銀座蔵人 (Closed)

灣仔區有大量的日式餐廳由較為平民的到較高級的選擇也有不少有一些較高級的餐廳即使價錢較貴亦不乏捧場客例如今次所到的銀座蔵人一個午市套餐索價$100-$150元亦大排長龍可惜的是其味道物非所值至少午市的水準如是索價110元的海老天婦羅炸年糕撈烏冬拼壽司定食就份量而言絕對是貨真價實的可是味道方面卻令人失望炸物的質素從照片中看到炸粉的厚度已可見一斑天婦羅蝦的炸粉十分厚熱度也不夠而撈烏冬也煮得過腍這樣的味道要吃下整碗實在是有點吃力壽司方面要讚的是厚切帶子毫不吝嗇吃下很有滿足的感覺可是小卷則相反飯太多料太少整體壽司的味道和口感也不是太好另一個定食的壽司也是差不多只有厚切帶子能加分三文魚和吞拿魚則較為失色希望這是因為午市人太多利錢又不大所以將貨就價而未使出餐廳的真正實力吧

銀座藏人座落在灣仔華美酒店一楼，地方寛濶， 不似一般放題又逼又嘈，環境己先取勝。老實說，食物款類不多，但對於我這類食人己足夠了，因我跟本吃不下咁多不同款類的食物， 最重要 是價錢非常合理呀。當然先來一個什錦刺身，有三文魚、甜蝦、螺肉等。 款款都鮮甜美味， 我朋友就極力推介螺肉， 而我就非常喜歡甜蝦，好大隻，食落口有粘粘的感覺，仲好似有少少海水味，正。由於剛剛炸出嚟，所以芝士年糕又是本人極力推介之一。外脆內軟， 流心芝士有少少酸奶的味道， 所以吃了兩碟。鰻魚都好好味。溫泉蛋沙律， 有麵包粒，煙肉粒伴碟， 打散個溫泉蛋 配埋沙律醬汁一齊食， 簡直一流清酒雜菌蛤目，雖然蛤目不大隻， 但尚可接受， 湯底還有什菌，吾錯。加埋一每人300蚊仲有找。超抵

因係灣仔返工，所以成日同同事周圍試唔同既餐廳，講到最喜歡既日本菜，一定非銀座莫屬。Lunch set 除咗 main 仲有餐茶同雪糕。我平時最喜歡食牛肉烏冬壽司定食，份量夠多，又有烏冬鍋又有壽司，滿足晒我呢個貪心既小朋友。佢哋啲嘢食嚟得好多，岩晒我呢啲一個鐘後要交人既 OL。烏冬唔算好彈牙，但個鍋勝在夠豐富，有菇有肥牛有菜有蛋。加埋啲壽司都幾大件，有三文魚，帶子同吞拿魚。最後仲有 cookie and cream 雪糕，大滿足呀！

經常聽到朋友講，美華酒店內有間日本餐廳，好好食，今日就去一試～銀座藏人位於美華酒店內，位於酒店內，地點不起眼，但驚喜既係入到餐廳你會發現接近全滿！Lunch 時段不設booking, 所以要早少少嚟拎位。我地叫左牛肉烏冬鍋6件壽司 and 藏人之松花堂弁當一齊分享。牛肉烏冬鍋6件壽司，湯內有陣陣既牛肉香味，湯底帶少許甜，烏冬吸滿了湯既香味，不過牛肉就有點肥。最好既係，食完全碗烏冬，湯還是熱的！ 壽司方面就冇特別。 份量好足夠，冇偷工減料，一向大食既我，都覺得好飽藏人之松花堂弁當，一上到桌上，見到都開心！有蒸蛋、天附羅、燒魚、玉子，飯、燒牛肉及刺身蝦， 超豐富！ 天附羅食落吾油利，牛肉就有少許硬。 響你飽到抱住個肚時，仲有驚喜！個餐仲有雪糕&餐茶，實在好豐富！

最明显的特点是太多了！lunch set 我点的有一大锅乌冬面+ 寿司+餐后冰激凌+餐后饮料乌冬面真心太多了，只吃了一半。味道中规中矩寿司味道一般，不觉得很精致冰激凌还不错饮料不好，尤其是冻柠檬茶，是从瓶装饮料里加了柠檬，太甜了，不喜欢总体一般，但是便宜，性价比高。人均120

呢間餐廳係一個同事嘅最愛，午餐黎講真心覺得貴。因為環境一般，十分嘈吵，但食物質素的確比較高，每次去我都會食曬成個餐，有壽司同烏冬面，當然有飲品同埋甜品啦！佢個腐皮烏冬，腐皮好入味，第一次食嘅時候，覺得得一塊腐皮做餸，個烏冬一定好齋，但係可能因為個湯夠味，所以冇呢個問題。腐皮好好味，吸左好多湯，有水潤嘅感覺。壽司唔會凍冰冰，或者好乾，雖然唔係特別鮮甜，但係返工嘅日子，食呢間餐廳做午餐真係好滿足，可惜同事走左，應該好難再約到人午餐去食依家唔餐廳

這還是第一次來到銀座藏人吃午餐，由於同事提早訂位的關係，所以不用等位。menu的選擇蠻多的，有點花多眼亂，最後選了牛肉烏冬鍋配刺身和飯。刺身的質素平平，不是很突出，尚算新鮮，沒有咬到根，味道OK。牛肉烏冬鍋很豐盛，包括炸蝦天婦羅、牛肉片、蜆、蔬菜和烏冬等等，份量不少。炸蝦天婦羅炸得不夠脆，蝦的肉質夠緊實；肥肉有少許鞋口，感覺像街市買回家打邊爐的肥牛，味道還好；蜆肉感覺不是新鮮的蜆，應該是雪藏吧，味道較淡；可能煮得較長時間的關係，烏冬完全吸收了湯底的味道，質地偏冧，很好吃呢整體而言，吃這個套餐能嚐到多種不同的食物，味道不錯，下次會再光顧。

係灣仔食晏、最平30/40 蚊一碗麵有，過200/位既都有。 咁有時食平當然有時都可以厚待自己一下啦。 厚待唔係淨係講緊價錢，仲有個品質既。 係華美酒店1樓呢個日菜，係我認為想厚待自己時既其中一個好選擇。 午市都好旺場，要做定要等位既心理準備。餐牌上大多係定食既選擇，通常係鳥冬搭配壽司。 今日揀既係腐皮烏冬搭蔥吞拿魚飯定食。 先講茶碗蒸，滑既對路既，但水多左啲，即係稀左啲啲咁。 到個烏冬，腐皮大大塊。 烏冬係比較稔身，湯清淡但唔會寡，其實食完都飽左大半。 最後蔥吞拿魚飯。首先，啲蔥吞拿魚，好。重。手。好似個肉餅咁舖係個飯面。 我覺得係絕對夠撈均成個飯，但因為有預感食唔完所以我就無撈哂，邊食邊撈。 個飯有驚喜，因為除左吞拿魚同蔥，原來仲仲有銀魚仔同冬菇粒。呢兩樣野香得黎硬少少又加強返個口感，我認為係用心諗過既 餐後仲有餐茶同一球雪糕。成個份量應該係一位男士都會覺得滿足既。係酒店餐廳食日本野飽仲要幾好味都係百2蚊到，我覺得係耐唔時想食好啲既好選擇。

今天朋友們約好在灣仔晚餐，這是位於酒店的日本餐廳。日式放題，每位三百元有找，價格合理。上網看過食評，所以不會對食物有任何期望。其實只為了大家聚一聚，派利是！來到餐廳，剛好今天客人不多，職員安排於內堂就座，簡直有如包房。這就是屬於我們的小天地了！大家邊食邊等，點了很多款式。刺身～甜蝦最好味！香蔥吞拿魚魚生飯　　吞拿魚只是配角，主角是下方混有芝麻及小魚乾的白飯。几位小朋友都可享用呢！蒜子牛舌　　每次放題，都喜歡來一份牛舌。牛柳粒外層剛熟，中間嫩滑，牛味濃。大家都讚好，再多點一碟了！炸豆腐　嫩滑的炸豆腐，上方綴有辣蘿蔔蓉，配搭很特別。魷魚天婦羅　墊底的白紙没有太多油份，看來不油膩。炸漿很薄，內裡魷魚很彈牙，炸的時間剛剛好，真的不油膩呢！鹽燒鯖魚　厚身燒鯖魚，肉質滑溜，還配有日本醋汁及檸檬，很久未有嚐過如此美味的燒鯖魚了。蒲燒鰻魚大大件鰻魚，魚皮油脂豐富，最重要是鰻魚的肉質唔錯。平常在壽司店遇到的鰻魚肉，肉質軟棉棉（即是霉），而且份量又小。今晚要多點几件當作回本。忌廉蝦薯餅　大大件薯餅，中間包著軟棉棉又滑溜的忌廉，外脆內軟，真的欲罷不能，又要食多件。迷你蕃薯天婦羅　黃肉蕃薯甘甜，大家一口一件，

My colleagues and I have been to the restaurant a few times now due to the close proximity to our office to pop out for lunch. Unfortunately our dining experience this time wasn't great as we all found the starter inedible which put us off the rest of our lunch. This could've been just a bad day but might be a little while till we visit again

無限時當然唔係冇限時啦，由6:30pm食到11:00pm。每位268加一，包一杯汽水。呢度最適合一家大細，有老人家同小朋友，因為呢度十分闊落，坐得舒服。檯與檯之間有正常嘅距離，成個環境唔會好嘈。但如果對於後生嘅，可能食物嘅選擇就唔係咁多。宜家出面嘅放題大大話話都幾百款野，但呢度meun得幾頁，想多選擇嘅可能就唔滿足啦。而且有d食材向幾道菜入面都重複出現，例如硯。呢度嘅重點刺身係新鮮肥美嘅，唔會用上大量冰去鎮住d魚生，我覺得咁環保d。但叫左其中一盤隻碟係暖嘅...可能廚房洗唔切掛。總括來講，如果想食得舒服，又唔想趕頭趕命，想一大班人傾下計，呢度嘅放題係唔錯嘅選擇。

同屋企人做節食飯，要揀一間價錢中價，坐得舒服，又唔可以限時嘅餐廳真係好難，唯一我只諗到係呢間，其實我地都黎咗好多年，佢水準都keep到，而且價錢都冇乜點加過。一黎到都係刺身拼盤，刺身係好新鮮，今次最值得一提，係佢個甜蝦，真係好甜好滑，平時我唔太鐘意食甜蝦刺身，好多都雪到冇味，不過佢今次真係好鮮甜。其次係我至愛嘅鴨舌，不過今次唔夠肥美，而且叫第二次時已經有好多燒到燶晒，其實都幾浪費。另外，有牛肉粒，燒得剛剛好，入面仲有少少紅紅地，好juicy, 最後要讚個燒牛舌，唔係串燒嗰隻，好香牛味，唔會太咸，味道剛剛好。

上星期，和快要離開的同事到了灣仔的一間日本料理店銀座藏人午飯。餐廳在酒店的樓下，午飯時間人客很多，常常爆滿。餐廳環境不錯， 午市時間十分繁忙， 所以人數要過半才能入座。我點了免治生吞拿魚飯配腐皮烏冬， 還有一個水蒸蛋。吞拿魚飯配上紫菜和生葱， 伴在一起， 十分好味。還有腐皮烏冬上的腐皮， 浸得很好吃。 而且烏冬的湯底， 也做得十分出色， 有滿滿的柴魚湯味。套餐飯配有餐飲和甜品， 甜品是oreo雪糕。一個餐大概百多塊， 性價比很高。總的來說，這一餐吃得十分開心十分滿足。 環境，食物，味道，服務也是一流的。

係灣仔區返工將近一年，公司飯腳們知我今日last day，特意請我黎食farewell飯。當時估唔到一間4星酒店內竟神隱呢間日本料理。要注意既係呢度午市只接受walk-in，印象每次黎都大排長龍，所以想食好西真係要趁早上黎等位。午市餐單款式層出不窮，一定唔洗怕食到悶。話雖如此，但唔知點解好想食番呢度「五目飯味噌酒粕湯松竹御膳」($100)。自從對上一次黎初嚐「味噌酒粕湯」就愛上了那份飄香既sake味，今次都唔例外。至於所謂「五目飯」其實由木魚湯、醬油、雞肉、雜菜同飯混和煮成。講真，味道平淡得黎連飯粒亦顯得有點乾身，唯一特別係當淺嚐完「味噌酒粕湯」再食口飯，口腔中的殘餘酒香令飯既味道倍感昇華。這亦是我愛上食這個餐既原因之一。對呢度炸物同刺身沒什麼評價，只係個人覺得如果能夠分碟上會更好呢。食完每人附送餐茶同雪糕，大滿足矣。

銀座藏人好食係人都知，但午餐時間要排隊都係出曬名。今日見lunch比較得閒，就決定黎呢到排一排隊等位。神奇地，一點鐘左右到既時候，去到即刻有2人台，真係太幸運啦。雖然餐牌d餐幾年都無變（價錢都好似無變），但每一次要選擇，都仲係好困難，因為真係太多選擇，可以烏冬配飯，壽司配烏冬，真係想點都得。呢到個lunch set最令人開心既就係有兩樣主食可以選擇，甘就可以食均曬想食既主食。海老天婦羅炸年糕撈烏冬壽司併盤定食- 海老天婦羅炸年糕撈烏冬： 蝦新鮮彈牙，天婦羅個炸粉好薄，正。個炸年糕好煙'銀'，好似食緊麻糬甘，好正，有成3件，會好飽，但會食唔停口。烏冬彈牙，配上清清地汁，好開胃- 茶碗蒸： 蛋好滑，入面好多配料 （有茶碗蒸係我叫呢個set既主要原因）- 壽司併盤：一般壽司既質素，個帶子好大塊，好鮮甜，係最好食牛肉烏冬鍋六件壽司定食牛肉烏冬鍋：牛肉比較'鞋'同瘦，烏冬算彈牙，都唔錯六件壽司： 三文魚同吞拿魚就普通d，但帶子真係好好食，又大塊又鮮甜另外，仲送餐飲同紅豆雪糕。紅豆雪糕好creamy，好好味。呢到set lunch份量多，又多款選擇，又好食，性價比奇高。真係讚讚讚！（不過，對女仔黎