甜圓坊

Open Now

Now Closed

【招牌綜合芋香剉冰】 HKD35依間食甜品🍮夠曬平，依款刨冰🍧份量仲超大，唔好諗住一個人可以搞得掂😂依個刨冰山加左好多煉奶，食落冇咁淡。周邊嘅配料多到滿瀉，有芋圓，地瓜圓，珍珠，仙草，芋頭，西米，薏米，紅豆，小丸子。咁多款式，食落都冇咁單調冇咁悶。雖則味道唔特別，中規中矩，不過勝在平平地，食完又透心涼。📍甜圓坊深水埗基隆街205號地下🚇港鐵深水埗站A2出口 步行約6分鐘🕑星期一，三至日 12:00-23:00；奉星期二休息

之前幫襯過 覺得佢地既芋頭無得彈🧚🏻‍♂️再次幫襯 就一於試個全芋頭製品.🍨蜜芋頭挫冰（$33）挫冰上面舖滿一舊舊既芋頭、一粒粒既芋頭芋圓、綿線滑滑既芋泥💜再淋上甜甜既煉奶🍼啖啖芋頭 滿足之餘又滿滿既飽足感😎不過略嫌煉奶有點多 甜到有啲怕糖尿😅.🌀總匯QQ圓（$25）雪耳紅棗糖水加上芋頭同蕃薯芋圓🍠、小丸子🍡同珍珠🥣唔同既QQ口感 味道正常發揮有得揀熱食 適合養生女士💁🏻‍♀️.比起招牌挫冰同招牌芋圓呢兩款會無咁驚喜 小編會揀返招牌系列🙌🏻.人均消費：$29

.🔻甜圓坊好耐冇放甜品啦，今次去阻深水坊呢間甜圓坊，呢間唔只甜品食，仲有蛋餅呀飯呀麵呀小食等台灣野，不過我今次就主要黎食甜品既，因為我中意食芋圓呢d 煙un野😛.🔻嫩仙芋奶凍($25) 我揀阻呢碗乜7都有d, 個底係仙草，其實我嗌阻走紅豆，不過落單個店員聽唔到~算啦，照食，我唔中意有紅豆係因為我覺得紅豆會搶晒碗野既味，成碗都係紅豆味，食唔到其他配料既味，而且紅豆會令到碗野甜度提升，所以食得有d唔開心，不過我好仔細咁咬d芋圓地瓜圓，佢地本身都有果種味既，如果冇阻紅豆會好好多囉😒😒.🔻桂棗雪耳甜湯($25) 呢碗係友人揀既，我試阻啖有d偏甜，不過佢勝在夠足料，同樣地配料都係好多，$25好抵食😍.總結係甜品有d偏甜，但$25咁足料又真係好吸引既😂呢到有最低消費每人$20,其實本身想試招牌綜合芋香挫冰(兩人份量), 但佢又只係賣$35,但再嗌多樣野根本食唔晒，本身已經係兩人份量，不如你set佢做$40啦😑成件事有d奇怪....

粉嫩台式蜜芋頭挫冰$33深水埗確是美食天堂，今次呢間台式甜品店，除左已經盛行非常的芋圓，仲有挫冰。評價：🔸份量超大，足以兩個人食用。🔸芋頭超粉嫩，好似食緊芋頭雪糕咁。🔸除左芋頭仲有芋泥同芋蓉，簡直係芋頭家族。🔸性價比極高。🔸芋迷必選。😋味道：7/10🙃回頭：8/10💰價錢：$33

一個落雨的夜晚，由於時間太夜加上落雨的關係，於是我外出買外賣返屋企食。成日路過甜圓方，原本以為甜圓方只有甜品賣，當晚入餐廳叫外賣嘅時候，發現佢有熱食選擇。於是買佐原味蛋餅加嫩仙芋奶凍。

去完谷鬼氣嘅『芳華絕代』後，我哋即刻再行去深水埗搵食，諗住搵啲小食食下，咁見基隆街近近地我哋就過咗去。估唔到成條街黑蚊蚊都冇乜嘅鋪頭開舖，但唯獨就有呢間鋪同街頭既大排檔同點心鋪擔大旗一開門估唔到都幾多人喎，都幾多單獨客及情侶客。我見都幾多人叫蔥油拌麵，個個入嚟坐低嘅同埋外賣都有叫。我諗應該都幾好食㗎！等我下次試吓先。。。👇🏻餐牌👇🏻彈餅上面加了台灣醬油，夠地道。皮煎得剛剛好，但由於我個人中意食「軟」蛋皮，但而家呢個又未算煎到脆卜卜既👇🏻流晒芝士㗎！👇🏻我覺得迷你size都夠兩個人食嘅，如果唔係咁大嘅話，不過如果好似台灣咁加啲奶同醬會仲好食啲

【嫩仙芋奶凍🍧】HKD25$25好豐富😍 有芋圓、地瓜圓、珍珠、薏米、紅豆、白玉、仙草。最愛芋圓同地瓜圓，煙靭十足。仙草滑溜。最正嘅係夠哂凍，呢個天氣食一流呀❄ 仲要大大碗一定夠飽，會encore😋-【招牌綜合芋香剉冰🍧】HKD35真係好巨型呀，絕對夠兩個人share😱 可能相睇唔太覺🙈 中間係刨冰，煉奶份量大，好夠甜😋 配料同嫩仙芋奶凍一樣，不過份量多一倍👏🏻

紅豆刨冰冇芋圓，但加少少錢就有，總共唔使30蚊就食到咁超大碟刨冰，而且芋圓落足料親手整，好有咬口。紅豆鋪滿表面，冰底唔係純冰底，係牛奶冰，再淋啲練奶，超好食，一人輕鬆KO一碟

天氣真係太熱了，所以lunch time都想去食過刨冰🍧先再努力工作。但呢排胃口真係麻麻，好彩朋友都唔大食，所以我哋叫咗一個咸食同一個甜食share。咸食選擇唔算多，飯麵類得三樣，另外仲有啲小食；而甜品就多啲有仙草、剉冰等等。呢到食物價格都比較平，特別係甜品👍。我哋叫咗香酥排骨飯($45)，賣相都ok啦，炸排骨即係炸豬扒🐷，叫做有四嚿，都幾厚肉，味道都幾唔錯，入味得嚟肉又嫩。鹵蛋就無豬扒咁入味，一般般，另外亦有幾片青瓜🥒，多啲就好。個飯夠汁的唔錯，份量睇落好似好細，但其實唔係!!，係夠2個人食，都叫做可以分到兩細碗，不過豬扒可以大塊啲。另外叫咗🍧招牌綜合芋香剉冰($35)，店員有主動問使咪後上，我哋一次過食埋啦，嘩一嚟到發現份量超多，比平日大起碼1.5倍👍，而且配料好豐富好多，包括芋圓、地瓜圓、芋頭、珍珠、湯圓(白玉?)、綠豆仁、西米、薏仁、紅豆等等，造型夠哂吸睛☺️。剉冰甜甜的，因為有煉奶，咁樣已經好好食，另外亦熔得唔算快。不過唔係樣樣配料都咁好食，我覺得芋圓地瓜圓比較粉，唔夠嚼口，麻麻哋，其他就正正常常，但珍珠就幾好😄。由於lunch time時間有限同埋份量勁多，所以2個人都食唔哂

食過一次 就好想食多次啲台灣野都幾正宗！滷肉飯大大碗都係三十蚊刨冰芋圓都係廿五蚊！起司蛋餅又有口感；） 極力推薦 仲要開到十一點！已經係第五次回頭！ 食物環境都非常唔錯！好適合拍拖朋友聚舊

第一次朋友介紹特登晚飯後再搭車黎到呢間甜圓方舖仔的的色色 清新感覺朋友話要試試佢既迷你冰迷你冰$28有7種唔同既圓子同豆豆中間既冰有練奶淋上$28可以試哂7種雖然係甜品店 但其實都有其他主菜同小食炸雞同肉排都有！不過每人最底消費係$20如果堂食食唔到都可以外賣！

已經唔知係第幾次幫襯位於深水埗嘅呢間台式甜品店價錢10分親民甜品質素亦十分之高雖然係甜品店 但亦有售賣其他台式小食當中特別推介鹹酥雞因為佢係即叫即炸 上枱嘅時候仍然非常之熱同脆口招牌綜合剉冰用了非常之豐富嘅材料分別有番薯圓，芋圓，小丸子，紅豆，薏米，珍珠等 冰粒嘅口感略嫌大但配上煉奶，牛奶，黑糖等味道十分之夾為這碟刨冰增加了不少分數

係附近行之後朋友又推薦下所以就嚟左。嗌左一杯仙草珍珠撞奶$20意外覺得好飲 另外嗌左碗嫩仙芋奶凍$25好食👍🏻啲芋圓真材實料 好抵！每人亦設有最低消費每位$20

甜圓坊招牌迷你剉冰相信而家有好多芋圓控🤣除左大家經常係深水埗會去的康瑞 今日就介紹下新寵啦🙈甜圓坊! 如果要將佢地兩間分類 我會夏天去呢到 冬天去康瑞😂 因為呢間系刨冰主打 佢地一碗碗的仙草都系室溫🤔 雖然佢叫迷你size但份量已經好多😆有薏米、紅豆、小丸子、珍珠、西米、地瓜圓、芋圓好似仲有一樣因爲系八寶🤪 個冰底系黑糖煉奶味 佢兩樣都落得好重手令個冰吾會好淡冇味！🤤 芋圓地瓜圓有咬口得來吾會系冇味 入面真系食到有芋頭同地瓜味👍🏻而其他配料加埋冰食都好正😂 每人最底消費$20呢碗$28如果兩個人來就要加啲配料或小食啦🤓個日另外叫左杯珍珠奶茶!佢的呢款吾同我地而家一般係台式飲料店買到的個啲 而系以前香港有間好出名的台灣餐廳’仙跡岩’的個款🤔 系比較多泡沬 奶味重D🤭 珍珠就有小小黏口😯 叫左佢小冰但都仲系幾多冰所以飲到尾就有啲淡啦🤔 整體真系吾錯 特比個刨冰 下次來要食大兜既😛

芋圓控又去試新野🥰🥰今次呢間係住係附近的地膽朋友仔推介，我梗係有殺錯無放過🙈🙈招牌嫩仙草奶凍真係仙草味 唔係涼粉扮野（你懂的）🤭🤭芋圓係我暫時食過最好味💯💯似足台灣嘅回憶，無得輸巨型綜合刨冰🈵可以兩個人開心share 都得 ‼️呢間真心良心街坊小店，口味正宗，價錢經濟抵食又大份，香港地已經買少見少💯💯💯