銀咖哩 (Closed)

過時過節, 想找間有D特色,又平平地,又可以座耐D.這間是幾好的選擇.兩人最好食這個富士山咖哩.足足1.5 kg 的飯餸, 好香的日本咖哩, 熱辣辣的吉列豬,新鮮鷄蛋有飯內, 好香!好豐富, 好滿足;但最差是這裡的冷氣,通風不足.希望改善下,就好好多.

FOOD COURT既好處就係大家鐘意食乜就各自食。今日同老婆就去到將軍澳popcorn既foodcourt，我選擇了〈銀咖喱〉。櫃檯仲有好多食品模型，一貫日本餐廳的風格。最後揀左富士山咖喱飯。嘩！！超大碟！！有大量日式咖喱汁，甜而不辣。而且仲有腸仔，煎蛋，流心蛋，漢堡扒，當然仲有吉列豬扒！！除左吉列豬扒外其他都係即食食品，當中腸仔比較〈淋〉身，無乜咬口。但吉列豬扒整得幾好，炸得夠脆而且脆漿不厚，內裡豬扒亦結實好吃，幾好幾好！$77，咁大碟，差不多是2人份量，算幾平！

銀咖哩 本身我都幾鍾意食既食物本身有質素既今次個post唔係講食物，係講個服務。係講將軍澳東港城果間銀咖哩真係連麥記都有服務過佢😑仲要唔係其他員工而係個黑色衫既員工（可能係店長）帶頭比氣客人受買野食果陣我都企正係佢面前（佢係收銀位），但係望左我一眼就另轉頭同其他員工吹緊水😑講緊咩綠茶蛋糕，講緊咩用野食去換，講緊咩攞多杯汽水比佢換.......咁其實佢用公司既野去換其他野食返黎，係佢既事...但我身為客人雖然唔係大曬，不過都唔係企定定咁耐都無人理我掛....我咁大個人企係到 佢唔會見唔到我掛....好喇到佢終於望住我，但係佢又啞既，都係我同佢講：我要xxx餐 攞走 佢應一聲都無 淨係：34蚊丫 （當時已經另轉左頭同佢班同事傾計）我同佢講 ：8達通丫唔該再一次佢又無反應，繼續傾計...我唯有再一次：8達通丫唔該... 都無理我過多幾秒佢終於拎返轉個頭望一望我，見我手拎8達通，我先見到個8達通機出現「34」蚊就算到最後佢比張單我既時候，都係無眼神接觸的，繼續同同事傾計......究竟我點解要貼錢買難受？

之前食過炸到爆嘅下午茶, 印象好麻麻...跟住食蛋王哥限定, 味道印象都係一般咁~有幾次又因為諗唔到食咩, 所以就食單餸食, 都係一般般~今次又係諗唔到食咩, 所以入咗黎~叫咗次次都見到人叫嘅 1.5kg 咖喱飯~ 又 ok 喎今次~ 完全一洗之前嘅頹風!!!好足料, 令我好驚喜~ 真係完全估佢唔到~咖喱汁 份量 arm arm 好~呢塊漢堡扒 唔油膩 而且幾軟 口感幾好喎~豬扒炸完都仲 ok , 唔乾身呀~ 飯嘅質量都 ok, 唔係頹米~唔錯呀, 會再黎食嘅~係爭在地方所限, 抽風唔得, 真係好焗好油煙味下~要即刻番屋企沖涼洗頭... Hahaha~~~~

銀咖哩都算係經濟實惠嘅連鎖餐廳啲咖哩都幾好食又大大份朋友見呢個咖哩飯個名好霸氣又富士山又 1.5 kg 盛盛咁就揀咗呢個點知又係「理想與現實」餐嚟 😂其實份量都好多嘅，兩個人食都食到勁飽味道都好食～不過賣相就頹咗少少咁囉，哈哈

閒日lunch嚟到銀咖喱冇咩人, 見餓餓地就兩條友挑戰下富士山咖喱飯, 貪佢一大碟飯, 有齊漢堡、炸豬扒、腸仔, 唔駛心大心細唔知揀咩好!!富士山咖喱飯 ($88), 一眼望落去有好豐富嘅材料，最正係頂層嘅蛋同芝士，拮穿隻蛋見到蛋黃流落飯度嗰下好吸引!另外仲俾咗一兜咖喱醬俾我哋食到入面可以撈下飯, 嗰兜醬仲有啲薯仔粒㗎,  講真白飯真係食唔落~食到尾聲, 其實唔係好撐得住, 雖然有咖喱醬送飯, 但都覺得濟濟地.  雖然係咁, 經濟餐嚟講整體都唔錯, 如果隻蛋同芝士再多啲就正啦!!

Before talking about the food, let's say a few words about the environment. Do not wear your thick winter coat into this place because you will smell like an oily thingy from head to toe. They have a semi-open kitchen right next to all the tables and seats. No matter where you sit, you will feel like you are eating inside a deep fried pan. There is another fast food chain right next to this restaurant so you can imagine the smell.Come to the food, it is definitely fewer in portion than half a ye

坑口周圍都裝修，食肆少左好多選擇，最後同D同事食銀咖哩，貪佢夠快又平⋯ 午飯時間好多學生，都等左一陣先有位.. 同個同事share 富士山咖哩飯$75 有煎蛋有腸仔漢堡扒，豬扒皮有dd厚，但肉質不錯，咖哩汁,蛋汁,芝士岩曬撈飯... 普普通通但份量足.. 二個人食就岩岩好！

睇劇前食飯，去左將軍澳嘅FoodPoint，選擇原來都幾多元化，今次就試左銀咖哩。富士山咖哩飯🍛🍛 $75 （另外加左芝士同炸蝦，唔記得幾錢）聽個名都好有睇頭，聲稱重1.5kg架，我就同我男朋友share食，係食唔晒架🖖🏻主打咖哩嘅店舖反而咖哩一般般，咖哩唔係熱嘅，只可以話係暖，少少辣味都無。加錢嘅芝士🧀係融唔到嘅。蛋🍳有小小過熟無咁好味。炸蝦🍤就唔錯👍🏻👍🏻，食得出係即炸嘅。其他餸就無咩特別。不過就價錢而言都算唔錯。

在將軍澳坑口東港城的美食廣場內，聚集了不同食肆和不少年輕人。包括很出名的「Mos B__ger」和以咖喱飯作賣點的「銀咖哩」。「銀咖哩」能吸引不少光顧有其原因，其中一個是 …… 平。這裡一碟沒有其他配菜的「銀咖喱飯」只要$20，如果要求不高的話，已經可以又平又飽肚，當然，這並不是我要介紹的食物款式。這裡有個很誇張名稱的咖喱飯，叫做「富士山咖喱飯」，單看名稱和照片已經可以料想是「大佬級」的菜式，要像小林尊般的大胃王才能征服，所以亦不是我要食的東西。這個才是我點的菜：美式炸雞扒咖喱飯。美式炸雞扒咖哩飯套餐如果不選汽水或其他飲品的話，只盛惠$32而已。這裡的雞扒沒有強調如「現炸」或「熱辣辣」作招徠，賣點可能只是「平」、「便宜」。咖喱汁真的很濃稠，比我上次在「辛味屋」吃的咖哩來得更稠。我看見不少學生哥和上班族在開餐，為的可能只是一個字：平。

久違的排球，重新再接觸，好熱血喎～喺運場打完波，消耗左好多，肚仔成隊儀杖隊打鑼打鼓，係是係補充一下啦！個fd話堅肚餓要擦餐勁，我就話運動完想忍口食少d～佢話想去試銀咖哩大大咖哩飯喎～呢間野係喺東港城商場的小型food count內，所以有點開放式嘅感覺，呢度個廚房，係以透明玻璃圍住，入面嘅衛生情況，透明度相當高架！餐牌上，有著各種不同配料嘅咖哩飯，最平嘅咖哩汁飯只係$20！好抵喎～話哂都叫日式咖哩連鎖店吖～而成個餐牌最吸精嘅當然係價值$75嘅富士山咖哩飯，亦係個fd今次要挑戰果個！我叫左淨汁$20果個，份量ok架～雖然佢話淨汁，但汁入面會食到細細碎碎嘅洋蔥同薯仔，咖哩汁味道香而不辣，少少甜甜地，食完亦唔會有熱氣嘅感覺～枱上有罐紅色嘅甜酸蘿蔔片免費添加～爽脆醒胃，味道超好，與咖哩味道好配合，老老實實，我食左人成三份一罐，叫廿蚊飯仲食人甘多籮蔔，有冇唔好意思先？！哈哈一幅強烈對比嘅圖～嘩！！！無呃稱喎！真心大件頭！ 真心特盛～我心諗食曬實勁凸頭先消耗左嘅卡路里～不過，我都忍唔住食左半件吉列豬同半條腸，吉列豬肉厚，肉質鬆化，腸仔應該食落係我至愛嘅廚師腸！最後，個男仔fd今次嘅挑戰係失！敗！嘅

午餐時去左銀咖哩食,平得來又夠飽既快餐今次叫左個餃子咖哩飯同芝士豬排蛋包飯,學生優惠送汽水  餃子咖哩飯雖然有D燶,但係都OK好食,清清地咁,如果再多D汁就好!我自己都幾鍾意佢任添既漬菜,不過今次果罐同上次唔同左,唔夠入味同埋酸左少少. 之前好似好味D! 咁佢比Coco 一番屋平一半,冇人地個漬菜咁好食都正常.芝士豬排蛋包飯個芝士係成塊正方形咁放係面既,就唔係同蛋溶埋一齊,食落去係分開既感覺.個豬排都幾大舊,味道尚可.

好耐之前試過幾次銀咖喱覺得便宜但味道一般今次有野事要早食晚餐 經過入去食early dinner✨芝士咖喱蛋包飯 ($30)✨ 選擇看似多其實配料有限 叫set好左的不用煩叫完好快有得食 一塊芝士 一大塊煎蛋蓋著飯四邊淋上咖喱汁 咖喱中有很少量薯仔和牛肉碎 薯仔僅一舊不過煮太而淋到粉 牛肉碎加點肉味白飯煮得偏淋 配稀薄的咖喱味都幾糊口 夾在一起反而芝士味出如果怕怕唔夠飽仲可以免費叫鬼盛即係多飯咁解鬼咩盛其實都唔係好多飯 女仔一樣輕鬆食得曬 有人挑戰富士山咖喱飯 的確好大份 不過好普通Rating💁🏻(5.9*/10*)

老老實實.. 一向鐘意食佢.呢個銀咖喱招牌既..富士山餐飯簡單黎講..就係一個全包加大咖哩飯..乜都有..份量夠2個人食唔介意對方口水味既真係ok但係我一直鐘情於銀咖哩..唔單止係因為佢咖哩好味..好適合我呢種想辣..但又唔算好食既佢抵食..最平既咖哩飯..都只係19蚊..(仲平過m 記)而且佢有唔同程度既..辣度同飯份量可以揀..可以做成不必要既浪費一個餐兩人分..當山頂個蛋黃切落黎..如果有黃汁落黎..就真係好富士山咁強烈要求個蛋變成荷包蛋..俾個ok..希望有改善..

When I go to this restaurant.to eat dinner,I have chosen one dish call pork with curry egg rice.The food is extremely ugly as a shit!The pork is very old .I hate it very.much.The.curry.is very sweet !I don't think it.is.a curry!I.will never eat again