樂心冰室

Open Now

Now Closed

成日周圍去搵正既炒滑蛋，當然都要試埋樂心皇袍叉燒飯，淨係個名都夠霸氣，皇袍同叉燒都咁出名，店內保持冰室樣，企企理理咁啦，多人一齊黎既有大卡位坐都幾正既餐牌除左滑蛋菜式外都有好多選擇，常餐多人揀，特色嘅都好多皇袍叉燒飯，當然要冒名試一試賣相一流，上枱已經好想食先講叉燒，一食就知係鮮肉，飽滿，多肉汁燒烤味濃，肥瘦適中而肉質好味，名不虛傳最正既位黎喇，滑蛋，濃厚度高，口感好正，勞蘇推薦，滑蛋加醬汁加飯醬汁唔夠可以叫佢加，唔會太咸係好正既，必食爆火腩炒一丁，個名贏左賣相其實有啲普通，但原來味道唔係炒丁炒得火侯不錯，好有鑊氣，但唔油膩份量就唔係多但味道幾好下爆火腩有驚喜，似係細塊既火腩再炸左佢，有風味偏咸但幾正 值得一試既配埋奶茶，比想像中好本身都帶住期望入嚟食，結果都無失望皇袍叉燒飯係真係要食下既，其他都唔差但就唔係平咁啦，不過銅鑼灣食嘢差唔多啦，要食下咯#皇袍鰻魚飯可能仲正#夜晚又唔係好多人

嗌咗個皇袍叉燒飯，講真我唔識煮餸都一定煮得好味過佢。叉燒無叉燒味，蛋又無味，白飯底同我落多少少汁都唔肯。真係極之求其員工態度差無禮貌，嬲到我無寫過食評都要即刻寫返個，一個咁嘅飯要$60，加熱飲要加$7真係難食到痴咗線

同事又介紹我去食好野啦，去之前有段小插曲因為我同同事分開去既，佢只係同我講皇袍皇袍，咁我地搵咗好耐啦，最後先知係 樂心冰室！佢口中皇袍，原來係餐廳入面招牌茶 皇袍叉燒飯姐係叉燒蛋飯！皇袍叉燒飯黎到都嚇咗一跳，叉燒大大件不單指 仲要半肥瘦食落唔會死咸，叉燒豬味重 蛋多到睇唔到啲飯 蛋味都十足，滑蛋炒得又唔老，豉油唔夠仲可以問侍應姐姐拎，佢拎成枝過黎任落！正呀總結，價錢雖然唔係話好平 但$60宜家係香港食到呢個質素既叉燒蛋飯，真係無得輸啦，性價比又高！

我係幫襯開你哋餐廳嘅 我剛剛去你銅鑼灣嘅餐廳買早餐 , 我話要炒蛋多士义燒通粉 , 你個收銀阿姐 即係好粗魯咁問我：你係咪要一個餐我話梗係係啦跟住佢就話你應該要叫通粉先我話我係顧客係咪要根據你哋落單嘅次序先至可以去落單呀跟住仲去喺度駁嘴, bili bala我話你係咪仲要講呀 佢先收口跟住有個著住“聯威餐廳”嘅阿叔, 行到我好近, 睥到我實, 慢慢先行開跟住又有個阿嬸侍應, 又係走埋嚟睥到我實講真你哋間餐廳呢個時段 生意已經少咗你哋啲服務仲要咁樣咁即係又少我一個客啦

#樂心冰室 --🏆皇袍鰻魚飯$78好足料啊！好大舊鰻魚！滑蛋厚身亦好滑，食落好juicy💦💦好味指數：9.2/10-🍗皇袍雞脾飯$63賣相好睇之外，雞脾都好大隻！雞脾味道岩岩好唔會太咸，如果juicy d就好啦👀好味指數：8/10好味指數：9.2/10抵食程度：7.710回頭度： 8.8/10————————————————————————📍地點：銅鑼灣渣甸街54-58號地下📞電話：29727811⏰營業時間：星期一至星期日 07:00-00:00#美食 #foodie#銅鑼灣美食 #美食 #香港#香港美食#滑蛋鰻魚飯 #滑蛋雞脾飯#雞脾#hongkong #food #foodssss___

因為台灣朋友來港想帶他食港式地道一點的茶餐廳呢類餐廳在銅鑼灣選擇唔多樂心冰室價錢起碼無X華咁貴就來試試吧皇袍叉燒飯個名幾得意原來是一大片炒蛋蓋在飯上炒蛋都幾滑叉燒切得幾厚身台灣朋友覺得好味我自己就點了個至尊三寶湯意粉即魚腐，手打牛丸和墨魚丸味道不過不失如果是配河粉就更加港式了湯意粉始終配沙爹牛肉先夾環境方面確是非常港式風味卡座位很多亦非常寬敞

係銅鑼灣呢個商業地帶區有大眾化價錢既樂心冰室，係翻工午餐的好選擇 ！基本上我去親冰室大部份都係會叫常餐，當然今日第一次試呢間餐廳我也不另外叫個常餐啦！常餐不外乎都係一個麵再加份炒蛋多士，點知呢度有驚喜噃！首先叉燒麵（可以選擇意粉或通粉）再黎就係火腿蛋，又有得比我再揀（可以選擇炒蛋或煎蛋）最後，當然吾少得個麵包啦，個侍應再話有得揀噃，你要邊樣？心想又揀咩呢？原來可以選擇餐包或牛油多士😍開餐啦開餐啦！叉燒通粉，肥瘦比例剛剛好，好軟身好易入口。火腿炒蛋，口感香滑一食就知有落牛奶去煮。餐包，餐包夠熱所以好好食。以後午餐好去處就多左一個選擇啦！

呢排差唔多每一日收工之後都要落 #銅鑼灣 做啲私人嘢先返屋企 ，為咗唔想mammy等食飯，我多數會dinner alone 食飽先上巴士🚌呢日嚟到「樂心冰室」，諗住簡簡單單食啲嘢就走，點知原來 #晚餐 嘅價錢比我平時幫襯開嘅 #下午茶餐 貴好多。雖然個 #豬扒飯餐 有嘢飲，但係細細兜飯就都要$62，對 #小秘書 來講似乎消費高咗D🤔 等咗大概10分鐘，#焗豬扒飯 跟 #奶茶 終於到，焗飯嘅份量以晚餐嚟講，真係比較迷你，不過啲豬扒又幾好味嘅，飯底配埋啲蕃茄醬同配菜一齊焗，好香口😋 而茶味亦都唔錯。最緊要係餐廳位置好近我返屋企個巴士站，餐廳裡面亦比較寬敞，間中一次半次食貴啲啲無所謂啦！

今日去咗銅鑼灣開會，開完會已經十二點幾。唔熟呢頭兼唔使出錢，被帶咗去一間叫樂心冰室嘅茶記。一入到去我話三位，搭咗去一張長枱，咁都唔緊要。另外兩個食緊煙，我坐咗唔夠一分鐘，有個呀生一位入黎，店員叫佢搭埋黎。我話我三位喎，佢話繁忙時間係咁啦，我話坐唔落呢，佢係都叫呀生坐落黎，我即刻想走人唔食！ 呢個時候兩個朋友入黎一見咁嘅情況，就話三位去咗另一張枱...如是者就叫野食啦，開得起呢度又叫冰室都唔慌好野，叫個撈丁應該冇伏掛。放是叫咗咖哩腩撈丁同凍檸茶少甜少冰。一望見碟撈丁我當堂嚇咗跳，然後得啖笑...係一碟丁麵+水汪汪嘅咖哩+白灼牛腩同薯仔...冇錯，佢地只係將四樣野擺埋一齊就上比人食，毫無煮食意義。一食落去，各自有各自味道，毫不相干，水汪汪，淡而無味。咖哩冇咖哩味，佢想整馬來咖哩，一來底料唔夠，二來加水翻煮得太多，變到水咁牛腩同薯仔都冇炆過，一睇就知過水白灼完備用咗好耐...因為太餓關係食咗幾啖，如果唔係真係食一啖都唔要...至於檸茶，少甜都甜死人，味道平庸，不過不失。如果檸檬茶都可以難飲，我真係唔知佢點可以經營落去成七十蚊真心覺得比貴廿蚊過附近就拉麵好過呢碗所謂撈麵多多聲...正宗比錢買難

如果唔係地理位置方便，係盡對勸導大家唔需要黎1) 侍應態度散慢，掛住玩電話2) 食物質素垃圾，多士凍食只係勝在地址方便，環境以茶餐廳黎講算寬敞，但係真係垃圾，可免則免！

今次係第二次幫襯，上次食佢嘅招牌🍅牛肉通唔錯，今朝再嚟食個早餐。 都係港色嘢啦，但本人最愛。牛油多士煎雙蛋，塊多士係熱同香口💖, 嗌咗叉燒通(因為得火腿同叉燒2款)，早餐＋又唔係燒味茶廳所以我都唔期望叉燒會好食 , 之但係..個通粉係我比較少遇上而又鐘意既“冇坑細細粒”通粉呀。。有彈性好多咖。。今日有luck呀 !😆。 點解我咁鐘意茶餐廳，因為杯凍0T 呀，本人要走甜所以杯茶好緊要，LI 樹都好OK 茶濃清澈冇澀味d 冰啱啱好👏。 嘆茶時候抬頭一望，間嘢舊式得嚟好乾淨，最後留意吓d 3至4人長既卡位好少有咖😋😋。

一早因事到了銅鑼灣，順道入了這間《樂心冰室》吃早餐。叫了一份$38的早餐，包括火腿通粉、鮮奶炒滑蛋多士及即磨咖啡。火腿通粉湯底頗為滋味，通粉軟硬度適中，味道不錯。鮮奶炒滑蛋多士，炒蛋夠蛋味，口感香滑。多士香脆鬆化，加上滑蛋一齊食就更好食。即磨咖啡夠香夠醇。整體來説整份早餐各樣味道都幾好，而且 $38這價錢在銅鑼灣來説亦算合理。

-皇袍鰻魚飯（$78）： 炒滑蛋🥚 + 大大塊嘅鰻魚🐟，上面淋埋瑞士🇨🇭汁。 賣相靚得嚟又夠好食！！！ 小插曲：隔離檯姐姐👩都走過嚟話：「碟鰻魚飯好靚好大件喎！ 美國🇺🇸食條鰻魚要十幾蚊美金呀！！」常餐（$44）即燒叉燒意粉🍝： 厚切叉燒， 食落口啖啖肉。 意粉硬度適中，辣妹嘅我當然加埋辣椒油嚟食，帶出叉燒嘅香味啦。 火腿鮮奶炒滑蛋🥚、牛油多士🍞： 值得一讚鮮奶炒滑蛋真係好香好滑，食咗落肚好似覺得皮膚都滑咗。 即磨咖啡☕：大量卡位Menu 多選擇=====================樂心冰室地址: 銅鑼灣渣甸街54-58號地下

夜晚十點鐘先放學真係好攰，仲要好肚餓😖呢日男朋友過嚟等我放學一齊食飯☺️咁夜選擇唔多，又唔想食得太heavy，於是搵咗附近一間茶餐廳食個常餐醫醫肚。⭐️叉燒通粉大大碟，湯夠味，叉燒一定唔會有平時燒味鋪咁好食㗎喇😂冇咩肉汁，肉質有啲鞋。常餐跟嘅火腿蛋多士。⭐️熱檸茶正常茶餐廳味道，茶味夠濃，唔澀。⭐️鮮茄焗豬扒飯男朋友個焗飯唔錯喎，多茄汁，多芝士，個飯甜得嚟唔會好酸，好開胃。豬扒份量都唔少，不過豬扒本身唔夠味，好似冇咩點腌過咁。⭐️咖央多士多士烘得香脆內軟。

Went for the all day set which at $44 includes: Barbecued pork with macaroni. Then ham, egg and toast plus a drink. Brilliant value! Very local vibe but with english translations on the menu very easy to order. The ham egg and toast was good, i opted for a scrambled egg which was fluffy and still slightly runny. The barbecued pork was average but for $44 cant really complain!