樂心冰室

Open Now

Now Closed

黃袍义燒飯，即飯面放有大大幅的滑蛋，中間還是流心的。另厚切义燒大大嚿，甜甜哋又很軟冧入味的义燒。鮮茄焗豬扒飯，由於是焗的，必須等久一些。但也是值得，焗得微焦的豬扒，焦香令豬扒更香脆，而且巳切好一塊塊方便進食。兩個飯的份量都相當多，如唔太大食，3人分來吃也可。朋友唔太餓，叫了生菜墨魚丸$45，有5粒墨丸，都是上價貨，能吃到粒粒墨魚肉。還包茶，算是ok的。茶餐有义燒湯意粉和牛油多士配火腿鮮奶炒滑蛋，與早餐的相似，义燒屬較瘦的類別，相比下沒有黃袍义燒飯的义燒那麼juicy，當然是一分錢一分貨呢。

呢間野喺銅鑼灣渣甸街，係一間永世都唔應該再嚟嘅茶餐廳。原因有好多並唔係食物嘅質素問題，餐廳裝修都冇問題，光線都充足嘅，最大最大嘅問題係員工。雖然明白茶餐廳唔應該有高要求，但係員工態度連正常都比唔上。雖然唔係全部都有問題，但係一粒老鼠屎足以整壞一煲粥。事緣係叫咗一個晚餐，等左30分鐘，個晚餐跟一個湯一個飯，佢話冇碗，所以唔俾湯同飯，仲要話咁冇碗呀嘛咁你想點呀，其實點解唔用下個腦諗，俾隻碟咪得囉，飯係咪一定要用碗裝，員工態度超級惡劣，永世不再來！！

係銅鑼灣想搵間茶記/冰室 選擇其實唔算太多 呢間位於渣甸街既樂心冰室 賣懷舊feel既裝修 環境就唔錯 唔知食物又點呢？一入去就比佢既皇袍系列吸引 其實姐係滑蛋飯 佢有三種皇袍飯既 分別係叉燒 鰻魚 雞脾 之前試過因爲雞脾賣哂轉食皇袍叉燒飯變左惡夢佢既叉燒睇落個色澤黑黑地 食落去係腍身既但有陣油膩既味道今次再比多次機會佢 試下上次去賣哂既皇袍雞脾飯炒滑蛋覆蓋左成個飯 面頭同飯底都淋左甜豉油汁蛋唔算滑身 但食得出有蛋味 而且佢係厚蛋黎 份量都幾多主角豉油雞脾滷得入味又唔會過鹹 都啖啖肉架！不過肉質就有少少乾 扣左啲分 整體來講都唔錯喎比起皇袍叉燒 呢個皇袍雞脾可以一戰

放假買左飛睇戲，時間較趕就揀左間茶記咋咋林食飽就走本身以為入得茶記就預咗服務態度一般，點知又幾ok喎，吾會催客落單睇個餐牌，價錢偏貴，心諗比咁貴食茶記，有d肉赤最後叫左個皇袍叉燒飯&瑞士汁炒牛河，味道真心吾錯，下次趕時間都會考慮再食皇袍叉燒飯 4/5分蛋好滑，分量好多，不過略嫌蛋味吾突出我中意食薄切叉燒嘅，但佢依個厚切非常出色，厚切得黎但成舊都好入味，又夠林，呢舊叉燒我比滿分丫👍🏻👍🏻因為太多蛋嘅關係，女仔食一半已經覺得幾漏下瑞士汁炒牛河 5/5分真係好耐冇食過好食嘅乾炒牛河，呢碟掟丫！乾炒牛河就肯定肥㗎啦，佢呢碟算係冇咁油㗎啦，重點係條條河粉都入味丫，牛肉就正正常常依家太多裝修靚，有gimmick嘅餐廳，個人平時都prefer特式餐廳多過茶記。原本我冇expect過入黎茶記食到有驚喜嘅野，又估佢吾到幾好食喎！雖然價錢有d貴，但食物分量，味道絕對值得！

聽講銅鑼灣有兩三間茶記都以滑蛋飯系列黎做招來。我就唔知邊一個先係正宗，今次就黎樂心試一試呢個皇袍叉燒飯。先講一講服務先，旅客區茶餐廳我都驚驚地，但係呢間又真係唔算差。起碼無話吹人落單。呢度以懷舊裝修為主，感覺都真係幾似舊式茶記。入重點，呢度個個叉燒飯就咁睇賣相都好正。份量唔少，七大舊厚切。肉質極之淋身，但係唔覺肥。而外面唔見唔話燒到好柴。同一般食到嘅叉燒真係無得比。而個滑蛋就唔老，不過真係無包住個飯哂個飯，佢地嘅做法同日式果隻係唔同嘅。而個汁就咸咸甜甜咁，無話好特別。飯本身就咩特別，不過不失。整體上，成個飯係幾吸引，成個配答都唔錯。唯一係偏貴左啲。

黃袍鰻魚飯連熱飲$78 - 以日本鰻魚飯來說價錢算實惠；如果美味指數本人覺得「ok啦」，希望加多點帶微甜的鰻魚汁會更好。份量方面，未至於一個人吃不完的份量，本人覺得剛剛好。奶茶方面，今次下奶太多蓋過了茶香味，盼改進一下，因之前喝過沒那麼多奶的。整體而言，本人給2.5星，中等。

今日和朋友在銅鑼灣購物到很晚不知道吃什麼好 因為只想吃一點點 不想吃太飽 走來走去 選了很多家店 都沒選好！最後看到這家冰室！不如吃個常餐好了！常餐的通粉是我最愛！什麼時候吃都可以哈哈！這是香港人的特色嗎？平常我一般會吃沙嗲牛肉通粉叫了這個叉燒通粉，還有炒蛋、多士和火腿。通粉份量好像有點少，還有在餐牌上寫的即燒叉燒好像有點圖文不一，整個套餐整體沒有很好吃 還要$44 感覺不太良好，下次還是去找家知名點的冰室才好

這天中午時份打算吃個簡單的常餐才去辦事，友人記起多年前光顧過樂心冰室就提議我們試試。看到皇袍叉燒飯的滑蛋相當吸引，但又難抵炒蛋多士的引誘，於是點了兩個常餐！常餐包括即燒叉燒通粉/意粉、火腿鮮奶炒蛋、牛油多士、即磨咖啡/香滑奶茶。跟侍應下單後，不消5分鐘就已經陸續送上了，速度奇快，友人大讚好效率 哈哈！多士烘的香脆，而且塗滿了牛油，邪惡又滋味！雞蛋亦不錯，炒的挺香滑嫩口。但可惜的是叉燒通粉就比較失色。叉燒很厚切又沒什麼味道，而湯頭也比較淡味，整體很失望。而餐飲我們點了茶走。質地尚算滑溜，味道略為過甜，同時少了點茶味。

食過晚餐又食過下午茶。餐廳地方大，地方算乾淨。下午茶叫左個豉油雞脾沙律，這種薯仔沙律絕對係我的童年回憶。另外，晚餐也叫左個常餐义燒通粉，好多食客叫哩個餐！义燒夠厚夠香，唔係薄EE個種，湯底夠味，個蛋夠熱，牛油多士夠香夠翠，食完半件真係唔夠喉，太好味，唔知點解禁簡單食材可以整得禁好食，自己係屋企永遠做唔到🤔🤔🤔檸茶夠熱夠清香，是傳統茶餐廳的味道👍👍👍以銅鑼灣來説，下午茶和晚餐的價錢和質素算性價比高，值得推薦！

其實都幫襯過不下廿次，每次想食嘅原因都係因為個炒蛋！對於我來講其他都只不過係配角例牌坐低叫個常餐先！👇🏻叉燒通粉半肥瘦叉燒，軟硬適中，唔會瘦得滯變得太乾硬又唔會淡淡肥膏。通粉亦都不會煮得太淋剛剛好火煺炒蛋牛油多士多士焗到脆卜卜，又無燶火煺一向唔中意食，所以不comment炒蛋👇🏻 隔住個mon都覺得佢炒得好滑，每次水準都好穩定，從未令我失望，入口個口感好豐富，兩啖食晒鴛鴦 - 咖啡加奶茶，佢用嘅咖啡仲要係即磨架！誠意誠意！(是有少少奶泡在面)埋單 $44銅鑼灣食個午飯黎講，算係幾經濟！

友人相約銅鑼灣食晏，見到一間1978年成立的冰室，即管試一試佢。Lunch hour 非常多人，一定要搭台。感覺好似佐敦的澳牛，走廊闊落D。樂心冰室的黃牌係黯然銷魂叉燒+炒蛋底。今次無嗌到，要比較的 就揀左常餐。叉燒都幾好食，唔干身，都有juicy的感覺。快餐質素算是上等 但份量好少。嗰哄底多士都不俗，配上一口香滑的茶走，港式味道出曬來。嗰炒蛋火候啱啱好，加上雞蛋本身係靓嘢，蛋味都幾出。可以覆桌的選擇。

飲品界當然係黑糖珍奶作主導，但正餐終歸正餐，此中係要食飯，當中茶餐廳潮流文化轉變為食黯然叉燒飯，煎蛋、炒蛋、慢煮叉燒各類都有。然已，不小茶餐廳本身不是做開呢樣嘢既都加入戰團，所以當中質素差既不計其數。好似大家只要做呢個飯都會爭風過去試下，其實又有幾多做個舊叉燒係好食？䜴油味道做得夠香？實在沒有做到超水準，呢到‘樂心冰室’ 算係一個做得不錯既，當然呢到係潮流前已經開始做，以前更加有得散叫慢煮西班牙叉燒，當時既質素係更妙，但呢家都算係唔錯，都叫食得下。大家食完就可以慢慢去排珍奶啦。

放假行銅記行到餓，去燈籠行見到大大小小茶餐廳見到樂心冰室嘅黃袍叉燒飯就流晒口水餐廳食物選擇都幾多下招牌重點-黃袍叉燒飯叉燒同平時食開嘅味道唔同，呢度嘅比較重豉油味，加埋個厚蛋底真係大滿足至於咖哩雞飯就平平無奇喇

一早到銅鑼灣揾食為先，才去工作。銅鑼灣見有咁大間的茶餐室，入內見全是卡位式設計，乾乾淨淨，地方亦寬敞，坐得幾舒服。义燒湯意粉，义燒沒有過多的染色，肉質鬆軟，非一般的平價貨，意粉雖浸在湯中，也是做到靱度適中，沒有過度發脹。鮮奶炒滑蛋，蛋炒得剛好很滑，仍有流心狀。牛油多士，烘得香脆，牛油亦多。奶茶茶味唔錯，而且茶味較奶味香濃。平常飲奶茶會有胃脹，今次卻沒有的。早餐到12 時，如放早吃飯可能都可吃得到呢！

我同同事收工諗住搵間餐廳食晚餐 搵左一陣就搵到呢間茶記 一入到去第一件要講既事 就係要強調呢間餐廳環境真係好乾淨企理 無論係地面 桌面 餐廳櫃檯等都好乾淨 沒有食物殘渣殘留係桌面等地方 連D餐具都係整整齊齊都曬放係抽屜 係香港難得一見比較乾淨既茶記有乾淨企理既環境 食飯都食得舒服d啦 即該落單先 我叫左一份西蘭花炒花枝(即係魷魚) 同事就叫左皇袍叉燒飯 小菜套餐有中湯或者飲品可以選擇 叉燒飯既話就送野飲 我叫左中湯 朋友叫左涼粉紅豆冰一開始就黎左碗中湯先 湯入面有粟米紅蘿蔔雪耳 都幾足料 一D都唔油膩 清清淡淡好開胃 朋友杯紅豆 涼粉都好大杯 未食野飲左三分一杯都話已經有D飽 點知碗叉燒飯黎到果陣真係嚇親 塊炒蛋仲大過塊面 上面叉燒全部都係厚切大大舊 白飯量唔算太多 我個friend話食曬岩岩好因為杯紅豆冰好大杯 隔無幾耐我碟小菜就黎到 食果陣碟小菜都係熱辣辣 魷魚煮到好軟腍 西蘭花有鑊氣 食得出有係鑊入面快炒 殘留食物表面淡淡焦物及焦味 同埋西蘭花都好大份 所以食完個下都真係幾飽之後同同事坐係到吹左一陣水 坐下坐下又想食甜品 我地叫左一份蓮子奶凍 一份什果奶凍 奶凍有很濃既牛奶味 食