喵一下 (Moved) New Location

「中西區」果然是香港開埠以來，歷史比較早的地方之一，區內還有很多歷史建築，需要政府和其他人致力保育，打造成為熱門遊客景點。我們試試走走中西區「半山行人扶手電梯」步道，就自然會有更多發現。有一次我沿着「半山行人扶手電梯」，去到「鴨巴甸街」附近，給我無意中發現到有一幢，同樣很有歷史的古舊建築物，它的名字叫做「元創方」。究竟「元創方」的前身是什麼建築物，我就實在不是太清楚了，我亦懶得再花時間去上網翻查資料。不過我唯一知道有關「元創方」的事情，就是現在的「元創方」已經被打造成為文化藝術園區。我一進入「元創方」，就發現「元創方」裡面聚集了很多遊人，甚至有一些家庭刻意來到「元創方」，參予「元創方」裡面舉辦的文藝活動。至於我的目光，就集中了在「元創方」其中一座大樓「Hollywood」，「Hollywood」地下的某間，文青風格十分濃厚的台灣菜餐廳，餐廳名稱叫做「喵一下」。中西區在最近十年內，忽然多了一些台灣菜餐廳，例如有名的「阿X來了」，還有位於西環，現在已經結業的餐廳「請坐」，當然還我今次幫襯的台灣菜餐廳「喵一下」。我一進入「喵一下」，就被「喵一下」餐廳裡面，樸素而又略帶古早味的文青風格所吸引住

遠在北京的朋友剛好到香港探望男友，多年深交希望選擇一間精緻的小館，夜晚靜靜地分享工作和感情一二事。白天的PMQ熱鬧非常，而晚上的PMQ則是避世天堂，人煙稀少的，於是我就提議到PMQ食飯。總覺得台劇浪漫主義色彩過於濃烈缺乏真實感，但小店裝修保留復古感，令我對台灣原來“粉紅色”既印象有左小小唔同既感覺。牛蒡茶，內有紅棗枸杞桂圓牛蒡，非常足料，加幾次水都仍然好濃郁。注意！！！！另送一小碟牛蒡係零食黎架，千奇唔好好似我咁傻，手快快放入杯中整油曬杯茶啊哈哈！典型走年輕人路線既雲石檯，茶燻雞佐烏龍茶漬飯（$88）分量很足，叫多個炸廣島蠔yummy！最後都係食唔曬，侍應哥哥都好貼心咁幫我打包。

放假嚟左pmq 行下，weekday 冇乜人，連鋪頭都冇乜幾間有開，不過夠清靜都幾舒服，兜左一個圈，天時暑熱諗住搵間餐廳坐抖抖，飲杯野，朋友見到呢間餐廳裝修幾靚，好有台灣風味，就決定試下幾中意個滷肉飯，朋友個排骨麵啲排骨就太硬

今日同朋友同朋友行過上環附近見到泥間店鋪，因為我自己係一個貓痴，所以我一見到個名同入面果D同貓有關既野就想沖入去試食下。雖然入面無貓令我有D失望，不過個環境實在唔錯同埋好有文青feel，好吸引。原先想叫貓飯泥食，不過因為個staff話賣哂，所以唯有叫左個台式肉燥飯泥食。味道方面，我自己覺得味道太淡，唔太推薦比食開重口味野食既朋友仔食。 不過環境實在大靚，加上佢仲有雜誌同書本免費比我地睇，總括泥講我覺得係一個放鬆自己 or 同朋友泥閒談既好地方。

小秘書總算稱得上一個偽文青，除咗鍾意發白日夢，有時都會趁吓熱鬧欣賞吓本地創作🤓 近排愛上「PMQ 元創方」嘅我，不知留下幾多腳毛🤪 講明係「偽」又點會齋睇唔食呢？！我哋琴日就嚟到 「Garden Meow」醫肚，雖然當時已經下晝三點幾，我哋咁啱幾個又未食lunch😫 估唔到其他「文青」都同我哋一樣，咁晏先嚟食嘢... 唉 我哋喺門口等咗十五分鐘，終於有人理吓我哋👉🏻👈🏻 因為大家實在太餓，未有位都點住餐先📕 好彩好快就有人埋單，有嘢食喇👏🏻👏🏻我哋分別叫咗一份「滷肉飯套餐🐮」同兩份「脆皮雞脾套餐🐣」、「小魚山蘇... 炒菜」、「酥炸廣島蠔」同三杯飲品。唔食牛嘅朋友叫果份滷肉飯原來係配埋一個小型滷水拼盤㗎... 當中就當然有啲滷水牛肉喺入面啦👀 見佢O哂咀咁，咁nice嘅我，當然唔介意攞啲雞肉同佢交換，因為原來我果份雞脾餐係一樣配埋碗滷肉飯㗎 呵呵🤣 「GardenMeow」嘅裝飾充滿懷舊氣息，食物以台式為主，我覺得喺「PMQ」可以食到呢個質素嘅食物真係唔錯㗎喇！尤其欣賞佢個「酥炸廣島蠔」同「滷肉飯」🍚 不過啲侍應就奇怪啲，埋單$471比五百蚊佢找，問我有無$100散紙？呢條數應該連霍金

喵一下~以為入面有好多嘢都關於貓嘅點知~除咗個名,一啲都無位於上環PMQ,對我嚟講係要爬上去嘅揀咗夜晚8點幾去,唔洗等位~入到去好隨意坐邊都得~環境好文青~睇真啲原來係一間台灣嘢嚟架~我揀咗台式醉雞涼麵~我覺得苦咗啲~(我平時食嗰啲無咁苦嘅)個涼麵好似用咗小小浸醉雞啲酒嚟做湯~不過味道好淡~靚就靚~但味道就唔係話好好味~而朋友就叫咗 茶燻雞佐烏龍茶漬飯~嗰個飯嚟到嘅時候~聞到有一陣陣似煎燶咗嘅味~點知食落都係嗰陣味可能佢個特色係咁但我唔識欣賞我仲叫咗個酥炸雞軟骨~好好味~我食晒嘢飲我就叫咗黑糖奶茶~估佢唔到~佢嚟到嗰時我仲以為佢比錯我店員同我講話佢哋出咗一隻新珠比我試吓但我唔太喜歡啲珠嘅味道而朋友就叫咗芭樂soda,朋友就話ok整體嚟講食物一般,但影相好靚~但環境ok~坐咗好耐都無趕人走有機會再嚟會叫啲安全啲嘅嘢食

參觀PMQ市集，天氣熱又行到有點攰，一於喵一下，好可愛的名字，是一間台式cafe，位置顯眼，門面搶鏡，喵＋cafe，正中我我最愛。 門布簾好可愛呀。 Cafe的風格，有點像小時光，畢竟大家都是台式懷舊cafe，不同的是這裡有售買書籍及小精品。 內堂面積頗大，大大小小的枱子、設有吧枱，適合大夥人及獨自一個，懷舊格局，周圍放置了懷疑電機器及物品。 木架上擺放了油畫、小精品及小盆栽，帶點小清新。 我們坐吧枱。 因為不太餓，只想坐下吹水，點了飲品及蛋糕。 台式水果茶，$45，似橙汁的味道，好香的果味，內有少許水果，味道正常。 鮮芋拿鐵，$45，友人的，好可愛的喵杯子呀。 黑櫻桃千層蛋糕，$45，貓造型的木碟子好可愛呀。 小小的一件千層蛋糕，因未解凍得晒，口感有點實，忌廉微甜，內有黑櫻桃肉，微微的果酸，味道清清地不太甜。 環境不俗，食物普通，價格合理，可坐下hea下，又做偽文青呀。

本人十分喜歡pmq這個地方都係因為自己中意寧靜同藝術既氣息呢間喵就正正開係pmq既地面一入到去就有台灣既氣息幾舒服直得推仲一下佢既三杯雞好香既清酒味道如果係愛酒之人必定喜歡

木嘴今日屎忽痕，決定黎個文青之旅。去元創坊PMQ睇展覽之前，去一去地下既台灣餐廳醫下肚先。一去店舖都幾full，又好似張張枱都只夠坐兩三個人，侍應話坐出面户外都好舒服有沙發，但係咁熱既環境梗係死都話唔制啦，木嘴我食過夜粥，想呃我無咁易。再加上咁熱既環境會影響木嘴瘋狂自拍既慾望，喺堅持之下最後成功爭取室內位。餐牌都幾有特色，完全無相的，有味菜叫三杯嚇老外。不過有點懷疑唔係真係樣樣都有得食。沙冰得返一款，排骨又無⋯⋯侍應又厭世樣回應，文青果然有文青既性格。叫左依個茶薰雞烏龍茶漬飯，一捧上來已經有好香的煙薰味，雞肉味道很好，賣相精緻，但係茶泡飯味道偏淡，對於食開咸野既人黎講應該以為食緊清水。另外朋友叫既滷肉飯，驚喜是附有台式滷水拼盤，有海帶，豬耳同豆腐等等，但驚嚇係個滷肉飯又係無咩味，今日廚房係咪用曬d鹽？木嘴差d想行去超市買樽鹽自行加料。另一朋友叫既係麻醬麵，估唔到非常彈牙惹味，幾值得推介。飲品分別叫左芭樂沙冰和薑母桂圓紅棗茶。芭藥沙冰非常解暑，味道清新，唔會好藥水味。薑母桂圓茶都好重薑味，似新鮮煲，辣辣地好正。除左店員態度比較hea之外，其實都真係一個幾岩文青聚埋吹水食野的地方黎既，如果

呢度有一個我永遠都會點嘅dish，就係烏龍茶燻雞茶漬飯。本身就已經好鍾意烏龍茶嘅味道，估唔到用嚟燻雞別有一番滋味。而且燻過嘅雞肉，仲係非常嫩滑多汁，並且帶有煙燻烏龍茶香味！呢度嘅半碟係小蕃茄，酸酸甜甜醃制過，喺其他地方都冇食過，個人十分喜歡！

睇openrice 見到人地食lee 間meow meow 餐廳🤗我又要食😊全間鋪都勁多貓既野！貓奴表示😽 自拍好地方呀平日去唔多人🤤 可以周圍影周圍睇，自己選擇坐邊到！環境好chill!😗 (影左勁多呃like 既相😛）鋪頭會播台灣派既歌😌 感覺好似去左台灣🤣飲品好多選擇呀！好貼心可以選擇有無咖啡因😊我選擇左黑芝麻拿鐵！好得意呀！小匙羹都係貓形😍😝！放小餅乾的碟仔都係小貓😽😽😽😽芝麻味勁濃唔會太甜幾好飲bro！配埋芝麻餅！雙重芝麻感！haha朋友選擇左 "藍漫步在雲端"味道係似soda 沙冰，甜甜地好消暑！上面係棉花糖😽呃like 指數99! 淨係影都玩左15分鐘👅👅👅飲飽緊係要食醉啦😽 上：台式3杯客老外（推介）係辣炒豬血糕，鴨舌配飯👍🏻辣口味係台式，微微麻辣，重醬油！豬血糕又大舊份量又多，唔會鯹！超好味👅👅👅👅 配飯精選！！！中：刈包-茶燻雞（推介）煙燻既雞肉超滑，燒脆左既外皮，加入紫菜配合超軟熟既包！i like it!下：新竹炒米粉不錯的米粉，蔬菜很多👌🏻👌🏻下次試下室外飲野先！走個陣先見到有手工啤酒🙀

同朋友想搵間靚cafe傾下計咁就去元創方啦見到呢間用貓做主題既cafe好特別，所以去試下🍰去到見到cafe環境好靚，好懷舊同特別，仲有個小花園，我地就去左小花園到坐喇小花園環境舒服自然連筷子都有特色好鐘意食呢個醉雞，冰凍好開胃夏天食就岩哂啦d雞亦都好入味，真係好正呀呢個豬扒麵我就覺得普通d，比較乾，唔夠淋但朋友話幾好食，可能每個人既口味唔同啦本身想去元創方其他cafe食甜品點知行完一個round都搵唔到岩既地方，好多以前既cafe都執左惟有去返呢間cafe食啦呢個焦糖千層蛋糕好好味呀好有層次感不過要預多d時間比佢溶雪再係雪櫃拎出黎咁話wor綠茶千層就普通d，唔係好夠綠茶味同埋口感硬左少少不過我係綠茶控，所以都滿足既整體黎講，性價比高，值得支持

和朋友到中上環四處影相，行到攰就入咗元創坊搵嘢食。在門外看到餐廳裝修不錯，於是想進來吃個午餐。怎料餐廳職員見我們拿着相機，我們一踏進來就跟我們說餐廳是拒絕拍攝，其實感覺不良好😢，然後我們說是進來午餐，職員就安排了我們坐外面的座位。雖然有鐘可按叫職員來點餐但都等了幾耐吓，最後都叫咗少嘢食，飲杯嘢解吓渴抖吓算，冇食飽都想走，到埋單叫職員過黎都一樣好耐。🙁🙁🙁由進來到坐低點餐感覺都不太良好，食物就一般，覺得不值得這樣貴，加上服務感覺不太好。下次不會來，雖然餐廳佈置好美，但剛進來時心情已被破壞，整體感覺不太好。👎🏻👎🏻👎🏻👎🏻

搵暈成個PMQ, 最似食得嘢嘅地方就係呢間。叫咗個新竹炒米粉，芝麻latte, 紅棗茶...個新竹米粉極幼，有幾隻鮮蝦，算幾足料，都算夠味。個前菜勁酸勁開胃。不過杯黑芝麻淡咗d, 不過我buy, 夠健康！環境好好，我地坐outdoor , 好舒服，佈置得好有心機！又無人食煙，呢d就真係適宜比人坐吓傾吓計。睇返佢地Facebook, 原來有時會有音樂表演，幾好喎！3樣嘢夾埋$18x, 少少貴, 不過環境搭夠，算係咁啦。

其實公司行山路去PMQ唔係好遠，不過可能同事唔知果到有野食，甘就岩勒，有時想避世出去抖下氣，講下腦細是非，要搵一間可以坐耐d又唔會撞到同事既安全屋都唔係容易，最近發現左PMQ地下有間台灣野都幾好味。上環基本上係乎無台灣餐廳，賣珍珠奶茶倒有幾間，發現到PMQ有，個樣又正正常常就去試下，天氣有點熱，隊長叫左個麻醬麵食，個麻醬都幾好味，不過如果唔係用扁麵會好味d；同事們分別揀左豆乳雞、醉雞、新竹炒米粉，豆乳雞好好味，味道似鹽酥雞，不過無甘咸；醉雞普通啦，不過佢係切開既雞卷形式，方便大家share食⋯⋯新竹炒米粉，千祈唔好試，炒到炆米粉甘，好難食🤭飲品比唔上珍珠奶茶舖，不過都有幾多特別飲搵品，想飲番珍珠奶茶，可以揀黑糖奶茶，裡面都有一粒粒珍珠，我就揀左個出面少有既花生奶茶，一入口就好香花生味，不過就無乜咖啡味🎼如果太多花生味 咖啡味就無訂企PMQ本身都有點吊腳，專登黎食飯既人唔多手，所以餐廳都唔會趕客，可以舒舒服服食餐晏仔。