銀座蔵人 (Closed)

呢間放題早前同事介紹話唔錯~ 座位濶落環境幾好~ 食物都幾多選擇~ 而且全部即叫即做~ 刺身好新鮮😁 食物賣相靚味道又好~ 但食物份量太大份~ 建議可整細份等客人可試多 d 款式又唔會浪費~ 但放題只包一杯汽水~ 無限時我地坐左成晚食左好多野😂但美中不足無甜品提供~~

HAPPY FRIDAY經理請食LUNCH,所以去左呢間,因為公司經理常常食呢間,所以一於去試下有幾好食.午市套餐既價錢由$100~165,另外都有散叫野食.套餐包一杯細杯既餐飲,一球紅弄雪糕環境方面:我食12:00LUNCH所以唔洗等位入場,一開始都好靜,但開始多人之後,就....好嘈(真係估唔到)服務方面:可能人手不足,我地又坐得好入,所以侍應除左送餐過黎,基本上都忙都唔會同你加水食物方面:個樣好似好勁,食第只覺得一般般.埋單:$947 (6位)總括黎講,算係唔錯既,但如果唔係有經理請食,我諗我唔會黎=.='

今日同一聚舊同事開飯啦有同事推介灣仔依間酒店入面既日本菜放題，咁我地梗係試下佢虛實喇。本身book左七點半，五點半收左工諗住周圍行下，點知同事話放題由六點至十點任食，咁就正喇，早收工同事可以坐低吹下水飲住野先。點知去到，原來佢個放題無任飲，每人淨係包一杯汽水，再添就要加錢，灰左Service黎講就都欠奉，落單要寫落張白紙度，連可以剔果d落單紙都無，唔叫佢地又唔會加水。講番野食喇，食物質素都還可以，最好食係串燒同刺身，但選擇唔多，刺身得七至八款，而其他既小食同炸物都比平時食開既放題少選擇，壽司亦都犯左放題大忌，一件壽司都用有三份一碗飯咁大舊。係食得出廚房個師傅比起其他放題有料d,不過食落d食材質素都係好一般。仲要，放題完全無任何甜品，講真，食完係飽，唔覺得整體難食，不過唔會覺得過癮囉，所以未必有下次

呢間餐廳風格都裝修得幾靚，好有日本風味。至於食物質素呢，由於食物種類太多，當然就定要食刺身啦。 刺身拼盤件數都足數量，三文魚算厚切，北寄貝，活蝦等都是新鮮的，全部入口感覺鮮甜好味，肉質挺身，可以order多幾次啊。

星期二，一朋友一齊放工出來慶生。人多想傾耐小小計，於是有朋友介紹了這間位於華美粵海酒店的放題。這間日本餐廳裝修十分有日本風味，座位也寬闊。通度也很闊落。侍應見我地人多，安排了我地入座八人位。這裡的菜單也豪華，也有質感，感覺上去了五星級酒店的日本餐廳，完全不像吃放題。不過這裡點餐有點特別，完全不是跟傳統的點餐紙，只要自己寫低食物的號碼及數量。最特別的是壽司寫1的數量會來一雙，所以當我們點了很多壽司X6時，侍應哥哥問我們是否真的是每款要12件，哈哈，當然不是拉。先來<<麵豉湯>>，幾足料，不過有少許咸。<<刺身>>都有好幾種。三文魚，甜蝦，尤魚，北寄具，帶子，螺片。全部都好新鮮，唯一失色的是沒有八爪魚刺身。<<帶子串燒>>!!大大隻，又有口感。這裡的壽司很大不，夠大又夠新鮮，除了<<蟹柳壽司>>外，都值得試。性價比最高就是<<鰻魚壽司>>及<<魚籽軍艦>>。

$268 日式放題包一杯汽水再加一。基本上這樣的價錢當錯也不抱太大的期望。今晚經過便walk in，餐廳不滿，所以一去就有位。立即就order sashimi拼盤同鐵板燒食物。基本上portion係悉中，啱哂兩個人食，啱啱好。但係鐵板燒食物就唔夠熱。串燒都ok不過有啲偏咸。sukiyaki真係幾好食，上菜時係滾燙的。魚生也是新鮮的，這個估不到會那麼岀色。魚生種類也不少。Conclusion: 不過不失。對得起這个價錢！大家可以去試試。因為你岀面嗌個雜錦刺身都要百幾二百啦，所以哩到都算係超值。

呢幾日都同男人請左假 喪溫書，今晚就要上赴刑場。緊係死都要做隻飽鬼啦。男人都係呢頭附近返工，食過話呢間食材靚同正，一直想帶我黎試， 可惜我返工唔近呢邊，今次終於有機會！男人就要左個定食，至於我呢個烏冬腔就緊係嗌個烏冬試啦， 一般黎講 去食日本料理 除左放題外 我都抱住個食唔飽既心態！但呢到個份量 對偏向大食既我 都覺得滿足！ 起碼 食材靚 美味同份量足夠。對得起呢個價錢！

終於試到佢嘅放題喇 平時中午嚟都係食佢嘅set lunch，而且有返咁上下嘅質數，中午嚟食，次次都要訂位 ，但今次食放題我都有訂位，每位268加一，佢嘅放題時間仲好長tim呀 1800-2300 乜都夠哂啦 最啱一大班朋友嚟食 雖然食物嘅種類唔可以叫好多 但勝在質數有返咁上下先啦 值得推界！而且環境同衛生都ok 下面嘅相只係當晚嘅一小部份 仲有值得推界就係佢嘅蕃薯仔 好好味

餐廳是在酒店內的，所以一直也不知道它的存在，直至第一次同事帶我去。但第一次去因為是午飯時間12點45左右，人龍很長，未能試到。今次我們12點10分左右就去到，完全不用等  點了撈烏冬壽司SET，撈烏冬味道是可以的，主要以醬油，加上紫菜，脆米及芝麻～本人不吃芝麻，上菜後才發現，請姐姐幫我安排換一份沒有芝麻的她們也很樂意。但烏冬韌度不足，溫度不冷不熱，要扣分⋯⋯ 而壽司就是普通貨色，全都達合理水平，除了吞拿魚壽司，看起來不新鮮不吸引就沒有吃了。但這個價錢的午餐，其實都很不錯。跟餐還有一球雪糕，當天是cookies n'cream味，還有跟餐的咖啡為下午的工作充充電～整體食物不算很出色，但午餐吃日本菜來說已算抵食～

都吾知第幾次黎啦~依間放題係酒店入面，吾係咁多人識，所以平日無咁嘈，上菜快，質素又keep到！價錢好值，比起出面旺角嗰d間直無得輸，黎搞下聚會，吹下水都不錯！！

有朋友特登搵我食飯，仲要排定隊攞飛等我我去到個門口真係勁多人等，個冷氣仲要勁凍一如既往，我都係叫 sushi 餐三文魚子同海膽嘅紫菜，冧晒。唔知擺咗幾耐先攞過嚟其他壽司魚都係一般，唔係太靚壽司飯，一用筷子夾有幾嚿都係散晒，差d要用匙羹食餐跟烏冬，油咗少少，烏冬麵質唔滑鞋口唔冧跟餐甜品 紅豆雪糕本身個雪糕好好食，但一嚟到枱就見到佢溶咗啦！佢哋應該貪方便同熱水浸住個殼，所以一掂雪糕就溶。如果雪糕唔溶幾好食的一杯好重罐裝檸茶味的凍檸茶

Happy Friday, 一班同事去食飯,揀日本野喎,去到要等20分鐘.海老天婦羅炸年糕撈烏冬  + 壽司5件定食 + 紅豆雪糕 + 凍o茶 HK$88 + 10%天婦羅蝦三隻,雪蝦無蝦味又細隻,炸年糕無特別,D烏冬吾爽,只係夠粗條.壽司用一般放題料,吾夠肥美

一個月內，第二次光顧銀座藏人了，蠻喜歡其以淺木為基調的裝潢，以及其的骰美味定食組合。唯一的缺點是 – 極為嘈吵，仿如置身茶樓般，沒有片刻的安寧。由於上次老爹點的烏冬極為煙韌爽口彈牙，小妹想再次品嚐，但又心思思想吃壽司，故要了個壽司拼盤(八件)定食$98。可惜，是日烏冬質感強差人意，偏淋了少許，欠缺了一份嚼勁。壽司有八款，餡料分別是吞拿魚、魚背、三文魚、帶子、鰻魚、甜蝦、海膽和蟹籽，置於淺藍和風燒瓷上，色彩鮮艷奪目，煞是吸睛。壽司飯粒粒分明，惜較為鬆散，筷子一挾即散。最好味的是肥厚帶甜的帶子和嫩滑細緻的甜蝦，吞拿魚和魚背肉質有點糊口，海膽有點苦味，蟹籽未夠圓潤、咬下不太爽脆。簡單來說，新鮮度稍欠。是日飯後甜品是小妹討厭的抹茶味雪糕，幸而抹茶味極淡，帶奶香且夠滑，啱晒小妹口味。熱檸茶入口帶苦且澀，不甚討好也。

昨晚，基於溝通上的一點小誤會，老爹錯過了與我們去麥麥燒‧肉‧活魚‧海鮮店嚐新。是日，小妹就揀了公司附近的銀座藏人用膳，稍稍減去他老人家的怒火。吃罷，除了環境較嘈雜外，他甚為喜歡該處的食物，更連說「抵食」﹗小妹打電話預約時，姐姐仔話預約名額已滿，可嚐試walk-in。去到時，已幾乎滿座了，幸而，我們很快就被安排入座了。餐廳以淺木條作裝飾，簡潔明亮，地方倘大，然十二點半已座無虛席﹗午餐套餐選擇蠻多的，不禁教人有選擇困難。我們也花了頗長時間，才揀了自己心儀定食……五目飯味噌酒粕湯定食$85小妹的定食包五目飯、味噌酒粕湯、刺身拼盤、雜錦天婦羅，飲品及雪糕，僅售八十五大元，超級無敵抵抵抵﹗五目飯為何物呢？原來「五目飯」是指「雜錦飯」，一般來說調味都較為清淡，方便與其他配菜一起吃。餐廳的五目飯是用木魚湯、淡口醬油、雞肉粒、紅蘿蔔絲、魔芋絲及豆皮等雜菜混合煮成的香飯，飯粒口感偏濕粘，幸仍帶嚼勁。若能再乾爽少許，口感將會更佳也。雜錦天婦羅陣容也超強啊﹗有大蝦、南瓜、蕃薯、茄子和及冬菇各一，炸漿薄薄而香脆的，一點也不油膩，夠晒香口好味﹗刺身拼盤也甚有睇頭，有兩塊肥美豐腴的三文魚，以及鮮甜大甜蝦和帶子，水

是日約了朋友食中午飯，地點就他，在他公司附近的，當然由他帶路，見面後，朋友建議吃日式，並帶我來到粵海酒店的《銀座蔵人》。說起粵海酒店，酒店的餐飲同酒店的格局取向有點出入，因為從名字已經能令人知道，粵海酒店是專門接待國內遊客的，但當中的食肆，不乏高級粵菜，傳統英式並帶有蘇格蘭風味的酒吧，同《銀座蔵人》這一家中高檔的日式餐廳。中午 lunch time，《銀座蔵人》的定食是非常大眾化的，我們12:30左右來到，都要等上加等，等叫 number 才有得入場品味。定食，朋友一於來一個全壽司的定食，我們計算過，這一個份量十足的壽司拼盤，有壽司十五件，有魚生、生蝦，也有一球蕃薯蓉。生魚片的味道都夠新鮮，甜美，尤其是那一條生蝦，直情是版甜入心的。我的定食，是牛肉鍋，肉味絕對是夠濃郁，湯底甜美，金菇香，伴飯食是絕佳的，不伴飯食，也是份外的香甜味美。食日本餐，總會提供麵豉湯，這一個麵豉湯用料多，而且色彩也夠，很少麵豉湯會用上那麼多菇同雜菜，味道亦夠濃，夠香，豉味重。餐後，永遠是甜品時間，日式的食店，永遠有日式的雪糕，而芝麻味的雪糕永遠是吸引的，很香，很甜，也很 cream。日本是一個喜歡咖啡的民族，餐後