元気寿司 (Closed)

最近做優惠，凡惠顧堂食送一件大滿足系列的壽司所以中午就和同事一起去吃差不多放飯的時候，當然使用會員app先取位果然去到幾乎滿座了但由於一早取票的關係，所以馬上入座 與對上一次，發覺午餐的選擇改變了元氣壽司的午食之選有四款A. 蒲燒鰻魚飯配壽司定食B. 壽司定食C. 特上元氣刺身丼配日式炸雞定食D. 東京醬油拉麵配灸燒三文魚迷你丼 我選了A. 蒲燒鰻魚飯配壽司定食 － $84配前菜及麵鼓湯 麵鼓湯的煮法好像不同了，味道濃了及有一粒粒磨菇 前菜沙津也好像轉了蔬菜，之前的菜比較好吃 壽司定食－是整個套餐的精髓，有元氣卷、鰻魚壽司及兩件火灸壽司，非常美味 蒲燒鰻魚飯－雖有兩大塊蒲燒鰻魚，但下面的飯比較乾身 這間元氣非常繁忙上菜的次序全都亂了壽司定食>前菜沙津>湯>蒲燒鰻魚飯感覺就是有點奇怪順帶一提，現在好像都用QR CODE手機下單

以前的食物水準很好，裝潢比較封好改裝後，而家，座位比較擠迫，人貼人的，卡位也不見舒服，若果，一個或兩個人去，就必定被安排坐在bar枱前，最擠迫的中間位置，稍大碼size 的客人很受罪，order 的食物也幾乎沒有位擺放，很擠迫！！眼前的旋轉壽司帶，形同虛設，空空如也，只有一丶兩碟的壽司，疏落地在旋轉中，全引不起食慾，有點強迫客人要order ，不能眼見好，就自己揀選呢食物味道一般...招呼更加一般失望....

店員唔㩒制 扣cash  dollar  話無得扣！！啲ecoupon 小心細字 唔少週末跟本唔applicable. 此分店服務差。唔會再去。 唔怪得而家勁少客。希望其他分店正常返啲

23/2/2019（星期六）Honey 陪我行完會展（2019年5/F 素食展）過左三點鐘，好想坐底食d野，最就腳就諗到鷹君中心嘅元氣！一出會展條天橋，天氣仲開始落毛毛雨，又大風（當時16度），好彩有蓋遮頭，就到達左元氣！呢間鷹君中心元氣分店，地點方便☺️而且好多坐位！！我係第一次黎呢間分店食野。Lucky 唔洗等位☺️，見到仲係用緊舊式嘅運輸帶，被安排坐bar 枱，由於我已經覺得肚餓，honey 好醒目即刻點我鐘意食嘅野食。等左10分鐘，上左枝豆！一路食枝豆，一路同honey 閒聊！枝豆係$17，記得係order 嗰陣提職員加熱！個人口味鐘意熱食！☺️鹽就好睇彩數，是乎職員比定唔比！因為Menu 張圖睇唔到有鹽！我曾經試過係其他元氣分店，order 枝豆係冇比到鹽，不過問職員，職員會令入去加番鹽！😙我都好想知道點解一時有鹽一時冇鹽🤔今次食嘅枝豆，幾新鮮，豆肉幾大粒！❤️坦白講，係香港食嘅枝豆冇係日本當地食咁鮮甜，不過，元氣嘅枝豆，我會比80分！（100分滿分）！🍣質素$14嘅三文魚，塊魚肉超薄！仲衰過「新鮮」😱未見過切得咁薄。小柱反而有驚喜，三粒小柱有帶子嘅清香！所以我食左一碟，再叫多一碟！

今日咁啱有工作在身要去到灣仔， 唔係好熟路，見會展附近好似要行到好遠先有嘢食， 於是見有間元氣就入咗去。午餐有四款，最平都要80蚊。我要左個A餐，睇落都幾豐富刺身都幾新鮮不過唔算好大塊， 蟹子沙律幾好食，我鐘意佢沙律醬唔算好多 炙燒三文魚迷你丼， 燒三文魚上面有啲沙律醬，連飯一齊食好惹味， 三文魚亦都燒得好香，啲肉好嫩。 竹輪卷湯烏冬冇乜特別竹輪同魚蛋都係一般嘅竹輪同魚蛋， 烏冬煙韌 ，感覺似係讚岐烏冬。 芝士薯餅好好食雖然八十蚊但係都食得幾飽， 而且每樣都有少少唔會覺得沉悶

喺灣仔會展睇展覽，打算喺附近鷹君中心嘅元氣壽司食個lunch就行埋下半part，雖然係午飯時間，但好彩都唔算多人，大約等左5分鐘就有位了。兩個人被安排坐比較偏嘅order卡位枱，由於位置較偏，比較難叫店員落order。🔹特上元氣定食 $92見到餐牌上嘅午餐定食好吸引，就同同事相同叫咗同一款。等餐時間都花咗約10多分鐘先到，壽司賣相一般。芝士薯餅好失望，完全唔熱😔 其實壽司同刺身都一般。如果質素有改善的話，呢個價錢會食得開心啲🙈📍元気寿司灣仔港灣道23號鷹君中心地下G05-6舖．．環境分數：6/10食物分數：5.5/10Encore分數：5/10

由11月中到12月中，元氣有期間限定的德島美食。今天我就將全部都點了一客來試一試。吊脆的是它竟然先給我上甜品：甜薯蛋糕，我便老實不客氣先吃甜品了🤣蛋糕的cream都是甜薯做的，甜度適中又有薯味。另一甜薯天婦羅就比較吃到甜薯纖維的口感，炸醬薄薄非常討好。牛蒡炸薯餅一咬便跑出來的是牛蒡的味道，薯味比較弱，炸皮亦較為厚和硬。親子軍艦的炸雞炸得很好，皮脆但肉仍然鮮嫩。火灸油甘魚大件而不腥，魚香十足。炸雞一碟約有六件，並附有青檸增加鮮香味，非常貼心。廣告採用的綠色非常討喜，是令人食慾大增的好設計👍🏻👍🏻

在灣仔有兩間元氣分店，除非會議有大型展覽，否則我都會選擇這間分店，一則店鋪較大，座位較多，容易有位。但更重要的是它的店員服務很好，態度親切，令人有舒適的用餐體驗。食物方面，都與其他分店相同，而幾乎每次都點的就是蒸蛋，喜歡它水嫩滑滑的口感。印象中第一次食日式蒸蛋就是在元氣，一試愛上，自此便常常吃了。今次特別點了啤酒🍻，本身啤酒已經雪得冰凍，然後它亦沿用日本的方式，將啤酒倒入已冰過的玻璃杯，特別醒神。難怪日籍客人都會點這個，果真可以在放工後令人精神為之一振。

來元氣壽司每次的目的只有一個——食大滿足，只因這個系列不貴材料卻有一定的質素保證。鷹君中心的店尚算開揚，迴轉壽司的輸送帶亦頗長。輸送帶上的壽司種類不少，但我們通常會另外點「大滿足」的壽司。八爪魚不乾身，有鮮味，彈牙。大滿足系列，個人力推辣味長崎吞拿魚、油甘魚、炙燒左口魚裙邊及赤海蝦。炙燒帶子，單點 $17，每次必點，鮮甜肉厚，但今次上碟時帶子跟壽司飯分離了，太求其吧...... 食物水準依舊穩定，想念「大滿足」時會再來。

朋友知道我想食壽司同魚生類嘅野，於是我地約嚟食元氣壽司。我其實好少食元氣，因為比較貴，通常真係好想食迴轉壽司嘅話，我會選擇爭鮮，想知我對爭解嘅感想可以睇番我之前嘅食評😆我地1：00左右嚟到，以為食lunch嘅時間會好多人，點知我地嚟到等都唔駛等，可以直接入去。入到去佢地安排咗我地同人搭枱，座位比較窄，有種肥少少都坐唔入嘅感覺。佢lunch有3個set可以揀，我同朋叫咗一個set c share,另外再拎咗幾碟壽司。個餐包咗一碟刺身，一碗mini魚生飯，3舊炸雞，一碗烏冬同一個沙律。刺身包括2舊三文魚，1舊吞拿魚同1隻蝦，刺身厚切，亦非常新鮮，果然一分錢一分貨。魚生飯亦都好食，帶子同樣厚切，北寄貝爽口，好滿足。烏冬同沙律味道普通，炸雞味道就麻麻。另外我地仲拎咗3碟壽司，加州卷外面鋪滿蟹籽，唔錯。另一款卷物中間包咗芝士，我就覺得唔太夾。我地仲拎咗熟蝦壽司，上面鋪咗芝士醬，依款味道上比較夾。)

今天要和同事到灣仔會展參加活動，中午時決定來到灣仔的元氣壽司吃個午餐。我們大概等了10分鐘，叫了一個午餐定食，裏面有四舊壽司，再加一份炸雞，面鼓湯，蟹子沙律和一個小的魚生丼飯。價錢大約60多元，係作為一個簡單午餐嘅好選擇。

過咗Lunch Time 時間，人流少咗好多, 仲唸住冇咁逼，冇咁多人，可以慢慢嘆吓, 這個想法錯晒, 迴轉的壽司款式不足夠, 想食嘅冇，來來回回也是冇人取的幾款，成半小時冇人取，不夠新鮮,我只好 order叫壽司，原來的意義失去晒，晤需要迴轉了，可能下一次嚟也要揀旺的時間。

要食性價比高既食物，不得不黎元氣～Boxing Day周圍搵食都好難，而且剛剛去完美食節，於是順路就黎左呢間元氣食。地方寬敞，寧靜，最岩吹水～ 雖然點食物沒有高速線的快，但亦不需等太久

一個人的快午餐，想吃壽司，就來這裡。平時一至五午餐好少來，所以一定要食lunch set。我叫了個雜錦壽司午餐set，有九件壽司，麵士湯同沙拉。最初以為唔算多，點知食到最後兩件差點兒食唔落。位就只等了一陣，一個人比較容易有位，但位置很小，有些不方便。可是，個set就等左20分鐘才來，餓死我。個餐終於來了，首先吃沙拉，有沙拉油，味道幾好，分量足夠。壽司方面，我極喜愛左口魚裙邊壽司，真係好好食。另一最愛係炸蝦卷壽司，暖暖地又脆卜卜，好好食。最失望的是麵士湯，裏面的豆腐鹹到阿媽都唔認得！

放工後由於買左戲票睇戲，所以就快速到公司樓下的元氣壽司和同事食個快飯啦！已經有一段時間沒有光顧鷹君中心的元氣壽司，裝修還是和以前一樣，沒有跟隨其他的分店改做新幹線做賣點的送餐服務！😀😀還像老樣子的迴轉壽司一樣，任你喜愛而選擇所需！三文魚刺身～色澤漂亮，不會切得太薄，入口時脂肪比例剛剛好，十分肥美！燒玉子壽司～每次去元氣都必定會叫的，厚厚的玉子包住少許米飯，甜甜的很可口！火炙帶子壽司、松葉蟹牛油果軍艦及炸蝦壽司～維持一向水準，帶子鮮甜；炸蝦新鮮炸起；松葉蟹與牛油果十分相襯！但沒有太大的驚喜！於鷹君的元氣壽司在晚上相對其他分店比較小人光顧，是食快飯的好選擇！