Girlboss by Master Kama (Closed)

今日約左阿妹係市中心吹下水！諗住搵間坐得耐少少既餐廳！突然睇到餐廳新開又岩食就入黎！餐廳環境同之前 baby 應該一樣！但我地睇到佢 Menu 再用 Tea Set 架放！好好諗頭 👍🏻 當然最主要原因係慳位！我地叫左二人餐 Bossy Royal Set，個餐既缺點係冇野飲 🤣🤣我呢個係 Royal Fruit Tea，仲有檸檬綠茶！個杯都幾大，都真係預人係道傾下計！呢個係 三文魚柚子檸檬沙律，個醬汁好清新，三文魚都幾厚身！菜好新鮮 👍🏻呢個蟹肉牛油果蘋果青瓜沙律，蟹肉份量好少，但味道唔差，青蘋果好爽口！青瓜冇咩味，但全部一齊都好夾！龍蝦芝士雞翼，個醬汁用龍蝦整既芝士汁，都幾濃！雞翼唔算入味，所以要靠個汁！個表皮好脆口！呢個係 脆炸虎蝦/炸尤魚圈/紫薯片，仲配兩個醬汁，我估佢係蟹籽沙律醬同蕃茄醬！用紙包插住試管座唔方便食，我地拆開倒左落碟！煎蛋芝士牛肉漢堡窩夫，呢個都幾特別！個窩夫都好脆口！巴馬火腿4色芝士薄餅 👍🏻 芝士味勁濃！如果餅底脆身少少就完美喇！燒一口安格斯西冷、焗薯粒、烤蔬菜配法式牛油汁，牛肉粒唔錯！好香牛味！呢個就係我話既好諗頭喇，個架扼 like 🤣🤣

呢晚約左閨蜜食飯，都知一見面就傾唔停，想搵個坐得舒服既地方食下飯飲下野，呢間都算唔錯，話就話90分鐘要離開，但無人等位都可以繼續坐。我地兩個女仔無叫set，因爲怕食唔晒，所以決定散叫。呢個咁細罐既沙律，叫做蟹肉牛油果🥑沙律，牛油果、青蘋果同蟹肉係幾夾，但個份量真係......好咸、好咸、好咸（重要既野要講三次）上枱果陣好香，好吸引，但一食就.......龍蝦芝士雞翼....都好咸，個味唔係幾夾魷魚條、紫薯片、炸蝦🍤呢個小食拼盤重點係果兩個醬，個蕃茄好新鮮，個沙律醬點蝦同魷魚條都幾夾，唔錯朱古力同曲奇。個底有啫喱，朱古力沙冰都唔錯，值得推介我朋友飲朱古力加棉花糖感覺唔值40幾蚊，相對普通。

身為女強人梗係要去試下食girl boss啦完全係比佢個名吸引左。。唔理佢d野好無食 都要去打下卡有個shake shake 雞翼 有好多口味既shake shake 粉可以嗌我地揀左粟米湯！！ 好好食wo  唔會cover左個雞翼味 仲好fresh 唔覺得自己會緊既野食係會肥即刻係到諗 如果自己係屋企唔知買日本果d粟米味既湯包 做唔做到呢不過唔係好明點解dine in 就一定要食set 先有雪糕既？我地想嗌雪糕佢唔比我地嗌 話無得甘樣嗌wo

今日好得閒～所以帶媽媽出嚟屯門見下世面。🤤到咗下午茶時間大家都肚餓所以就去咗一間少女味濃嘅餐廳食個靚靚下午茶加晚餐！成間餐廳都佈滿着粉紅色同氣球💕精緻嘅茶杯滿碟再加埋舒適嘅環境😋當堂好似後生咗10年咁💕而且如果叫Bossy royal set 的話仲可以用好優惠嘅價錢知道好多嘅食物~$368 有2個沙律or 湯湯、兩個小食、一個主菜、兩個飯或者pizza！大佬呀真係講都講唔完啦⋯⋯簡直抵到爆⋯⋯👅👅👅而且上枱擺盆非常之有特色～竟然有下午茶三層架！簡直係呃like 必到之選!首先蟹肉牛油果蘋果青瓜沙律：10分清新上面鋪滿蟹肉，開胃得來又有滿足感👍🏻烤南瓜松子仁雞絲沙律：非常大份雞肉份量非常多，佢完全唔係雞絲係雞條😂又粗又大條⋯⋯抵食抵食而且雞肉唔會鞋口～加上秘製的醬汁一起食，別有一番風味，而且南瓜軟綿綿，松子香口而且脆脆的，簡直食到唔停口⋯⋯德國腸凍肉芝士拼盤：芝士就食得多但係芝士點果醬都係第一次❤️原來係好夾㗎～肉腸熱辣辣之餘仲會爆汁～再配上特色的餐碟～簡直將食物提升為藝術層次玉子燒：我選擇咗配料是龍蝦🤗玉子燒煎得啱啱好而且裏面包裹左大量龍蝦肉😳😳😳咬落去啖啖滿足又滋味⋯⋯好味燒一口安格

粉紅粉紅少女心老闆話今日要帶我去食粉紅餐廳，初初都唔知佢講乜，原來係帶我去一間充滿粉紅色既餐廳。日式雞軟骨餃子-好好食，雞軟骨口感好好食，食物上面淋左日式醬汁。shake shake bbq味薯條-佢分別會有二款薯條，呢款小食其實好普通，無乜特別，可以唔order燒一口安格斯-好好食，充滿牛油口感，連薯仔都非常好味！誠意推介黑松露野菌扁意粉-黑松露味道唔夠突出，但都可一試。

朋友話見呢間girlboss cafe by kama好似幾靚咁，之前我行荃灣廣場又見開左間成間紅色好靚食物款色又多都想試下，所以就約左間方便大家既屯門分店試下喇呢度環境同荃灣唔同，用餐位置係開放式唔係喺店內的，所以都冇乜特別既位可以靚靚咁影相。不過唔緊要我都係concern食物好落好味多啲既。睇過價錢後我地都係決定各叫一個$138既一人set, 裡面有沙律，一個主餐（意粉）,炸雞翼同薯條，一口牛，另有甜品，野飲就唔包嘅。個set 尼到之後，我倆你眼望我眼, 點解個主食意粉得咁少嘅，然後個沙律都係得一啖，最搞笑係，炸雞翼同薯條仲附微送個粉紅色紙袋同味粉，畀你shake shake講返食物質素，個茄汁意粉味道不過不失，朋友揀既黑松露都一樣，一口牛味道係好味既，有安格斯牛香味，最欣賞係呢個喇！而個shake shake 雞翼，唔加粉隻雞翼係完全冇醃過冇味既，薯條正常，但個蕃薯條味道就真係唔錯喇。最後有個甜品係一個窩夫，我地加左$5加個牛奶軟雪糕。個軟雪糕就唔係特別好味，但如果齋食個窩夫，感覺就麻麻喇，一咬落去成啖沙糖咁。總括來說，呢間餐廳性價比唔高，可能其他食物會比較好味，呢個一人set

Master Kama終於殺到黎屯門市廣場起旺角就試過Master Kama系列就特別喜愛今次開到起我屋企附近就無理由唔再繼續支持吧今次係以女性為主題的概念餐廳，裝潢特別PINK、LADY FEEL連餐具都有Girlboss by Master Kama的名，同埋金色的餐具，好Classic黎返個MENU竟然比起旺角好似仲抵食左既有個SET揀埋......個$368蚊既BOSSY ROYAL SET好正好多野揀....湯/沙律、前菜、主菜、Burger或Pasta等比起湯，我地就較有興趣試試佢地既沙津烤南瓜松子仁雞絲沙律烤南瓜會比較軟身，好容易入口，同埋松子仁非常香口..雞絲撈埋提供的黑醋汁好惹味，好開胃三文魚柚子檸檬沙律三文魚有成三四塊，估唔到會跟左兩瓣柚子肉，好清甜流心芝士龍蝦三文治之前起旺角就想食，可惜個陣就被龍蝦石頭鍋麵吸引而無選到今次就把心一劃揀左流心芝士龍蝦三文治不出所料的芝士熱騰騰的由三文治內流出，芝士味比起其實菜幾濃龍蝦一大粒一大粒咁散播左唔同的角落，好滿足~~~~香草白醬焗大蜆薯蓉想不到呢道菜都加左好多好多的芝士每一口都食到芝士味，所以好快就幾飽肚不過老實講，真的蜆落

一段時間前已經聽過係荃灣開左間好夢幻的餐廳Girlboss，餐廳以粉紅色為主，係打卡的好地方。原來餐廳早排係屯門開左分店，即刻拉埋住元朗的朋友去試下先⋯⋯元朗分店唔係好大，不過就保留左粉紅及金色的設計。除左散叫外，餐廳仲有提供兩個套餐。一個係自選套餐Bossy Royal Set，及指定套餐GirlPower Set。即2個人比多$92就可以揀自己的Best Pick食物。其中Bossy Royal Set包括了可選兩款(各半份)的菜式，岩晒想試多D款式，但又食唔到咁多野的大家。呢到有好多吸眼球的特飲，當中包括Smoothie、梳打、珍珠奶茶、水果茶⋯⋯今次我就試左杯餐廳推介的Yellow Bus(菠蘿及椰子的Smoothie)，兩種生果的味道，椰子較為重少少，菠蘿味則清清地。Bossy Royal Set包了兩份沙律，左揀右揀下，我們叫左一份蟹肉牛油果蘋果青瓜沙律及三文魚柚子檸檬玻璃杯沙律。蟹肉沙律的蟹肉好鮮甜，配埋蘋果、青瓜，個味道好夾。三文魚柚子檸檬玻璃杯沙律有D玩味，大家需要Shake沙律小瓶，令檸檬沙律汁平均分佈係沙律菜、橄欖及三文魚上。三文魚的份量好多，加埋咸香的橄欖及沙律

今日嚟試吓屯門呢間粉紅Cafe 《GirlBoss》，座位闊落，空間感👍🏻，加上仲有咁Pink 嘅裝潢，大愛💕講番食物先，今日Ordered咗GirlPower Set：有一口牛肉粒，小配菜迷你沙律，單骨雞翼，Shake Shake 薯條（薯條裡面有啲仲係炸番薯條，2種唔同口味，好脆卜卜），個意粉都係粉紅色㗎😍😍it’s cute !! 而個味道都幾Creamy，啱我口味☺️☺️另外仲有香烤焦糖黑醋豬肋骨，味道酸酸甜甜，好開胃。飲品就叫咗：檸檬蝶豆花/小國王蘋果茶～我杯蝶豆花有枝試管裝住啲檸檬汁，一倒落去，杯飲品即刻由藍色變成紫色，好靚又好玩😆最後仲叫埋個窩夫，上面有個雪糕，我哋2個女仔去食，本身其實已經食到好飽，但係食甜品有第二個胃㗎嘛！個雪糕真係好滑好好味，停唔到手😹埋單大約$358，叫咗咁多嘢食，我覺得都好抵食啊！

屯門市中心開左間好夢幻既餐廳💗🦄前身係Angelababy cafe我就無幫襯過但girlboss by master kama是以女生為主題的粉紅色餐廳，餐廳擺設到餐點部分滲透著粉紅色的元素，食物中的粉紅色全部均以天然食材染色，好吸引😍點了一個Bossy Royal Set（二人餐）　$368 同Kids set $78三層架充滿英式下午茶的感覺，可選兩款沙律或餐湯、兩款前菜、一款主菜及兩款粉飯包類。蟹肉牛油果蘋果青瓜沙律🍏🥒味道好fresh，酸酸甜甜開胃。是日餐湯蔬菜湯，啖啖粒粒蔬菜👍shake shake單骨雞翼(芝士波味粉)有得玩又惹味😋炸軟殼蟹冬陰功意大利粉🦀🍝望落個意粉以為會好淡冇咩味，點知真係好有冬陰功味，辣味又夠🌶好好味喎，意粉有口感唔會好太軟。香煎鵝肝海膽溫泉蛋飯🍜🥚(+30蚊)去到咁矜貴嘅組合，味道都唔會差得去邊仲有黑松露芝士玉子燒&燒一口安格斯西冷總之整體味道同感覺會令我再去。😋💗unicorn dream🦄🌈見到其他枱的客人飲，以為會好甜好漏，原來係波子汽水加巨峰提子沙冰，味道啱啱好唔會過甜。

唔止一次到訪呢間餐廳了，最初喺荃灣店開張不久就試過，估唔到已經開到黎屯門，真係朋友講我先知。餐廳位於3樓，之前baby cafe嗰個位，位置唔算多，簡單重新裝修過，同荃灣店嘅粉紅色主題有少少唔同，比較低調，冇咁女性化。平日晚上，客人甚多，如果想食主打嘅龍蝦產品，真係要早少少，因為我地八點鐘左右到達，龍蝦包、龍蝦湯底都沽清了二人枱比較窄，三人以上坐嘅枱會闊落啲。值得一提，當日招呼嘅全為男店員，夠醒目，亦有禮，忙得黎都照顧得到店面嘅客人。呢方面稍勝荃灣店，令我地留低深刻嘅印象餐牌供應西餐為主，有沙律、湯、小食，主食有西冷、三文魚、豬肋骨、意粉、意大利飯、薄餅、漢堡、烏冬等，人均消費約$200。之前黎過都係食左大部份人會揀嘅層架套餐，敵唔過少女心，成班女仔食嘅話可以，確實幾適合影相。但如果同行有男士，我就比較建議單點了，始終套餐份量較少。今次我地單點一份意大利飯、烏冬、小食再加兩杯飲品，就已經夠哂飽龍蝦芝士雞翼 $78一份四隻，面頭加左龍蝦芝士醬，伴上沙律，味道都唔錯。雞翼炸到香脆，肉質都仲幾嫩，不過龍蝦、芝士味都欠奉。煎帶子芝士蘆荀意大利飯 $128第一次食意大利飯，份量適中，面頭灑左少少

好耐都冇去屯門了， 對上一次應該是三年前，現在轉變了很多，而且戲院翻新了，人流亦很多👍🏻經過見到一間以粉紅色為主題的餐廳，門口有個大大嘅氣球，入面座位都爆滿了，所以我要等位😅但是很快不夠10分鐘，我就可以入去了👍🏻地方不是很大，職員都有四至五個👍🏻👍🏻蟹肉青蘋果沙律，比想像中多蟹肉，而菜都很新鮮，非常滿意軟殻蟹冬陰公意粉，味道很特別， 帶有一點辣，黑松露蟹肉玉子👍🏻我都是第一次嘗試，蟹肉都有很多，但是黑松露味就不太重，而蛋亦帶有甜味😎右邊有紫薯片，炸到卜卜脆，有紫薯的味道完全不油膩，魷魚圈都很好味，如果加一些鹽就更加好，能夠帶出魷魚的味道👍🏻龍蝦包是我最愛之一較為有驚喜第一次將龍蝦放入麵包一齊食，龍蝦肉有三件👍🏻野菌湯令我最失望，非常鹹😢😢😢太可惜了

今日黎到屯門睇戲，睇完戲就試吓呢間新嘅餐廳- Girlboss ！呢間餐廳雖然座位不算多，亦採用開放式座位設計，但只需等5分鐘就有位！這裏環境寬敞，碟也打印Girlboss標誌，很靚，配上粉紅色也印了Girlboss標誌既紙巾，簡直是充滿少女情懷的餐廳！我哋叫左一客海鮮拼盤、海膽忌廉蟹肉意粉 、牛油果海鮮前菜& 蜜瓜紳士茶！ 牛油果海鮮前菜： 很清新感覺，配上牛油果，簡直是絕配！海鮮拼盤： 有廚師自選四種海鮮，但份量太多！ 而海鮮有點沙，感覺一般！海膽忌廉蟹肉意粉： 意粉很creamy, 配上適量海膽，感覺不錯！蜜瓜紳士茶： 有濃厚既蜜瓜味，配上茶，的確是一個很新鮮的配搭！價錢不貴，又大杯，真係物超所值！

之前係荃灣食過都食過girlboss 今日係屯門睇完戲之後行過見到原來屯門都有 就即刻排隊食 排左一陣就有得入座 都幾快我地叫左個二人套餐 我以揀全份湯或者沙律2款 半份前菜2款 全份main course 1款 半份意粉/漢堡包/薄餅/意大利粉2款南瓜松子仁雞絲沙律南瓜燜到好𣺉好入味雞絲沙律加埋松子仁配搭幾清新海鮮忌廉湯海鮮配料唔算好多不過飲落味道幾鮮甜口感又creamy小食叫左龍蝦芝士雞翼雞翼炸到香脆但一啲都唔油膩面頭淋上龍蝦汁 再加上片片芝土雞肉嫩滑得嚟味道又好濃郁另一款係脆炸虎蝦炸魷魚圈紫薯片虎蝦即叫即炸 蝦肉鮮甜彈牙魷魚圈煙煙韌韌 點埋蛋黃醬 冇得彈紫薯片卜卜脆 食落好有紫薯味 主食係香烤焦糖黑醋豬肋骨 和風柚子沙律 薯條豬肋骨都幾𣺉身唔癡骨 和風柚子沙律幾清新開胃薯條有2款 有番薯嘅薯條同埋薯仔嘅薯條鱈場蟹肉香草芝士焗蟹子意大利飯半份嘅份糧都唔算少意大利飯粒夠濕潤綿密 鱈場蟹肉好新鮮意式龍蝦海鮮薄餅半分嘅份量兩個人食啱啱好龍蝦肉同海鮮均勻鋪係係Pizza上面個餅底脆脆地加上滿佈嘅芝士 整體味道非常好FlamingoKiss飲落啖啖都有士多啤梨牛奶味都好重面頭仲有奶蓋 士多啤

Tuen Mun 開分店啦終於！！！粉紅色主題既餐廳真係好岩女仔去打卡兼聚一聚兩個女仔食就叫左bossy royal set $368 其實就咁睇分量都幾多下,一定夠食兩款沙律烤南瓜松子雞絲沙律三文魚柚子檸檬玻璃杯沙律呢個有點酸酸既味，食前先蓋上搖一搖沙律有好清新既感覺，中間加左d橙南瓜幾甜，有微微烤過帶出甜味松子仁分量稍為略少個汁好清新兩款前菜shakeshake單骨雞翼白汁焗大蜆薯蓉雞翼選左香蒜味，其實隻隻味都好想試哈哈例如有章魚燒等等雞翼炸得香脆，而且單骨雞翼好方便女仔食！薯蓉剛剛焗起好香，薯蓉好滑，芝士味夠，而且好大碟一款主菜一口西冷牛配薯粒椰菜呢個主菜好好食，牛本身好有牛味唔韌，熟成度岩岩好，而且配菜好豐富，有粟米椰菜花薯仔紅蘿蔔等，減輕肉既油膩感兩款意粉／飽類炸軟殼蟹冬蔭公意粉流心芝士龍蝦三文治呢個炒意粉炒得好乾身，出面比較少食到冬蔭公炒既意粉，所以一見到就決定要一試冬蔭公味好濃好開胃，朋友食完都讚不絕口三文治本身用牛油烤過好香，芝士分量足夠，入面夾著一粒粒既龍蝦肉，好滿足服務態度好好，侍應仲主動幫我地影相打卡，值得一讚