很多懷舊的展品，是以前的包裝和一些已經沒有推出的產品，還有很多人來這裏特意參觀，回味一番呢！

之前睇過飲食情報，話深水埗嘉頓有雞批食，經開深水埗睇電腦野，初時驚假日唔開，不過行到附近就行上去睇下啦！好彩都有開，行入去會見到所有嘉頓產品，相對係大型超市賣既平少少，行入d仲有個微型博物館，睇番以前有d產品。行完一輪，坐低食野，佢有新鮮出爐既提子玉桂卷、椰撻，呢d可以散叫，至於蛋糕同餡餅如雞批就要叫套餐先得，反正都係坐低食，叫左個雞批+咖啡，雖然唔係即製，不過佢都會即刻焗番熱，所以都要等一陣先有。有得食勒，雖然係紙碟裝住，不過有張勁classic既通花墊紙，好有細個去茶餐廳食蛋撻、雞批既回憶，真係焗到熱辣辣，隊長掂一掂個錫紙兜都真係辣手，雞批個面係甜甜地既，雖然個批唔算好脹，不過個撻皮都厚薄適中，裡面都算幾多餡，而家呢種港式雞批真係買少見少勒～咖啡我有少少surprise既，我初時以為是但比杯三合一咖啡你，原來都叫做比杯即磨咖啡你，仲要比兜奶你自己落，雖然唔係咩靚咖啡，但都尚算有d誠意。唔鍾意食咸味餡餅，可以試下蛋糕，睇住個舊式旋轉蛋糕櫃放滿蛋糕，真係好吸引，即刻諗番起細個會望住蛋糕櫃既蛋糕係甘轉，望到唔捨得走。

今日去深水埗買玩具作聖誕禮物。逛完口痕痕，未到晚餐又唔想食街頭小吃。哥仔就帶我去嘉頓咖啡店Tea了。好久之前就見到這間嘉頓廠，卻不知道可以參觀和食野。有住附近的同事說有來過吃晚餐。今日哥仔說我才知道有下午Tea 。地下那層是手信店、咖啡店和展覽館。上面1/F是食正餐的餐廳。咖啡店是我們Tea的地方。窗邊梳化是Vip區，其餘在店內的3張枱是其他客人。吃Tea要有蛋糕吧。哥仔和我選了- 檸檬芝士蛋糕配咖啡 ($35)- 朱古力蛋糕配熱鮮奶 ($35)- 小紅莓撻 (加配價$5)仲買了一個新口味 - 朱古力香橙味瑞士卷($5)。檸檬芝士蛋糕配咖啡 ($35)芝士不太出，相反，有少少清新的檸檬味，吃下感覺不錯。咖啡也ok的。朱古力蛋糕配熱鮮奶 ($35)裡裡外外都有好多朱古力，不太甜，啱我口味。熱鮮奶則一般，吃貨覺得奶味可以再濃一點。小紅莓撻($5)和朱古力香橙味瑞士卷($5)都是正路的味道。嘉頓是量產食品的地方。吃貨當然不會用太離地的標準來評價。35元，有得參觀又有得食。在鬧市中安靜的嘆Tea，個人覺得未去過也值得一去。就這樣，吃貨一邊吃蛋糕一邊看哥仔表演剛買回來的明日環小魔術，hea h

嘉頓這個名字，大家一定不會陌生；嘉頓生命麵包的藍白格，相信也是大家兒時回憶。每次坐巴士經過深水埗，總會看到嘉頓這座大廈，卻從來不知道原來這裡有餐廳和咖啡店。有一天有雜誌看到介紹，深深被那隻藍白格的杯子吸引著。今天終於來到嘉頓咖啡店，心情滿是期待。CAFÉ位置不多，一邊有3張大枱，分別有6個座位。而另一邊有SOFA，但放著只供VIP會員坐的牌。而中間就有不多不小的層列架，擺放著各式各樣嘉頓的產品供客人選購。遊覽一圈後，我們坐下來，吃件蛋糕，喝杯茶，休息一下，又可懷緬一番。咖啡店設有最低消費，每人$25，並不包括那些包裝的產品。我們揀選了一件朱古力蛋糕配熱英式紅茶，另外一件什果鮮果蛋糕配凍鮮奶，套餐$35。朱古力蛋糕因內裡有太多朱古力，所以偏甜，本身有興趣喝熱朱古力也唯有打消念頭，配熱英式紅茶可解膩，不錯之選。什果鮮果蛋糕內的什果是冰的，與平時吃的不同，反而有驚喜，而且更清新。配上凍鮮奶，由於飲品列上，只有這個是凍的，所以友人就揀選了，鮮奶以藍白格紙杯呈上，別有一番風味。深水埗這個人煙稠密的社區，很容易令人疲倦。下次來到深水埗，不妨多走幾步到嘉頓咖啡店，寧靜多了，稍作休息繼續走下一段路。而

去完D2，沿路到了深水埗，準備再上美荷樓。其實本應是去美荷樓裡的House 41，但知道嘉頓地下有一家Cafe，便來一試。Cafe裡提供的食物不多，主要是鬆餅和蛋糕。飲品方面則只有牛奶是凍熱都有，其餘則是熱咖啡，熱茶。Cafe的主題則是順便做展銷門市的嘉頓產品，既能賣物又作為Cafe主題，一箭雙鵰。在轉轉櫃櫃裡的蛋糕有好幾款：鮮果蛋糕，芝士蛋糕，黑森林。淨蛋糕$25，連飲品$35。叫了一個黑森林配凍鮮奶。黑森林分好幾層，上而下由朱古力，奶油，蛋糕，最後是黑莓。奶油味道很香，朱古力味道卻比較淡，並不突出。以$25來說是普通了一點。最可愛的還是那隻紙杯，屬於嘉頓標誌的藍白格仔。就是生命麵包原味的包裝。就連這兒的工作人員的圍裙亦是用這個pattern的。

食嘉頓面包就食得多，冇諗過原來佢出左CAFÉ。今次食左個檸檬芝士蛋糕同水果蛋糕(當然係同朋友SHARE啦XD)再加杯奶。檸檬芝士蛋糕好清新，有淡淡既檸檬味，不過芝士味就唔太夠。食食下已經覺得有D膩，唯有轉戰朋友既水果蛋糕。水果蛋糕既水果好足夠，入面既水果好冰凍(仲比冰冰住)，而出面既Cream就唔太夠凍，雖然感覺好新奇，但我都未太接受到xdd

今日先知嘉頓有cafe.嘉頓麵包廠位於深水埗，地下個層有個館，介紹下嘉頓既產品。好空曠館既另一邊有幾張台，可以坐底買下麵包/蛋糕同野飲我地今日就上左一樓既餐廳食下午茶內在環境乾淨簡潔，好少餐廳用木地板！下午茶選擇都多，價錢都相宜，我地叫左個二人set! 款底好多，兩個人都食唔哂成個tea!-蘋果tart， 好鬆，咬落去即溶，入面既蘋果唔會太甜，唔錯-朱古力muffin: 好鬆軟-春卷：有d油，似係番炸，但味道唔錯-芝士三文治：略嫌白麵包既邊有少少硬，鬆軟d會更好-蝦多士： 有點太硬，可能炸粉有點多- 雞批： 好好味，皮好鬆好正！所有點心都係熱lak lak 上台最後配上兩杯野飲兩人買單135，唔需要加一有機會可以一試，食物質素算okay! 重點係唔需要同人爭位，環境又舒服～ 感覺完全唔覺得自己係深水埗

先評環境... 其實是產品售賣店，在落地玻璃放了3張茶几，地方寛敞，沙發大又舒服。三两朋友聊聊天非常不錯 當天三人點了三個套餐 (每套一件餅食+飲品 $30)，另點了每日出爐麵包 (菠蘿包 $7個)。 黑森林蛋糕有成4"高，睇得又食得，裡面車厘子好味; 朱古力蛋糕都可以。總的來說，两種蛋糕稍稍唔係太鬆軟，但都可以 粟米吞拿魚酥餅有驚喜 (難怪餐紙上以紅色突顯)，酥餅唔"漏" ，餡蓉調味濃淡適中，令人返尋味菠蘿包皮夠脆，麵包鬆軟合宜，可口飲料點了熱鮮奶，熱咖啡，熱朱古力; 奶較重，喜歡鮮奶朋友便會十分加 Like。全部共銀HK$97。 (自購自取，没有服务员)還有其他蛋糕可選，樣子不俗，下次再試後話：當日被選中試食新產品"辣味薄餅"一片，味道一般，但有回甘feel (食到最後辣味湧出來，幾過癮)

深水埗趴趴走第一站，乃去青山道參觀嘉頓餅廠地舖的展覽推廣廳，兼嘉頓屬下唯一的咖啡店。小店以湖水綠為裝潢主調，在光線較昏暗的店內，予人一分柔和舒適感。 大門入口乃放滿了不少嘉頓出品的麵包、餅乾和糖果，林林總總的，教人目不暇給。原本，大家打算買點回家做手信。不過，對價錢極其敏銳的友人Cc，卻指出售價彷彿一點也沒有平宜。因此，我們打消了念頭，只繞場一周，兼到店後的展覽推廣廳參觀。坦白講，展覽推廣廳以圖片主，吸力力並不太大，且不免予人空洞洞之感，大感失望﹗建議嘉頓周未或公眾假期可舉辦一些烘焙班，與眾同樂。幸而，咖啡店內，有一透明玻璃蛋糕櫃，放有三款賣相極其誘人的蛋糕 – 蘋果撻、紐約芝士$15/件和士多啤梨蛋糕$20/件。士多啤梨蛋糕茶餐$30/份，可選配咖啡、茶或朱古力，小妹選了朱古力。茶餐和熱飲放在一個鮮艷奪目的橙黃花形托盤上，教人賞心悅目。甫見士多啤梨蛋糕賣相，已知其新鮮無比了﹗店員姐姐表示，蛋糕乃每日由樓上餅房師傅新鮮即製。新鮮，就是好味道。蛋糕層次極為分明，共有七層 – 由最底的鬆軟具彈性的海棉蛋糕、酸甜有致且含有果籽的鮮士多啤梨醬、海棉蛋糕、幼滑味美的忌廉、士多啤梨醬、海棉蛋糕和忌

這裏有雞批、蛋撻、約6 款凍餅等選擇。選了茶餐Cornish(約中型手掌大)，應該是急凍貨，買時即時叮熱。外皮充實不太鬆化的麵糰，頗厚，沒有甚麼味道，約中型手掌長，饀料有薯仔粒，免治牛肉和香草，雖然牛肉份量少，但一咬已感牛肉羶味，有點嚡，味道一般。㚫茶是沒有茶味。在等待叮熱時，可看嘉頓還賣甚麼產品，有olive oil、 自己品牌的雪藏產品(一般超市都沒有賣)及糖果餅乾等。注意它是六時三十分關門及星期日休息。

嘉頓烘焙中心的地下的大堂，有一個像展覽廳的空間，原來這一個叫做嘉頓會，是一個小小的 club house，也是一個小小的展覽館，更好的是，可以讓遊人隨便參觀，表明來意後，永遠都非常緊張的保安員會指示您推門直進，而第一個 area 就是一個小小的產品展示廳。通過了弧形的一個展廳，就是這 club house 的 part 2，而這一個弧形展廳就展示了不同的麵包製成品。Club house 的 part 2，就的確是一個可以讓人消遣的地方，當中也有一個嘉頓咖啡廳，說是一定要入會才能享用。這一天來，辦了會員證，隔一週來，享用這一個 club house 的食物出品。這是一個位於展廳中的 cafe，人流不多，能在繁囂的深水埗找到這一個寧靜的地方，可真是一個城市中的綠州。面對著車水馬龍的大埔道/青山道/欽州街/元州街交匯處，看得見車而聽不到聲音，這一種都市閒情，不容易找到。窗邊有雅座，有沙發有茶几有大玻璃，坐在這一角嘆咖啡，會有一種說不出的悠閒感。可是，我選擇了坐在內堂，因為我覺得吃東西要是直立的坐著才舒服。桌旁邊的一個大燈箱，原來是一個笑臉吃下一片蔥油餅。這一個蔥油餅，馳名海外，連英國的大型超