甜圓坊

Open Now

Now Closed

今天很不爽😕，本身冇諗住要食甜野；但竟然我去深水埗買布時撞到以前實習的supervisor ；應該有三至四年冇見了。大家揀完布，想係附近飲杯野傾吓計，見到餐廳名似係食甜品，於是入左去，但餐廳原來唔止有賣糖水，仲有台灣小吃同飯。⁣⁣我喜歡吃芋圓，所以叫佢地人氣第一 — 嫩仙芋奶凍 （$25蚊有八種配料） 當見到碗甜品，首先覺得色彩繽紛，食一啖，味道好清淡而且珍珠芋圓口感煙韌豐富，有紅豆薏仁感覺好健康。😬內疚感冇咁大，仲食極都仲有好多仙草。⁣

講到近年最受歡迎嘅甜品一定唔少得芋圓啦！今日同朋友去咗甜圓坊度食嘢，呢度除咗甜品之外，仲有其他唔同嘅台灣小食。我同朋友今次就叫咗台式雙拼蛋餅、招牌迷你剉冰同總匯QQ圓。餅皮非常有咬口，好煙韌，而且唔油膩。入面都係滿滿嘅肉鬆、芝士同蛋，十分足料。仲有少少葱花提味！整體口感同味道都好夾！下次一定要再食！之後就到迷你剉冰啦！佢既配料有成8款咁多(包括:西米、薏米、紅豆、綠豆蓉、湯圓、地瓜圓、芋圓同埋珍珠)。芋圓同地瓜圓非常煙韌！一啲都唔粉。個人認為兩個人食份量都夠，但啲冰食到最後就無乜味。勝咗芋圓同地瓜圓都好足！夏天嚟食更加一流！最後嚟到我今日既最愛！就係總匯QQ圓啦佢係將桂棗雪耳湯底再加珍珠、地瓜圓、芋圓、湯圓。非常滋潤！仲有得揀凍同熱！個人就推介熱食入面好足料！甜度可能微微偏甜，但個人認為啱啱好！呢款既地瓜圓同芋圓比起剉冰既係較為煙韌，無剉冰咁Q！湯底非常入味！

芋圓小店，設每人最低消費$20。本身打算食最signature二人share刨冰，但最後太凍放棄左，order左嫩仙芋奶凍，即係平時嘅仙草芋圓一碗$34，加芋頭，再加肉鬆蛋餅。芋圓份量比較多，配料基本上有齊哂薏米、紅豆、花生、三色芋圓，同仙草底。如果鍾意芋頭可以好似我咁加$5額外多三大舊，不夠就偏硬，似就咁煮熟咁，唔係芋泥。芋圓都係有咬口，唔會淨係得粉咁。旁邊送一舊coffee mate奶精，但我冇加到。之前d食評話主色一般，但蛋餅又幾香口同足料，未食飽仲有quota 都可以一試。

食完飯後, 朋友想黎個飯後甜品, 又想食芋圓。於是我地就去左呢間到試一試。嫩仙芋奶凍碗碗好足料, 份量都幾多, 而且都好多種材料係入面: 紅豆香甜軟糯; 薏米粒粒分明; 綠豆尚算清甜; 珍珠煮得唔太爛, 都有嚼口; 丸子軟熟; 芋圓都幾有嚼口, 但味道偏淡; 相反個仙草唔似出面個種一篤就散, 佢係好結實得黎好軟滑, 仙草既味道加埋糖水好突出; 再加埋西米同埋花奶, 唔同既口感令到成個甜品口感好豐富。成個甜品仙草成為主角!招牌迷你挫冰雖然話迷你版, 但份量仍然好足料。材料大致上同嫩仙芋奶凍差唔多, 就係多左刨冰同埋煉奶。唔知係咪加左挫冰既關係, 食唔到材料既味道, 煉奶加埋挫冰變淡左。不過整體黎講抵食。

//#雙拼蛋餅肉鬆+芝士味🧀比想像中飽肚😆💰$30CP值： 😋😋😋😋😋😋😋/10#鹹酥雞🐔份量唔少 不過咸左少少 最後叫咗個白飯一齊食🍚💰$30CP值：😋😋😋😋😋😋😋😋😋/10 #招牌綜合芋香剉冰🍧好大碟 兩個人都食唔曬😂好抵食👍🏼超級多配料😍有芋圓 有芋頭 有小丸子等等💰$35CP值：😋😋😋😋😋😋😋😋😋/10📍甜圓坊 地址：深水埗基隆街205號地下

我食左咁多次芋圓依次係最滿意。依間鋪頭雖然係深水埗，但係佢嘅地理位置同環境唔算好，鋪頭座位窄小，但環境衛生都唔錯，有午餐同甜品，所以吸引到唔少人去食。裏面有d午餐係加左芋圓，但係我淨係試左佢過既仙草芋圓，食落去感覺唔錯。裏面嘅芋圓又多又好食😋，可以值得一試。

今次帶埋👦🏻尼食佢既手工滷肉飯呀，真係好鬼死抵食加好味呀，因為個飯一出尼既時候夠哂熱呀！👦🏻最愛既係哂到，特別係個飯夠哂熱好暖好暖，又係好岩冬天食呀！滷肉飯個汁好好味，油份都好足，滷蛋好扎實！今次就冇食甜食不過就試埋佢既鹽酥雞啦，份量都幾大，多之外係粒粒都幾大粒架播，而且炸出尼都好酥好脆，而且仲有味粉係上面，真係超級地道既台式鹽酥雞呀，重口味之選呀！(好sad岩岩先發現原來⋯⋯冇影到🤦🏽‍♀️)一句講哂，尼間野真係好食好平好食好抵！

平時黎親都只係叫冰今次就同媽媽同男朋友三個人一齊嚟試吓佢哋嘅晚餐主食芝士蛋餅我覺得可以下次唔使再叫味道一般冇咩特別味道 食唔出點解要呢個價錢鹽酥雞。好鹹 炸得好脆 冇油益味豬扒 好鹹。男朋友用嚟送飯另外就咁叫咗碗白飯$10 每一次嚟到一定會叫嘅冰有各種唔同嘅芋圓地瓜圓紅豆綠豆薏米珍珠芋頭$40抵到爛 平過出面嘅好多。而且每一款圓煮得好入味 本人覺得可以唔叫嘅係珍珠 因為珍珠本來就冇咩味除非佢用黑糖煮 佢下面有好多煉奶 所以撈埋其他紅豆綠豆真係好正食咗咁多主菜 呢個做甜品係一流

我喜愛芋圓的原因是因為它口感QQ又帶點嚼勁，而甜圓坊便是芋圓控大愛的地方。老闆每天親手熬煮，慢慢細嚼有淡淡的地瓜及芋頭的自然香氣，甜度適中，每一口都是真材實料，而我點的兩道甜品都有芋圓哦！（甜甜蜜蜜的滋味令人難忘，現在還是在回味中🥰）招牌綜合芋香剉冰 $35招牌冰品以清冰當底，加了煉奶，剉冰不會顆粒太大，而糖水加的不多，整個很剛好。上面再放了各式各樣的配料，包括芋圓、芋頭、小丸子、珍珠、红豆、薏米和清心丸。份量滿滿，性價比超高♥️嫩鮮芋奶凍 $25嫰仙草並沒有戳一下就碎，比較有韌度，入口滑嫰細緻，我個人比較愛這種口感！

🔴香酥排骨飯($45)同我平時食開嘅香酥排骨好唔同冇咁炸網絡好細碗食落其實好飽我哋幾個都覺得伴碟酸瓜幾好味🟠油蔥拌麵($35)油蔥味幾香麵質不錯🟡鹽酥雞($30)正常鹽酥雞味啦都新鮮炸嘅🟢肉鬆蛋餅($28)唔記得影內部但幾好食英國返嚟嘅大家姐表示好欣賞話說其實我去過台灣不過冇食過蛋餅喺香港都冇食過Layer嘅感覺唔錯🔵招牌綜合芋香剉冰($35)呢度最出名嘅係甜品呢個冰有雙色芋圓薏米綠豆珍珠丸子同芋頭頭頂有啲西米個冰應該有煉奶唔會有普通刨冰果種食到最後冇味嘅情況35好大碗非常抵食嘢飲我哋叫咗水果茶($25)同酸梅湯(跟野食加$10）水果茶幾足料平過出面好多酸梅湯就正正常常咁啦都係度坐咗一排傾下計又一餐~

近排少咗出街食飯，就算出街都係去舊區多，深水埗原來有唔少好嘢食，食完烤魚見未飽就再搵甜品食，無意中發現到附近哩間台灣芋圓店，吸引我嘅原因除咗係近當晚飯局位置，仲有係哩張芋圓刨冰相，咁大碗咁多料咁好食竟然賣$35，實在太過份喇！招牌芋香剉冰同迷你版分別除咗係細碗啲之外，就係大碗包括有芋頭同西米粒！芋頭真係超級粉腍入口即用！芋香味仲超濃！必食！不過一個人食份量太大喇、迷你版份量就啱啱好不過想食芋頭就要加$5😋😋

係深水埗食飯，朋友帶我黎呢間甜圓坊食甜品。細細間舖，白燈同白枱感覺幾整潔。我地叫左個招牌芋香冰同埋仙草凍，幾個人share，都好大份同足料。材料除左有芋圓之外，仲有綠豆，小丸子，紅豆，珍珠，薏米等等。每樣材料都排到好整齊，芋圓同珍珠呢啲好多煙韌，冰就加左煉奶甜甜地幾好食。留意反間舖有每人最低消費，之後我地加左個蛋餅，無影到相，係台式傳統蛋餅，熱辣辣，大大份，材料足。總結黎講，雖然食物種類吾算好多，但野食好食之餘價錢好抵，中意芋圓可以試下。

夜晚收工想食小小野加甜品，所以揀咗呢間小店。輕主食： 我地兩個人叫咗個鹵肉飯同原味蛋餅鹵肉飯：鹵肉好入味，肥瘦適中，唔會太油膩，但飯底就好普通，仲有鹵蛋都可以再鹵入味啲甜品：雜錦芋圓冰芋圓好煙韌，食得出有芋頭同地瓜味，小丸子同樣出色，如果個冰底係綿綿冰就更好喇

呢間台灣菜嘅小店價錢定價好合理，各款小食同甜品都係Around $30。嗌咗個招牌綜合剉冰都係$30，大大份，我同朋友兩份Share啱啱好🤤剉冰好多配料，冰底靠煉奶提味，整體都好食😋

食完個唔好食既午餐就想食番d好食既甜品之前朋友介紹過呢間台灣甜品店 所以從南晶行過黎消化下個午餐又可以再食個甜品啦今次我地兩個女仔就叫左個例牌✌🏻因為一個人最低消費係$20 咁我地就加地瓜圓 咁就岩岩好$40佢呢個例牌真係咩都有齊佢地既芋頭真係好好食湯圓就一般因為裡面咩都無既 但係所有圓既彈力十足同埋味道一流有好蟹出面鋪頭既圓好多都得個色但無味既呢間就色同味都齊哂佢個底既黑糖水唔會太甜呢個例牌係足夠兩個人食既性價比十足